PANGYAYARI TUNGO SA PAG-USBONG NG PAKIKIBAKA NG BAYAN PAG-USBONG NG LIBERAL NA IDEYA
Epekto ng pag-unlad ng makabagong agham
at rebolusyon sa iba’t-ibang panig ng mundo ang pag-usbong ng liberal na ideya. Ginamit ito upang mapaunlad ang buhay ng tao. Nagkakaroon ng pagbabagong pampulitika, pangkabuhayan, panrelihiyon, at edukasyon dahil sa kaisipang liberal. Ito ang tinatawag na Panahon ng Kaliwanagan o Enlightenment . ANG PAGBUBUKAS NG PILIPINAS SA PANDAIGDIGANG KALAKALAN (1834) Sapagbubukas ng mga daungan para sa pandaigdigang kalakalan, umunlad ang ekonomiya ng bansa. Sa pag- unlad ng kabuhayan ng Pilipinas, marami ang yumaman at ang mga anak ng mga ito ay nakapag-aral. Nakapasok din ang liberal na ideya at mas maunlad na kaisipan. Lumaki ang pagnanasa ng mga Pilipino na maging Malaya at matamasa ang mga karapatan sa isang malayang bayan. Ang kaisipang ito na ikinagalit ng mga Espanyol ay tinatawag nilang FILIBUSTERISMO o SUBERSIBONG KAISIPAN. ANG PAGBUBUKAS NG SUEZ CANAL (1869)
Nang mabuksan ang Suez Canal ng Egypt para
sa sasakyang dagat, nagging maikli ang paglalakbay at napadali ang komunikasyon mula sa Maynila patungong Espanya. Naging madali at mabilis din ang pagpasok ng mga dayuhang may dala-dalang iba’t ibang ideya at kaisipang liberal na gumising at nagpamulat sa isipan ng mga Pilipino. PAGBABAGO NG ANTAS SA LIPUNAN PENINSULARES- mga Espanyol na ipinanganak sa Espanya. INSULARES- mga Espanyol na ipinanganak sa bansang kolonya ng Espanya tulad ng Pilipinas. MESTISO- mga anak ng mga Pilipino na nahaluan ng dugong Espanyol o Tsino. PRINCIPALIA- ang mga mayayamang mamamayang Pilipino. ILUSTRADO- mga Pilipinong nakapag-aral. INDIO- itinuturing na pinakamababang antas o uri ng katayuan sa lipunan, katutubong Pilipino. PAGKAKAROON NG PANGGITNANG LIPUNAN NA NAKAPAG-ARAL Ang mga Pilipinong nakaangat sa lipunan ay nakapag-aral. Sila rin ay naglakbay at nag-aral sa ibang bansa. Silay ay humiling ng pagbabago sa Espanyol. PAGPAPATIBAY NG DEKRETONG EDUKASYON NG 1863 Ipinag-utosng Hari ng Espanya ang pagtatatag ng paaralang primary para sa mga lalaki at babae sa bawat lalawigan noong 1863. Ipinag-utos din niya ang pagpapatayo ng paaralang normal para sa mga guro sa ilalim ng pamamahala ng mga Heswita. Sapilitan at walang bayad ang pag-aaral sa primary. Wikang Espanyol ang ginagamit sa pagtuturo. Mga iba pang Ginawa ng mga Espayol na Gumising sa Diwang Makabayan ng mga Pilipino Pagpapalaganap ng isang relihiyon Pagbibigay ng isang pangalan sa mga lupain na dati ay nahahati sa mga barangay at sultanato. Pang-aabuso at pagmamalupit. Paniniwala ni Gobernador Carlos Maria dela Torre sa liberalism. Ang pagbitay ng mga Espanyol sa tatlong paring martir.