Mission in socialist system zang ahih man iin Mission khat ciang mi-2 ta kiteel hi. Mission kipha ahih man iin nominative-10 leh Union officer-3 tawh 13 kipha hi. Division personal in Chairman sem hi. Mipi tanga kiseh te in, mipi deihna agen ding 100% van ki suan hi. Mipi tang iin gen ahih man iin a kisankei leh kisuan omlo, a kisan leh zong kisaktheihna zong om lo hi. Mission kiteel ciang iin officers ten amau mi nanei ve uh ahih man iin mipi deihpa kidempih ding kiguangthuah aa secret-vote tawh kikhen hi. A ngah zong iin adem om ahih man iin 100% thukim aa kipekhong sang iin lauhuai zaw hi. Socialist system tawh kiteel pen a kipia vive ahi hi. A liaksiam te aa ding iin hoih petmah hi. Mipi favour ngahngaaplo sia ten asih pom pah ta ve. Ei Upper Myanmar ah Nominative kah ngei pen, D.Nangno, Khual Za Nang, Thang Siangh, Pau Za Khan ahi hi. Kei kahlai thu hong gen lengh. Upper Myanmar mi pen kei leh Lal Thanga ka hi uh hi. Ken D.Nangno forward iin kalawmpan hong second hi. Union ten Elisha Paul hong forward khong aa, amau vote-11 ngah ko-2 bek kangah uh hi. Gennavet omlo thuum kul ta mawk. Kathuumna pen hong ngaihsut sak ahih man iin me kikhia nawnlo iin D.Nangno kikip sak hi. Sec-Treasurer ding kiguang leuleu hi Kei ding kik iin, Upper Myanmar pen Kawlgam langbit himawk hi. Kikawmna haksa, zai lua ahih man iin Secratary a tuam in hong vaihawm sak un, kacih ciang iin Rual Chinna kaguang thei uh hi. Sia Henpi Treasurer iin kikip sak hi. Tua term pen upper myanmar bek in officer-3 kinei hi. Kiteel kik hun ciang iin amau zong secratery a tuam in hong deih ciat uh hi. SDA kiteel pen PIAKKHONG kinakzat lua ahih man iin CORRUPTION lian semsem ahi hi. PIAKKHONG lakah i kihelkhak pen kihampha lua himai. Ui in apute annengkia pang iin akhut tatna peuh a et bang iin mission nasem khempeuh inunion te meipeek velvel aa en hi lo hiam. Pawlkhat te bang ngahkha kikeuh lo lai mawk.
PIAKKHONG cih pen. Piakkhong cih pen kammal hoih mahmah hi aa tua telsiamte a piangthak tatak hipan hi. Kei pen bangmah neilo iin kanu sungpan kasuak aa bangmah kenglo iin lei ah ciah ding ka hi hi. Hih kikal kanuntakpih, an,tui,huih,puan,sum, nasep silbawl, zza leh min, gualzawhna leh picinna khempeuh Pasian hong PIAKKHONG hi cin ka-um hi. SDA sung kalut aa kipan khutngak Deacon, khutngak elder, pastor evangelist, ordained pastor, circle leader, Union evangelist,mission president, church ministries director kangah kim hi.Church level,circle level, mission level, union level committee kakihel den hi. Tua hunsung teng Pasian hong kepna sungah khutzat tampi nei hi cih kathei hi. Union ulian pawlkhat, laymember pawlkhat, om ding hi. Tua te lakah Paupu zong Pasian khutzat khat hi peuhmah ding hi.Paupu om kei leh Pasian nasep khawllo ding ahihteh, kua khawng azang tam theinuam mahmah ingh. Paupu mai-ah Khual Za Nang tung tawn iin Union in UET hong piakhong hi. Pasian khutzat te lakah hong deihsak leh hong deihsak lo om ding hi. Paupu pen hong deihsak te lakah kihel in um mawk ingh. Tua mah bang iin Pasian in, Paupu hauhna apiak laitak iin, kei zong aneihsa kepsak ding iin hong zat hin ka-um hi. Ahauh pen laitak aneih ngun leh kham tang khatbeek, kalupna kongkhak nawklo omlo kha ding hi. Pasian in hong khutzat te i ki-it paisuak ding hanciam ni.
