KAHULUGAN, KATANGIAN,

KAHALAGAHAN,
KAPANGYARIHAN, TUNGKULIN
AT ANTAS NG WIKA
 KAHULUGAN NG WIKA
• kasangkapan ng komunikasyon o
pakikipagtalastasan
• tagapagdala ito ng mga ideya at
naiimpluwensyahan nito ang ugali ng tao, ang isip
at damdamin
• nagbubuklod sa isang lipunan na may iisang
kultura. Hindi matatawag na isang lipunan ang
isang grupo ng mga tao kung wala silang wikang
komon.
Ayon kina Pamela Constantino at Galileo Zafra
(2008), “ang wika ay isang kalipunan ng mga
salita at ang pamamaraan ng pagsasama-sama ng
mga ito para magkaunawaan o
makipagkomyunikeyt ang isang grupo ng mga
tao.”.
Ayon sa isang dalubhasa sa wika na si Henry
Gleason:
“Ang wika ay isang sistematik na balangkas ng
mga binibigkas na tunog na pinipili at
isinasaayos sa paraang arbitrari upang
magamit ng mga taong may iisang kultura.”
KATANGIAN NG WIKA (Garcia,et. al. 2008)
1. May sistematik na balangkas.
Pangunahing katangian ng isang tunay na agham ang
pagiging sistematik. Dahil may katangiang
makaagham ang isang wika, naging batayan ito upang
umiral ang larangan ng Linggwistiks, ang pag-aaral ng
wika. Hindi lamang nakabatay sa ngayon sa Balarila o
Gramar ang pagtuturo ng wika. Malaliman ngayong
tinatalakay ang isang wika mula sa fonoloji, morfoloji,
hanggang sa sintaks.
2. Binibigkas na tunog

• Hindi lahat ng tunog ay binibigkas at hindi rin naman

lahat ng tunog ay makabuluhan. Ang ponemik ang
tunog na makabuluhan. Ang pagiging makabuluhan
ng tunog ay yaong nakapagpapaiba ng kahulugan ng
salita. Ang ganitong penomenon ng wika ang siyang
dahilan kung bakit sa kabila ng pagkakaroon ng 28
letra ng ating bagong alfabeto, 21 lamang ang fonim o
ponema at 1 sa 21 ito ay walang katumbas na grafim o
letra – ang glotal na pasara sa lumang balarila ay
tinatawag na impit na tunog. Mapapansin ito sa mga
salitang malumi at maragsa.
3.Pinipili at isinasaayos.
Kasama ang retorika sa mga batayang kurso sa
kolehiyo. Layon nito ang makapagpahayag nang
mabisa sa pamamagitan ng wastong pagpili at
pagsasaayos ng wika. Hindi lamang kasi basta
binibigkas at inaalam ang kahulugan ng mga
salita.
4. Arbitrari
Ang wika ng isang pamayanan ay nabuo ayon sa
napagkasunduang termino ng mga taong
gumagamit nito. Dahil dito, nagkaroon ng
indentidad ang bawat wika na sadyang ikinaiba ng
bawat isa.
5. Kapantay ng kultura
Kaugnay ng pagiging arbitrari ang pagiging
kapantay ng kultura ng wika. Walang wikang
umunlad pa kaysa sa kanyang kultura, gayundin
walang kulturang yumabong nang di kasabay ang
wika.
6. Patuloy na ginagamit
Walang saysay ang anumang bagay kung hindi
naman ito ginagamit. Kapag hindi ginagamit,
nangangahulugan lamang na wala itong silbi. Ito
ang dahilan kung bakit mahalagang katangian ng
wika ang pagiging gamitin nito.
7. Daynamik o nagbabago
Itinuturing na “patay” ang isang wika kung wala na
itong tinatanggap na pagbabago. Hindi totoo na
patay na ang wika ay wala nang gumagamit at
dahil doon, ay wala nang silbi.
KAHALAGAHAN NG WIKA (Garcia, et.al. 2008)
1. Kahalagahang pansarili
Nakapaloob dito ang indibidwal na kapakinabangan.
Sa oras na matutuhan ng isang indibidwal ang
kakayahang magsalita, kailangan na niyang magamit
nang wasto ang wikang kanyang kinagisnan
(vernakular). Halos lahat ng teorya ng wika ay nag-
uugat sa pansariling kapakinabangan: pagpapahayag
ng damdamin, isniisip at maging ng mismong
pagkatao.
2. Kahalagahang panlipunan
Kailangan ng tao ang kanyang mga kapwa upang
bumuo ng isang lipunang sasagisag sa kanilang iisang
mithiin, sa kanilang natatanging kultura. Ito ang
dahilang kung bakit may iba’t ibang lipunan. At sa
pagbanggit sa kultura, naroon ang katotohanan ng
pag-iral ng wika. Wika ang dahilan kung bakit
minamahal ng sinumang nilalang ang kanyang
sariling kultura, at mula sa pagmamahal na ito,
uusbong ang kanyang pagkakakilanlan.
3. Kahalagahang global/internasyonal
Naging mainit ang isyung ito nang magkaroon ng 2001
Revisyon ng Alfabeto. Maraming nagtaas ng kilay sa
paggamit ng mga letrang F, J, V at Z bilang mga
letrang maaari nang gamitin sa pagbabaybay ng mga
karaniwang salitang hiram. Sa katunayan, malinaw na
nakasaad sa Konstitusyon ng 1987 (Art. XIV, Sek.7) na
“Ukol sa mga layunin ng komunikasyon at pagtuturo,
ang mga wikang opisyal ng Pilipinas ay Filipino
hangga’t walang ibang itinatadhana ang batas, Ingles.”
Ang nabanggit ang patunay na sa Pilipinas,
itinatagubiling matutuhan ng mga Pilipino ang
dalawang wikang opisyal na ito upang maging
kasangkapan sa komunikasyon: ang Filipino sa loob ng
bansa at ang Ingles sa pandaigdig. Ngunit dahil ang
wika ay buhay at patuloy na nagbabago, napansin ng
mga dalubwika ng bansa na sa pamamagitan ng
paglalapat ng linggwistiks, masasabing mailalapat na
ang Filipino sa ispeling sa Ingles. Sa paggamit ng apat
na letrang nabanggit sa dakong unahan, maraming
salita ang papasok sa leksikong Filipino na hindi
kailangan pang baguhin ang ispeling.
KAPANGYARIHAN NG WIKA (Badayos, 2010)
1. Ang wika ay maaaring makapagdulot ng ibang
kahulugan.
 Anumang pahayag ay maaaring makapagdulot ng
ibang kahulugan o interpretasyon sa mga tanggap ng
mensahe nito. Ito ay tinatawag ding bypassing na ang
ibig sabihin ay maling paniniwala na ang isang salita
ay nagtataglay lamang ng iisang kahulugan.
2. Ang wika ay humuhubog ng saloobin.

