Professional Documents
Culture Documents
Les 29 Volledige Dominansie
Les 29 Volledige Dominansie
DOMINANSIE
Die voorafgaande kruising tussen 'n
homosigotiese lang ertjieplant en 'n
homosigotiese kort ertjieplant, waar daar
in die eerste nageslag net lang plante
voortgebring word, illustreer volledige
dominansie.
Lank is dominant oor kort en oorheers die
eienskap kort.
By die heterosigotiese genotipe Tt kom
daar 'n dominante alleel (T) sowel as 'n
resessiewe alleel (t) voor.
As gevolg van volledige dominansie word
slegs die effek van die dominante alleel in
die fenotipe vertoon.
'n Tt-genotipe vertoon dus lank.
Die effek van die resessiewe alleel word
slegs in die fenotipe vertoon indien die
geenpaar dubbelresessief (tt) is.
By 'n resessiewe fenotipe (kort) is daar geen
dominante alleel in die genotipe (tt)
teenwoordig nie
Hieronder volg voorbeelde van dominante en resessiewe
eienskappe by die mens:
TOETSKRUISINGS
'n Organisme wat die dominante
eienskap in sy fenotipe vertoon kan of
homosigoties of heterosigoties ten
opsigte van die eienskap wees.
Dit beteken dat 'n lang ertjieplant, wat die
dominante eienskap van lank in sy
fenotipe vertoon, twee moontlike
genotipes kan he, nl. TT (homosigoties)
of Tt (heterosigoties).
Deur net na die organisme (bv. 'n lang
ertjieplant) te kyk, kan die genotipe egter
nie bepaal word nie.
Indien die ouers se genotipes nie bekend
is nie, is die enigste ander manier om die
genotipe te bepaal deur 'n toetskruising te
doen.
In 'n toetskruising word 'n organisme wat
die dominante eienskap (genotipe
onbekend) vertoon, gekruis met 'n
organisme wat die resessiewe eienskap
(besit 'n dubbelresessiewe genotipe)
vertoon.
Die 'onbekende' lang, ertjieplant, met 'n
genotipe TT of Tt, word nou gekruis met 'n
ertjieplant wat die resessiewe eienskap
van kort vertoon en dus die genotipe tt
besit
'n Kruising vir albei moontlikhede moet
getoon word