February 13, 2011 ni aa Sia Siangh' phuahtawm zuauthu tellahna leh Nu Ciin' mang khiatna

Kong it Zomi SDA Pawlpi mi te leh laisim a kua maciat:

Leitung ah a gu phot ten gugu nuam iin a zuau phot te in zongsangh iin zuau behbeh uh hi. One
lie breeds another (Zuau kibehlap) a cih mah bang iin Sia Thang Siangh ading iin a meetna
khat zongh om het lo hi napi lamdang sak zah dong ding iin February 13, 2011 ni iin Lawibual
biak inn sum don vai tawh kisai iin a theih kiuhkeuh loh pi phuak tawm ngiat iin lai hong
thehthaang hi. Hih thu tawh kisai iin bang mah lahtelna bawl dah ning ka cih sa hinapi March 5,
2011 ni iin "Kei pen degree neilo, thu kagen ciangin straighttalk a zang thei bek kahi hi. Zuau
kihello hi." ci aa haangsan tak aa net member te kiang aa a taangko mawk ciang iin February 13,
2011 ni aa a zuau phuak mangngilh kha pak ahih khak leh amah leh amah limlang sung et bang
iin a kimuh kik theih nading deihsakna leh Sia Siangh zuau thu gelh a sim kha te in thumaan na
tel nading uh deihsakna tawh gentelna hong suak sak ingh.

February 10, 2011 ni iin "AAS Computer Training Center" cih thu zaksakna ka khah khiat
tawh kisai iin Khaipu (Thang Kim Khai) in February 12, 2011, ni iin "Thei zen khang ei,
Lawibual Biak inn kilam lai aa zongh Sia Mungno ii sponsor dan lulu, aman taktak ah..aman
akhawn kawikawi dan na hih tuak zaw.." ci in hong gelh khiat ciang iin Sia Siangh in zongh
bang meet lawh ngap aa bang ngimna tawh hiam kithei lo iin February 13, 2011 ni iin Pasian in
a zuau lam thei ding cih te zongh khual zo nawn lo iin a nuai aa bang iin zuau (phuahtawm) thu
hong gelh khia hi:

[A geinai aa om eimi khat in hong gen, khon kawikawi zong hilo-in mikhat in, inn hiam
aw zuakin Biakinn puahnangin check $20, 000 pia ci'n hong gen ngei hi. A piakni-in
amah tektek va om kha a, mu hi. Tua sum pia nu[or] pa in church pastor tung tawnin pia
ngiat hi. Pastor pa in, ama tungah check aap ngiat hi.

Kuamah ciat aadingin lungdam huai hi. Nasep credit lakdan maan ding, hong piate min
zong ih mite lakah tawisaang ding, cih hibek hi. Tedim pen eimi vang hongdom khuapi
khat ahihmanin kalungdam pih mahmah hi.

Ngeina hileh, Dr Heuck memorial a phiat phial leh zong tua a donate te min hileh
kilawmto lailai ding hi. Sepding mah hi. A piate in zong lungdam thuhna ngah henla, a
donsak ten zong "thank you" lungdam thuhna ngah leh zong hoih hi.

Khat peuhpeuhah min deihlua, credit la nuam lua, lua leng ahoihlo in hong nungzuih thei
zel hi.] (Thang Siangh, February 13, 2011)

Sia Thang Siangh lai gelh tawh kisai iin Sia Dongbawi in a thu telnuam hi ding hi ven "a sum pia
kua hi a, amu kua, Pastor pa in kua tung ah pia cih te zong kician tak in hong ki gen khia leh thu
maan ki thei tuam mahmah ding hi." ci in Tuesday, February 15, 2011, ni iin dongh hi napi Sia
Siangh' dawn kikna tu ni dong ka ngak bawlbawl hang iin mi' min liang phuah tawm ding piiang
saam lo hi ding hi ven a dawnna ka sim kha nai kei hi. "Zuau kihello hi" ci aa "straighttalk a
zang thei bek" a mahmah a kici Sia Siangh in “a geinai aa om eimi khat” "amah tektek va om

1
kha a, mu hi" a cih mi pa/nu' min a hong gen theih kei leh "straight lie" a zangh thei bek, zuau
phuak Thang Siangh cihna ahi hi.

