#GETCOUNTED

U-Statistics South Africa (Stats SA)

uzokwenza uBalo Lwabantu kusukela ngo
Nhlolanja kuya ku Mbasa 2022

#
BAMBA IQHAZA KWI
CENSUS 2022
IMPROVING LIVES THROUGH DATA ECOSYSTEMS

Luyini uBalo Lwabantu na?
UBalo Lwabantu uhlelo lokubalwa kwalo lonke uluntu lapho
kubalwa khona bonke abantu abangaphakathi
kwemingcele yezwe, kufaka phakathi nezingane,
abantwana, abantu abangenamakhaya nalabo
abaqhamuka kwamanye amazwe. UBalo Lwabantu
luphinde futhi luqoqe imininingwane emayelana nesimo
sezomnotho nezenhlalo yabantu – izimo ezahlukene
abantu abaphila ngaphansi kwazo, ukufinyelela kwizidingo
eziyisisekelo, imali engenayo, njll.
Ukubalwa kwabantu u-Stats SA usekwenze izikhathi
ezintathu kusukela kwaqala intando yeningi: ngo 1996, ngo
2001 nango 2011. Ulwazi oluqoqwa ngesikhathi sokubalwa
kwabantu lusetshenziselwa ukuhlela, ukwakhiwa
kwemigomo nokuthatha izinqumo eziphusile. Imiphumela
yoBalo Lwabantu iyasetshenziswa futhi njengesisekelo
uma kucanwa izimali kohulumeni basekhaya,
besifundazwe nokwazwelonke. Lemiphumela ibuye futhi
ihlinzeke omasipala ngolwazi abaludingayo emazingeni
abo ukulisebenzisa kwimihlahlandlela yentuthuko yabo.
Obani abazobalwa?
Wonke umuntu ongaphakathi kwemingcele yezwe
iNingizimu Afrika. Lokhu kufaka nalaba abalandelayo:
Ÿ Abantu abasemakhaya abo ejwayelekile (emizini yabo)
Ÿ Abantu abasezikhungweni zokuhlala ezikhethekile -
amahhotela, izikhumulo zamabhanoyi, amajele,
izibhedlela, njll.
Ÿ Abantu abangenamakhaya
Ÿ Abantu abasendleleni ngobusuku boBalo Labantu
abangezobuyela ezindaweni zabo zokuhlala
ezejwayelekile ngakusasa, isib. Abashayeli bamaloli,
abantu abaphumayo ezweni emuva kwamabili
kobusuku boBalo Labantu.
Ÿ Izivakashi ezichitha ubusuku boBalo ezweni.
Luzoqoqwa kanjani ulwazi?
Abantu abasemizini yabo
Uyakhetha ukuthi ufuna ukubalwa kanjani. Ungakhetha
ukuthi uvakashelwe kwakho nguMsebenzi waka Stats SA
oqoqa ulwazi azokugcwalisisa imibuzo esebenzisa
umshinyana ophathwa ngesandla, noma uzigcwalisele
wena ngokwakho usebenzisa ubuchwepheshe be-
khompyutha noma ngocingo, nokuyilapho osebenza ka
Stats SA ezokuthinta. Yonke imizi nabantu abahlala kuyo
bazobalwa kusukela ngomhlaka 3 kuNhlolanja ku 2022.
Kuzodingeka ukuba ubhalise ikhaya lakho
ngokuvakashela ikhasi lokubhalisela uBalo Labantu luka
2022 ku: getcounted.statssa.gov.za
Abantu abangenawo amakhaya
Abantu abangenawo amakhaya bayobalwa ngobusuku
boBalo Labantu (mhlaka 2 ku Nhlolanja 2022) bebalwa
emapaki, emigaqweni, eminyango, phambi
kwezitolo,eceleni kwemigwaqo, ngaphansi kwamabhuloho,
osebeni lwemifula, ezindaweni zokulahla inkunkuma,
ezakhiweni ezishiyiwe nasezimotweni. Ulwazi luyoqoqwa
yilabo abaqashwe u-Stats SA ukwenza lomsebenzi.
Izindawo Ezikhethekile Zokuhlala
Zonke izindawo zokuhlala ezikhethekile njengezibhedlela,
amajele, izikhungo zalabo ababuthaka namahhotela
zilindeleke ukuhlinzeka uStats SA ngolwazi ngabo bonke
abantu ababekhona kuzo ngobusuku boBalo Labantu,
mhlaka 2 ku Nhlolanja 2022. Ulwazi ngabantu
lunganikezelwa ngokudonsa amafayela abantu noma
ngokugcwalisa imibuzo ngohlelo lobuchwepheshe
lokuxhumana ngama khompyutha, lokhu kwenziwa yilowo
osegunyeni kulesosikhungo noma ngocingo ngokuxhumana
