ZABATSS NO.

PUBLICATION INFORMATION
Laibu Min
Zomi Advanced Biblical and Theological Study Series No. 3
Bubawl Kum
April 2011
Bubawl Zah
500
Laibu Bawl
ZABATSS 2010
No 528/A, U Kaung Street
Kyitmyindaing, Yangon
Myanmar

Thudotpi Teng
Rev Dr Simon Pau Khan En
Rev Dr Do Sian Thang
Rev Dr Gin Khan Khual

Z a b a t s s C o m m i t t e e M e m b e r Teng
Man Hau Cing
Suan Khan Lian
Nang Sawm Piang
Dal Khan Mang
Cing Pum Neam
Pau Suan Kam
Go Van Mung
Pau Lian Mang
Zam Khat Kham
Ciin Sian Khai

Convener
Man Hau Cing

Treasurer
Dal Khan Mang

New Testament
New Testament
Old Testament
Old Testament
Systematic Theology
Contextual Theology
Historical Theology
Contemporary Theology
Systematic Theology
Theology of Mission

Editor
Pau Lian Mang

Layout Design
Nang Sawm Piang

Publication
Suan Khan Lian

Amah khuadak a, sawlpang a kuang mu hi.

Ahi zongin kangtum lo hi. Paikhiatna 3:3

A SUNGA OM THUTE
A SUNGA OM THUTE

i
iii

THUMASA
Rev. Gin Khan Khual, Ph.D

Lai Siangtho Thu Sinna

LAI SIANGTHO HILHCIATNA LEH A KHIATNA GENNA
Exegesis and Interpretation of the Bible
Nang Sawm Piang

KAMSANNA
Prophecy
Dal Khan Mang

21

LUNGDAMNA THUBU THUMTE KIKAL THUBUAI

Synoptic Problem
Man Hau Cing

35

Theology Thu Sinna

PASIAN THUTHUK SINNA
Introduction to Systematic Theology
Cing Pum Neam
PASIAN DEIHNA KILATNA MIHINGTE
NUNTAK KHUASAKNA SUNGAH:
JOHN CALVIN MUHZIA TOM ETNA
Go Van Mung
TANGKAINA LEH KIHOSIAMNA
Particularity and Sociability
Pau Lian Mang
KAWLGAM SUNG GAMKEK KI-UKNA LEH CHRISTIAN
MISSION NASEPNA: TU HUN KAWLGAM CHRISTIANTE
HONG TO THU
Ciin Sian Khai

LAIGELH TENG (CONTRIBUTORS)

45

53

61

81

95

ii

KOH MASAK THU

ZABATSS Vol. 3na ah Koh Masak Thu a gelh dingin hong
kiseh manin ka nuam mahmah hi. Kei tumtak in za ngah kisa mahmah
in, angtang mah mah ing.
Hi ZABATSS Vol.3 na sunga kigelh thusun tuam tuam teng a
tomin lom et suk pak ning ci a ka pat leh, hoihsa theilua ka hih manin
khia thei nawn lo-in, a tawp dong ka sim suak sitset hi. Ka theihsa pawl
khat hong phaw kik sak in, ka theih ngei nai ngiatloh thu thak leh thugil
tampi tak ka theih lawh a, laigelh ih mipilte pil takpi, thei takpi mawk
uh ei ci-in ka omna mun pan laigelh teng pahtawina lianpi ka pia hi.
Laigelh te in thu theih huai tampi hong gelh khiat tek ban vuah
amau muhdan leh amau deihsak dan ciat tawh thu hong khup diam
diam uh a, ngaihsutna te zong thuk thei sa mahmah in, Zogam leh Zomite
mailam ding nuntak gim hong namsak in, lametna lianpi hong pia ahih
manin; Pasian bawlsa Zomite a mangthang nawn hetlo ding ih hih bek
thamloh a khangto taktak leh a khangto pha mahmah lai ding ih hihna
hong musak hi. Tua ahih manin hi ZABATSS pen Zomite nuntak kalsuan
dan ding lamlak Aksi Pi khat hi ci in ka mu hi.
Laisiam mipilte in, mi khat peuh in Doctrate (Ph.D. etc.) a ngah
khit ciangin lai a sim beh nawn kei leh a thutheihna pen a Doctrate ngah zawh
kum nga khit teh mi ban nawnlo hi ci uhhi. Leitung ah pilna pen ni khan
keei mai cih hong musak hi. Hih sunga laigelh sianu siapa te pen tunai
diak a Doctrate ngahte, tu laitak a asin san a zo dektak te leh, M.Th.
hiam a sang mahmah khat ciat peuhmah a zo tingteng a lai a sim sim
laite vive uh ahih manin hong thusunte uh tanglai thu pek pan tuni
tunai pen pen a kimu khia pilna te tawh hong hial diam diam uh a,
pilna tomkim leh bukim tak in hong suah uh ahih man manpha lua sa
in lamdang bang ka sa liang hi.
iii

Tua ahih manin hih laibu pen Lai Siangtho sin ngei peuhmah
in bu khat ciat lei hamtang a, a tawm pen vial khat ciat beek ih sim
pelmawh ding kong hanthawn nuam mahmah hi. Lai Siangtho a sin
laitak te in zong lei in na tel mateng uh sim le uh cin, Mangpau a ih
zak, Manglai a ih sim a ih tel zawh kholloh thuthuk tampite hih laibu
sungah ei pianpih pau in tom leh kicing tak in hong kigelh ahih manin
lei in sim lecin Lai Siangtho sanga na sin thu tampi telbeh na in nei
ding in kong lamen hi. Pello in lei ciat ni.
Lai Siangtho sang a kah ngeilo te leh a kah man nailo te in
zong lei in sim leng Lai Siangtho leh Pasian Thugil luanzia hih cidan hi
mawk maw ci-in, thu thuk muhna leh lungsim ki honna in nei dingin
kong lamen a, Lai Siangtho sang kah lo thu um mite a dingin zong
thupi kan lai dingin ka um hi. Mikim a dinga hoih laibu hi.
ZABATSS Vol. 1 na Koh Masak Thu ah Dr. Simon Pau Khan
En in, hih ZABATSS pen mailam Zomi Khristian biakna leh tua sunga
om Pawlpite kalsuan zia ding hong lakkhia-in hong tawntunpih pha
mahmah ding hi ci-in a lametna hong gelh a, hi kasa mahmah hi. Ken ka
behlap nop in, hih ZABATSS in mailam Zomi Pawlpite kalsuan zia
ding theology hoih nono hong suah khiat ban ah, Zomite lokhawh
singpuak leh nuntak khuasak zia ding lamlak theology, Zomite ngeina
hoih leh nundan hoihte kankik a zatsiam kep siam dan ding theology,
Zomite sum leh pai zon dan ding theology, Zomi numeite ki laptoh zia
ding theology, Zomi khangnote ki makaih leh ki pattah zia ding theology,
Zomite tum leh sai khantoh na ding theology, Zogam ki uk zia ding
theology cihte dongin hong suah in Zomite Lamlak Zingsol Aksipi
ahi dingin lametna lianpi tawh laigelh teng pahtawina lianpi pia kawm
in laisim mi khempeuh leh Zogam thupha kong paih hi.

Rev. Gin Khan Khual, Ph.D.

iv