SIMEIKHU KARTIN CHHUAK THINGSULTHLIAH

Dt. 23 February 2013 (INRINNI) PHEK- 2

Editorial : SUB-TOWN BAZAR & MAHNI THLAI THAR ZUAR Thingsulthliah Sub-Town chhungah hian Bazar mumal tak awmna chu Thingsulthliah leh Seling hi a ni mai awm e. Heng kan Bazar neihah te hian mumal tak(Regular tak) a thu thin, Bazar fee chawi a, seat pawh mumal tak nei an awm thin a. Hetih lai hian nilenga mahni huan/lo lama feh thin, tlai lama mahni thlai thar zuar tura khawchhung lo lut, Bazar seat a regular taka thu lem lo te pawh nitin kan nei a. Heng mite hi nitin pawh inzuar lem lote an ni hlawm a. Hetiang, tlai lama thlai tharlam tak rawn zuar thin te hi kan subtown mipuite tan chuan an hlu em em mai a, khualzin te pawh an hipin, sub-town khawtin tan pawh kan tlangdunga veivak khualzin te lakah kan inpho lanna pakhat a ni. A dik tak chuan mahni thlai thar zuarte hian regular taka Bazar-a thu ai chuan an zuar man(tlawm) zawkin a hriat a. Chutih laiin tun dinhmunah kan sub-town chhungah hian mahni thlai thar zuar ten khawiah mah hmun an chang ta lova, inzawrhna tur hmun an nei ta lo niin a lang. Mahni thlai thar zuarte hian an thlai te hi thianghlim tak (damdawi tel lo)-a an enkawl niin a lang a, thil ngaihtuah thui deuhte chuan heng mite thlai thar hi an thlang zawk deuh zel pawhin a lang. Kan sub-town mi vek an ni a, chuvangin hetianga inzawrhna hmun nei lova an vakvai ringawt mai hi kan khawtlang hruaitute tan pawh ngaihthah chi a ni hauh lovang. BAWLHHLAWH HALNA HI Thingsulthliah leh Tlangnuam ten Bawlhhlawh an paihna leh a halna khuin a bul vela awmte harsatna a siam thin avangin bawlhhlawh hal khu avanga harsatna tawk chhungkua ten Thingsulthliah VC leh Tlangnuam VC hnenah an harsat thu an thlen a. Hetih laiin tunkar tir khan Tlangnuam Branch YMA Kumpuan Sub-Comt pawhin Tlangnuam VC hnenah ngenna siamin, Bawlhhlawh hal khuin Veng mipuite a tihbuai avanga a hmun sawn tura an ngenna an thlen. He thu kan buatsaih lai hian Tst VC leh Tlangnuam VC te chuan an thu thlen chungchang hi ngaihtuahna an hmang mek niin thu kan lo dawng.

HRUAITU THAR

METSA, THINGSULTHLIAH UNIT

President : Pu V. Tlanglawma Vice Pre : Pu R. Zathianga Secretary : Pu K. Lalbiakthuama Asst.Secy : Pu PC Lalhmuakliana Treasurer : Pu K. Ramhluna Fin.Secy : Pu Lalngaihzuala Thingsulthliah Area MUP President : Upa H.LalrualaTst-II Vice Pre : Pu K.Thankima TN Treasurer : Pu F.Ziakthuama Seling Secretary : Pu F.Rohmingthanga Tst-I Asst.Secy : Pu RC Lalhmachhuana SS Fin. Secy : Pu C.Tawnkima TN Advisers : Pu Lalchhandama SS Pu RK Thangkunga CTI THINGSULTHLIAH GSA President : Pu PC Zairemmawia Vice Pre : Pu H.Malsawmtluanga Secretary : Pu Lalruatsaka Asst.Secy : Pu K.Lalthlengliana Treasurer : Pu TC Rosiama Fin. Secy : Pu C.Lalngilneia MZP Sub-Hqrs, Thingsulthliah President : C.Lalchhanchhuaha Vice Pre : PC Vanlalmuana Secretary : Juby Zosangliani Asst.Secy : K.Lalmuansanga Treasurer : Lallawmzuali Fin. Secy : Laltharzuala
(MZP member te chu High School zirlai chin te an ni a, a hranpain member lak a ni lova, hei hi member inhriattirna a ni nghal a ni.)

