An Santo Rosario

(Bicol)

Sa Pagtandaan nin Santa Cruz

Sa pagtandaan nin Santa Cruz, Kagurangnan niamong Dios, agawon mo kami sa samong mga kaiwal sa
pangaran nin Dios Ama asin nin Dios Aki pati nin Dios Espiritu Santo. Amen.

Gawe nin Pagsolsol

Dios ko nagsosolsol ako kan gabos kong mga kasalan asin dai na magkakasala liwat huli ta
mamurawayon ka asin namomot-an taka.

Nagtutubod
Nagtutubod ako sa Dios Amang makakamhan, Kaglalang kan langit asin daga, asin ki Jesu-Cristo, Aking
Bogtong Niya, Kagurangnan ta, ipinangidam huli kan Espiritu Santo, namundag ki Virgen Maria,
pinasakitan kan panahon ni Pontio Pilato, ipinako sa krus, nagadan, asin ilinubong, huminilig sa mga
gadan, kan ikatolong aldaw nabuhay liwat hale sa mga gadan, suminakat sa kalangitan, nagtutukaw sa
too kan Dios Amang makakamhan, hale duman mabalik sa paghukom sa mga buhay asin mga gadan.

Nagtutubod ako sa Espiritu Santo, sa banal na Simbahan na Catolico, sa paropakinabang nin mga Santos,
sa pagpatawad nin mga kasalan, sa pagkabuhay liwat nin laman, asin sa buhay na daing kasagkoran.
Amen.

Ama Niamo
Ama niamo, na yaon sa langit: pabanalon an ngaran Mo; magdatong an kahadean Mo; mangyari an boot
Mo sa daga nin siring sa langit.

An samong kakanon sa aroaldaw, itao Mo samuya ngunyan, asin patawadon Mo kami sa samong mga
kasalan, siring na pinapatawad niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Ave Maria
Ave Maria, pano nin grasya, an Kagurangnan yaon saimo, paladan ka sa kababaihan, asin paladan an
bunga kan saimong poponan, si Jesus. Santa Maria, Ina kan Dios, ipamibi mo kaming mga parakasala,
ngunyan asin sa oras kan samuyang kagadanan. Amen.

Kamurawayan (Glory Be)

Kamurawayan sa Ama, asin sa Aki, asin sa Espiritu Santo, siring sa kapinonan asin ngunyan, magdanay
man, asin sa kapanahonan kan mga panahon. Amen.
Oration Fatimae
Jesus na Kagurangnan, patawada kami sa samong mga kasalan; ligtasan kami sa kalayo kan infierno,
daraha sa langit an gabos na kalag orog na idtong mga nanga-ngaipong gayo kan saimong pagkaherak.

V: O Maria na ipinangidam dai mayo naolaktan nin kasalan na orihinal

R: Ipamibi mo kaming minadolok saimo

Salve Reyna
Salve Reyna, Ina nin pagkaherak, Salve, samuyang buhay, hamis asin paglaom, kaming mga isinikwal na
aki ni Eva, saimo nagkukurahaw, kaming mga nag-aagrangay asin nagtatangis digdi sa daga nin mga luha,
saimo nag-aagagha; kaya maghidali, samuyang Parasurog, salingoyi kan mga mata mong maheherakon;
asin si Jesus, an banal na bunga kan saimong poponan, pahilingan samo pakatapos kaining pagsikwal, O
maheherakon, O banal, O mahamis na Virgen Maria.

V: Ipamibi mo kami, banal na Ina nin Dios.

R: Tanganing magkanigo kaming magkamit kan mga panuga ni Cristo.

Mamibi kita:

Dios, huli kan Saiyang buhay, kagadanan asin pagkabuhay liwat, An Bogtong mong Aki nagdara samo kan
mga premyo nin buhay na daing kasagkoran; Warasan, namimibi kami, na naghohorop-horop kaining
mga misterio, kan orog kabanal na Rosario ni Virgen Maria, makaarog sa mga linalaman kaini, asin
magkamit kan mga pinanuga kaini, huli man sana ki Cristo Samong Kagurangnan. Amen.

MGA MISTERIO SA SANTO ROSARIO

Mga Misteriong Maogmahon/Magaya-gaya (Lunes/Sabado)

Pagbareta kan Anghel ki Maria

Pagsongko ni Maria sa Saiyang Pinsan na si Isabel
Si Jesus Namundag sa Belen
Pagdolot ni Maria ki Jesus sa Templo
Pagkakua ki Jesus sa Templo Sa Tahaw nin mga Madunong
Mga Misterio Nin Liwanag (Jueves)

An Pagbonyag ki Jesus
An Kasal sa Cana
An Pagrokyaw kan Kahadean nin Dios
An Transfigurasyon
An Pagtogdas kan Eucaristia
Mga Misteriong Mamundoon (Martes/Viernes)

An Pamibi sa Tatamnan nin Getsemani

An Paghampak ki Jesus sa Hariging Gapo
An Pagkorona nin Tonok ki Jesus
An Pagpasan kan Cruz pa-Calvario.
An Pagpako asin Pagkagadan sa Cruz
Mga Misteriong Mamurawayon (Miercoles/Domingo)

Si Jesus Nabuhay Liwat

Si Jesus Suminakat sa Langit
An Espiritu Santo Naghilig sa mga Apostoles
Si Maria Santisima Isinakat sa Langit
Si Maria Santisima Kinoronahan na Reina nin Langit asin Daga
LITANIA KI VIRGEN MARIA
Kagurangnan, Kaheraki kami,

Cristo, Kaheraki kami,

Kagurangnan, Kaheraki kami.