Sia Siangh gelh lai gual te a phelphel, a khenkhen iin kikum suk pak ni.

1. "A geinai aa om eimi khat in hong gen" "check $20, 000 pia ci'n hong gen ngei hi. A
piakni-in amah tektek va om kha a, mu hi." ci aa Sia Thang Siangh in a gen tawh kisai iin:

Khatna ah: khat vei bek ahi aa a kigawmgawm ahi zongh in Lawibual SDA biakinn lam
nading iin mi khat in $20,000 a pia khat zongh om lo hi.

Nihna ah: leitung pian cil akipan tu ni ciang dong ko tenna Riverside khua sung, La Sierra
University Church aa Church Senior Pastor’s office sung ah a lut kha Zomi khat zongh om
nai lo ding hi. Kei nangawn ka sep ding om lo ahihmanin lut ngei nai lo hi’ng. Tua Church
Senior pastor pa bel Conference zum hong pai ciang iin ka office ah hong baang thei zel zaw
hi. Tua bang iin check kipiak ni iin ei mi khat a va om khak ding cih gen loh kei nangawn ka
zum kah laai tak pastor pa in phone tawh hong zak sak zel hi zaw ahih lam ZomiSDA group
(ZAC a om maa) sung ah January 17, 2005 ni iin kong zak sak sa hi. Sia Thang Siangh gen
bang iin Zomi a mu khat zong om lo hi. Na tel kim ding uh deihna tawh January 17, 2005
ni aa ZomiSDA group sung aa kong khah khiat peen mah March 8, 2011 ni iin hong khah
khia kik khin ingh.

2. Sia Siangh in a "khon kawikawi zong hilo-in" a cih mawkmawk hang iin ka Conference
sung aa ka nasep pih te khempeuh kiiang ah hi taleh mun tuamtuam aa Kawl, Zo, Mang,
khen lo iin ka nget kawikawi ahih thu January 17, 2005 ni aa Zomi SDA group net sung aa
ka hawm khiat, March 8, 2001 ni aa kong khiat kik sung leh February 17, 2011 aa Khaipu
(Thang Kim Khai) leh U Siang (Sia Thang Siangh) kiang aa ka laikhakna sung te ah a kicing
iin hong gentel khin kahihmanin gen beh ding kisam ka sa nawn kei hi.

3. "Tua sum pia nu[or] pa in church pastor tung tawnin pia ngiat hi." "Pastor pa in, ama
tungah check aap ngiat hi." ci in Church Pastor in kei mah Mungno tung ah check a aap
ngiat bangh iin Sia Thang Siangh in "check app ngiat hi." cih kammal tawh zuau thu
ngiat phuaktawm leuleu hi. Church pastor in check hong pia ngei lo iin ama kiang pan biak
inn huhna ding check khat zongh ka khut sung ah hong tung lo hi. US gam leh a khangto gam
te ah Church Pastor te in sum tang leh check khawng len/lawng lo uh hi. Ei Kawlgam
khawng aa Sia Siangh in ama experience dan khawng tawh kizawi tawn aa a phuak tawm hi
bek aa US ah tua bang ki zangh lo hi. Hih biakinn huhna sum vai ah mawhsakna leh
mawhzonna a om loh nading iin church pastor pa leh kei mah Mungno in cash or check ka
lawng ka sawk vet kei uh aa Southern-Asia Pacific Division treasury department, Philippines
ah La Sierra University Church aa Pastor for Administration leh church accountant te in
direct iin bank to bank wire transfer bawl uh hi.

