Professional Documents
Culture Documents
Paglakas NG Europe - Docx2
Paglakas NG Europe - Docx2
Nagmula sa Europe ang pinakamayayamang mga bansa sa daigdig. Malaki ang bahaging ginagampanan
nila upang mapanatili ang katayuan ng Europe bilang isa sa mga pinakamaunlad na kontinente sa daigdig.
Kailan nga ba nagsimula ang paglakas ng mga mangangalakal na malaki ang naging bahagi sa paglakas ng
Europe sa bahagi ng kasaysayan.
Sa bahaging ito, inaasahang matutuhan mo ang mahalagang kaalaman tungkol sa paglakas ng Europe. Ang
bahaging ginampanan ng bourgeoisie, ng sistemang merkantilismo, pagkatatag ng National Monarchy,
Renaissance, at maging ng Simbahang Katoliko at Repormasyon ay makakatulong upang lubos na
maunawaan ang mga pagbabagong naganap sa Europe sa panahong ito.
Ang terminong bourgeoisie ay inuugnay sa mga mamamayanan ng mga bayan sa Medieval France na
binubuo ng mga artistan at mangangalakal. Ang mga mangagawang may kasanayan sa paggawa ng mga
kagamitang maaring may particular na gamit o pandekorasyon lamang .
Sa huling bahagi ng ika-17 na siglo, naging isang makapangyarihang pwersa ang bourgeoisie sa europe.
Binubuo sila ng mga mangangalakal, banker, mga shipower, mga pangunahing mamumuhunan at mga
negosyante. Hindi nakabilang sa kanila ang mga artisan na sa panahong ito ay mauuri na sa mga
manggagawa. Ang kapangyarihan ng bourgeoisie ay bunga ng kayamanan at pakikipag alyansa sa hari laban
sa mga landlord. Subalit ang kanilang kapangyarighan sa nasabing panahon ay pang ekonomiya lamang.
Maiuugat ang English Revolution, American Revolution at French Revolution sa pagnanais ng bourgeoisie na
palayain ang sarili mula sa anino ng pyudalismo sa pakikialam ng monarkiya sa personal na kalayaan at sa
karapatan sa kalakalan at pagmamay ari.
Nagkaroon lamang ng political na kapangyarihan ang mga bourgeoisie pagdating ng ika-19 na siglo.
Nagkamit sila ng karapatang panrelihiyon at sibil sa pamamagitan ng pagtataguyod ng liberalismo .
MERKANTILISMO
Hango ay ideyang ito sa karanasan ng Spain na yumaman at naging makapangyarihan dahil sa mahalagang metal na
nanggaling sa mga kolonya nito sa South Amerika at Central America. Gayundin, kinakailangan nila ng mga kolonyang
magkakaloob ng mga ginto at pilak.
Ang isang bansang walang kakayahang makakuha ng ginto at pilak nang madalian ay dapat na mas paunlarin pa ang
kalakalan nito sa iba pang bansa. Kung titiyakin lamang ng pamalahaan na mas marami ang iniluluwas kaysa inaangat, mas
maraming ginto at pilak ang papasok sa bansa. Sa gayong paraan, mapaapanatili nito ang kalamangan sa balance ng
kalakalan.
Isang elemento ng Merkantilismo na nakatulong sa pagkabuo at paglakas ng mga nation state ay ang tinatawag na
Nasiyonalismong Ekonomiko. Ibig sabihin nito, kayang tustusan ng isang bansa ang sarili nitong pangangailangan. Sa
pamamagitan ng pagtataas sa dami ng iniluluwas na produkto, hindi na aasa ang bansa sa mga produktong dayuhan.
Ang pag unlad ng isang doktrinang tinawag na merkantilismo ay nakatulong din sa pagbuo at paglakas ng mga nation-state
sa Europe. Nabuo ang prinsipyo ng merkantilismo upang itaguyod ang kaunlarang pang ekonomiya at kapangyarihang
politikal ng isang bansa. Bagama’t kadalasang ikinakategorya bilang patakarang pang ekonomiya, ang merkantilismo ay
isang sistema na ang pangunahing mga layunin ay politikal. Ang mga layuning ito ay ang magkaroon ng malaking kitang
magbibigay daan upang ang hari ay makapagpagawa ng mga barko, mapondohan ang kaniyang hukbo, at magkaroon ng
pamahalaang katatakutan at rerespetuhin ng buong daigdig.
Ang doktrinang bullionism ay sentral sa teorya ng merkantilismo. Sa ilalim ng doktrionang ito, Ang
tagumpay ng isang bansa ay masusukat sa dami ng mahalagang metal sa loob ng hangganan nito. Ibig
sabihin, kung mas maraming ginto at pilak ang makukuha ng isang bansa, mas maraming pera ang
malilikom nito bilang buwis. Nangangahulugan ito na mas magiging mayaman at makapangyarihan ang
naturang bansa.
Sa paglakas ng bourgeoisie at paggamit ng sistemang merkanilismo ay naging daan upang manumbalik ang
hari. Paano nga ba muling naging makapangyarihan ang hari? Paano rin nakatulong ang mga bougeoisie sa
pagiging makapangyarihan nila muli? ATING TUNGHAYAN MGA ACCLA:)
Subalit nagbago ang katayuan ng monarkiya sa tulong ng bourgeoisie. Ang hari na dating mahina ang
kapaangyarihan ay slowly na namamayapag sa pamamagitan ng pagpapalawak ng teritoryo at
pagpapatatag ng sentralisadong pamahalaan. Humirang siya ng mamamayang nagpapatupad ng batas at
nagsasagawa ng palilitis at pagpaparusa sa korte ng palasyo. Bilang resulta, ang katapatan ng mga
mamayanan ay lumipat mula sa panginoong may lupa tungo sa pamahalaan na may kakayahang
protektahan sila. Handa silang magbayad ng buwis para sa proteksyong ito.
PAG-USBONG NG NATION-STATE
Sa pagbabago sa konsepto ng monarkiya, naitatag na rin ang mga batayan ng mga nation-state sa Europe.
Ang nation-state ay tumutukoy sa isang estado na pinananahanan ng mamamayanan na may
magkakatulad na wika, kultura, relihiyon, at kasaysayan. Dahil sakanilang pagkakahalintulad na kultural,
ang mga mamamayan ay isang nagkakaisang lahi.