08/04/2024 04:43 Azamul n tegrawla γer yilibiyen - La Dépêche de Kabylie

ACCUEIL TAMAZIGHT AZAMUL N TEGRAWLA ΓER YILIBIYEN

Azamul n tegrawla γer yilibiyen

14 MARS 2011 / TAMAZIGHT

Partager

Yal tamnaḍt deg Tmazγa tesεa kra n ugrewliw i d-yeğğan isem-is di cfawa n ugdud ; Σebdelkrim
Lxeṭṭabi, Ccix Aḥeddad, Lalla Faḍma n Sumer,… Wi akk d izumal n umennuγ mgal amnekcam
afransis di tmurt n Lmerruk d tmurt n Lezzayer. Tamurt n Libya i yeγlin ger yifassen n umnekcam
aṭelyani deg useggas n 1911, ula d nettat banen-d deg-s yizumal i yennuγen mgal amnekcam-a.
Σumer Lmuxṭar, d yiwen seg-sen, d netta i imucaεen imi yella d aqerru n tegrewla n yilibiyen mgal
amnekcam aṭelyani. Ilul deg useggas n 1862 di temnaḍt n Zawiya n Jenzur, seg teqbilt tamaziγt nat
Leεbaydi n Mnifa. Yekker-d deg tmezgidiwin n ṭṭariqa tasennusit anda i yelmed tussniwin n ddin
ineslem ; mi twalan yiselmaden-is yeḥrec, ssulin-as di ccan, rran-t d ccix deg yiwen n lğameε deg
useggas n 1897.

D agellid Muḥemmed Idris al-Sennusi i t-yumren di tazwara akken ad yexdem tirebbaε n yimjuhad
ara yennaγen mgal iserdasen n Ṭṭelyan, maca deg useggas n 1922 asmi i yuγal leḥkem deg ufus n
yifaciyen, agellid i d nebder yerwel γer tmurt n Maṣer. Ma d Σumer Lmuxṭar ikemmel amennuγ ladγa
deg temnaḍt umi qqaren : Adrar Azegzaw neγ al-Ğabel al-Axḍer, anda i xeṣṣren amennuγ
yiserdasen n Ṭṭelyan acḥal d tikelt. Asmi i t-walan yeγleb-iten, ur as-zmiren ara deg umenγi ; εerḍen
ad t-γwun s udrim akken kan ad yeḥbes tagrewla, maca netta yugi imi mačči d cci i t-yecqan, meεna
d nnif akked leḥmala-s i tmurt-is i yebγa ad tidir di tlelli. Yettwaṭṭef γer lḥebs ass n 12 cutember
1931, tsuter deg-s tedbelt n umharas ad yefk tiγri i yimjuhad yellan deg yidurar akken ad sersen
leslaḥ, s wakka nutni ad as-εfun. Netta yugi, yextar ad yemmet d ameγras γef lğal n tmurt-is d
ugdud-is. Mi t-walan yugi ad yesteslem, ḥekmen fell-as s lmut, nγan-t s uxnaq ass n 16 cutember
1931, zdat n 20000 n yilibiyen i iferrğen deg-s. Mi yemmut, wwin-t yiserdasen γer Benghazi,
meṭṭlen-t s lεessa deg tmeqbert umi qqaren Ṣṣabrin. Taqsiṭ n uzamul-a n umennuγ n ugdud alibi γef
tlelli-ines, tnuda-d akk amaḍal, s lfilm i yexdem fell-as umsufeγ asuri Moustapha Akkaq « Izem n
ṣṣeḥra »neγ (le lion du désert) i d-yeffγen aseggas n 1981, lfilm ideg d-yurar ddur n Σumer Lmuxṭar
umumetel amarikani Anthony Quinn.

Mokrane Chikhi

https://www.depechedekabylie.com/93277-azamul-n-tegrawla-er-yilibiyen/ 1/2
08/04/2024 04:43 Azamul n tegrawla γer yilibiyen - La Dépêche de Kabylie
Partager

ARTICLE PRÉCÉDENT
ARTICLE SUIVANT
La communauté internationale se
Plus de 100 foyers sans électricité à Ighil Imoula
mobilise pour le Japon

Articles similaires

Cherif Kheddam : “Abrid n Tiderray d tasfift n yisefra n Ass n usezrew γef wallalen n Sadiya n l’euro sponsorise
tissas” Ahcène Mariche uselmed d tnumi n tγuri d JSK
tira s tmaziγt

ACCUEIL PRESSE ALGÉRIENNE PUBLICITÉ CGU POLITIQUE DE CONFIDENTIALITÉ NOUS CONTACTER

Copyright © 2024 - La Dépêche de Kabylie.

https://www.depechedekabylie.com/93277-azamul-n-tegrawla-er-yilibiyen/ 2/2