Cristo, Hinanyoga kami,

Cristo, Pakahinanyoga kami.

Dios Ama sa langit, Kaheraki kami.

Dios Aki paratubos nin kinaban, Kaheraki kami.

Dios Espiritu Santo, Kaheraki kami.

Banal na Tolong Persona, Saro sanang Dios, Kaheraki kami.

Santa Maria,* ipamibi mo kami.

Santang Ina nin Dios, *

Santang Virgen nin mga Virgenes, *

Ina ni Cristo, *

Ina nin Diosnon na biyaya, *

Inang malinigon, *
Inang mabinion,.*

Inang matubison,*

Inang dai nadigtaan.*

Inang kamomotan,*

Inang kawiwilihan,*

Ina nin marahay na hatol,*

Ina nin Kaglalang,*

Ina nin Kagtubos.*

Virgen na masoripoton,*

Virgen na igagalang,*

Virgen na ipagbabantog,*

Virgen na mapangyari,*

Virgen na maheherakon,*

Virgen na mabinion,*

Salming nin katanosan,*

Tukawan nin kadonongan,*

Vasong igong galangan*

Vasong palaen nin pagkamoot,*

Tore ni David,*

Harong na bulawan,*

Kaban nin katipanan,*

Bitoon na makaaga,*

Kaomayan nin mga naghehelang,*

Pailihan nin mga parakasala,*

Pararanga nin mga nagmomondo,*

Paalawan nin mga Cristiano,*

Reina nin mga Angeles,*

Reina nin mga Patriarkas,*

Reina nin mga Profetas,*

Reina nin mga Apostoles,*

Reina nin mga Martires,*

Reina nin mga Confesores,*

Reina nin mga Virgenes,*

Reina nin gabos na mga Santos,*

Reinang ipinangidam dai naolakitan nin kasalan na original, *

Reinang isinakat sa langit, *

Reina nin kamahalmahaling Rosario, *

Reina nin katoninongan. *

Cordero nin Dios na nagpapara an mga kasalan nin kinaban Patawara kami, Kagurangnan

Cordero nin Dios na nagpapara an mga kasalan nin kinaban

Hinanyoga kami, Kagurangnan.

Cordero nin Dios na nagpapara an mga kasalan nin kinaban

Kami saimong kaherakan.

 Prices For Used Furniture in Philippines Might Surprise You(See Prices)
The Prices For Used Furniture in Philippines Might Surprise You(See Price
Cell Phone Deals | Search Ads
Forget Expensive Solar Panel Roofs In Philippines: Prices in 2023 Might Surprise You(See Prices)
Forget Expensive Solar Panel Roofs In Philippines: Prices in 2023 Might Surprise You(See Prices)
Search Ads
All New Senior Apartments in Tabaco (Take A Look At The Price)
All New Senior Apartments in Tabaco (Take A Look At The Price)
Senior Living | Search Ads
Unsold Cruise Cabins (Take a Look at the Prices)
Unsold Cruise Cabins (Take a Look at the Prices)
Cruise Offers | Search Ads
Share this:
TwitterFacebook
Loading…

Posted by:

sem_ryanzafe

Nurse by profession and seminarian by vocation. I like writing literary works and compiling religious
literature and novenas. I believe that traditions and Traditions should be properly kept by those people
to whom these are entrusted.
Previous Post
Next Post
5 responses to “Prayers of the Holy Rosary”
Rowell Valencia Avatar
Rowell Valencia
November 23, 2017
Dakulang tabang an mga pamibion na ini na ngunyan nasa social media na. Dai dapat kita magin
dayuhan sa satuyang sadiring tataramon. Magpamibi kita sa satuyang sadiring lenggwahe.

Like

Reply
Hilda M. Torralba Avatar
Hilda M. Torralba
November 14, 2021
salamat po na marhay sa giya kan santo rosaryo na tig share po nindo sa social media,dakula po ining
tabang nganing makasabay po ako sa pangadyi sa santa misa,salamaton po

Like

Reply
sem_ryanzafe Avatar
sem_ryanzafe
November 14, 2021
Salamat man po ta nakatabang ako saindo.

Like

Reply
Angine Guiruela Avatar
Angine Guiruela
July 30, 2022
Salamat po , tabang na maray po ni sa samo para sa samong bunyag para maging tunay na catholic.

Like

Jo
y Sadia
January 21, 2022
Salamaton po sa pag share kan banal na sto.rosaryo..

Like

Reply
Leave a Reply
Your email address will not be published. Required fields are marked *

Comment *

Name *
Notify me of new comments via email.

Notify me of new posts via email.

About the blog

Masu is a blog that documents an individual's journey with regular quadrilateral images. Don't forget to
follow me on:

Facebook
Twitter
Instagram
Newsletter

Subscribe to my email newsletter full of inspiring stories about my journey that continues.

Email Address:
Email Address

Subscribe

Designed with WordPress.com