Professional Documents
Culture Documents
1. FAMILIAS LINGÜÍSTICAS
En Europa fálanse unhas setenta linguas entre o océano Atlántico até a serra dos Urais mais sen incluír o
Cáucaso, sen contarmos as diversas linguas de signos das diferentes comunidades de persoas xordas nin
todas as linguas que os novos europeos chegado doutras zonas do mundo falan habitualmente.
UNIÓN EUROPEA
Na Unión Europea empréganse 23 linguas oficiais: alemán, búlgaro, castelán, checo, dinamarqués,
eslovaco, esloveno, estoniano, finlandés, francés, grego, holandés, húngaro, inglés, italiano, irlandés,
letón, lituano, maltés, polaco, portugés, romanés e sueco. Ademais, fálanse unhas 150 linguas rexionais e
minorizadas, que contan cuns 50 millóns de falantes. Non teñen o estatus de oficialidade na unión mais o
catalán/valenciano, o euskera, o galego, o gaélico escocés e o galés poden ser empregadas polos cidadáns
para se comunicaren coas principais institucións europeas, como o Parlamento. O seu fomento e
protección depende de cada estado mais a UE dotouse da Carta Europea das Linguas Rexionais ou
Minoritarias, un tratado europeo aprobado en 1992, impulsado polo Consello de Europa e aprobado por
moitos estados para promover e protexer as linguas rexionais e minoritarias históricas de Europa.
Debemos ter en conta que ademais destes idiomas, na Unión Europea fálanse centos de linguas de
todo o mundo e son millóns de novos europeos os que as falan no seo das comunidades emigrantes. No
entanto, non teñen un recoñecemento formal nin nas institucións da UE nin nos países membros. O turco,
o árabe magrebí ou linguas dos estados indio e paquistaní como o urdu, o bengalí, o hindi, o támil, o
punjabi son faladas por un número importante de persoas.
ESTADOS PLURILINGÜES ESTADOS MONOLINGÜES
Austria Alemaña Países Baixos *Portugal (co permiso do mirandés)
Bélgica Grecia Polonia Non pertencen á UE:
Bulgaria Hungría Romenia - Islandia (islandés), e os pequenos estados en
enclavados en diferentes estados da UE:
Chipre Irlanda Eslovaquia - Mónaco (lingua oficial: francés, mais fálase o
Rep.Checa Italia Eslovenia monegasco, o italiano...),
Dinamarca Letonia España - Andorra (catalán, español e francés),
Estonia Lituania Suecia - Liechstenstein (alemán, dialecto alemánico, o
Finlandia Luxemburgo Reino Unido francés e inglés están bastante estendidos),
Francia Malta - San Marino (italiano e emiliano-romañolo), e
- Vaticano (italiano, latín, francés, alemán).
Román Cerqueiro Landín (Dpto. de Lingua Galega do IES de Porto do Son). Curso 2010-2011. 4º da ESO.