4. "Nasep credit lakdan maan ding, hong piate min zong ih mite lakah tawisaang ding, cih
hibek hi." "Ngeina hileh, Dr Heuck memorial a phiat phial leh zong tua a donate te min hileh
kilawmto lailai ding hi." (Thang Siangh, March 9, 2011) cih tawh kisai iin credit lak ka sawm
loh ban ah Pasian' hehpihna thupha lungdam ka koh ding cih sim loh credit ka lak ding om lo

2
 ahihmanin credit ka la kei hi. Biak inn phiat ding/keph ding, lam thak ding/lam thak lo ding
cih te peen Mungno leh Thang Siangh te in a gal pan aa a va sai ding uh hi lo aa Upper
Myanmar Mission leh local church ahi Lawibual SDA Church te ii geelna bangbang ding ahi
hi. Sia Thang Siangh in "Ko kong criticise cidi mawh comment cidi maw, ko cihdan pen sum
kingah zah sangin Memorial vai hizaw.” (Thang Siangh, March 9, 2011) a cih lian mah bang
iin Phung Kai Memorial Church or Nang Khaw Zo Memorial Church cih khawng aa min a
kiphuak ding khawng iin ngaihsun kha aa hong hazat luat man aa a awngawng a paupau hi
takpi mah ding hi.

"June 4, 2003 ni aa Sia Zam Mung in lai hong khakna sung ah, "Pa Kai min ding in hong
vaihawmsak le teh ut mahmah ung," ci in Lawibual biakinn lam nading iin huhna hong ngen
hi. Ka pa’ min tawh koih ding hi leh a lawp tuam ding a hong sa kha zongh hi mai thei hi.
Min deihna (credit deihna) tawh a sem ding hi lengh lai mal khat zongh gelh lo, ka hun
minute khat zongh zangh lo iin huh ngetna kammal khat zong genkhia lo ding hi'ng. Sia
Siangh peen credit buai iin a buai hang iin tua bang credit thalawh iin ke'n ka hun bei sak
sawm peuhmah lo hi’ng. Tua man iin Sia Zam Mung kiiang ah min leh puam, credit
peuhmah ka deih lohna ka gen sa hi aa Sia Kai' min ding in ka vaihawm ngei kei uh hi.

5. "Nang sep maban Doctor Hueck min napiak nop keileh, a inn leh ama min phiatlo-in agei
khatah lam lecin kuamah pau lo ding hi. Memorial aa kilam limlim kimawk laih theilo hi.
Singunau biakinn lui zong a kiu ah khin u a, museum cihdanin Sabbath School Claas dan
khawngin zang uh hi. Zuau kideihlo lua zaw ci ni.” (Thang Siangh, March 9, 2011) A taktak
iin kua in credit ngah, kua' memorial aa ki koih, cih tawh thusia tok aa a buai sang iin
Lawibual Seventh-day Adventist biak inn lam nading iin sum a kisap mahmah laai tak iin Sia
Thang Siangh in ama thalawhsa ahi aa a khon kawikawi ahi phial zongh iin napanpih hi zaw
leh hoih mah ding hi ven cih ka ngaihsun kha hi. Lawibual aa ih biak inn luui peen Dr.
Hueck Memorial SDA Church a kicih lam ka thei kha ngei kei hi. Tedim ah ka ciah laai iin
biakinn thak mai/tung ah signboard ki suang nai lo ahihmanin bangmah ka muh loh hang iin
Lawibual Seventh-day Adventist Church a kici ding iin ka um hi. Thu khat peuhpeuh ah a
lungkham ding peen Upper Myanmar Mission makai te leh Lawibual SDA Church member
te ding ahihmanin "Memorial vai" ah zongh amau mah na lung himawh lel uh henla, Sia
Siangh hong ki "kausi phum" kei lel leh kilawm ka sa zaw hi. Lawibual SDA biak inn peen
kua mah ii Memorial Church hi lo ahihmanin Sia Thang Siangh na lunggim na lungkham
nawn kei ta hen.

