Ang buhay na ipinagkaloob sa atin ay maituturing nating regalo na karapat-dapat nating pahalagan at ipagpasalamat sa Maykapal. Ngunit, bakit marami sa ating mga tao ang nais na mag-palaglag o mag-aborsyon sa kanilang ipinaglilihi? Alam kong maraming rason ang mga taong nais na gawin ang ganitong bagay ngunit ako’y naniniwalang ang pagpapalaglag ng anak ay isang paglabag sa buhay at ipaglalaban ko kung bakit ako hindi sumasang-ayon sa aborsyon. Ang aborsyon ay ang pagkitil ng buhay ng sanggol na sinapupunan pa lamang at ito’y kadalasan sinasadyang pagtanggal ng fetus o Embryo mula sa sinapupunan ng isang buntis na tao. Ang ganitong gawain ay puwedeng mangyari ng biglaan gaya ng isang babae na nalaman niyang siya ay buntis. Ayon sa isang report mula sa Guttmacher Institute noong 2005 na naitala ni Fatima Juarez, mahigit 500,000 na kababaihan ang nagpapa-abort kada taon na kung saan ang ilan sa mga ito ay nanggaling sa illegal na pamamaraan. Ang aborsyon ay isang krimen. Ang aborsyon ay ang pagkitil sa buhay ng sanggol sa sinapupunan. Ang bata ay likha ng Maykapal. Maaari nating sabihin na ang bata ay nanggaling sa kasalanan tulad ng rape, walang kalam-alam ang sanggol na siya ay nabuo sa masama. Dito sa Pilipinas, bawal ang aborsyon o pagpapalaglag at ang paglabag dito ay nangangaluhugan ng pagkulong. Nakasaad sa Artikulo 2 ng 1987 Saligang Batas ng Pilipinas sa Seksyon 12 ay protektado ng batas ang buhay ng kapwa ina at ng hindi naisisilang na sanggol mula sa paglilihi. Karamihan sa mga taong gumagawa ng paraan na ito ay nakakatakas sa batas o sa krimen na kanilang nagawa. Hindi lamang ang ina ang puwedeng lumabag pati na rin ang mga doctor na nagsagawa ng pamamaraan na iyon. Ang mga doctor ang dapat na sumalba sa buhay ng isang tao at hindi ang pumutay ng kapwa tao. Base sa aking mga nasaliksik, maraming masasamang epekto ang aborsyon sa kalusugan at mental stabilidad sa mga kababaihan. Ilan sa mga kababaihang dumaan sa ganitong proseso ay nakaranas ng mga masasamang epekto. Tiyak na walang patutunguhan ang pagpapalaglag. Lumabag ka na nga sa buhay, nasira pa ang iyong katawan. Sa ganitong kalagayan ng kababaihan, kailangan sila ay ating gabayan at pagtuonan ng atensyon upang sila’y makabalik sa normal at upang matuto. Maaaring may mga taong sumasang-ayon sa aborsyon ngunit dapat nating tandaan na masama ang pagpapalaglag. Ito ay hindi makatarungang paraan sapagkat iyong kinikitil ang isang sanggol na nanggaling sa iyong sinapupunan na hindi pa naisisilang lalo’t galling ito sa iyong sariling dugo at laman. Sabi nga nila “Abortion kills the life of a baby after it has begun”. Bilang konklusyon, ito ay isang illegal na pamamaraan na kung saan kinikitil mo ang buhay ng isang sanggol na hindi pa naisisilang. Ito ay isang krimen. At ang paraan na ito ay nakapagbibigay ng masasamang epekto sa buhay ng isang kababaihan na naglilihi. Sabi nga nila “Abortion kills the life of a baby after it has begun” kaya labis akong hindi sumasang-ayon sa pagpapalaglag o aborsyon.