nesikhungo esijutshwe ukubamba izingcingo la kaStats SA.
Okunye okungenzeka, lowo oqashwe ngu Stats SA ukuqoqa
ulwazi uyovakashela leso sikhungo ezoqoqa ulwazi
ngobusuku boBalo Labantu.
Abantu abasendleleni
Ukuqoqwa kolwazi kubantu abasendleleni ngesikhathi
soBalo Labantu kuyokwenziwa ngobusuku boBalo Labantu
(Mhlaka 2 kuNhlolanja 2022). Lokhu kuyokwenzeka
kuphela ezindaweni ezinjengasemingceleni, izikhumulo
zemikhumbi, ezikhumulweni zamabhanoyi, ezindaweni
ezima amaloli ebusuku nasezitobhini zamabhasi. Ulwazi
luyoqoqwa yilabo abaqashwe u-Stats SA ukwenza lokho.
Sicela uqaphele ukuthi iyolandelwa yonke
imigomo yobhubhane i-COVID-19 uma labo
abaqashwe u-Stats SA ukuqoqa ulwazi
bevakashele amakhaya befike ubuso nobuso.
Kubuzwa miphi imibuzo kuBalo Labantu?
Ubalo Labantu luqoqa ulwazi olumayelana nesimo senhlalo
nezomnotho njengesimo sokuhleleka kwabantu, ukufuduka,
ezempilo, ezemfundo, ezemisebenzi, ezenzalo, ezokufa,
ezezindlu, ezemali engenayo, ezezimpahla zasekhaya
nemisebenzi kanye nezinto ezithinta ezolimo.
Ucwaningo Olwenziwa Emuva
koBalo Labantu luka 2022
Njengengxenye yokuhlolisisa ukuthi konke kwenzeke
ngendlela, u_Stats SA wenza ucwaningo oluzimele olubizwa
'Post-Enumeration Survey (PES) 2022', okusho ucwaningo
olwenziwa emuva koBalo Labantu. Lolu cwaningo
luyokwenziwa ezindaweni ezikhethiwe kuphela masinyane
nje uma kuphela uBalo Labantu. Ukuqoqwa kolwazi
kuyokwenzeka kusukela ngo Mbasa kuya kuNdasa 2022.
Lolu Cwaningo lubalulekile njengoba lusetshenziswa
ukuthola ukuthi uBalo Labantu lukwazile yini ukunemba
nokufinyelela kubantu bonkana. Lolu Cwaningo luzosiza
futhi ukuthola isibalo samakhaya nabantu abafakwe
ngephutha, nabeqekile noma ababalwe kwaze kwaba
ngaphezulu kokukodwa ngesikhathi soBalo Labantu luka
2022.
Ngabe ulwazi lwami luzokwazi
ukugcineka luyimfihlo?
U-Stats SA uthola igunya lokusebenza kumthetho
wezeZibalo, (Umthetho nombolo 6 ka 1999). Ngokulandisa
kwesigaba 17 salomthetho, ulwazi oluqoqwe kubantu
namakhaya abo kufanele lugcinwe luyimfihlo. Ulwazi
olutholakele kubantu ALUSOZE lwedluliselwa kunoma iyiphi
inhlangano kahulumeni noma ezimele.
Isigaba 18 (e & g) sibeka ngokusobala ukuthi noma yimuphi
uMsebenzi waka Stats SA otholakala enecala lokwephula
lomthetho uyohlawuliswa isamba semali esingevile ku R10
000 noma ukubhadla ejele isikhathi esingaye sifike
ezinyangeni eziyisithupha, noma kokubili.
U-Stats SA akasoze acele ulwazi olumayelana
nemininingwane yakho yasebhange, ukuthi sithini isimo
sakho sezepolitiki noma akucele ukuthi ukhokhe ukuze
ubambe iqhaza kuBalo Labantu.
Ngabe kuphoqelekile yini ukubamba
iqhaza kuBalo Labantu na?
Ngokulandisa kwesigaba 16 (2) somthetho wezeZibalo bonke
abantu baphoqelekile ukuphendula yonke imibuzo ababuzwa
yona yilowo ogunyaziwe ngu Stats SA uma becelwa.
Umthetho obizwa 'Protection of Personal
Information Act 04 of 2013 (POPIA )’
Isigaba 3 somthetho i- POPI siyacacisa ukuthi lomthetho
kufanele uhunyushwe ngendlela engeke ivimbele noma iyiphi
inhlangano kahulumeni noma ezimele ukusebenzisa
amandla ayo nokwenza umsebenzi wayo ngokomthetho uma
lawomandla ayo ehambisana nokusebenza ulwazi lwabantu.
Kwenzakalani uma ngenqaba
ukubamba iqhaza kuBalo Labantu?
Kuyicala ukwenqaba ukuphendula imibuzo ocelwa ukuba
