Professional Documents
Culture Documents
ლეგენდები
ლეგენდები
ᲚᲔᲒᲔᲜᲓᲔᲑᲘ
ლეგენდა საქართველოზე –
სამყაროს შექმნის შემდეგ ღმერთმა
შეკრიბა ყველა ერი და გადაწყვიტა
გაენაწილებინა მათთვის ქვეყანა. ამ
შეკრებაზე ქართველებმა
დააგვიანეს, რადგან ამ დროს
ღმერთს ადიდებდნენ და მის
სადღეგრძელოს სვამდნენ. როცა
ისინი ღმერთთან მივიდნენ,
ღმერთმა აუწყა, რომ უკვე
გაენაწილებინა სამყარო.
ქართველებმა აუწყეს დაგვიანების
მიზეზი, რომ ისინი მისი სადიდებელი
სადღეგრძელოს გამო შეყოვდნენ.
მოუსმინა რა ღმერთმა, უთხრა რომ
ისინი ამიერიდან მისთვის
შემონახულ ადგილას
დასახლდებოდნენ. ასე აღმოჩდნენ
ქართველები სამოთხის იმ პატარა
ნაწილში, რომელიც მათ ღმერთმა
უბოძა. ამ ლეგენდის მოთხრობის
შემდეგ უნდა აღვნიშნოთ, რომ ჩვენი
მიწა-წყალი სწორედ ღმერთმა
გვიბოძა, რომ ჩვენი ქვეყანა პატარა
სამოთხეა, ლამაზი ბუნებით: მთებით,
ზღვით და ა. შ., უხვ-მოსავლიანი
მიწით, მდებარეობით და რაც
მთავარია ხალხით, ჩვენი
სტუმართმოყვარეობით, რომ ყველა
სტუმარი ქართველისთვის
ღმერთისგან ნაბოძები საჩუქარია,
რაშიც ისინი მოგზაურობის
განმავლობაშიც დარწმუნდებიან.
ლეგენდა არგონავტებზე –
ლეგენდის მთავარი გმირები იაზონი
და მედეა. იაზონი იოლკოსის
კანონიერი მეფე ეზონის ვაჟი იყო.
ეზონი მისმა ნახევარძმამ პელიასმა
ტახტიდან ჩამოაგდო და
საპყრობილეში ჩააგდო, ჯერ კიდევ
მაშინ როდესაც იაზონი დედის
საშოში იმყოფებოდა. როდესაც
იაზონი დაიბადა, ეზონის მეუღლემ
დაარწმუნა პელიასი, რომ ბავშვი
მკვდრადშობილი იყო,
სინამდვილეში კი ახალშობილი
სასახლიდან გააპარა. იაზონი
კენტავრმა ხირონმა გაზარდა. უკვე
ყმაწვილკაცობაში შესული იაზონი
იოლკოსში დაბრუნდა, რომ
კუთვნილი ტახტი დაებრუნებინა.
პელიასი დათანხმდა ტახტის
დაბრუნებაზე იმ პირობით, თუ
იაზონი ერთ ძალიან სახიფათო
დავალებას შეასრულებდა:
კოლხეთის მეფე აიეტის
სამფლობელოდან ლეგენდარულ
ოქროს საწმისს წამოიღებდა. საწმისი
ხეზე ეკიდა და მას მარად ფხიზელი
გველეშაპი დარაჯობდა. იაზონი
დათანხმდა ამ გამოწვევას და
საბერძნეთის 50 რჩეულ ვაჟკაცთან
ერთად გემ “არგოთი” კოლხეთისკენ
გაემართა. გზად უამრავი
დაბრკოლების გადალახვის შემდეგ,”
არგო” კოლხეთის ნაპირებს მიადგა.
მეფე აიეტი მზად იყო, ოქროს
საწმისი იაზონისათვის გადაეცა, თუკი
იგი წარმატებით გაართმევდა თავს
შეუძლებელ ამოცანას: მას უღელში
ორი ცეცხლისმფრქვეველი ხარი
უნდა შეება და მათი დახმარებით
მინდორი მოეხნა, ხოლო მინდორზე
გველეშაპის კბილები დაეთესა. ამ
ამოცანის შესასრულებლად იაზონს
მოულოდნელი დახმარება
აღმოუჩინა აიეტის ქალიშვილმა
მედეამ, უძლიერესმა ჯადოქარმა,
რომელსაც იაზონი შეჰყვარებოდა.
მედეამ იაზონს ჯადოსნური სითხე
მისცა, რომელმაც იგი
ცეცხლისმფრქვეველი ხარებისაგან
დაიცვა, ასე რომ, იაზონმა
დაიმორჩილა ხარები და მინდვრის
მოხვნაც შეძლო. სამწუხაროდ, აიეტი
სულაც არ აპირებდა, ოქროს
საწმისი კოლხეთიდან ვინმესათვის
გაეტანებინა და ყველანაირად
შეეცადა, იაზონთან დადებული
პირობა დაერღვია. იაზონს ისევ
მედეა დაეხმარა და არა მარტო
ოქროს საწმისისაკენ მიმავალი გზა
უჩვენა, არამედ ელექსირიც მისცა,
რომლის მეშვეობითაც იაზონმა
საწმისის მცველი გველეშაპი
დააძინა. არგონავტებმა აფრები
აუშვეს და იოლკოსისაკენ დაიძრნენ,
მაგრამ მათ გზა აიეტის ფლოტმა
გადაუღობა. მედეას საზრიანობამ
ისევ იმარჯვა: მან შეტყობინება
გაუგზავნა თავის ძმას, აფსირტეს,
თითქოსდა იგი მოიტაცეს, და
ემუდარებოდა, ერთ–ერთ კუნძულზე
მისულიყო მისი ტყვეობიდან
გამოსახსნელად. როდესაც
აფსირტემ დის თხოვნა შეასრულა
და დანიშნულ ადგილას მივიდა,
მედეამ იგი მოკლა, მისი სხეული
დაანაწევრა და ნაწილები ზღვაში
გადაყარა. მან იცოდა, რომ, ვიდრე
აიეტი თავისი ვაჟის ნეშტის
შეგროვებით იქნებოდა დაკავებული,
იაზონი დროს მოიგებდა და
გაიქცეოდა.
© COPYRIGHT 2018! POWERED BY დაჯავშნე შენზე
MYWEBS.GE
მორგებული ტური