Владо: Значи Кристина и Грејс ќе дојдат на ручек во сабота. Што ќе
направиме? Тања: Да направиме некое македонско јадење. Полнети пиперки, може? Владо: Мислам дека Кристина многу сака полнети пиперки. Што ни треба за тоа? Тања: Па, мелено месо - пола кило и ориз. Имаме ли ориз? Владо: Колку треба? Тања: Една шолја, околу 100 грама. Владо: Нема толку. Стави ориз во списокот. Што друго? Тања: Треба пиперки, 10 зелени пиперки и 3 домати. Јас ставам и два кромида. Владо: А моркови? Тања: Не, во полнети пиперки не ставам моркови. Ставам разни зачини - тоа имам. Што друго? ... Аха, и едно јајце. Напиши и јајца. Ќе ни требаат и за друго. И немој да заборавиш зејтин.
***
Tања: За салата мислам да направиме шопска. Таа на сите им се допаѓа. Еве
ќе купиме домати, пиперки, кромид - уште краставици треба, и.. сирење. Владо: Добро, а за десерт ќе купиме баклава од супермаркетот. Убава е. Што мислиш, со овошје или со ореви? Тања: Па најдобра е баклавата со ореви. Владо: Кога веќе одиме во супермаркетот, да купиме и пита од таму. Тања: А, не. Пита јас ќе направам. Ми треба спанаќ, сирење и јајца. Пиши спанаќ. Владо: E, па, супер. Знаеш, со питата убаво ќе оди ајвар. Тоа е баш македонски специјалитет. Мислам дека ајвар имаме.