Conference Movement leh khaktan ding ngimna. Union te lunggim apia pen Conference Movement hi. SDA Consitution ngimna ahih man iin GC muhna ah deihlo kipangngam lo iin, ih din zawhloh ding patau kineih ahi hi. Mawhzonna lakah, Nasum muhna uh kip kei cih leh Mature nai kei uteh cih leh Institution kician nei kei uteh cih lamsang tawh hong khaktan hi. President tavuan hong kisuat khit phet iin Uncle Thein Shwe in, Global Mission Projects bawl in hong sawl hi. Kha khat sung bek hun om,union committee ah khensat ding, ci ngiau hi. Bangzah hih ding, bangnam hih ding, bangzah bei in hih thei ding, cin kadong uh hi. Na hihnopzah, nahih zawh zah hih un, Global mission budget tawh kihih ding hi. Kum-4 sung nagel bang un global mission fund kizang ding aa, tua zaw ciang iin nazom ding uh hi, cin hong gen hi. Projects khempeuh Conference Status hong support zo ding iin kageel pah hi. Kageel tampi sung pan Division in hiteng seemkhia phot un, na thakhauh uh ciang iin khatkhat iin zom un hong cih teng sepkhiat ahi hi. 1. Self-support din theihna ding summuhna ding ngimna 2. Conference khangnote pilnalam khansuahna ding ngimna 3. Lungdamnathu khindai lo iin tangkona ding ngimna. Hih thum sihsan iin project sepkhiat ding kagel hi. * Sapya Clinic pen sum ngahna ding leh pawlpi sung khoina ding ngimna hi. Khasim sumlut zong nasiamahmah khin hi. Qr khat $80,000/ om khin hi. Tua laitak president khasum pen 3500 bek cileng sia bangzah guaizo khin cih ngaihsun in. * AWR pen ei aa bek khum lo iin midangte zong khumsak leng, musical instruments van, sinna tuamtuam iin zang leng nakpi iin pawlpi hong support thei ding. * Khangnote khansuahna ding Sanglam..Church School 27 kihong, High School kihong. nakpi in zong kikhang takpi. Hih ngimna te Union in mu ahih man iin, amit siip hi. Suksiat ding bek lampi zong uh hi. Union officer kiteel aa Ba Khin hong puakkik uh hi. President pan hoih nasak bang iin hih in, hong ci hi. Conference support teng azung pan long ding hong ci pah ziahziah hi. Union lam support ten zong amau pau bangmah iin, hong nawk sul leh pau hong nawkto leh pau uh hi. Amakaite khekhap teng sumial khin peuh leng kuamah tangngam lo ding hi, ci uh hi. Hih project te pen Approperiations budget sum kizang ding hilo hi. Global Mission budjet tawh kum-4 sung ki operate ding aa, tua zawh ciang iin self-support aa paisuak ding ahi hi. Experience is the best teacher or Experience is true education treasurer department kisapna hi a, administration buaina hi lo hi. Sia Henpi, Sang Vung, Tel Khan Thang te degree nei khat beek omlo hi. Union Treasurer Department te kum 4-5 bang pantah phot iin kizang pan hi. Amau sep sung sumvai tawh kuamah buai lo hi. Deihsak luatna tawh ih naute sangkoihpah lua ihih man iin kibuai hi. Bonus Ks200-300 sangte nangawn in Ks2000-3000 ba uh, bang hang hikhong cin lui ngeingai uh hi. Sia L S Mang tawh khasum kalak uh, Letbat in na-om venvan mawk aa, kabuaipih pet mah uh hi. Tua banah, Kai Khan Khual in sanpya clinic aa ding Yangon hong thoh sum Ks50,000 pen kei leiba iin hong koihsak mawk hi. Union meeting katut laitak ua hong thoh hi iin kei