Since 2006

ZAM Information Department

Volume 7, Issue 4 July 1, 2012

Estd. 2006

informing people, transforming lives

Na khaute sausak in la, na khetphimte kipsak in. Isayah 54: 2b ZAM Kiteelna Vai Leh Palai Nasemte
ZAM panmun thak kiteelna hunpi ding pen ani kikhinto leuleu hi. June 28 ni-in kiteelna neiding icihsa pen, ZAM maban ding vai pawlkhat hang tawh ani khintoh lai hong kisam ahih manin, tua ni ding cih ciangtan theih a om nailoh hang Kiteelna pen ki vaihawm nailo phot hi. June 28 ni ma-in Khua makaite leh pawlpi upate khempeuh SMS tawh ki zasak hi. THUPUAK hawm hun tawh kituak khalo ahih manin, SMS tawh ki tangko ahihi. ZAM leh Zomi maban sepzom ding tampi a omte, ZAM 2011-2012 sung aa panmun ngahteng mahin agim atawl uh zongin hong hanciam tentan lai ding uh hiphot hi. ZAM 2011-2012 sungin palai gamthumna tung zong ki om bek thamlo-in, ih sepding a tamluatna, nasep maban tampi vaihawmna zui-in, ZAM 2011 Kiteelna-ah hong kihel khakloh uh hang mipihte aa ding tha siallo takin aki piakhia zo tawntung Tuangpu leh Thaa Mung te-in zong ZAM hunbit palai sepna ma pangkhawm ding uhhi. Ih theihkim ding khatah, hih Kiteelna ih vaihawm nailoh hangin, Nomination Committee te ii dinmun leh nasep pen akhawl ahih kei leh a omnawnlo hilo hi. Bang ni kiteelna nei ding cih ki khentat kik nailo hi. tupna uh pen gammi tampi-in galtai-gambelte dinmun hong theihpih aa, hong panpih semsem ding cih ahihi. Tukum ciangin, UNHCR in tuni ciang Kipawlna nasemte sepnate pahtawina lahna dingin June 24 ni nitak Park Royal hotel ah hunpi khat vaihawm uh aa, Kipawlna nasemte leh Sang siate kihel tek hi. Meh leh nektheih tampi kihel nitak an duh zahzah zattheih dingin hong lui uhhi. Gammi lasiam tuamtuam zong kisam aa, lucky draw tampi mah ngahsak in let-song tampi zong hawmkhia uhhi. Hih pawi aa lahding Malaysia aa Kipawlna khempeuh ii nasep zia a huamkim aa video sung thugenna zong tuma kha khat lai pan hanciam uh aa, pawi hun sungah tua penmah thupi sak masa uhhi. Hih video aa ding pen, Malaysia ah Kipawlna tampi a om sungpan, nasepnate a pulak dingin mi teng uh aa, gamdang tuamtuam pan galtaite leh Kawlgam khamtung panin ZAM leh SRO tangmi khattuak teng uhhi. Astro in zong, ZEC leh Zomi naupang sangkahte dinmun thudotna hong nei uhhi.

DHS Pan Contact Kingahlo

Hih anuai aa File nambatte, interview lutding DHS pan contact a ngahzawhlohte uh June 29, 2012 ni aa DHS zumpan hong piakte uh ahihi. Vaihawm ziading a tellotein kidong thei: ZAM zum 03 2142 6659, 03 9226 1926 791-08C01055 791-09C02058 791-09C11660 791-09C12711 354-10C10044 354-10C04388 354-10C11565 791-09C15829 791-09C15918 791-09C11780 791-09C00849 791-09C14059 354-05C08066 791-10C08361 354-09C01155 791-09C01012 354-10C11588 791-09C12929 791-09C08191 791-09C06452 791-09C09480 791-09C06775 791-09C10230 791-09C01884 354-10C04436 354-09C00120 791-09C10238 354-10C11276 354-10C11717 354-09C00782 791-09C11205 354-09C05460 791-09C13978 791-10C07856 791-09C10371 791-09C09197 354-06C03210 791-09C90528 354-03C11160 791-10C08315 791-10C08319 791-09C00302 354-08C04339 354-10C07314 354-03C05148 354-09C00218 791-08C01787 791-09C17896 791-10C08074 791-09C09460 791-09C09468 791-10C08072 791-09C17879 791-10C08397 791-10C08122 791-10C07768 791-09C11355 791-10C07768 791-10C07172 791-10C08122 791-10C08397 791-05C80561 791-09C17863 354-09C08353 791-09C11942 791-09C11940 791-10C08132 791-09C07771 791-10C08388 791-09C18093 791-09C15123 791-10C08380 791-10C08126 354-10C05115 354-10C09638 791-09C15175 791-09C07772 354-10C03014

