ESKOM se bedreiging van Suid-
Afrika se voedselsekuriteit
As Suid-Afrika se staatsbeheerde
elektrisiteitsverskaffer het ESKOM
‘n baie belangrike rol om te speel in
die ekonomie en die land. ESKOM
is veronderstel om betroubare,
bekostigbare, volhoubare
elektrisiteit te lewer. Die parastataal
moet deursigtig en verantwoordelik
wees en poog om die beste diens
moontlik te lewer. Dit is ongelukkig
nie wat aan die land voorsien is nie.
Verskeie faktore het tot ESKOM se
mislukking gelei. Hulle het gepoog
om infrastruktuur te bou, maar het te
veel skuld aangegaan om dit te doen
en het na die tyd dit nie onderhou
nie. Gereelde foutiewelike bestuur
en korrupsie het die maatskappy
binnegedring. Terwyl die res van die
wêreld beweeg het na volhoubare
energie, het ESKOM gesukkel om
aan te pas met die verskuiwing en
hulle is in die stof agtergelaat.
Al hierdie faktore het uiteindelik
daartoe gelei dat ESKOM vandag as
‘n elektrisiteitsverskaffer absoluut
misluk en beurtkrag moet gebruik as
hul oplossing vir
elektrisiteitstekorte.
Aangesien moderne landbou en
landboutegnologie baie afhang van
elektrisiteit veroorsaak ESKOM se
beurtkrag ‘n massiewe probleem in
enige basiese take uitvoer. Van
besproeiingstelsels tot
plaastoerusting en
verwerkingsfasiliteite gebruik amper
alle moderne tegnieke van landbou
elektrisiteit. Skedules wat nou
gevolg moet word om seker te maak
dat plante reg groei word versteur en
kan lei tot gewasse wat doodgaan of
nie die regte hoeveelheid opbrengs
lewer nie. Preservering van kosse
word baie moeiliker en kan selfs tot
na die gewasse geoes is tot probleme
lei.
Aangesien dit onmoontlik is om op
ESKOM staat te maak, moet boere
alternatiewe soos sonpanele en
batterye soek om elektrisiteit te
voorsien. Dit vat tyd en kos baie
duur om volhoubaar te implementeer
en kan winsmarges wat al klaar nou
is in die negatiewe in bring. Dit
veroorsaak dat die pryse van kos al
duurder raak en tot die verbruiker
deurspoel, wat uiteindelik dit
moeiliker maak vir behoeftiges om
kos te koop.
As plase eerder kostes probeer sny
by die aanplanting van gewasse kan
dit tot laer kwaliteit of minder kos
lei vir die bevolking. As hulle
werkers afdank om kostes te
verminder, veroorsaak dit
werkloosheid en bedreig ook die
bevolking se vermoë om kos te kan
koop, wat weereens die land se
voedselsekuriteit bedreig.
Dit is dus duidelik dat Suid-Afrika
se voedselsekuriteit onder massiewe
druk is as gevolg van ESKOM se
mislukking as
elektrisiteitsverskaffer. Dit spoel
deur in die ekonomie en dra by tot
probleme wat al klaar massief bydra
tot Suid-Afrika se onstabiliteit.