Since 2006

ZAM Information Department

Volume 6, Issue 34 January 29, 2012

Estd. 2006

informing people, transforming lives

ZOMI CUP 2012 Special Issue

Vai Lianpi Zong Ih Vaihawm Khawm Zo Hi
Zomi te omna ahih nakleh, amaute-in kua hi aa, koipan hong pai, bang thute vaihawm khawmzo hiam ciin hong ki-en leh, Zomi khangno/khanglai 500 val tukpeng kimawlna tawh kilawmtatna ni (5) sung buppi zangkhawmzo uhhi, cihpen tangthu khat ih gelhzo leuleu hi. A (3) Veina Zomi Namni Pahtawina-in aki bawl Zomi Cup tukpeng kidemna pen January 23-27, ni 5 sung buppi ki vaihawm khawm thei aa, hizah aa mipi tampi ki kaikhawm aa pawi bawlkhawm cih hiziau lo-in thatang khempeuh san aa khat leh khat kidem ciatciatna leh khuahun hoihloh patauh simsim kawmkal pan etlawm takin kizo thei hi. A kimawl leh a thapia khempeuh ki picing thei mahmah hi. Team tampen tangthu gelhkhawm Ei Zomi sung aa kampau kitel sitset Khua (26) kidemna pen, Match (58) pha-in, Zomi Tangthu sungah (theihkhialh kei leh) Team tam kihel pen kidemna ahihi. Banghang Zomi Cup vaihawm Bawlung icih tukpeng kimawlna pen, v ai dang khempeuh sangin a thupi penpen hilo hi. Ahi zongin, leitungbup huam ah, minam khat ahih kei leh gam khatin vai lianpi tuamtuam aneihte sung en leng, tukpeng (football team ahih kei leh football tournament) neilo gam pen om khollo hi. Tukpeng cih ngiat pen, pawi dang khatpeuh tawh kibang theilo hi. Banghang hiam cih leh, Zomi Cup en leng, a kidem lian 11 tuak hi-in, a kimawl ding mah aa ngak apua-ah 9 tuak bang om hipah aa, kihel khakna mi tam in ngahthei pen pawi nam khat cihna hi. Cihnopnaah khat leh nih kia a kihel hitheilo ahih manin, mi tampi ahih kei leh khangno tamthei pen ii mun ngahna hi gige hi. Tuahang mahin zong, thalawp khopna om phadeuh in, ki pawlkhop kisinna hoih mahmah khat ahi hi. Hidan teng hang bek tawh Zomi Cup ki vaihawm hi nailo lai hi. Minam Ni mahmah pahtawina-in ih vaihawm hi masa hi. Minam Ni anei minam khat ihihna ki langsak hi. Tuaciang bek hilo-in, zum tuamtuam leh namdangte muhna-ah ih lahkhiat zawh thu-in, haksatna tampi om himah ta leh, Zomi te-in vai lianpi tampi vaihawm khawmzo hi ungh, cih pen ih lahzawh thupi mahmah hi. Namdangte hong theih semsemna leh hong etneu ngamlohna dingin zong a kisam vai lianpi khat ahi hi. Haksa taleh ei leh ei kidingzo Zomi sungah mihonpi ih vaihawmkhop ding khatpeuh a om simin, hong buaisak pen khat ahi sum leh paii kicinlohna hiden pian hi. Ih kisuahtak sak hang a suakta hetlo leh ih hihna bangbang ih ngahtheih tawntung lohna dinmun tawh mi gam ah ih om hangin, Zomi te-in ei leh ei hanciam in ih dingzota hi. Ei leh ei kidingzo lua na hihi. Khua (26) kihelna-ah, lutmanh a kikim in ih khiattek khempeuh gawmkhawm aa tuateng lian a kizeek hi-in, apualam pan huhna ngetna ahi zong, sumtang tawh ma hong pan sawm zong ki omlo lel hi. Zomi Cup 2012 akihel Khua (26) teng ii sumkhiat teng a kizang ahi hi. Match kimawl zah buppi (58) pha-in, tua khempeuh hih gammi referee te kawmna-ah ih sumzat beipen hi. Tua zomah, kimawlna tualpi sap ah beipen hi. A Khatna, a Nihna leh a Thumnate pahtawina cih bangin sumzatna bulpite kimu hi. Ih dinmun omzia khat paulap lo-in hanciam ni cih kampau leh utna lungsim bek hilo aa a hanciam takpi Zomi te ihihi. LUNGDAMKOHNA Zomi Cup 2011 zawhtheihna dingin, a deuhdeuhin, Khua makaite sungpan kimawlna lam makaite khempeuh tung lungdam mahmah hi. Sum leh pai, thatang vaihawm haksatnate puazo bekthamlo-in, athu kisam aa aki vaihawm bangbang pen, HIPAH HEN cihtheihna, cihzawhna nei na hih manun a vaihawm khawm zo hihang. Mailam ah zong hibang lungsimte kep tawntung ding thupi mamah hi. Na hanciamna, na suplawh, na bailawhnate, na sepkhoptheihna, na thuakzawhna, lungdamzia na zatsiamna leh na angtanpih siamnate hangin a kimawl mimal khempeuh tung, lungdam mahmah hi. A ki vaihawmte na zuihzawhna leh na zuihnopna-in vaihawmna ma zangsak mahmah hi. Match report vai khempeuh ma hong pang, Sia Pauno (Phaiza), Sia Piang (Kansauzang), Sia Lian (Khuadai), Sia Kap (Cikha) leh Sia Tuangpu (Taaklam) Committee ma hong panpih Pa Dam (Vangteh), Pa Kam (Pangsak) leh Sia Paupi (Mualbem) Ka khuapih tuipihte vaihawmna ci-in Malaysia sung pan hita leh gam tuamtuam pan hita leh sumtang mahmah tawh tha apia sanggam khempeuh tung

