URUBANZA RDPA 00142/2023/TGI/NYGE URUPAPURO RWA 1

URUKIKO RW’ISUMBUYE RWA NYARUGENGE, RURI I NYARUGENGE

RUHABURANISHIRIZA IMANZA KU IFUNGWA N’IFUNGURWA RY’AGATEGANYO,
RUFASHE ICYEMEZO MU RUHAME MU RUBANZA RDPA 00142/2023/TGI/NYGE
NONE KUWA 21/3/2023 MU BURYO BUKURIKIRA:

HABURANA:

UBUSHINJACYAHA ku Rwego Rwisumbuye rwa Nyarugenge.

ABACYEKWAHO ICYAHA :

NIYOGUSHIMWA Elysee mwene NTAKIYIMANA Sylver na

MUKARUTINYWA Venantie wavutse kuwa 01/08/2005, ufite telefoni
0791967133, wavukiye mu mudugudu wa Karuhaana, Akagali ka Mugera,
Umurenge wa Shangi, Akarere ka Nyamasheke, Intara y’Uburengerazuba, ubu
akaba atuye mu mudugudu w’Abatarushwa, Akagali ka Rwezamenyo I, Umurenge
wa Rwezamenyo, Akarere ka Nyarugenge, Intara y’Umujyi wa Kigali, akurikiranwe
afungiye muri kasho ya Police, yunganiwe na Me Olivier Karangwa, ufite telefoni
0788440371

Bora IMANI mwene NDAGIJIMANA Jean Baptiste na MUKANTAGANDA

Sophie, ufite irangamuntu nimero 1199480101707080 na telefoni 0785138342,
wavukiye mu mudugudu wa Bwiza, Akagali ka Nyamugari, Umurenge wa Gatsata,
Akarere ka Gasabo, Umujyi wa Kigali, ubu akaba atuye mu mudugudu wa Buhoro,
Akagali ka Kabuguru II, Umurenge wa Rwezamenyo, Akarere ka Nyarugenge,
Intara y’Umujyi wa Kigali, akurikiranwe afungiye muri kasho ya Police, yunganiwe
na Me Olivier Karangwa, ufite telefoni 0788440371,
ICYAHA BAKEKWAHO:

Gukubita cyangwa gukomeretsa byateye urupfu, icyaha giteganwa kandi

kigahanishwa ingingo ya 121 y’itegeko nº 68/2018 ryo ku wa 30/08/2018 riteganya
ibyaha n’ibihano muri rusange.(Kujuririra icyemezo RDP 00179/2023/TB/NYGE
cyafashwe ku wa 28/02/2022 n’Urukiko rw’Ibanze rwa Nyarugenge).

_____________________________________________________________________________
URUBANZA RDPA 00142/2023/TGI/NYGE URUPAPURO RWA 2

I.IMITERERE Y’URUBANZA.

[1] Uru rubanza rukomoka ku cyemezo RDP 00179/2022/TB/NYGE, cyafashwe ku

wa 28/02/2023 n’Urukiko rw’Ibanze rwa Nyarugenge), NIYOGUSHIMWA Elysee na
BORA Amani bacyekwaho icyaha cyo gukubita no gukomeretsa byateye urupfu
HAKIZIMANA Jean Claude ;

[2] Ku wa 28/02/2023, NIYOGUSHIMWA Elysee na BORA Amani yafatiwe icyemezo

kimufunga by’agateganyo kuko hari impamvu zikomeye zituma hakewako icyaha
bacyekwaho bagikoze.

[3] NIYOGUSHIMWA Elysee na BORA Amani bajuririra Urukiko Rwisumbuye basaba

kurekurwa by’agateganyo bagakurikiranwa bari hanze kuko nta mpamvu zikomeye
zituma bakomeza gukurikiranwa bafunzwe by’agateganyo.
[4] Ikibazo kigomba gusuzumwa muri uru rubanza :
 Kumenya niba hari impamvu zikomeye zituma NIYOGUSHIMWA Elysee
na Bora IMANI bakomeza gukurikiranywa bafunze by’agatenyo.
II. ISESENGURA RY’IBIBAZO BIGIZE URUBANZA.
 Kumenya niba hari impamvu zikomeye zituma NIYOGUSHIMWA Elysee
na Bora IMANI bakomeza gukurikiranywa bafunzwe by’agateganyo.

[5] Ingingo ya 66 y’itegeko Nº 027/2019 ryo ku wa 19/09/2019 ryerekeye

imiburanishirize y’imanza z’inshinjabyaha idategeka ko ukekwaho icyaha
akurikiranwa afunzwe ahubwo ivuga neza ko ihame ari ugukurikiranwa adafunzwe.
Naho ingingo ya 80 y’iryo tegeko ikavuga ko nubwo haba hari impamvu zikomeye,
umucamanza ashobora gufata icyemezo cyo gufungura by’agateganyo ukekwaho
icyaha akamutegeka ibyo agomba kubahiriza. Izi ngingo zumvikanisha neza igihe
umuntu yakurikiranywa afunze by’agateganyo cyangwa igihe yakurikiranywa ari
hanze ariko hari impamvu zikomeye zituma akekwaho icyaha akurikiranyweho
n’ubushinjacyaha.