uyiphendule ngokulandisa kwesigaba 16 (2), futhi inkantolo
yomthetho inokukugweba inhlawulo engaye ifinyelele ku R10
000, ukubhadla ejele isikhathi esingevile ezinyangeni
eziyisithupha, noma kokubili inhlawulo nokubhadla ejele.
Ngingambona kanjani lowo oqashwe u-
Stats SA ukuqoqa ulwazi?
Abasebenzi baka-Stats SA bangabonakala ngezigqebhezana
zabo zokuzazisa ezisemthethweni zaka Stats SA ezinophawu
laka Stats SA, isithombe sakhe umsebenzi waka Stats SA
futhi bazobe begqoke iphinifana eligqokwa ngaphezulu
eliwumbala oluhlaza okotshani, okuwumbala woBalo
Labantu luka 2022. Izithombe nemininingwane
yaBasebenzi baka Stats SA izotholakala futhi
kwisizindalwazi saka Stats SA ukusiza ukuqinisekisa
ubuqiniso ngoMsebenzi. Abantu futhi bangashayela inombo
yamahhala (0800 110 248) yoBalo Labantu luka 2022
ukuqinisekisa ubuqiniso ngabasebenzi baka Stats SA
abakashele imizi yabo. Labo abakhethe ukuphenndula
imibuzo ngocingo nabo bangahlolisisa ubuqiniso
boMsebenzi waka Stats SA ngokusebenzisa inombolo
yokuzazisa ekhethekile abayoyinikezwa uMsebebenzi waka
Stats SA oyobe ebafonelile kulawomakhaya. Abantu
bayosebenzisa leyonombolo yokuzazisa ekhethekile
ukuthola imininingwane yalowo ojutswe ukuzoqoqa ulwazi
obafonelile ngokuvakashela:
http://www.statssa.gov.za/Fieldworkerverification/home.php
Ngo Statistics South Africa (u-Stats SA)
U-Statistics South Africa (Stats SA) ungumnyango
kahulumeni ogunyazekile ngokulandisa komthetho
wezeZibalo ukuqoqa, ukuhlanganisa, ukuhlaziya
nokusabalalisa izibalo ezisemthethweni.
Uthi bewukwazi lokhu?
Ikhaya lichazwa njengomuntu ongayejwana noma iqeqebana labantu
abahlala emzini owodwa (noma ingxenye yawo). Empeleni, abantu
abahlala ndawonye bahlanganyele kwizinsiza zokuphila bayikhaya.
Umuzi yisakhiwo noma yingxenye yesakhiwo noma yiqeqebana
lezakhiwo elihlala noma elakhelwe ukuthi lihlalwe ikhaya elilodwa
noma amakhaya angaphezulu kwelilodwa.
Abantu abangenamakhaya lokhu kusho abantu abangenalo noma
hlobo luni lompheme noma ikheli elaziwayo.
Umsebenzi oqashwe ngu-Stats SA ukuqoqa ulwazi umuntu
ovakashela amakhaya noma abantu endaweni ethile yokubala
ngesizathu yokugcwalisa imibuzo ngenhloso yezezibalo.
Izikhungo zokuhlala ezikhethekile yilezo yizakhiwo ezihlinzeka
ngohlobo lwendawo yokuhlala ngokuhlanganyela lapho abantu belala
khona, behlukaniswe ubude besikhathi sokuhlala nezinkonzo
ezinikezwa lapho, futhi lezindawo zakhelwe abantu ukuthi
bazisebenzisele izizathu zomsebenzi, ukufunda, izidingo
ezikhethekile, izidingo zezomthetho noma ukuzivocavoca. Isibonelo
sezikhungo zokuhlala ezikhethekileyo yizindlu zamasosha, izindlu
zamaphoyisa, izindlu zokuhlala abafundi enyuvesi, izikhungo
zokuhlala abantu ababuthakathaka nezibhedlela.
Abantu abasendleleni lokhu kusho abantu abangahleli ndawonye
ngesikhathi sobusuku Lobalo Lwabantu futhi abangezobuyela
ezindaweni zabo zokuhlala ezejwayelekile ngosuku olulandelayo, isib.
Abashayeli bamaloli, abantu abaphumayo ezweni ngobusuku boBalo
Lwabantu, njalonjalo.
Ngolwazi oluthe xaxa, sicela uxhume laba:
Toll-free number: Facebook:
0800 110 248 StatsSA
Website: Twitter:
www.statssa.gov.za @statssa
Email:
census2022@statssa.gov.za
 ABANTU ABANGATHINTWA
ESIFUNDAZWENI