6. "Khat peuhpeuhah min deihlua, credit la nuam lua, lua leng ahoihlo in hong nungzuih thei
zel hi." (Thang Siangh, February 13, 2011) a cih peen a maan khat hi aa Kapteel khua aa
SDA pawlpi biak inn mun lei nading leh biak inn lam nading aa Sia Thang Siangh in amah
guak piak a hi kei zongh iin tu maa kum 6/7 laai pek aa Ks. 7,000,000 hiam a vaihawm pih,
tu ni dong a gah a kimu khia thei nai lo bang dan aa a mangthang, a lalthang leh a hoih lo in a
nung zuih ding deih lo kahihmanin credit lah deih se lo, va saisai se lo iin Lawibual SDA
Church Board in ngeina bang iin makaih ahihmanin Friday, March 24, 2006 ni iin Lawibual
SDA biakinn appna nuam tak iin kibawl kinei thei hi.

3
Lamet het loh pi iin Saturday, January 7, 2006 ni iin ka naau Zono in hong nusiat vat ciang iin
January 15, 2006 ni iin a kivuina han phual ah hong genkhol lo pi iin Lawibual biak inn fund
ading aa a hong panpih den Pr. Dan Smith in Lawibual biakinn thak peen Zono Memorial
Church (phawkna biak inn) iin bawl ni ci iin si vuui maa, a thu genna sung ah hong pulaak khia
hi. Ih Zomi sung ah amau tawh a kisai lua lo ahihhangin a laklawh teii pawl khat om thei aa tu aa
bang dan mah aa a tuamtuam aa a awngawng om ding cih mukhol kahihmanin Pr. Dan kiiang ah
gensiat a tawm peen ding iin Zono phawkna lai gual tomno khat plaque tung ah gelh ding ka gen
zaw hi. Tua bang kawm kaal ah ka naau Zono a hong si vat a hi teii ta zongh'n Zono' min bek tua
plaque tung ah ka suan sang iin tua hun aa a hong nusia sa ka pa Sia Kai, ka naau Lunno te
zongh phawk kahihmanin Sia Zam Mung ka kuppih khit ciang iin Mandalay aa Pa Langh Suan
hong vaihawm pihna tawh a nuai aa thu teng sum ngo peek tung ah gelhsak iin Lawibual biakinn
kawm tung ah a kibelh ahi hi.

On this dedication day

of the
Lawibual Seventh-day Adventist Church,
March 25, 2006,
we joyfully celebrate the Golden Jubilee
of
Pu Phung Kai Gualnam,
the first elder of this church
and
Pi Tel Khan Ning Gualnam, his wife.
who were baptized on
May 8, 1954
into the advent faith.

In loving memories of
Pu Phung Kai Gualnam, May 8, 1925 - June 8, 1992
Nu Thang Deih Lun Gualnam, May 15, 1963 - December 25, 1997
Nu Nang Khaw Zo Gualnam, March 9, 1965 - January 7, 2006

Hih Lawibual biak inn vai iin "credit la" ci aa Sia Thang Siangh in mawhna hong zon thu tawh
kisai iin kisuantakna ding ka neih lohna kong pulaak hi. Ama buaipih ding zongh a hi lo,
Mungno a mindai sak nop man lel iin Sia Siangh in ZomiSDA group leh ZAC net member te mai
ah zuau phuak ngiat iin Zomi SDA pawlpi mi te thu khat khit thu khat hong khem den keei thu
ka ngaihsut ciang iin SDA pawlpi sung ah a om laai, SDA pawlpi sia leh makai khat iin a om laai
aa a makaih Topa' Khasiangtho in makaih nawnlo ahih lam ka lungngaih sim iin Sia Thang
Siangh in July 14, 2007 ni aa Thalmual te, UPC kamsang aa a kinei ngei Nu Ciin ii a mang leh a
khiatna a hong gen khiat te ka ngaihsun kha zel hi.

"Nu Ciin mangpen hih anuai aa bang ahihi. Mualnih om hi. Tua mualpinih kawmin Gulpi
golmahmah kikhung hi. Tua gulpi tungah nitumnalam ngakawmsa in nang(Thang Siangh)
natuu hi. Nasampen sau-iin kainelnel hi. Nitumnalam maingatsa in na om hi, cin hong gen
hi.” (Thang Siangh, July 14, 2007) Hih mang tawh kisai iin Sia Thang Siangh in anuai aa bang
iin khia hi.

