ANG PRINSESA NGA MAY PANINDUGAN

“Manang Bel, Manang Bel. Lantawa bala ako. May kapa kay may korona angngayan man bala ako mag
prinsesa?”

Ay abaw, Inday mangakig guid ina si Nanay mo sa imo! Hala, ibalik ang tela sa iya makina! Si Nanay
mo dugay-dugay ara na halin sa tienda. Pamangkoton na ina sya ni Mrs. Lorca kung tapos na ang
uniform nga ginpatahi nya?

“Ano bala ang nagsulod sa ulo mo Inday nga nag-amu ka na sina? May kapa na kay korona pa. Ay ,
abaw may intra ka sa Ms. Universe Day?”

“ Ambot manang, nami-an lang ako sang gina basa ko nga libro nga ginhulam ko sa akon maestra. Ang
estorya ka Prinsesa sa malayo nga pungsod ! Ambot kanami guid sang estorya Manang. Ang titulo sang
libro, “Ang Princesa Nga May Panindugan! “

“Hala… kanami sina sang iya titulo haw? Daw na intriga ako. Sige be Day estoryahi ako?”

“Ay abi ko malakat ka sa tienda, Manang? Sige pagpungko kay estoryahan ta ka parte sa maalam kag
maiisug nga princesa…”

Sang mga naha una nga panahon sa malayo nga kontinente ka Europa may isa ka prinsesa nga katama
ka pilian sa mga lalaki. May isa ka naga pangaluyag nga halin sa mangaran nga pamilya. Ang ngalan
sining lalaki tawgon ta nga Alfonso. Ang prinsesa mahilig mag estorya sang iya mga nahimuan sa
palasyo. Gina pabugal nya ang iya nga mga kasapatan labi na guid ang paborito nya nga ido. Sa bilog
nga adlwa and unod sang estory nya puro na lang parte sa ido. Natak-an si Alfonso sa prinsesa.

“Hay, wala ka na guid nabal-an puro na lang ido ang aton gina estoryahan. Pasensya na Princesa --ang
ido mo na lang ang imo pamanahon. Ang isa ka babae dapat hipuson kag masulondon pero ikaw daw
sobra pa sa hari kung magsugid kag magtikal!

Ang prinsesa nagulpihan nga nagsabat!

“Ay abaw wala pa gani kita nag-asawahay amu na ina ang imo pagtrato sa akon--Sige, paglakat!
Madamu pa nga lalaki ang makilala ko…”

Naghibi nga nagsulod sa iya kuarto ang Prinsesa.

Sa pila ka adlaw may nagbisita naman sa Prinsesa. Isa ka matambok ka putot nga lalaki. Sang naga
lagaw-lagaw ang duwa sa palasyo nairitar and lalaki sa Prinsesa nga nagsiling.

“Pwede bala indi ka magsuksok sang sapatos nga tama ka taas? Daw ang guwa ko sini isa mo lang ako
ka sumulonod …di ba dapat ang lalaki mas mataas dapat sa babaye? “

Nakibot ang Prinsesa nga nagsiling…ay ano ini? “Sa isa bala ka relasyon dapat ang lalaki mataas sang
sa babaye? Diin mo ina natu-an? Kung indi ka gusto kay mataas ako, mag pangita ka na lang sang iban
pa nga babaye nga putot pa sang sa imo!”

Nag dalagan nga naga ngoyngoy ang Prinsesa sa iya kuarto.

“Manang Bel, Manang Bel…dapat guid bala ang babaye manubo sa lalaki? Dapat guid bala nga indi sagi
wakal ang babaye kung nagaestorya ang lalaki? Daw indi man amo sina dapat?

“Inday, nalingaw man ako sa imo. Daw na kibot man ako sa mga pamangkot mo, day? Te ipadayona
bala anay ang imo estorya? “

“Sige ah…abi ko ako lang nalingaw ikaw man gali. “

Ang ikatatlo nga lalaki isa ka prinsepe nga halin pa sa Africa. Maputot, maitum kag maalam. Ang
prinsepe wala untat sa pag kadlaw sa bilog nga adlaw sang ila nga estoryahanay. Kung kis-a naga
debatehay kag ang prinsesa indi man magpapirde sa lalaki. Miskan madugay ang ila pagbangigay sa
lain-lain nga mga bagay. Ang lalaki wala guid natak-an sa pagpamati sa prinsesa. Miskan mas manubo
sya sa Prinsesa, wala niya ini gina problema.
“Manang Bel, te kabalo ka na sang katapusan sang estorya? “

Ay inday…te natak an ang Prinsesa? Nag give up ang lalaki? “

“Manang Bel …wala ka guid bala naga “read between the lines” siyempre nagdayunay ang duwa…

“Ay …amu gali! Hala ka isog gali sang Prinsesa…wala sya mahadlok magtindog kung sin-o guid cya”
Tani amu man ini ang mga lalaki sa malapit nga pala abuton..”

Te, Manang Bel, angayan man bala ako sa akon kapa kag korona? Hahahaha

Ay, sus, Inday...kanami gali magbasa sang amo sina nga mga estorya…sa madason, pahulamon mo
man ako sang gina basa mo ha?

“Siyempre, Manang Bel…kay nagapati ako nga ang pagbasa makabulig guid sa aton nga pamatan-on
para sa ika ayo sang aton nga banwa kag pungsod!”