Oyo ba Susua

Nama: Grace N.Mendrofa

Kelas : X PMIA 1

So meföna dua rozi nono mbaewa ana’a si fahuwu sibai. Oyo döi zisara ba
Susua döi zisara tö. La’iagö sambua nidanö side’ide. Fahuwu sibai ira. Gofu
hadia ia khöra ba la’osara-sara’ö dödöra, he na so göra, he na so zomasi ira
tanöbö’ö ba na so niera’erara.Ambö nahara mbawa-nidanö si no ide’ide andrö.
Faoma lamane khö nawöra sökhi na taröi mbawa da’e talau maele ba nasi na
bawa-ladu. Ewolo sibai nasi andrö, ebua ba abakha. Aefa dödöda wolangi-langi
ba fagiasa ba da’ö. Oya göi tasöndra danömö göda ba da’ö, he uro, ba saliwa-
saliwa ba nasi tanö bö’ö. Simanö göi mömö nasi, oi tanömö göda da’ö.
Me no oya itörö-tödöra zi tobali omusola dödöra ba nasi dania, lahalö
gangetula, mofanö ira laröi mbawa-nidanö side’ide andrö. La’osa’ra’ö dödöra
wa ba zibongi dania, na miwo manu simendrua, lalau mofanö. Li giwo’iwo
manu da’ö dania zanusugi ya’ira. La’endrongagö wofanö ba la’osara’ö lalara.
Lalau manö fao-fao, ena’ö lö ata’u ira ba lala, ba na so zika’ao fanörö, lafaoma
lasahoi. Aefa da’ö fabali ira lasawa naha wolombasera zamösana, momörö.
Me miwo manu siföföna, tokea ira, imane dödönia Susua awena femiwo manu
siföföna da’e da ufuli mörö ua. Ifakhölö ia Oyo, i’ila lö liwaa-liwa Zusua. Imane
dödönia, akha irörö ia mörö Susua, uhulö ia wofanö, ena’ö alio urugi nasi ba
u’aefa’ö dödögu wolangi ba da’ö. Mofanö Noyo, iröi Zusua.
Me miwo manu simendrua, maoso Zusua. Ifakhölö ia, lö hadöi Oyo. Mu’ao ia
khö Noyo, ba lö fanema li. Abu dödönia, möi ia mu’alui Noyo ba naha nia, ba lö
ya’ia. Ifakhölö ia ba zifasui, i’ila so dobala. Imane dödönia, no mofanö Noyo, no
iröido, no ilimodo. Harumani ia. Abao-dödö Zusua khö Noyo. I’elifi Noyo, imane
“ya faonö ndra’ugö ba danö, ya’iba’a ndra’ugö hili, ya meziwa fakhe awena
atu’a’ö ba nasi.” Aefa da’ö ilau mofanö Susua.
Isusu’ö manö ia Susua wofanö, lö tehadu-hadu ia wofanö. Lö somba’agö ya’ia,
maele manö ia ba nasi. Ha moluo mahemolu’ö atu’a Zusua ba nasi, i’alui-alui
Noyo ba nasi, lö falukha ira. Ifazu-fazui gulidanö, i’uroi nasi sewolo mangalui-
ngalui Oyo, lö isöndra. Ifuli abu dödönia me lö sifalukha ira zifahuwu khönia.
He no simanö ba lö ibato wangobini Oyo andrö.
Samuza ma’ökhö me no siwa fakhe ifakoli-koli ia Susua, isöndra Noyo, no
mangolea ba gawu ba mbewenasi. I’ondrasi Noyo ifahede ba döröngasa itema-
linia Oyo.

Ahakhö sibai dödö Zusua wamaigi Oyo. Tebai isöbi gi’onia Oyo, no faonö ba
dambu solaza-laza. Muhede Noyo, itutunö khö Zusua, hawa’akao dödönia ba
lala, faonö ia ba danö zolaza-laza, iba’aba’agö ia hili awö gara segebua.

No telu’igö khö Noyo wangelifi Zusua, börö me no falimo ia. Me no faoma

ladunö-dunö waö-waöra, ba fabali ira, faoma sa’ae la’alui zauri ira. Fayagömöi
Zusua khö Noyo bakha ba dödönia. Imane ya’alakha khöu andrö böi sa’ae
falimo-limo.