TRANSPORTASYON AT KOMUNIKASYON Anu-ano nga ba nagbago sa pamahalaan nang ipatupad ang Batas Militar? Ang Pagbabago ng Pamahalaan
Ginamit ni Pangulong Marcos ang
kanyang kapangyarihan upang mabago ang pamahalaan ayon sa kanyang kagustuhan. Tinanggal niya ang ilang tanggapan at kawanihan. Lumikha siya ng bagong tanggapan. Pinagsama niya ang kapangyarihang ehekutibo at lehislatibo, at lumikha ng panibagong batas (tinaguriang Presidential Decree o Pagdedeklara ng mga Kalatas ng Pag-uutos ng Pangulo). Siya ang mismong nakapangyari o nasunod sa anumang ipinasya ng hukumang militar. Sa madaling sabi, naging diktador si Pangulong Marcos. Nawalan ng kapangyarihan ang Kongreso at Senado. Nagpatuloy ang Korte Suprema at ang Mababang Kapulungan sa kanilang tungkulin, ngunit lumikha si Pangulong Marcos ng hukumang militar na umusig sa kaso ng mga sibilyan. Nabawasan ang karapatan ng mga mamamayan. Naghari ang takot sa maraming tao. Ang Kumbenysiyong Konstitusyonal
Sa ilalim ng pamahalaan ni Pangulong
Marcos, pinagtibay ang Batas Republika Bilang 6132 (Constitutional Convention Act) sa paghahalal ng mga kinatawan na babalangkas sa Bagong Saligang Batas. Nobyembre 10, 1970 – Nagkaroon ng paghahalal sa pambansang kumbensiyon Hunyo 1971- Nagsimula ang pagpupulong ng kumbensiyon Setyembre 25, 1972- Pinagtibay ng mga delegado ang kumbensiyon sa isang pulong nang walang pagtutol sa pagpapatuloy ng pag-aaral tungkol sa mahahalagang bagay. Ibig sana ng ibang delegado na ipagpaliban ang kanilang pulong at imungkahing magpulong sila kapag hindi na umiiral ang Batas Militar. Walang nangyari sa kanilang mungkahi at nagpatuloy silang bumuo ng bagong Saligang Batas. Ang Saligang Batas 1973, Ikaapat na Republika
Isang parlamentaryong uri ng pamahalaan
ang nakabalangkas sa Saligang Batas ng 1973 o ang tinatawag ng marami na Konstitusyong Marcos. Ito ay kanyang ginamit upang ipairal ang sarili sa pamamahala. Ang Saligang Batas 1973, Ikaapat na Republika
Sa ilalim ng pamahalaang parlamentaryo, ang
Punong Ministro at ang kanyang mga Gabinete ang tagapagpaganap nito. Siya ang tunay na puno ng pamahalaan at tumatayong isang simbolo ng Pangulo. Ang Saligang Batas 1973, Ikaapat na Republika
Ang kapangyarihan ng paghuhukom ay nasa
Korte Suprema. Ang lehislatura o ang Batasang Pambansa ang gumagawa ng batas at mga tuntunin ng pamahalaan. Ang sangay tagapagpaganap ang nagpapatupad sa mga batas na pinagtibay nito. Ang Parlyamentaryong Pamahalaan Sa Saligang-Batas 1973, na inaprubahan sa Referendum ng 1973, itinakda ang Parliyamentaryong Pamahalaan. Ang kapangyarihan ng tagapagpaganap at tagapagbatas ay napasailalim ng isang Punong Ministro at Pangulo, na walang iba kundi si Pangulong Marcos. Ang mga gabinete o kagawaran ay tinawag na ministri imbes na kagawaran. Ang Interim Batasang Pambansa Dahilan sa inaprubahan ng mga tao ang Bagong Saligang-Batas, ipinatupad ni Pangulong Marcos ang Interim Batasang Pambansa bilang unang hakbang sa pagtatag ng Partiyamentaryong pamahalaan. Ito ang naging Pambansang Asembleya. Pinawalang-bisa at binuwag ang Senado at Kongreso. Bilang Punong Ministro, kabilang si Marcos at siya ring pinuno ng Batasang Pambansa. Ilang probisyong isinasad sa Saligang Batas 1973: 1. Mga hangarin ng mga tao at ang pagkakabuo ng isang bagong lipunan na tiyak ang kaunlaran. 2. Opisyal na pagpapawalang bisa sa Kongreso 3. Ang pagbabago ng uri ng pamahalaan muka sa presidensyal tungo sa pagiging parlamentaryo. 4. Paggamit ng pangulo sa kanyang kapangyarihang tipunin ang Interim Batasang Pambansa. Ang Saligang Batas 1973 ay ipinairal ni Pangulong Marcos noong panahon ng kanyang panunungkulan. Ang pamahalaang ito ay kilala bilang Ikaapat na Republika. Ang kapangyarihan bilang pangulo at punong ministro ang ginamit ni Pangulong Marcos. Sa ilalim ng Pamahalaang Parlamentaryo… Sino ang may hawak ng tagapagpaganap o ehekutibo? Punong Ministro at Gabinete Sino ang may hawak ng tagapaghukom o hudikatura? Korte Suprema Sino ang may hawak ng lehislatura o tagapagbatas? Batasang Pambansa Bakit sa tingin nyo tinawag na diktador si Pangulong Marcos?
Payag ka ba na magkaroon ng isang pinuno na
diktador ang ating bansa? Bakit? 1. Uri ng pamahalaang nakabalangkas sa Saligang Batas ng 1973. A. Demokratiko B. Parlamentaryo C. Totalitaryan D. Militar 2. Sino ang tunay na pinuno ng pamahalaan ayon sa Saligang Batas ng 1973? A. senador B. kongreso C. pangulo D. mambabatas 3. Si Pangulong Marcos ang mismong nakapangyari o nasunod sa anumang ipinasya ng hukumang militar kaya siya ay naging _____. A. diktador B. sundalo C. Punong ministro D. kinatawan 4. Ayon sa Saligang Batas ng 1973, sino ang gumagawa ng batas ng pamahalaan? A. Pangulo B. Korte Suprema C. Senado D. Lehislatura o Batasang Pambansa 5. Bakit tinawag na Konstitusyong Marcos ang Saligang Batas ng 1973? A. Dahil siya ang gumawa ng Saligang Batas B. Dahil siya ang pangulo kaya sa kanya ito ipinangalan C. Dahil ginamit niya ang Saligang Batas 1973 upang ipairal ang sarili sa pamamahala D. Dahil siya ang unang pangulo