4
 [Ken gul kamat ciangin THU kanei hi. Gul pen thusia, zumthu, pawlsungthu,behsungthu,
gamsungthu cih bangin kaman thei hi. Kei khiatna pen anuai aa bang ahi hi. Acilin zong
kakhiathei pah kei hi.

Mual pen gamnih sihsan aa ka omna ding hi, cin ka um hi. Gulpi katuanna pen Pawlpi
thubuai, Conference buainapi hi,cin kangaihsun hi. Nitumnalam nga cih pen nitumna
lamgam American kazuatna hin ka-um hi. Keiguak vai hilo napi Dek ulian makai
khempeuh in Conference makai in hong sehngiau mawk ahihman, muhdahna leh
puapaihna leh sawmna kathuak hi. Union committee simin kawkna leh phinna kangah
tawntung hi. Kuaman Credit hong pia kei zongin Conference pen Deek ulian lam
khempeuh in U Thang Siangh hang hong ci ngiat ahi hi.

Gulpi in hong nomvalh leh kaguallel kha ding hi. Gulpi in hongvialleh kasuakta zo kei
kha ding hi. Gulpi tung aa tuang kahih ciangin Conference gal Mission gulpi kizo teitei
ding hi, na en un, Pasian mintawh kato ngam hi. Hi bang aa thusia zong aa mi kokote pen
Pasian hoihsakna bang hizaw hen.

Gulpi tungaa tuangpa

Thang Siangh
Zogampalpi] (Thang Siangh, July 14, 2007)

Hih mang a khia pepeuh in ngaihsut ding thupi thum om hi.

Khatna: Laisiangtho sung ah guulpi or tanglaai guulpi peen Pasian a langdo Satan
(Dawimangpa), Adam leh Eve a khem guulpi (satan) ahi hi. Vantung ah Pasian a langdo akipan
tu ni dong ka khial hi ci ngei lo iin tawlnga lo iin Pasian mawhsak iin mi te a khem kawikawi pa
ahi hi.

Nihna: Tua khit ciang iin guul te ii pianzia leh gamtat zia zongh ih ngaihsut kul hi. Guul leh guul
pi te in gu (poison) nei uh aa guul sik kha lengg hong tu hamtang uh hi. Tua hang iin "Guul in ka
mei hong sik henla ke'n tu lengh" cih paunak zongh na om liangg hi. Guulpi te thaampi te in a
gaal te or a nek ding ganhing te vial lum, gak lum iin nawm valh uh hi. A lau uh aa a zawh ngap
kei uh leh taaimang iin kawhawm sung ah lut iin bu cip uh hi. Sakol te, bawng te, lawi te bang
iin guul te in mi leh vanh pua ngei lo uh hi.

Thumna: Mihing te leh guul te ih kizop zia zongh ngaihsut kul hi. Mihing te in guul a cih
himhim mudah ngiat hi. Guul ih muh nak leh thah lup kisawm tawntung hi. Guul a muh ciang iin
hoih lua si, it huai mah si a ci om ngei lo hi. Guul mu aa a that ngam lo, a meidawi numei
naupang te in pelh iin taisan uh hi.

Zomi te in guul mang ih mat ciang iin thusia, thu nawngkaai leh buaina iin kikhia tawntung hi.
Thusia a om laai tak iin ke'n guul ka mangmat aa ka thah lup zawh thusia veng hi. Ka thah zawh
kei leh thusia kizomzom iin siiang thei lo hi. Tua hi aa Nu Ciin' mang mat, Sia Siangh in a
pulaak thu ka sim khak ciang iin Sia Siangh' mang khiat dan leh kei khiat dan bel kibang het lo
hi. Biakna thu ahihmanin Laisiangtho tawh kizui iin ih khiat ding zongh kisam mahmah hi. Nu

5
Ciin' mang sung aa a kihel (main character) teng: guulpi gol mahmah, Sia Thang Siangh, mualpi
nih leh omzia pianzia tuamtuam te (features or descriptions): mual nih kawm aa kikhung guulpi,
guul tung tuang, sam sau nelnel cih te tungtawn aa ka khiatna a nuai aa bangh ahi hi.

