ESPECIALIDAD : Educación Primaria Comunitaria Vocacional

ASIGNATURA : Lengua Oiginaria lll

AÑO DE FORMACIÓN: 3er, Año de formación, Paralelo “A”
CONTENIDO : El estudio de las aves
ESTUDIANTE : Abigail Quispe Yujra
FECHA DE ENTREGA : 8 de Abril, 2022

LIQI LIQIX
 Liqi liqix ch’umphi phuyun tantiy jamach’iwa. Niya juyphi pachakiw uñstaniy
yatiraki. Maystuqitxa, liqi liqix ch’uqi lumasata ukjamrak pacha sarayirit
uñt’atarakiwa.

1. ¿liqix kunanak yatiypacha?

Liqi liqix yapu yapuchañatakiw yati, ukjamarak suma marataki, jan suma marataki,
juyphi maranit janicha, chhhijchhi utjanit janicha, waña maranit jallu maranicha,
ch'uqix jach'anakat t'unakich achuni, taqi ukanak yatiyi. Liqi liqin tapapa,
k'awnwapa, jachatapaw isch'ukiña. Ukjamat juthir maratakix wakiyasipxi.

2. Liqi liqin tapapxata

✔ Chhijchhi marañataki. Chhijchhi marañatakix liqi liq tapax t'una qalitanakaniwa

✔ Rayu marañataki. Liqi liqix rayu maräñatakix tapaparuw yawri jan ukax aguja
uchi.

✔ Jallu marañataki. Lallu marañatakix liqi liqix suka parxanakaruw tapachasiri.

✔ Waña marañataki. Liqi liqix waña marañatakix suka umaqatanakaruw

tapachasiri.
✔ Chuqi achuñapataki. Suma ch’uqix achuñatakixa, liqi liq tapaw jisk’a t’una
jichhunakaniwa.

✔ Ch’uñu utjañapataki. Ch’uñu utjañapatakix liqi liq tapax iwij thaxaniwa, kunjamatix
iwij thaxax ch'iyaraki ukax ch'uñjam ch'irayawa sañ muni.

3.Liqi liq k'anwxata:

Liqi liq k'anwax ch'uqi lumasawa. Khaysa Huacuyo markanx liqi liq
k'anwx yapu yapuchirinakax uñapxapuniwa, ukatx akjam yatipxaraki.

✔ Awasir marataki. Liqi liq k'awan phuntapanx suma ñut'u p'uyunakatix

utji ukjax awasir maratakiwa.

✔ Chhijchhi marataki. Chhijchhi maratakix liqi liq k'anwax jach'a p'uyu

p'uyuwa.

✔ Suma mara. Suma marañatakix liqi liq k'awnwax suma qhana

ch'uxñawa.

✔ Jan suma marataki. Ukatx jan suma marañatakix liq liq k'anwax ina
qaqa ch'uñakirakiwa.

✔ Juk'amp suma marataki. Wali suma marañatakix yämasa, liqi liq

k'anwax suma laqhu ch'uxñapuniwa.

✔ Mach'a mara. Janq'u k'anwxi ukjax mach'a marañatakiwa.

 4. Liqi liqin jachatapxata
Liqi liqin jachatapax suma marañx ja suma marañx yatirakiwa.

✔ Jallu marataki. Sata urasatix liqi liqx tira-tira-tira sas jachi ukjax jallu maratakiwa.

✔ Suma marataki. Wali suma marañatakix liqi liqix parisaw muytas muytas wal
k'uchik thuqhunaqapxi.
✔ Jan suma marataki. Jichhaxa, liqi liqitix aliqak liw-liw-liw sasak jachi ukjax jan
suma maratakirakiwa.
✔ Lunthat juthañataki. Aka jamah'ix lunthat juthañapatakix liq, liq siwa, sapxiwa.

✔ Anu uñjasa. Ukatx mä anu sarnaqir uñjasax liq-liq-liq-liq-liq-liq sasaw anjam

achjasipxaraki.
✔ Ch'axwa utjañapataki. Liqi liqix kuna ch'axwa utjañapatakix tam tamaw wal
chhuchhupxi.

5. Kuna pachas uñch'ukita

Liq liqix niya sata phaxsit qalltasin (septiembre) niya lapaka phaxsikamaw
(noviembre) uñch'ukiña.