[6] BORA Amani avuga ko impamvu zatumye ajurira ari uko mu Rukiko rw’Ibanze
rwa Nyarugenge, umucamanza yari yavuze ko ategereje ikizamini cya Autopsie
kigaragaza uwapfuye icyo yazize, icyo kizamini cyarabonetse kigaragza ko
URUBANZA RDPA 00142/2023/TGI/NYGE URUPAPURO RWA 3

uwapfuye yishwe n'indwara, asaba kurekurwa akazaburana ari hanze, ko icyemezo

kibafunga nacyo gishigiye ku mvugo z'abatangabuhamya batari bahari.
[7] NIYOGUSHIMWA Elysee avuga ko impamu zatumye ajurira ari uko njurira ni uko
autopisie yagaragaje ko uwo muntu yishwe n'indwara kandi na raporo y'umudugudu
igaragaza ko ntawigeze amukubita.
[8] Me KARANGWA Olivier wunganira abarega avuga ko icyemezo cyafahwe na
n’Urukiko rw’Ibanze rwa Nyarugenge gifunga abo yunganira cyashingiye ku
batangabuhamya kandi itegeko ry'ibimenyetso riteganya ko umutangabuhamya
avuga ibyo yabonye.Urukiko rwari rwaravuze ko rutegereza raporo ya autopsie
kandi ikaba yaraje igaragaza ko pertonitis ariyo yishe nyakwigendera kandi iki ni
ikimenyetso cyatanzwe n'umuhanga. Nimureba muri iyo raporo murasanga
uwapfuye yarapfuye kubera urupfu rusanzwe (natural death) rero nta mpamvu
zikomeye zatuma abo yunganira bakekwaho icyaha. Ihame ni uko umuntu
akurikiranwa adafunze kandi asaba Urukiko rwashingira ku ngingo ya 80 y’itegeko
Nº 027/2019 ryo ku wa 19/09/2019 ryerekeye imiburanishirize y’imanza
z’inshinjabyaha kuko Urukiko rwababona igihe rubashakiye, ikindi ni uko abo
yunganira basaba ko bakurikiranwa bari hanze kuko ibyo abahanga bavuga
bigaragaza ko ntaruhare bafite muri uru rupfu.
[9] Uhagarariye ubushinjacyaha avuga ko aba bajuriye NIYOGUSHIMWA Elysee
na Bora IMANI mu cyemezo cyabafunze by’agateganyo, bigaragara ko
HATEGEKIMANA Celestin yarasanze aba bari gukubita nyakwigendera bamuhoye
ko yanyaye iruhande rwa Restaurent. Ikindi kuba muganga yarasanze yarishwe
n’amara ahubwo ko imigeri n’ibipfutsi yakubiswe mu nda byamuviriyemo
kubyimba inda ndetse ko iperereza riracyakomeje, basaba ko bakomeza gufungwa
by’agateganyo.
 URUBANZA RDPA 00142/2023/TGI/NYGE URUPAPURO RWA 4

[10] Urukiko rurasanga NIYOGUSHIMWA Elysee na Bora IMANI barajuririye

icyemezo kibafunga by’agateganyo kuko nta mpamvu zikomeye zituma
bakurikiranywa bafunzwe by’agateganyo cyane ko raporo ya muganga yarekana ko
HAKIZIMANA Jean Claude yazize urupfu rusanzwe, ko atari ugupubitwa no
gukomeretsa bishinjwa abajuriye.
[11] Urukiko rurasanga raporo ya autopsie yaragaragaje ko amara ya HAKIZIMANA
Jean Claude yacikaguritse bitewe na bacterie kandi yabigaragaje nyuma yo
guhabwa recquisition, rusanga muganga yaragaragaje ko HAKIZIMANA Jean Claude
atishwe no gukubitwa ndetse no gukomeretswa kwa NIYOGUSHIMWA Elysee na
Bora IMANI.
[12] Urukiko rurasanga nk’uko bimaze gusobanurwa, NIYOGUSHIMWA Elysee
na Bora IMANI bagomba kurekwa bagakurikiranwa bari hanze kuko
batabangamira ipereza, ubutabera bubashatse bwababonera igihe, afite
umwirondoro uzwi, ariko bakajya bitaba umushinjacyaha ufite dossier yabo buri wa
gatanu wa nyuma w’ukwezi kugeza dossier iregewe mu mizi.
III. ICYEMEZO CY’URUKIKO
[13] Rwemeje ko impamvu z’ubujurire zatanzwe na NIYOGUSHIMWA Elysee na
BORA Amani zifite ishingiro
[14] Rwemeje ko NIYOGUSHIMWA Elysee na BORA Amani bafungurwa
by’agateganyo bagakurikiranywa ari hanze ariko bakajya bitaba umushinjacyaha
ufite dossier yabo buri wa gatanu wa nyuma w’ukwezi kugeza dossier iregewe mu
mizi.
[15] Rutegetse ko icyemezo RDP 00179/2023/TB/NYGE cyafashwe ku wa 28/02/2023
gihindutse.
URUBANZA RDPA 00142/2023/TGI/NYGE URUPAPURO RWA 5

[16] Rutegetse ko NIYOGUSHIMWA Elysee na BORA Amani bahita bafungurwa

bagataha.
NI UKO ICYEMEZO GIFASHWE KANDI GISOMEWE MU RUHAMWE NONE KUWA 21/03/2023.

(Sé) (Sé)

MUKANSANGA Bernadette NIRERE Pascasie

UMUCAMANZA UMWANDITSI