SANTO ROSARIO

AROALDAW KI MARIA/Awit (tindog):

Aro-aldaw ki Maria, idolot an pag-omaw Mag-arawit sa saiya, tingog niato magrokyaw. An saiya
na pagtabang satong hagadon ngonyan Na kita pa nabubuhay digdi sa kinab-an
Kung kami nasasakitan, inang maheherakon Sa saimong mahal na ngaran, kami gabos na laom
Oh Maria himatea an samong inagrangay Mga aki mo na tunay, laom ang kalangitan.

Sa ngaran kan Ama, asin kan Aki asin kan Espiritu Santo. Amen.

CREDO APOSTOLICO:

Nagtutubod ako sa Dios Amang makakamhan, Kaglalang kan langit asin daga, asin ki Jesu- Cristo, Aking
Bogtong niya, Kagurangnan ta, ipinangidam huli kan Espiritu Santo, namundag ki Virgen Maria,
pinasakitan kan panahon ni Poncio Pilato, ipinako sa Krus nagadan ilinubong, huminilig sa mga gadan,
kan ikato-long aldaw nabuhay-liwat hale sa mga gadan, suminakat sa kalangitan, nagtutukaw sa too kan
Dios Amang makakamhan, hale duman mabalik sa paghukom sa mga buhay asin mga gadan. Nagtutubod
ako sa Espiritu Santo, sa banal na simbahan na Catolico, sa paropakinabang nin mga santos, sa
pagpatawad nin mga kasalan. Sa pagkabuhay-liwat nin laman, sa buhay na daing kasagkoran. Amen.

AMA NIAMO:

Ama Niamo na yaon sa langit: pabanalon an ngaran mo; magdatong an kahadean mo mangyari an boot
mo sa daga nin siring sa langit.

An samong kakanon sa aroaldaw itao mo samuya ngonian, asin patawadon mo kami sa samong mga
kasalan, siring na pinapatawad niamo an mga nagkakasala samuya asin hare kami pagdaraha sa sugot;
kundi agawa kami sa maraot. Amen.

AVE MARIA:

Ave Maria, panô nin gracia, an Kagurangnan yaon saimo, paladan ka sa kababaihan, asin paladan an
bunga kan saimong poponan, si Jesus.

Santa Maria, Ina kan Dios, ipamibi mo kaming mga parakasala, ngonian asin sa oras kan samuyang
kagadanan. Amen.
KAMURAWAYAN SA SANTISIMA TRINIDAD:

Kamurawayan sa Ama, asin sa Aki, asin sa Espiritu Santo,

siring sa kapinonan asin ngonian, magdanay man, asin sa kapanahonan kan mga panahon. Amen.

V: O Maria, Ipinangidam na daing kasalan,

R: Ipamibi mo kaming mga minadolot saimo.

PAMIBI PAKATAPOS NIN SARONG DECADA:

Jesus na Kagurangran Patawada kami sa samong mga kasalan Ligtasan kami sa kalayo kan infierro,
Daraha sa langit an gabos na kalag Orog na idtong mga nangangaipong gayo Kan saimong pagkaherak.

SEÑORA NIN MGA NASYON:

Kagurangnan Jesucristo, Aki nin Ama, Padarhan an saimong espiritu Sa bilog na kinaban Mabuhay an
Banal na Espiritu Sa puso nin mga nasyon tangani na sinda Mailikay sa pagroro, sa kahorasaan Asin sa
mga ralaban. Logod an Señora nin mga nasyon, Na si Virgen Maria magin samuyang parasurog. Amen.

INANG DAING DIGTA/Awit (tindog):

Inang daing digta kami napa-alaw;

Sa saimong altar kami nadalaw.

Ave, Ave, Ave Maria

Ave, Ave, Ave Maria.

An awit kan Angel Na si San Gabriel,

Iyo an samuyang Patara-tara.

Ave, Ave, Ave Maria

Ave, Ave, Ave Maria.

Ika an paladan Sa kababaihan

Ta pinakapano Ika nin biyaya.