authorization kisam ahih man iin letmat kathuh ahi hi. Topa keiguak in puazo lo ding kahih man iin hong puakpih in cin thu kangen hi. Naute deihsak tek ihih man iin kithun kawikawi aa kizang theilo hi. Kum-5 bang practical tawh kisin sak masa leeng ahoih mahmah ding kimlai eimau khialhna hi. Pasian amit taw lo hi. Zuau leh khemlam aa i patngam pen ki converted lopi aa na kiseem hi khong hi. Degree nei khempeuh, pawlpi sangtuak khempeuh zat pahpah ngam ding zong hilo hi. Mungno pen thulam hileh lailam hileh ih muan mahmah hi a, munthupi khat beek pia lo a, gamdang aa hong golhdap sak minamte kisum mahmah hi. Kei zong amau khasiatna thute hang aa Conference Movement a kalsuanpih hibek aa, Union tawh hong lehkop ding sa leng kum hetlo di hing. Ka khasiatna pen President kangahloh man hilo hi. Kiteelma lim iin Union sawlsa iin project teng phialding hong pan ahih man iin khasia mahmah ingh. Tua pen kiteel ma aa thupiang hizaw hi. Kiteel khit aa amau kikupna agente kei kihel kikeuh lo hi. KipZa Nang leh Sandy bek in Conference deih acih se te zong alungkawina leh a mipihte tung aa thuman lohna kilangsak lua hi. Kip Za Nang in kei nong do na uh-a conference ngen hi uteh cia, Mandalay pulpit tung aa a kitom mi tampi in za hi. Sandy in Conference pen Karen te hong do na hi cia agen mitampi in za hi. Kawl peekkhat Karen peekkhat ci iin Karen te a awt tawh kibang lel ding hi, acih mitampi in za hi. Khangno te aw gam leh minam in makai kisam hi. Na pilna uh gam leh minam leh pawlpi domna ding iin zang un. Degree laimai dimdim in ih suan hang iin ih pawlpi, ih gam ih minam in hong noptuampih kei leh alna neilo ci tawh kibang ding hi. Ahoih te puahto un. A susia lamah pang kei un. Nuntakna hun tom aa pilna zong zathun tom hi. Hong zang siam un. Kei aa kipan a kuamah peuh in Mungno ih hawmthawhna pen, Conference makai teng gawi Union ulian te zintunna leh thu kikuppih pen ahih banah, Conference support church member te a hawlkhia union ulian leh mission makaite dotpi pen ahih man iin hih kha te Mungno khutlum penglo kha ding cin kingaihsun hi. Mungno in disfellowship ciang hih kei ni ci leh hih lo kha ding hi, cin kimuang lai hi. Indonasia aa makaite lungsim leh Kawlgam aate lungsim tawikhai maimai ding hilo hi. Amau Quaterly lesson pialo cih khawng, disfellowship hih ding khawng, mission sang aa naupangte sangkah saklo cih khawng, amau union makaite lungsim tawh kigamla lua hi. Pawlpimi gampua kan zolo atam hang iin amau tangthu a za a thei kitam mahmah hi. Tua gam aa union te mission makaite huaisiamna te hiah kizang mawk leh member te khat beek in mission taisan lo ding hi. Tun zong a taisan hilo iin uut lopi a nilkhiat hizaw hi. Conference Movement hang aa puapaihna a thuak Christ sungah naute aw, lau kei un. Tu- laitak iin tagah bang nahih uh hang iin, nikhat ni ciang iin Myanmar Union SDA Missionsungah na kihelloh uh nalungdam ding uh hi. Nasuahtakna uh khahsuah kei un. Myanmar Mission pen mawhna tuihual sungah tum khin hi. Khathu om nawnlo hi. Sumpi tawh buai thapai lel ding uh hi. Gamdang pan aa acialte uh longal amau kamsungah gupnathu in vangletna nei nawn lo hi.