ZAM THUPUAK
lungdam mahmah hi. Na zom toto lai in, minam vaihawmna a picing sak hi teh. Ni (5) sung sitset ihmut cim manlo-in, nisa nuai, guahnuai-ah sawl bangbang mangin a taisuk, taito ZEC sang naupang (6) te tung lungdam mahmah hi. Team khempeuh ii min leh photo te asang, akem leh etnop ding aa a bawlpha Pa Pau Mung ZAM Camera tawh ni (5) sung buppi nisa nuai-ah taisuk taito-in lim hong laaksak Nangtak (Khuasak) Tuivot zuakna panin a met cihtaak kei cilo-in, a lina ngahte RM200 hong piakhia ZEC-Maharajalela Sang An leh meh zuakna pan a met tampi ngah man hilo-in, Committee te RM400 val manh an hong vaak ZEC-Cheras Sang Sia/nute leh sang naupangte A kisapna peuhah mawtaw hong hawlsak U Thangkhek (Mualbem) leh Tg. Khupboih (Anlangh) Sound box leh microphone te manh piakkullo aa hong zangsak CMF pawlpi, ZCCM leh ZSM

January 29, 2012

ZOMI CUP 2012 A kihel khempeuh: ANLANGH, BUANLI, DALKHAI, HEILEI, KHUADAM, LAAITUI, LAIBUNG, LENNUPASUANGZANG, MAL SUANGZANG, MUALBEM, MUALPI, NGUA SING, PHAIZA, PYIDAWTHA, SAIZANG, SALZAANG, SEZANG, SUANGHOIH, TUIDIL, TUIKHIANG, TUIMUI, TUIPI, TUNGZANG, VALVUM, VANGTEH, VOKLAAK Quarter Final kahte: LAAITUI, MUALBEM, SUANGHOIH, NGUA SING, ANLANGH, BUANLI, PHAIZA, SALZAANG, DALKHAI, VALVUM, VOKLAAK, VANGTEH Semi Final kahte: SUANGHOIH, NGUA SING, ANLANGH, BUANLI, DALKHAI, VOKLAAK A Lina: DALKHAI A Thumna: ANLANGH A Nihna: VOKLAAK A Khatna: NGUA SING A Lina pahtawina: Medal khatta leh RM200 A Thumna pahtawina: Medal khatta leh RM700 A Nihna pahtawina: Medal khatta leh RM1,200 A Khatna pahtawina: Medal khatta, RM2,000 leh Cup pi Goal tamkhum pen: Tg. Mung Kap Thang (ANLANGH) Kungpang siampen: Tg. Pau Khan Khual (VOKLAAK) Nungdal (defender) siampen: Tg. Nang Lam Tuang (NGUA SING) A Laii (midfielder) siampen: Tg. Pau Thawn Thang (NGUA SING) Maikah (striker) siampen: Tg. Pum Lamh Kim (VOKLAAK) Player of Zomi Cup 2012 : Tg. Pau Thawn Thang (NGUA SING) Hun lap sensen Zomi te Match (58) sinsen kimawlna-ah, tua match ah tua Khua te ziakai-in hun beisak tuam cih peuhmah a omloh pen lamdang mahmahin, Khua makaite leh a kimawl khempeuh ii ki thuhual dan pahtawi huai ngiat hi. Hih hunmaanna cihte kepcing zawh sawm ni. Red card ngah omlo Zomi Cup 2012 buppi license tawi Ref eree l eh As sistant Ref eree v iv e sumtang tawh kikawm hi-in, Yellow Card (23) vei a om hang Red Card tawh kikhawl sak pen omvetlo hi. Theihsakna Ih vaihawm ziate ki theihpihna leh mailam ah a vaihawm ding peuhpeuh ii a picing zaw nasep zia