Nu Ciin' mang a khiatna tombunkim iin kaituah lengg a nuai aa bang iin a khiatna ka mu hi.

[Thusia leh thuzuau maangpi ahi tanglaai guulpi, Guulpi gol mahmah,
Dawimangpa (Satan) in a gaal iin seh hi leh Sia Thang Siangh tu lum, vial lum,
nawm valh iin that lum ding hinapi gaal bawl het lo iin a nungzaang ah tuang sak
viuviau lel hi. Guul te' pianzia ah va sik kha peuhmah lengg hong tu lo guul om lo
hi. Sia Siangh in zongh tua guulpi gol mahmah peen gaal leh sa iin seh hi leh guul pi
nung zaang ah tuang ngam lo ding ban ah lau lua kisa iin taai mang ahih kei leh
mudah lua kisa iin thah sawm ding hi. Hih mang sung ah guulpi a sik kha cih
mawkmawk hi lo, guulpi gol mahmah khat ii nung zaang ah passenger iin om thei
mawk ahihmanin guulpi lam pan hi ta leh Sia Siang lam pan hi ta leh ki gaal neihna
lim om het lo iin ki pum khat, ki it, kilawm ta, kizawl leh kithu hual mahmah cih na
ahi hi. Guulpi tung ah Sia Siangh tuang ahihmanin guulpi puakna na ah tung iin
tua guulpi' deih bangbang kampau gamta cih na ahi hi.

Mualpi nih kawm iin a kikhung tua guulpi gol mahmah in Kawlgam sung aa Pasian
pawlpi a tok nawi sa leh a buaisaksa teng tha hat tak aa a zop theih zawk nading iin
US ah Sia Siangh pai pih cihna ahi hi. Banghang iin ci thei ka hiam cih leh MYUM
sung ah Associate Director panmunh tawh Pasian nasem aa a om Sia Thang Siangh
peen tua hun laai aa Far Eastern Division aa Director Jonathan Kuntaraf (tu laai
tak iin General Conference Sabbath School and Personal Ministries director) a sem
pa in sum leitawi liang iin or lam tuamtuam tawh lamsap zong liang iin ASI
International meeting, USA, ah Sia Siangh a pai ding phal het lo hi. Kawlgam sung
ah Pasian nasem ding in a deih leh a it luat man iin a phal lo ahi hi. 1996 kum ciang
iin Division ASI meeting ah na sum bei lo iin officially iin hong pai sak ning ci iin
kamciam a piak liang hi napi, Sia Siangh in Pasian nasep nusia iin guulpi gol
mahmah ii deihna leh makaihna or ama deihna a zui zaw ahi hi. Tua mang sung ah
Sia Siangh a sam sau iin kai nelnel ahihmanin tua guulpi in vangg leh huzap pia
cihna hi aa zuau phuakphuak iin SDA pawlpi langdo mah ta leh Sia Siangh gen
peuhpeuh a maan bang iin a zui litlit nungzui pawl khat a neih theih zong tua vangg
leh huzap piapa guulpi golmahmah hang mah ahi hi. Ni tumna lam maingatsa aa a
om peen Khasiangtho' makaihna nusia aa a kha nuntakna kiam suksuk iin Pasian
pawlpi nusia iin a nung ngatna lim ahi hi.] (Mungno Gualnam)

Pulaakloh ding mangkhiapa (Anonymous Interpreter) in Nu Ciin' mang tawh kisai a khiatna a
nuai aa bang iin gen hi.

[Hih mang pen pawlpi vai (biakna vai) tawh kisai ahih man in thupi mah mah hi.
Laisiangtho sunga mangte or mangmuh nate mah tawh aki bang in ih khiat ding ahi hi.