DAMLO KAN Pathianni kalta khan Khawngaihtu Pawl (LOM), Thingsulthliah te chuan Pu Lalrinchhana, H/A te chhungkaw hnenah tanpuina Rs. 500/- an hlan. Tin, UPC(NEI) te pawhin tunkar nilaini khan tanpuina buhfai 51 Kg leh Rs. 1000/- an hlan bawk. Pu Lalrinchhan te hi a nupui Pi Seni nau neih avanga harsatna tawk, Civil Hospital, Aizawl a refer a ni. - H/A Branch YMA Committee Member te chuan Pi Parchhingi, H/A Vengsang Damlo kan nan an theih ang tawk tawk thawhkhawmin chuta an hmuh Rs. 1860/- bakah Branch pawisa Rs. 1000/- an belh a, a vaiin Rs. 2860/- chu ni 17.2.2013(Sun) khan an hlan. - Hospital Area Branch MHIP chuan an veng chhunga damlo tanpui ngaite tan an Branch huamchhung In tinah Buhfai an khawn a. Chumi tlingkhawm atang chuan hetiang hian tanpuina an hlan : Pu Lalrinchhana - 50 Kg Pi Parchhingi 50 Kg Pu Bhadura 50 Kg Heng an sem bakah hian 50 Kg la bang chu Emergency atan an dah. REIEK ZOKHUA TLAWH DAWN Karleh Thawhtanni hian Tst Lalhnam Sikul Class VIII zirlaite chuan Pu Lalruatkima, H/A Sumo-in Reiek a Mizo khua leh Khuangchera Puk tlawh an tum. REIEK TLANG-AH Karleh ni 26.2.2013 hian Thingsulthliah Govt. M/S-II Zirlai naupangte leh Staff ten Study Tour neiin Reiek tlangah kal an tum. Heta kal nan hian Bus pahnih hman an tum.
MCON HAW Mizoram College of Nursing-a B.SC(N) 4th yr. zirlaite chu Thingsulthliah-ah thla khat zet an cham hnuin nimin zirtawpni khan Aizawl-ah an haw leh ta. An cham chhung hian Vantlang hriselna zirin, zirna in hrang hrang te, Anganwadi te leh mimal in te an tlawh a, kan sub-town chauh ni lovin, Tst CHC bial chhung khaw hrang hrang te an tlawh a ni. TANKY-AH TUI AN DAH TA Seling VC ten 13th TFC sum hmanga Tuithar tui an lak an dahna tur Tanky an siamah tunkar Thawhtanni khan mipui hman theih turin khan tui an dah ta.

ALL MIZORAM RUBBER PLANTERs CO-OP SOCIETY Chairman : Pu Lalmuanpuia, Zonuam Vice Chm : Pu Hriltluanga, Saiha Secretary : Pu C. Lalhlimawma, Thingsul-Tlangnuam Asst.Secy : Pu Lalnunzira, Lawipu Treasurer : Pu Liankhuma Hrahsel Fin. Secy : Pu Siampuia, Samtlang. (Mizoram mipui tam zawkin man tlawm zawk leh awlsam zawka Rubber an chin theihna ngaihtuahin Mizoram hmun hrang hrang a Rubber chin lama tui mite ni 11.2.2013 khan Pu R. Lallianngura In, Upper Republic, Aizawl-ah an inkokhawm a. He hunah hian All Mizoram Rubber Planter Co-Operative Society ti a hming invuahin Pawl an din thar a. Mi tupawh Rubber chin lama tui mite chuan he pawl hi zawm ngei turin an sawm nghal a ni. Pawl hruaitute zingah kan sub-town mi a tel avangin kan rawn tichhuak a ni. Ed.) TRAINING DAWN IWMP chungchang Training-in Tst SIRD Principal Pu Khawlsiamthanga Khawlhring chu ni 26-27 Feb. 2013 chhung Falkawn-ah a kal dawn a. He ni 2 chhung hian a be duh tan a remchang dawn lo tih mipui ten hre lawk ila.