Այս տարի լրանում է կինոռեժիսոր, սցենարիստ, ՀԽՍՀ ժողովրդական
արտիստ Սերգեյ Փարաջանովի 100-ամյակը: Հոբելյանի շրջանակում ՀՀ կրթության, գիտության, մշակույթի և սպորտի նախարարությունը և Սերգեյ Փարաջանովի թանգարանը հայտարարում են մրցույթ դպրոցների 8-12-րդ դասարանների և սովորողների համար: Մրցույթի նպատակն է մեծանուն արվեստագետի ժառանգության հանրահռչակումը, պատանիներին ու երիտասարդներին այն առավել ճանաչելի դարձնելը: Մրցույթի պայմաններն ու կանոններն են. հունվարի 30-ից փետրվարի 5-ը ներառյալ՝ ժամը 20:00-ին, ԿԳՄՍՆ ֆեյսբուքյան էջում (https://www.facebook.com/minESCSarm) կհրապարակվեն Սերգեյ Փարաջանովի կենսագրությանը, ստեղծագործական կյանքին վերաբերող տարաբնույթ հարցեր, այն սովորողը, որն առաջինը մեկնաբանությունների հատվածում կտեղադրի օրվա հարցի ճիշտ պատասխանը, կհամարվի հաղթող, պատասխանը պետք է գրել հայատառ, պետք է գրել ֆեյսբուքյան անձնական էջից, արդեն իսկ հրապարակված տարբերակը ենթակա չէ խմբագրման, լրացման, փոփոխման, հրապարակված պատասխանում պետք է գրել նաև անուն, ազգանուն, մարզ, քաղաք/գյուղ, ուսումնական հաստատություն, դասարան/կուրս, մասնագիտություն, նշված կանոններին ու պայմաններին չհամապատասխանող պատասխանները չեն դիտարկվելու: Օրվա հաղթողի անունը կհրապարակվի հաջորդ օրը՝ հարցի հետ զուգահեռ (ԿԳՄՍՆ ինստագրամյան էջում min.escs.arm): Հաղթողները կպարգևատրվեն ՀՀ կրթության, գիտության, մշակույթի և սպորտի նախարարության և Սերգեյ Փարաջանովի թանգարանի խրախուսական նվերներով:
ԿԳՄՍՆ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԵՎ ՏԵՂԵԿԱՏՎՈՒԹՅԱՆ
Khorikyan H., Scythian Tribes of The Phasians and Asii in The Armenian Highland and Central Asia, Scientific Proceedings, Gyumri, 2023/1, Issue B, Pp. 79-95 (In Arm.) .