 Sa pamamagitan ng wika, nagagawa ng tao na

hayagang alisin ang mga negatibong paniniwala na sa
kanyang palagay ay hindi makapagdudulot ng mabuti
sa kanyang kapwa. Samakatuwid, dahil sa wika
nagagawa nating makipag-ugnayan mismo sa ating
sarili, nagkakaroon ng pagtitimbang timbang at
hubugin ang ating mga saloobin bago magbitiw ng
mga salitang ating sasabihin.
3. Ang wika ay nagdudulot ng polarisasyon.
 Ito ay ang pagtanaw sa mga bagay na magkasalungat
na paraan. Halimbawa ay mabuti sa masama, mataas
at mababa, pangit sa maganda at iba pa. Nagagawa ng
wikang maghambing at maglarawan ng
pagkakaibaiba.

4. Ang kapangyarihan ng wika ay siya ring

kapangyarihan ng kulturang nakapaloob dito.
 Kailanman ay hindi maikakaila na kakambal ng wika
ang kultura kung kaya' hindi dapat na tanawin na may
superyor at imperyor na wika.
TUNGKULIN NG WIKA
1. Instrumental
• Nagiging instrumento ang wika kung ito’y: 1)
naglalahad ng mungkahi, 2) nanghihikayat
• ginagamit ang wika upang magawa ng isang
indibidwal ang nais gawin
2. Regulatori
• Nagagawa ng wika na kontrolin ang mga pangyayari sa
kanyang paligid.
• Ginagamit ng taong may nasasakupan o taong may
taglay na kapangyarihang magpakilos ng kapwa
3. Representasyonal/Impormatibo
 Ginagamit ang wika upang makapagbahagi ng mga
pangyayari, makapagpahayag ng detalye, at
makapagdala at makatanggap ng mensahe sa iba. Ang
wika ay representasyunal kung ito’y may tungkulin na
1) magbalita at 2) magbigay paliwanag o impormasyon.

4. Interaksyonal
 Nagagawa ng wika na mapanatili at mapatatag ang
relasyon ng tao sa kanyang kapwa.
 Pinananatili ang relasyong panlipunan
5. Personal
 Nagagamit ang wika upang maipahayag ang
personalidad ng isang indibidwal ayon sa sarili niyang
kaparaanan; naipapahayag ang sariling damdamin,
pananaw, at opinyon
6. Heuristik
 Tumutulong ang wika upang makapagtamo ang tao ng
iba’t ibang kaalaman sa mundo; ginagamit kung nais
matuto ng kaalamang akademik o propesyonal
7. Imahinatibo
 Nagagawa ng wika na mapalawak ang imahinasyon ng
tao. Nailalapat sa pagsulat o pagbigkas ng akdang
pampanitikan
ANTAS NG WIKA
FORMAL
 malawakang kinikilala ng pamayanan, ng bansa at ng
mundo
 tinatanggap ng nakararaming dalubhasa, nakapag-aral o
nagtuturo ng wika

A. PAMBANSA
 kapag umabot na sa pagiging opisyal na wika
 Itinuturo sa paaralan, gamitin maging ng pamahalaan
at nararapat lamang na kumatawan sa lahat ng wikang
matatagpuan sa isang bansa
B. PAMPANITIKAN

 pinakamayamang uri ng antas ng wika

 mayaman sa paggamit ng idyoma at tayutay
 hindi literal ang kahulugan ng salita, nagtataglay ng
talinghaga
 Ang mga salita ay karaniwang malalim, makulay at
masining.
INFORMAL
 karaniwan, palasak, pang araw-araw, madalas gamitin
sa pakikipag-usap at pakikipagtalastasan.

A. LALAWIGANIN
- Dayalektal
- Palasak at natural na ginagamit sa isang partikular
na lugar,ngunit maaaring hindi maintindihan ng iba
- Nahahaluan ng kakaibang punto at tono
- Batangas: kaunin (sunduin)
guyam (langgam)
B. KOLOKYAL

- pang-araw-araw na gamit ng salitang hinalaw sa

porma na mga salita
- Natural na penomenon ng pagpapaikli ng salita
upang mapabilis ang daloy ng komunikasyon
- Halimbawa: utol tisay
atsay tsokaran
C. BALBAL
 slang sa Ingles
 pinakamababang antas ng wika, mga salitang nabuo sa
impormal na paraan
 karaniwang nabubuo mula sa grupo ng mga bakla na
nagsisilbing koda sa pakikipag-usap
 Halimbawa: parak lespu
alat dyowa

D. BAWAL
- Salitang tumutukoy sa mga salitang katumbas ng
bahaging sekswal