REV LALFAKZUALA HRAHSÊL

B.Sc (Hons); M.A; B.D

Rev.Lalfakzuala hi Hrahsel hnam a ni a, 6.3.1972-ah
Lunglei Venglai-ah a lo piang a, ft 5’,7 ½”-a sâng a ni. A pa chu
H.Lalliana a ni a, a nu chu L.H. Sangziki a ni.20.1.1985-ah BCM
Lunglei Vênglai-ah Rev.H.Hrângênan Baptistma a chantîr. An unau
hi mipa 4 an ni. 25.1. 2008-ah Esther C.Lalhmachhuani nên an
innei a. Rev.Dr.K.Thanzauva’n a invawntîr.

A lehkha zir dân chu hetiang hi a ni.

1984 Middle School Lunglei Vênglai
1987 H.S.L.C. Lunglei Vênglai High School
1990 P.U.(Sc) Pachhûnga University College, Aizâwl
1993 B.Sc. Hons (Botany) Pachhûnga University College, Aizâwl
1996-1998 M.A, N.E.H.U. Shillong

Pastor a nih hmain hmun hrang hrang-ah School zirtîrtu hna a thawk Thîn a, A.I.R
Station, Lunglei-ah pawh casual Announcer-ah a Tang tawh a ni. Rawngbâwlna lamah
pawh hetiangin a inhmang tawh.

TKP Venglai Unit-ah Asst. Secretary, Executive Committee member leh Programme
Committee member a ni.

1993 KNP Venglai Unit Treasurer leh Conductor

1989-1990 Venglai BCM Zaipâwl Conductor
1989-1990 BCM Bazâr Pastor Bial Zaipâwl member
1995-1996 Baptist Zaipâwl member

BCM Shillong zaipâwl Conductor leh Pune Mizo Christian Fellowship Zaipâwl
Conductor a ni a, Z.P.M.B.K Bial zaipâwl Conductor pawh a ni tawh. Shillong Unit TKP
Vice President –ah te Z.P.M.B.K Bial TKP Executive Committee member te leh Aizâwl
Republic Unit TKP Executive Committee member te pawh a ni tawh bawk. Kum 2002-
2003 khân Pune Mizo Christian Fellowship-ah Secretary a ni a, 1998-ah khân Arunachala
Arsang English School Pasighat-ah Part time Evangelist Teacher a ni tawh bawk.

Rev. Lalfakzuala hi Kum 1985-ah a piangthar a kum hnih kum thum chhûng chu
Upa C. Lalthlamuana Evangelist Team chu a châng chângin a zui Thîn. Kum 1988-a
TKP-in Lungsena inkhâwmpui an neih khân Missionary-a inpe thei pen chhuak tûra an
sâwm khân a pên chhuak ve a, a zirna a chhun zawm zêl a. Kum 1997-a M.A a zirlaiin
Shillong-ah Pathian kohna a dawng ta a, M.A. a zawh khân 1999-ah Pathian thu zirin
Union Biblical Seminary-ah a kal a, 2004-ah khân B.D. a zova. Kum 2004 khân
Probationary Pastor-ah lâk a ni a, Kum 2007-ah Zotlânga Assembly-ah Rev.B.
Thangchîna’n Minister-ah a nemnghet a.
Hêng Bial-ah hian a awm tawh.
2004 (April)-2007(March) Zâwlnuam Pastor Bial. Thuampui-ah
2007 (March)-2009 Phuaibuang Bial, Phuaibuang-ah
2009-2010(March) Missionary antana inbuatsaihna hun atan a hmang

Pastor hna pangngai bâkah 2004-2007-ah BCM Zâwlnuam Thuampui Vêng-ah

Treasurer a ni a, Zâwlnuam Pastor Bial zaipâwl Conductor a ni nghâl a. Kum 2006-2007-
ah khân Tut-thlang ABC Secretary a ni a, Assembly Department-ah pawh 2004-2005-ah
Finance Committee member a ni. Kum 2006-2007-ah khân Service Department
Committee-ah member a ni a, Executive Committee member pawh 2004-2007 khân a ni
a, Mission and Evangelism Committee member pawh 2007-2008 khân a ni bawk.
Infiamna lamah chuan Volley ball te Table tennis te Chess te a khêl ve Thîn.
Khawtlâng thila inhmanna-ah chuan Lunglei Vênglai-ah YMA Branch Executive
Committee member a ni ve Thîn.

A lâwmna te chu a awm tawhna Bial-ah Kohhranin kiam lam aiin pun lam an pan
Thîn a. Dt.6.10.2007-ah North East Tlângnuam-ah Kohhran thar an ding nghê nghê.

Rawngbâwlnaa a tuina lam chu Music leh Zaipâwl lam hi a ni a. Zirtîrna lam hi a
tuina a ni thîn.