The Gospel Echo

Tatkhiatna Tangthu - the Story of Redemption

Series # 01
Zingsol-Lucifer Kiatna Khen 3

LST Bulphuh: Na mel hoihna na kisaktheipih kha a, na minthanna in ong hai tatsak hi (Ezekiel 28:17). Lucifer in Zolna Thudon Lo 1. Lucifer in ngai nuam lo hi. A thuman le a dik lai vantungmite kiang pan in taikhia a, silate bangin amaute a ko hi. 2. Hih Pasian tunga a thuman vantung mite in, Lucifer in vantung mihonte lakah tua zah ta a, a langpa zawh theihna pen lamdang sa in a en lel uh hi. 3. Lucifer in tua Pasian gam ukna sa sanga hoih zaw, suahtakna tawh nuam tak a omna ki-ukna gam a ngah nading uh a ciam hi. 4. Tampi tak in, amaute zuih nopna ahi zongin amaute Mangpa dingin a sangna uh a pulaak uh hi. 5. A hanciamnate tangtunga, a om a muh a, vantungmi khempeuh ama lamah pawlin ngah dinga, Pasian tawh ki zakim ding a, vantung mihonpite khempeuh uk zawhna nei ding ci-in a kiphat hi. 6. A thu manglai vantung mite in, tua bangin do do leh, a tawpna ciangin bang thu teng hong piang ding hiam cih thu te, vantung mite a piang sak thei Pa in, Ama vanglianpi tawh lumlet mang thei dinga, a vaihawmna te uh lim no khat tawh sugawp thei ding cih thute le tua bang in langpan a, ademna thu uh a lauhuaina zia te a thu hilh hilh uh hi. 7. Pasian thukham A mah zah mah a asiangtho pi pen vantung mi khat in lumlet manga puahpha ding cih ta zen! Lucifer zuauthu ngaihsutna-te a zuih lo nang uh le, Pasian kiangah pai kika, mawhna sa pulak a, a vat hum nading uhn, vantung mi hoih lai ten a thuhilh uh hi. Lucifer A Zui Kha Tampi Kihei Kik 1. Vantung mi hoih lai te thuhilhna zui-in, Lucifer ahehpih a a zukha vantung mi tampite a hong kihei kik uh a, a mawhna uh kisiik in, Pasian le a it A Tapa sungah muanna hong nei kik uh hi. 2. Tua nung ciangin, Lucifer in ahih leh, Pasian thukham te zui a, sila suahna a zuih leh, ama minphatna sat eng ama tung pan bei ding cih thu a gen hi. Ama za ngahna lianpi taan ta ding in ki gen hi. 3. Tua tham loin, tua zah dong a gamta khin zo a, amah mah leh ama nungzui vantungmite adingin ki hei kik a, sila suah kik ding pen hi thei nawn loin, bang bang piang ta le, Pasian Tapa mai ah kuun in bia ngei het lo ding, Pasian in, lah amaute maisak het lo ding ahih manin, Amaute thudam tawh a kipiak lo pen thatang hat ciamin ngah khia v eve ding ci-in

ama mite a hanthawn hi. Vantungmi Hoihte in Pasian Tapa Thuko 1. Vantung mihoihte in Pasian Tapa kiangah hongpai meng meng uh a, vantung mihonpite lakah a thupiang khempeuh a ko uh hi. 2. Amah le amah (zaliatna kipia tawma) ki za lian sak a, a om Satan in vantung mihoihte a nawngkai sak gawp khak lo nadingin, bang ci bang lampi tawh tua nate sumit cip tawntung thei ding cih thu Pa le Tapa a kikum kum uh hi. 3. A vanglian mah mah Pasian in, hih kheempipa pen thakhat thu in zong maimang cip sak thei ahi hi. Ahih hangin hih bangin Amahin a bawl nuam kei hi. Amah in, A Tapa le Ama vantung mihoihte langah Satan le ama vantung mite tha le tha ki sisakin, a kido theih nangina khuan a ia hi. 4. Hih galdona sungah, vantungmite ciat ciat in a utna lam lam a kop theih nang khuan apia hi. Vantung gampi luahkhia nuam a, Satan tawh kop a, langdo vantung mite ading in hong kimuantham het lo hi. 5. Pasian thukham langdo na thu tak tak ahih lam amate in thei in, tua in a kibawl thei nawn het lo ahi hi. Pasian in Ama vangliatna zang mawkin hih langpang makai pipa sugawp leh, vantungmi khasia sa khempeuh lungkim ngei lo ding hi. 6. Tua ahih man in, Amahin, Ama thumanna le thukhenna pi vantung mihonpite in a telmuh thei nangin tua bangin hih lo hi. [End of Series # 01 30 June 2011] Lai puak Kenneth Htang Suanzanang, Apt # 304, Thazin Condo, 56 Boyarnyunt Road, Dagon Tsp, Yangon 11191, Myanmar. Direct Telephone 38 40 44; PABX Phone: 25 55 12; 25 55 13; 39 34 82 (Extn. # 304) Email: kensznang@mail4u.com.mm; kensuanzanang@gmail.com.mm Website: http://www.thegospelecho.net Tedim pau a, Spirit of Prophecy a ki nei masa pen ahi, Ellen G. White at The Story of Redemption pan Tatkhiatna Tangthu ci-in ong nusia sa ahi Saya H. Go Suan Nang tei, Pastor Ngul Khaw Pau in Foreword-Thumasa ong at sung pan hi a, LST mun kim khat kong behlap hi. Zomi SDA te bek hi lo, a sim khempeuh TOPA in thupha ong buak tek ta hen! Amen.