KHAWMPI LEH LUNGDAMKOHNA SAPNA

Kumsim June 7 ni simin ZAM Kumcin Khawmpi ki vaihawm den hi. Tukum pen, vaihawmna haksa hilo napiin nasep maban a haksa leh khua hun zui-in June 7 ni-in Khawmpi ki vaihawm zolo khin hi. Hong tungding July 5, 2012 ni-in ZAM Khawmpi leh Lungdamkohna hunpi khat ZAM ah ki vaihawm ding hi. A deuhdeuhin Zomi avei leh mapanna khat peuhpeuh aneite khempeuh kong sam uhhi. Mimal kim kisapna haksa ahih sam hang, Khua makaite leh Pawlpi upate zong atuamin hong kisam lai ding hi. Sun 12pm hun lianin hunpi kipan ding aa, tuama-in ankuang umkhopna khat ki vaihawm masa nuam hi. Tua ahih manin, 11am bangin tungkim zo leng hoihpen aa, tuama-in zong kitung thei hi. Kumcin Khawmpi cihmah bangin, a deuhdeuhin kum khat sung aa nasepnasate pulakna hunpi khat kinei nuam hi. ZAM panmun ngah palai kimin ih nasepnasate pulakna acing theithei-in hong genkhia ding uhhi. Tua leh, lungdamkoh khopna hun khat kinei ding hi. Ih kipawlna-in bangciang semkhin cih kiza theiding hi. ZAM Palaite

Kipawlna Nasemte A Pahtawi UNHCR

Kumsimin June 20 ni pen Leitungbup Galtaite Ni (World Refugee Day) ci-in gam tuamtuam in phawkna leh pawi tuamtuam kibawl hi. Malaysia ah zong UNHCR makaihna tawh kumsim ki vaihawm aa, a beisa kumte ahih leh, a

ZAM THUPUAK Ngeina Puan Silhthei Khempeuh Minam Vei Kicitheilo

Puan cihte, ngeina vanzat cihte pen sum leh pai tawh ki leithei hi. Veina leh itna pen kam a pauthei khatpeuh in genkhia thei aa, ih sepzia-in a zuihloh teh lungtang sung aa veina ahih loh lam kitel lua zel hi. Hih atung aa thulu kammal pen leitung tukpeng (bawhlung) tangthu-ah aki mangngilh thei ngeilo ding khat ahi Portugal te kimawl siam minthang Luis Figo (Kum 39) in tuma kum sawm lai pawlin a genkhiat kammal ahihi. Na asa tam simsim ding ci leng, banghang in tuabang kam pau thei hiam? Tuabang kam pau ngam hiam? Portugal minam Figo pen, ama kimawl siamluatna leh a kimawlna Team te gualzawhna hang tawh, kum 2000 lai-in Europe gam khempeuh pan Tukpeng Kimawl Siampen pahtawina ngah aa, a kumkik 2001 ciangin Leitungbup Tukpeng Kimawl Siampen pahtawina ngah hi. Kum 2003 hong tun teh, Brazil gam aa suak Anderson Luis de Souza (Kum 34) kici, tukpeng-leitung ah Deco cih min tawh a minthang pa pen Portugal gam aa ding kimawl dingin Portugal coach pa-in teelta hi. Portugal gam aa ding kimawl siam tul tampi om lak pan Deco teelkhia cih zong pen, a Deco zong 2006 kum bangin Club khempeuh ii midfielder (alaii) kimawl siampen pahtawina ngahzo ciang khat na hihi. Tukpeng uk ngei peuhin theikim ding hi. Deco pen Portugal gam ah kum guk bang tukpeng kimawl kawm aa a tenna pan Portugal mi hihtheihna ngah khat hi aa, ama aa dingin Brazil gam aa ding lah kimawl thei, Portugal gam aa ding lah kimawl thei hi. Portugal te coach in a teel tak ciangin, tua laitak aa Portugal captain pa Figo in, dotna leh upzawh taktak lohna tampi tak pulak khia pah hi. Deco kimawl siam leh siamlohna agen hizawlo-in, Deco in a veina leh a itna pen Portugal gam aa ding hizo ding hiam, cih ahihi. Media te-in zong, hih thu pen leitungbup muh dingin khah pah zihziah uh aa, kha tampi mah buai veve uhhi. Figo in a pulakna-ah, Portugal tukpeng puan cihte, vanzatte pen sum tawh ih utna peuh pan ki leithei aa, ih utna munmun ah kisilh thei hi. Tua puan a silh khempeuh minam it taktak kici theilo hi. Portugal gam ii lapi zong Portugal pau athei khempeuh in sathei lelding aa, a sak simin minam it leh vei takpi ki citheilo hi. Mi khatpen a kivakna/siamna hang tawh ih minam tangmi dingin ih teel/ sap hangin ih minam it taktak ding cih kitheilo hi. cih bangin thupi tak leh a veina tak tawh pulak khia hi. Ki ngaihsut huai leh thu muhzia tampi hong lak hi. Figo in atawpna ciang, Deco lampan Portugal minam aa ding a siamna pen, a deuhdeuhin minam dangte tung a lahkhiat zawh ding kisam hi. ci hi. Ngeina puan, ngeina vanzat asilh leh azang khempeuh minam vei hipah samlo, ci. Minam vai, minam thu kamtawh a genkhia thei khempeuh zong a sepkhiatna kisam na ci leuleu! A siamna, a pilna khatpeuh hang tawh minam vai a semding muan pah ding hilo na ci kawikawi! Puan pen silhhun om aa, ih ut leh ki laihthei lel mah hi. Kampau zong ih paunop hun om aa, paudah ning, icih hun zong omthei lel hi. Figo gendanin, veina leh itna tak teh utteh suahding, utteh silhding hilo, na ci hi. Kimawl/nasem kici nuam veve, kua aa ding sem? Ih pam aa te-in Brazilian hong ci-in, ih gei aa te-in Portugese hong cihhang phamawh salo ki-om hihtuak! Tg. Kham