Ave, Ave, Ave Maria

Ave, Ave, Ave Maria.

Kapakumbabaan An simong simbag;

Mangyari samuya Simong kabot-an.

Ave, Ave, Ave Maria

Ave, Ave, Ave Maria.

Sa kahorasaan, sa kaogmahan

kami pamibian, O, Inang Mahal.

Ave, Ave, Ave Maria

Ave, Ave, Ave Maria.

Virgen ma-ugayon Ina ni Jesus;

Kami daraha man Sa kalangitan.

Ave, Ave, Ave Maria

Ave, Ave, Ave Maria.

MGA MISTERYO NIN SANTO ROSARIO

An Limang Misteriong MAOGMAHON

(Lunes asin Sabado)

1. An Enot na misteriong Maogmahon, iyo an pagbareta nin Anghel ki Maria.

2. An Ika-duwang misteriong Maogmahon, iyo an pagsongko ni Maria sa saiyang pinsan na si
Santa Isabel.
3. An Ika-tolong misteriong Maogmahon, iyo an pagkamundag ni Jesus sa Belen.
4. An Ika-apat na misteriong Maogmahon, iyo an pagdolot ni Maria ki Jesus sa Templo.
5. An Ika-limang misteriong Maogmahon, iyo an pagkawara ni Jesus asin pagkakua Saiya sa
Templo.
An Limang Misteriong MAMONDOON

(Martes asin Viernes)

1. An Enot na misteriong Mamondoon, iyo an pagpamibi ni Jesus sa Getsemani.

2. An Ika-duwang na misteriong Mamondoon, iyo an paghampak ki Jesus sa hariging gapo.
3. An Ika-tolong misteriong Mamondoon, iyo an pagkorona nin tonok ki Jesus.
4. An Ika-apat na misteriong Mamondoon, iyo an pagpasan ni Jesus kan Cruz pasiring sa Calvario.
5. An Ika-limang misteriong Mamondoon, iyo an pagpako asin pagkagadan ni Jesus sa Cruz.

An limang misteriong MAMURAWAYON

(Miercoles asin Domingo)

1. An Enot na misteriong Mamurawayon, iyo an pagkabuhay-liwat ni Jesus.

2. An Ika-duwang na misteriong Mamurawayon, iyo an pagsakat sa langit ni Jesus.
3. An Ika-tolong misteriong Mamurawayon, iyo an paghilig nin Espiritu Santo sa mga Apostoles.
4. An Ika-apat na misteriong Mamurawayon, iyo an pagsakatan sa langit ki Maria Santisima.
5. An Ika-limang misteriong Mamurawayon, iyo an pagkorona ki Maria Santisima bilang Reyna
nin bilog na linalang.

An Limang Misteriong LIWANAG

(Huwebes)

1. An Enot na misteriong liwanag, iyo an pagbonyag ki Jesus.

2. An Ika-duwang misteriong liwanag, iyo an pagpamidbid ni Jesus sa sadiri sa kasal sa Cana.
3. An Ika-tolong misteriong liwanag, iyo an pagrokyaw kan kahadean nin Dios.
4. An Ika-apat na misteriong liwanag, iyo an Transfiguracion.
5. An Ika-limang misteriong liwanag, iyo an pagtogdas kan Eucaristia.

SALVE REYNA:

Salve Reyna, Ina nin pagkaherak, Salve, samuyang buhay, hamis asin paglaom; kaming mga sinikwal na
aki ni Eva, saimo nagkukurahaw; kaming mga nag-aagrangay asin nagtatangis digdi sa daga nin mga luha,
saimo nag-aagagha; kaya maghidali, samuyang Parasurog, salingoyi kami kan mga mata mong
maheherakon; asin si Jesus, an banal na bunga kan saimong poponan, pahilingan samo pakatapos
kaining pagsikwal, O maheherakon, O banal, O mahamis na Virgen Maria.

V: Ipamibi mo kami, banal na Ina kan Dios.

R: Tanganing magkanigo kaming magkamit kan mga panuga ni Cristo.