Mpuma Koloni Freddie September e-Mpumalanga Oscar Ndou

#GETCOUNTED
Email address: Email address:
FreddieS@statssa.gov.za OscarN@statssa.gov.za
Tel: 043 707 4900 Tel: 013 762 0000
Cell: 071 681 6419 Cell: 071 608 4771

Freystata Themba Guma eNyakatho Kapa Bonakele Phuzi

Email address: Email address:
thembagu@statssa.gov.za BonakeleP@statssa.gov.za
Tel: 051 412 7503 Tel: 053 802 6800
Cell: 082 888 2259 Cell: 079 510 5004

e-Gauteng Judas Ngobeni eNyakatho Philemon Selemela

Email address: Ntshonalanga Email address:
JudasN@statssa.gov.za PhilemonS@statssa.gov.za
Tel: 011 781 3506 Tel: 018 384 2879
Cell: 082 907 4950 Cell: 082 941 0697

KwaZulu-Natal Gabriel Dlamini eNtshona Koloni Vanessa Wiener

Email address: Email address:
GabrielD@statssa.gov.za VanessaM@statssa.gov.za
Tel: 031 360 0671 Tel: 021 481 5528
Cell: 079 513 7219 Cell: 082 805 6277

e-Limpopo Kgaogelo Mathekga

Email address:
KgaogeloM@statssa.gov.za
Tel: 015 295 3300
Cell: 082 888 2450