BURDANG LUMBAN: Sinulid ng kasaysayan, Burda ng kaunlaran
Burdang Lumban—dito kilala ang aming bayan.
Paano ba ito nagsimula? Bakit tanyag ang
aming bayan sa larangan ng pagbuburda?
Ano ang sinulid ng kasaysayan? Paanong
pagbuburda ang nag sanhi ng kaunlaran? Sa
hapit ng tela, sa malikhaing kaisipan ng
nagbuburda, ang sinulid ng pag-asa, ang
karayom na tumuturok hindi lang sa tela kundi
sa palad rin ng mananahi, at ang nag-aalab na
pagnanais ng mga burdaderong Lumbeño na
mabuong elegante ang katha na matitipuhan
ng masa.
Ang kanyang kasaysayan na nanulas
sa bibig ng mga matatanda na nagpasalin-
salin sa iba’t ibang henerasyon. Ang burdang
Lumban ay pinasimulan ng mga madre mula
sa orden ng Pransiskano ay nagturo ng
pananahi sa pamayanan upang ang mga
asawa ng mga mangingisda at magsasaka ay
may magawa sa kanilang mga libreng oras.
Ipinakilala rin ito sa mga batang babae sa mga
relihiyosong bahay at paaralan
pinamamahalaan ng mga misyonero. Sa
kadahilanan na madami ang nahumaling at
naengganyo sa kagandahan ng pagbuburda,
ito ay itinuro hindi lamang sa kababaihan kundi
maging sa mga kalalakihan. Ang burdang
Lumban ay natatangi na kung ito
ihahalintulad sa isang babae ay masasabi na
ito ay walang kasing ganda. Sapagkat ito ay
manomanong ginagawa sa kamay; ang tela ng
Barong ay naka ipit sa isang pares ng tambor
na gawa sa yantok na kawayan at saka
masusi’ng ibinuburda ang mga disenyo gamit
ang karayom na may lilip ng sinulid na
mistulang sumasaliw sa isang musika sa ritmo
ng daliri ng mananahi. Sa pagbuburda ng
mga Lumbeño ay napag-tapos nila
pagaaral ang kanilang mga anak.
pagbuburda rin ay maraming pangarap ang
natupad na siyang naging daan upang
maitaguyod ng isang mag-aaral ang kanyang
pag-aaral na makapagtapos ng pag-aaral at
maging maayos ang buhay.
Sa kasalukuyan panahon, may ibat-
ibang pang proseso ng pagdidisenyo ng mga
barong; mayroong modernong paraan na
computerized Embroidery at mano-manong
pagpipinta. Sa pagiging malikhain na kaisipan
ng mga burdadero nabubuo ang mga disenyo
at nailalapat ng mga burdaderong Lumbeño sa
mga tela ng Barong, na may ibat-ibang
kahulugan at simbolismo sa bawat disenyong
nilikha. Kung kaya tinagurian itong
‘Embroidery Capital of The Philippines’ dahil
sa maganda at natatangi nitong katangianSa
kasalukuyang panahon, ang burdang Lumban
ay nakikipagpaligsahan sa kagandahan at
tibay sa iba pang probinsya ang may produkto
ng Barong dito sa Pilipinas tulad ng Bulacan at
Batangas. Subalit dahil sa angking
kagandahan ng yaring burdang Lumban, na
na nahahalina ang ibat ibang personalidad ng
bansa. Sa katunayan niyan ay nagsuot ng
Burdang callado na nagmula pa sa bayan ng
Lumban si Miss Universe 2018 Catriona Gray
noong siya ay sumalang sa Miss Universe
noong taong 2018. May mga politiko rin na
ay sumasadya sa aming bayan tulad ni Star for
All Season na Gobernador ng Batangas na si
Gov. sumasadya sa aming bayan tulad ni Star
for All Season na Gobernador ng Batangas na
si Gov. Vilma Santos upang magpagawa at
bumili ng lokal na produktong ito. Marami ang
tumatangkilik sa produktong ipinagmamalaki
ng aking bayang Lumban. Ang Burdang
Lumban ang naging daan ng bayan sa
pagkakaroon ng benepisyo at pag-unlad ng
sa mga mamamayan. Sa bayan ng Lumban, ang
Sa sinulid ng kasaysayan ay ang burda ng
kaunlaran. At bilang isang Lumbeño,
maipagmamalaki ko ito!