dingte muhtheih kawmnain, a sawtlo-in Zomi Cup 2012 sumlut leh sum zatnate Khua makaite tung kihawm theita ding hi. ZAM camera tawh quality hoih takin a kizaih kha photo bekbek tul val bang om hi. A lunglut peuhmah in zum ah hong kan un. A khuakhua-in e-mail pan khaktheih ding ki v aihawm laitak hi; A deih peuhpeuhin <tg.kham@gmail.com> ah hong zasak un. Seppihte tawh, Tg. Kham & Hau Khai

Zomi Nam Ni Aa Ding Sum Khiakhinte

Haupi - RM100, Zampi - RM100, Muizawl RM100, Thuklai-Pumva - RM100, Thangnuai RM100, Zomi Sing Unau Kipawlna - RM200, Cingpikot Keizang - RM100, Tuimui - RM100, Thangsan - RM100, Mualbem - RM200, Vangteh - RM200, Pimpih - RM100, Tungtuang - RM100, Tonzang - RM200, Luangel - RM100, Sezang RM200, Manna ZCC - RM200, Phunom - RM100, Zozang - RM100, Mal Suangzang - RM100, Ngen Nung - RM100, Laibung - RM100, Chyantharayi - RM100, Sg. Long Bethel Church - RM200, Gamlai - RM100, Teklui - RM100, Zomi Christian Assembly (ZCA) - RM100 Sum tawh ma panna ih neihtek ding a kizomto hi aa, January 31, 2012 ma peuhmah in ih khiattek ding ahi hi. A hunhunin THUPUAK pan ih suahsak Sum khia khinte cihna sungah a kihello, asum lah a khiakhin ih om leh Sia Kap (012 620 2125) tung pello na zasak un. iNFO [ZND Committee]

Khua Kipawlna Makaite

A beisa kum khat sung en leng Khua Kipawlna makaite ii mapanna tawh Malaysia aa Zomi te ih vai tuamtuam tampi ih sepkhopna ki mazang mahmah hi. Nopna, dahna, zum vaiteah ki thuzakna a baih dingin, Khua Kipawlnate pan makai kilaihta, ahih kei leh kizop theihna pen khat a mi kilaihta, ahih kei leh phone nambat kilaih cihdan ih om leh hong zasak pah un.

Dr. JM Paupu Hong Hawh January 20,

2012 ni-in, Sia Philip Khai vaihawmsakna tawh Malaysia hong zinthei Sia Paupu ZAM zum hong hawhin ki holimna nai khat val bang kinei thei hi. Palai nasep zia tha piakna tampi hong neithei hi. Kikupna Zomi Nam Ni vai kikupna January 30, 2012 ni, 1pm hunin ZAM ah omkik ding hi. Theihsakna A beisa kaal sung ZAM zum hunbit kihong zolo hi. Tu-in kihongkikta hi.