July 1, 2012

Mipi Theihding ZSM Thu Khensatna

ZSM/2012/13 - Sihna tawh kisai-in han leitang ngah hak ahih manin han ah hun kibawl nawnlo ding aa, mun lempen khatah hun bawlin, hun man ciangin a kisam pailoh phamawh Siate, Inntekte leh Makaite pawl khatin bus (1) tawh han ah va vui dingin hoih kisa-in, makaite vekpi thukimna tawh ki kipsak hi. A luang pen hun bawlna-ah ki lalo ding hi. Zato pan han ah ki paipih suakpah ding hi. Mipi theihding bek hilo-in, ih zuihding uh ahihi. Mailam nasepna ding saupi en khawmsa aa vaihawmna ahihmanin ih zuihloh phamawh hita hi. A hangin, hanah mi tampi tak bus tampi tawh ih pai ciangin gammite-in complaint pahpah uh ahih manin ei aa ding han leitang ngahhak mahmah hi. Gambel ihih manin lu ngakna ding mun leh leitang neilo ihihi. Mailam ah saupi tak ih sepsuak toh zawhna dingin sumtawm beithei pen, hun leh thathang tawmbei thei pen ding ngimna a hihmanin mipite-in ih telsiam ding kisam hi; Thupi mahmah hi. ZSM

PANPIHNA NGETNA Malaysia aa om Pa Nang Khat

Mung @ Nangtawng (Kum 30, Mualbem Khua) pen, amah tawh ki thuzak theihloh kha nih bang phata aa, meltheih tanaute lung himawh mahmahta hi. A thei kha, a mu kha ih om leh, anuai aa te tung zasak pah ni; Khamboih (012 974 5874), Hau Khai (012 367 4665) leh ZAM zum. ZEC Sang Siate Theihpihna Kipia Nisim ki piakkhiatna tawh ZEC sangte-ah na asem tangtang ZEC Sang Sia/nute, ZAM zumpi pan Zomi a veina uh theihpihna lahna-in, Sia khatteh Tongdot bu khatta kipia hi. Kua Veina Computer Siamte Pahtawina UNHCRSPF leh Hartford Academy te vaihawmna tawh 9th ICT Graduation pen, June 29 ni-in nopci takin vaihawm uhhi. Computer siamna tuamtuam a zo khin (200) val ki pahtawi zihziah in, ZEC min tawh ZEC-Cheras sang naupang (25) in Zawhna Laipite hong ngahthei uhhi. Zomi naupangte Blog, HTML khawng a zangthei zihziah uh hita hi. Computer hilh kizom toto ding hi. Nangtak Data Kaihkhop Vai Thuthak Om Nailo June 23 ni ciangciang, data kaihkhopna vai thuthak bangmah om nailo hi. UNHCR lamlahna khatpeuh hong om bangbangin ki vaihawm ding hi. Amau hong zaksak ding vai khatpeuh, ZAM member te tung ahun lapin hong ki zasak ding hi. Phone Nambat Laihte Theihding Biodata kaihkhopna aa dingin, ZAM zum pan basic biodiata form laidal tung aa na piak phone nambat zatnawnlohna khat na neih leh manlang takin ZAM zum hong zasak pah un. RST Kisam Nailote In Hong Zasak Un Kum 2009 ahih kei leh 2010 sungin UNHCR register ngahkhin aa, RST interview tudong a kisam nailo ZAM member peuhmah a manlang in ZAM zum ah hong zasak un. Nung kaal sung aa kipuakte tampi kisam kik khin hi. Eilam pan zong ih theih gige ding khatin, phone zat pilvang/siam kisam hun zong omthei hi. Phone nambat ih piakteh zong meltheih/ tanau kiciante aa khattawh piakkhop pen hoihzaw lai hi. Saturday Leh Sunday Zum Vai ZAM zum ah, Saturday leh Sunday nite ciang vai ih neih leh, paima-in zum ahih kei leh palaite dot masak hoihzaw hi. Banghang hiam cih leh, vai tuamtuam tawh palaite ki omkim zolo hi.