LETANIA KI VIRGEN MARIA

Kagurangnan, kaheraki kami.

Cristo, kaheraki kami.

Kagurangnan, kaheraki kami.

Cristo, hinanyoga kami.

Cristo, pakahinanyoga kami.

Dios Ama sa langit, † (Kaheraki Kami)

Dios Aki, Paratubos nin kinaban,

Dios Espiritu Santo,

Santisima Trinidad, saro sanang Dios,

Santa Maria,* (Ipamibi mo kami)

Santang Ina nin Dios,

Santang Virgen nin mga virgenes,

Ina ni Cristo,

Ina nin Santa Iglesia,

Ina nin diosnon na biyaya,

Inang malinigon,

Inang mabinion,

Inang matubison,

Inang dai nadigtaan,

Inang kakamomota,

Inang kawiwilihan,

Ina nin marhay na hatol,

Ina nin Kaglalang,

Ina nin Kagtubos,

Virgen na masoripoton,

Virgen na iginagalang,
Virgen na ipagbabantog,*

Virgen na mapangyari,

Virgen na maheherakon,

Virgen na maimbodon,

Salming nin katanosan,

Tukawan nin kadonongan,

Dahelan nin samong pag-ogma,

Vaso sa kalag,

Vasong igong galangan,

Vasong palaen nin pagkamoot,

Burak na makahologan,

Torre ni David,

Torreng gading,

Harong na bulawan,

Kaban nin katipanan,

Tata nin langit,

Bitoon na makaaaga,

Bitoon nin pagbabalangibog nin Tataramon nin Dios,

Kaomayan nin mga naghehelang,

Pailihan nin mga parakasala,

Pararanga nin mga nagmomondo,

Paalawan nin mga Cristiano,

Reyna nin mga Angheles,

Reyna nin mga Patriarcas,

Reyna nin mga Profetas,

Reyna nin mga Apostoles,

Reyna nin mga Martires,

Reyna nin mga Confesores,

Reyna nin mga Virgenes,

Reyna nin gabos na mga Santos,*

Reynang ipinangidam dai naolaktan kan kasalan na original,

Reynang isinakat sa langit,

Reyna nin kamahal-mahaling Rosario,

Reyna nin familia,

Reyna nin katoninongan.

Cordero nin Dios na nagpapara kan kasalan nin kinaban, Patawara kami, Kagurangnan.

Cordero nin Dios na nagpapara kan kasalan nin kinaban, Hinanyoga kami, Kagurangnan.

Cordero nin Dios na nagpapara kan kasalan nin kinaban, Kaheraki Kami, Kagurangnan.

V: Ipamibi mo kami, banal na Ina kan Dios.

R: Tanganing magkanigo kaming magkamit kan mga panuga ni Cristo.

MAMIBI KITA:

Dios, huli kan saiyang buhay, kagadanan asin pagkabuhay liwat, an Bugtong mong Aki nagdara samo kan
mga premio nin buhay na daing kasagkoran; warasan, namimibi kami, na naghohorop-horop kaining mga
misterio, kan orog kabanal na rosario ni Virgen Maria, makaarog sa mga linalaman kaini, asin magka- mit
kan mga pinapanuga kaini, huli man sana ki Cristo samong Kagurangnan. Amen.

PAMIBI:

Minapaalaw kami sa Saimong pag-ampon, O mahal na Ina nin Dios. Hare pagsikwalan an samong mga
pagngangayo-ngayo sa tahaw nin samong mga pangangaipo; ata ngani agawon mo kaming dayaday sa
gabos na pag-alaman, Virgen na mamurawayon asin paladan.

V: O Maria, Ipinangidam na daing kasalan,

R: Ipamibi mo kaming mga minadolot saimo.

ADIOS/Awit (tindog):
Adios, Virgen Maria, Mahal niamong Ina,

Kami giromdoma man, Asin patawada.

Adios, Inang mahamison, Sa atubang nin dios,

Hare mo kami bayai, sa ngaran ni Jesus.

Sa ngaran kan Ama, asin kan Aki asin kan Espiritu Santo. Amen.