Gulpi gol mah mah acih pen in, Dawi mangpa cih na ahi hi. Tua gulpi in mualpi nih
kawm in ki khung acih na in ki pawlna lian nih len khawm in khat nusia in khat lam ma

6
 nawh ding cih na ahi hi. Tua ki pawlna lian nih te in tu lai tak aa (SDA Mission leh
MUC) te lim ahi hi. SDA mission sung pan pai khiat pih in MUC ah tunpih na lim ahi hi.
Thang Siangh pen nitum na lam nga cih na in Pasian khua vaak nung ngat in Hell khua
mial lam ma nawh (zuan) cih na ahi hi. A sam sau nelnal khiat na in, Thang Siangh pen
gulpi (dawimangpa) in vang pia ahih man in Thang Siangh thugen pawl khat te in um in
anung zui ding uh aa, gulpi leh Thang Siangh tawh khuamial sung zuan khawm ding uh
cih na hi. Gulpi a tawkik pai theih loh mah bangin tua gulpi leh atunga tuang Thang
Siangh tawh atonkhawm anung zui tengin backgear nei lo uh ahih man in thu man
nungngat in lam pial suak ding uh hi. Ganhing khat peuh tung ih tuan ciangin ih tuan na
ganhing ii pai pai na leh atun tun na ih tun mah bangin, gulpi pai pai na teng zui in gulpi
tun tun na ah tung khawm ding uh hi.

Laisiangtho sungah Nebuchadnezzar kumpi pa in amah leh amah a kimang mat na ama
deih bangin khia aa, milimpi bawl in agambup bia sak hi. A hih hangin tua mang khiat
na Pasian deihna leh khiatna man hi lo hi. Thang Siangh in zong amah aki mangmat na
thu amah leh amah in akhiat pen kumpi pa milimpi bawlaa, agambup abiak sak tawh ki
bang hi. “Bil nei mi in za hen la, mit nei mi in sim ta hen”.] (Anonymous Interpreter -
Pulaakloh ding mangkhiapa)

Nupi khat ii mangmat ahih tei hang iin hih mang peen lamdang mahmah leh khiatna nei mahmah
khat ahi hi. A khiatna zongh tel ding thupi mahmah hi. Sia Siangh' khiatna, Sia Mungno’
khiatna leh Pulaakloh ding mangkhiapa' khiatna te na saai kak un.

Thukhupna: Sia Siangh in ama meet lawh nading om het lo pi nangawn phuahtawm leh zuau
ngiat tawh hih bang aa lai a gelh den keei sese ka et ciang iin ih theih pih khak loh thu tuamtuam
a gelhgelh te sung ah a gen kankan hang iin a zuau, a beh lap, a pehtawi leh a phuaktawm tam
mahmah ding cih kilangh sak ahihmanin ama lai gelh a sim kha te in ih pilvaang mahmah kei leh
Kawlgam leh leitung bup aa kithehthaang Zomi SDA te hong khemkhem ahihmanin siatna hong
tun paisuak takpi ding hi. Leitung bup aa a thuapthuap SDA pawlpi makai te mawhsakna
bekbek, muh khialhna ding leh muanlah nading bekbek gen iin ih pawlpi ading constructive
criticism om peuhmah lo hi. Kawlgam SDA pawlpi sung aa Pasian nasep masuan a let laai aa A
panpih A makaih den Khasiangtho nusia iin khaa dang khat ii panpihna tawh a kampau pau
ahihmanin ka it mahmah Sia Siangh a ding iin ka dah pih mahmah hi. Israel te' kumpi masa peen
Saul bang aa a pai khial suak ding iin phal lo kahihmanin Khasiangtho in Sia Siangh' lungsim
lammaan ah hong heisak kik ta peuh henla leitung bup SDA pawlpi sung ah hong kihei kik leh
ka deihsak mahmah hi. Sia Siangh holhthawhna hang iin ih pawlpi mukhial aa a kalsuan khial
khempeuh te zongh Topa Pasian' Khasiangtho in SDA pawlpi maan sung ah hong kha kik kim ta
hen.

Christ sung ah na sanggam uh,

Mungno Gualnam
Riverside, California
April 24, 2011