Filipino Sa Piling Larang (Tech-voc) FEASIBILITY STUDY • Ang feasibility study ay isang ebalwasyon ng mga inihaing proposal o aksiyon kaugnay sa mga proyekto ng pagpapaunlad sa mga sitwasyon o mga bagay sa trabaho. • May mga pagkakataon na ang isang kompanya ay nagpaplano ng proyekto pero hindi nakatitiyak kung maaaring isagawa o maisakatuparan ang proyektong iyon. KAHALAGAHAN NG FEASIBILITY STUDY • Mahalaga ito upang makapagdesisyon ang kompanya sa pinakamainam na aksiyong dapat gawin. Halimbawa: • Sa pagdedesisyon sa pagbili ng bagong makinarya o kagamitan para sa kompanya, kailangang ikonsidera ang halaga nito at kung kaya nitong punan ang mga kailangang gawain. • Sa pagdedesisyon ng isang negosyante kung magpapakilala ng bagong produkto sa merkado, kailangan munang pag-aralan kung may tiyak na konsyumer ang produktong ito. TUNGKULIN NG FEASIBILITY STUDY • Tungkulin ntio na pag-aralan o suriing mabuti ang pangkalahatang kalagayan ng mga bagay, tao, o sitwasyong nakakaapekto sa negosyo o sa kompanya bago magpatupad ng anumang proyekto o magsagawa ng anumang aksiyon, upang matiyak ang tagumpay. FEASIBILITY STUDY • Sa feasibility study tinitingnan ang posibilidad kung maisasagawa ang isang proyekto. lisa lamang ang tinitingnang solusyon sa feasibility study at dinedetermina nito kung ang solusyong iyon ang kayang isagawa. • Tulad ng isang proposal, ang feasibility study ay isang dokumentong nangangailangan ng pananaliksik. Sinasaliksik dito ang lugar ng negosyo, ang mga taong magiging bahagi nito, ang merkado, at ang kaangkupan ng produkto o serbisyong ihahain sa tao. MGA DAHILAN SA PAGSASAGAWA NG FEASIBILITY STUDY Ang feasibility study ay isang pormalisadong pasulat na dulog na ginagamit sa pagtataya ng ideya upang matukoy kung ang ideyang ito ay: • maisasagawa o hindi; • isang makabuluhang impormasyon at datos na makatutulong sa pagbuo ng desisyon; o • maaaring gawing alternatibong dulog at solusyon upang maisagawa ang isang ideya. MGA URI NG FEASIBILITY STUDY 1. DESKRIPSIYON NG PROYEKTO
-tinutukoy nito ang kalidad at uring produkto o
serbisyong inihahain at kung maaari itong isagawa para sa isang partikular na larangan, grupo, o negosyo. 2. MARKET FEASIBILITY
- binibigyang-pansin sa pag-aaral na ito ang merkado
(mga posibleng kustomer), ang laki at lawak nito, potensiyal nito, at/o akses dito. 3. TECHNICAL FEASIBILITY
-sinusuri sa pag-aaral na ito ang laki at uri ng mga
pasilidad pamproduksiyon, mga gusali, kagamitan, teknolohiya, at hilaw na materyal na kailangan ng negosyo. 4. ORGANIZATIONAL/MANAGERIAL FEASIBILITY
-ang tuon dito ay ang pamamahala at legal na
estruktura ng negosyo 5. FINANCIAL/ECONOMIC FEASIBILITY
-tinataya sa pag-aaral na ito ang kakayahan ng
puhunan, mga pangangailangan sa pag-utang, mga halagang kailangan upang makabawi (break-even) ang negosyo, at iba pang aspektong pinansiyal