Cut 2 – Hindustani Cinema ne shuru se apni jagah banana shuru kar dia tha.

Kya aap sab jaante hain ki hamare Hindustan mein cinema angrezon ke raj ke
samay se hi prachlan mein tha. Bade fakr ki baat hai ki India ki pehli film ‘Raja
Harishchandra’ 1913 mein aayi thi, jab azaadi paane ka Silsila chal hi raha tha.
Hamare cinema ne hard aur ko bakhubi dekha bhi hai aur nibhaya bhi hai. Na
jaane kitne heere iss cinema ne humein tohfey mein diye hain jaise Mughal-e-
azam, Pakeezah, Mother India, Lagaan, Rang De Basanti aur list abhi bhi bohot
lambi hai.
Cut 3 – (Mughal-e-azam dialogue). Mughal-e-azam 1960 ki woh film hai jisne
Anarkali aur Salim ki kahaani ko logon ke dil mein hamesha ke liye permanent
room dila dia. K Asif ki banai hui yeh film har maayne mein ek grand film thi.
Iss film mein mashahoor kalakaar Dilip Kumar, Madhubala aur Prithiviraj
Kapoor main roles mein the. ‘Pyar kia toh darna kya, Teri Mehfil mein kismat
aazma kar, aur Mohe Panghat Pe jaise popular gaano se bhari iss film ki kahaani
Badshah Akbar, unke bete Salim aur Salim ki premika Anarkali par based hai.
Yeh woh film thi jisse har Hindustani ne apne dil ke kareeb paya aur uski wajah
thi haal hi mein hua partition, ek aisa daur jisne sabke mann ko hila kar rakh
diya tha.
Cut 4 – (Mother India dialogue). Mother India woh film hai jisne kayi levels par
Filmfare awards jeete. Nargis, Raaj Kumar, Sunil Dutt aur Rajendra Kumar
jaise bade namon se bhari iss film ka direction ho ya acting, gaane ho ya
storyline, iss movie ke har hisse ko bohot hi pasand kia gaya. Jinhone ne dekhi
hai woh jaante hain ya jinhone nahi bhi dekhi hai, unn sab ko main batana
chahungi ki yeh film ek aisi aurat par bani hai jiska character bohot mazboot
hai. Iss aurat ka naam hai Radha jo ki ek kisaan hai. Aage iss movie mein
dekhne ko milta hai ki Radha kaise samaaj ke bandhano ko tod kar apni alag
pehchaan banati hai, aur apne bachchon ko bhi waise hi parvarish deti hai. Iss
film ko Indian cinema ka steppingstone kahen toh yeh galat nahi hoga.
Cut 5 – (Sholay Dialogue). Aisi hi ek aur film hai jo ki bohot mashahoor hui aur
woh hai Sholay jisse log aaj bhi badha pasand karte. Film ki writing aisi hai ki
aaj bhi aksar aap kisi na kisike munh se koi na koi dialogue toh sun hi lete
honge. Sholay film mein bhar bhar kar masala hai, mazedaar dialogues hain, aur
entertainment hai. Hindustani cinema ki one of the best movies hone ke saath
saath, yeh bahar ke deshon mein bhi khoob pasand ki gayi. Chahiye Jai aur
Veeru ho ya, Basanti aur Gabbar; Sholay ke har kirdaar ko bohot pasand kia
gaya. Iss film ki shooting ke time ke bhi mazedaar kisse hain. Jaise Amjad Khan
jo Gabbar bane the unhe ‘Kitne aadmi the’ wala dialogue bolne mein 40 se
zyada takes lage the. Jai ka famous dialogue ‘Basanti inn kutton ke saamne mat
nachna’ ek impromptu experiment tha jo script mein kahin likha hi nahi gaya
tha. Iss superhit ke bhi apne kuch rang hain, but jo bhi kaho movie ek dum mast
hai.
Cut 6 – (DDLJ Dialogue). Aisi hi badi badi baaton ke liye bani yeh film
Hindustan ke cinema ki one of the blockcuter films bani. Yakinan yeh film 1995
ki sabse zyada rupay kamane wali film bani. Yeh badi hi hairaani ki baat hai ki
iss film ko itna pyaar mila ki yeh film pichle 27 saalon se theatres mein lagi hui
hai. Chahe woh Simran ka first solo trip ho, ya Raj ka flirt karne ka nature, iss
film ne har kiske dil ko iss qadar chhua ki har ladka ladki khud mein Raj aur
Simran ko dekhne lage. Jaanta ko unka naya love anthem ‘Tujhe dekha toh yeh
jaana sanam’ bhi mila aur naachne ko ‘Mehendi laga ke rakhna’ jaisa gaana bhi
mila. Bhai mera favourite toh (_ - fill it) gaana hai, aur isiliye main aap sab ke
liye pesh karti hoon ___ gaana.
Cut 7 – (Rang De Basanti Dialogue). Rang De Basanti bhi ek bohot acchi aur
etihaasik film thi. Rakeysh Omprakash Mehra ki direct ki hui iss film mein
humein Hindustan ke azaadi ke liye kiye gaye struggle dekhne ko milte hain.
Yeh movie college ke students ke baare mein hai jo azaadi par documentary
mein hissa lete hain. Uss documentary ke zariye woh logon tak azaadi ke
sangarsh ki kahani pohonchna chahte the. Iss film ka direction bhi kaafi strong
tha aur kahaani bhi. Aur toh aur gaane bhi aise ki aaj bhi log bade hi romanch ke
saath unhe sunte hain.
Cut 8 – (Tamasha Dialogue). Imitiaz Ali ki yeh rom-com film storytelling ko
yaani kahani sunane ki kala ko alag hi roop deti hai. Tamasha ek aisi film hai jo
har insaan ko sapne dekhne aur unhe follow karne ki prerna deti hai. Ved, jis par
iss movie ki kahaani bani hai, woh kahani sunane ka shauk rakhta hai. Bachpan
se hi usse kahaniyon se bada lagav hai. Aur yahi shauk usse aage badhne ko
kehta hai lekin maa baap ke kehne par woh padhai puri kar naukri karne lagta
hai. Aur yahi se uske swabhav mein change aane lagta hai. Yeh ek bohot badi
seekh hai ki insaan ko hamesha apne sapno ko chunna chahiye. Agar tum saath
ho aur Matagashti jaise gaano wali iss movie ko logon ne kaafi pasand kia. Aur
yeh film bhi Hindustani cinema mein ek acchi yaad ki tarah darj ho gayi.
Cut 9 – Hindustan ke cinema ne kai utaar chadhaav bhi dekhe. Kai kalakaaro ki
kuch films superhit bani aur kai flop bhi hui. Magar cinema ka jazbaa toh tab
bhi logon mein tha aur aaj bhi hai. 110 saal pure hone ki yeh safalta iss baat ka
saboot hai ki yahi cinema har Hindustani ke dilon par chhaya hua hai. Agar
kuch badala hai toh zamana aur kahaniyaan batane ka tareeka badla hai, par
kisse aaj bhi wahi hai aur kahaniyaan aaj bhi dil ko chhu leti hain.