en homenaxe á data de publicación do primeiro libro
en galego de Rosalía de Castro: Cantares Gallegos (17 de maio de1863).
Rosalía de Castro foi a primeira
homenaxeada cen anos máis tarde, en 1963.
So catro mulleres foron recoñecidas na historia no
día das Letras Galegas: Francisca Herrera Garrido (1987), María Mariño (2007), María Victoria Moreno (2018) e Xela Arias (2021).
Só houbo unha homenaxe conxunta na súa
historia. Foi en 1998 e dedicóuselles aos poetas medievais Martín Codax, Xohán de Cangas e Mendinho.
Dende 1991, 28 anos despois da súa institución,
o Día das Letras Galegas é festivo oficial en Galicia. O Portal das Palabras, unha iniciativa da Real Academia Galega e a Fundación Barrié, elixe cada ano por votación popular a Palabra do Ano. No 2022 foi “Comadres”, mentres que no 2021 se escolleu “Tanxugueiras, no 2020 “nós” e no 2019 gañou “sentidiño”.
A sede da RAG atópase na Coruña, na que foi
residencia familiar de Emilia Pardo Bazán, e precisamente alí atópase a súa Casa Museo.
Para resultar elixido/a, a Real Academia Galega ten en conta dous
requisitos:
1. Ser autor/a dunha obra relevante en galego.
2. Que teñan pasado 10 anos entre a súa morte e a designación para ese día.
Non todos os autores homenaxeados naceron en Galicia. Un par de exemplos son os
casos do rei Alfonso X o Sabio, que naceu en Toledo, pero escribía en galego- portugués.Outro caso moi significativo é o de María Vitoria Moreno, que naceu en Valencia de Alcántara, Cáceres, pero que en 1963 se trasladou a vivir a Pontevedra. Ou frei Martín Sarmiento, que era de Vilafranca do Bierzo.