SIMEIKHU KARTIN CHHUAK THINGSULTHLIAH

Dt. 3 November 2012 (INRINNI) PHEK- 2

editorial : Hmasawnna tura pawimawh Keimahni

-Lalromawia, Jt. Editor Mimal, chhungkua leh khawtlang hmasawn duh lo kan awm lovang. Hmasawn tur hian engnge pawimawh ti ila, sawi tur a tam viau awm e. Kan khawtlang hruaitute hian sorkar-ah Development chi hrang hrang sawi chhuak tam se tiin kan ngaihtuahin a rinawm. Hei hi a dik rualin Sorkar sum lokal tam ringawt hi a tawk zo lo tih hria ila a tha hle.
Kan sub-town a hmasawnna hmuh theih langsar chu khawlai kawng Black-top a niin a rinawm. Hei hi Keimahni, mipuite thawhkhawm a ni. Heng khawlai kawng Black-top hi a bul tanna chauh a ni tih hria ila. Hei aia pawimawh zawk chu mihring tam zel hisapa kawng tih zauh hi a ni ang. Chumi tur chuan Keimahni theuh kan pawimawh. Compensation tel lova vantlang kawng tizau tura pek phal hi mimal, kohhran etc te kan inphal a ngai tih hi Sorkar Pawisa ang thoin a pawimawh tih hria ila. Khawlai kawng Black-top tur hian vantlang kawng kian zau thei Veng apiang ti hmasa turin hma la ila, inelna tha tak a ni ang.

Tlangnuam-ah ZUK LEH HMUAM(TOBACCO) CHUNGCHANG Mizoram Tobacco Control Society leh Indian Society on Tobacco & Health tangkawp te bultumin vawiin hian Tlangnuam YMA Inah Zuk leh Hmuam chungchang sawihona neih a ni dawn a. Tobacco chungchanga hma rawn latu hi Pu V.L.Bela a ni. Pu Bela hi Indian Society on Tobacco & Health Vice President a ni a, Pi Riliani(CM thiannu) chu President a ni. Pu Bela hi Simeikhu-in alo kal chhan ber tur phone hmangin kan zawt a. Pu Bela chuan Mizoram-ah Zuk leh hmuam awm lohna/tih lohna khua(Tobacco Free Village) siam tumin hmalak mek a ni a, Tlangnuam khua hi siam theih a ni ang em tih a khaw neitu VC, NGO leh Kohhran Upa te nen sawiho kan tum a ni a ti. He sawihona hun hi Tlangnuam YMA Inah zing dar 10:00 atangin neih tum a ni. Pu V.L.Bela hi kum 1957 khan Tlangnuam khuaah a tleirawl laiin inhlawhfain kum khat lai a lo awm tawh a. Amah hi Ha siam thin(Dentist) a ni a, Mizoram-a Ha siam(Dentist) hmasa ber mi 4 zingah a tel ve a. Chung Ha siam(Dentist) hmasa ber 4 te chu Dr. Saikunga, Hrangliana, Zawnglinga leh amah V.L.Bela te an ni. Pu Bela hi tunah kum 78 a hmang mek a ni. TST KOHHRAN JT.COMMITEE THU Tunkar Thawhtan zan khan Tst Kohhran Joint Committee an thukhawm a, Krismas lo thleng tur vuakvet vela rawngbawl dan turte an thlir lawk. Kumin Krismas hma ngeiin Kohhran tin ten mahni Kohhran-ah Sualna hrang hrang, Zu, Ruihhlo, Mipat hmeichhiat hman khawlohna te laka inzirtirna hun vawi khat tal ruahman turin an inngen a, tin Krismas hmain khaw chhunga Ruihhlo zuarte hnenah kal chhuak a rawngbawlna neih an tum bawk. Pathianram Buh rate chungchang sawihoin, Khawtlang hruaitu V.C ten Buh rate an siam, Ram lamah tin 1 Rs. 140/- leh In lamah Rs. 150/- chu hman ve mai nise an ti bawk. LAWMTHU SAWINA Group Congress Committee, Thingsulthliah-in Thingsulthliah Damdawiin(CHC)-ah Doctor(MBBS) pakhat, Tst leh a chhehvel khua, Bial chhung mipuiin kan mamawh belh thu Bialtu MLA zahawm tak Pu R.Lalzirliana, Home Minister hnena kan thlen chu Bialtu a nih anga min ngaih pawimawh sakin hma min lakpuina zarah Doctor Senior leh thiam tak Dr. Saithanliana min pe hi Thingsulthliah Group Congress Committee chuan lawmawm kan ti a. Hetianga Bial mipuite duhsaktu leh mamawh tihhlawhtlin sak thei Bialtu chak tak kan nei hi lawmawm kan ti tak meuh meuh a ni. 9-Tawi(ST) Bialtu atan neih zui zel kan duhin kan tum tlat a ni. Sd/- G.Lalvulmawia Sd/- C.Sangkunga Thingsulthliah Group Congress Committee MIPUITE HNENA NGENNA Darlawng Village Council chuan Darlawng ram chhunga Lui dung te hi a humhalh a. Sangha, Chakai leh lui a cheng chi te hi tur hmanga hrai, bomb, Current hmanga man leh ngha fuan ven te thlengin kan khap a. Hei hi khawngaih taka mipui ten min lo zawm sak turin kan ngen a ni. Sd/- C.Zonunsanga, Secretary Village Council/Court, Darlawng TUIKHUR HUMHALH Tui a lo harsat tan tak avangin Tst. Camp Area Aizawl Road Veng Paho chuan an Veng tuikhur (Pioneer tuikhur ti a kan hriat lar) chu theih tawpin an humhalh dawn a. Veng Paho Committee hnen atanga kan thu dawn danin, Tun chinah he tuikhurah hian Lirthei sil leh lirthei(Motor) hmanga tui chawi khap tlat a ni a. He khapna pawisa lova tilui te chu Vawi khat manah Rs. 50/- zel an chawitir dawn a ni. Kan mamawh tlan vek a nih avangin midang tana harsatna siamlo turin he hriattirna hi zawm theuh turin an ngen nghal bawk.

Kan khawtlang hmasawn kan duh tak tak anih chuan keimahni kan inphat a ngai. Chhungte thi tawh thlan sawn phal khawpa kan inhuam a ngai tih hi hre tharin Kohhran leh NGO-a mi tangkai nih ngawt hi a tawk lo. Chutih rualin, khawtlang hruaitute pawhin mihring pung zel hisapna chang hria a, kawng hrang hranga an tum tih san a, Vision thui tak nei a, sorkar a kan khawtlang hmasawnna tur dil awm leh awm lo te pawh ngun taka an ngaihtuah a ngai hle bawk a ni. Thingsulthliah Cricket Club (2012-13 Hruaitu thar te) President : Pu Lalremruata Vice Pre : Tv PC Lalremruata Secretary : Tommy Lallawmkima Asst. Secy : Tv Lallawmzuala Treasurer : Tv Lallawmawma Fin. Secy : Tv Laldingliana Electoral Roll-

CLAIMS & OBJECTION HUN PAWTSEI

Electoral Roll-a hming thunluh leh paih dil hun chhung October ni 31-a tawp chu State Election Commission chuan chawpchilh takin Claims & Objection Period hi a pawtsei a, November ni 20 thleng Dilna hun hi hawn a ni. Hemi avangin Hearing hun tur pawh sawn hlat nghal a ni a, Hearing Hun tur hi AERO/BDO ten an rawn ruahman tha leh dawn a ni. Heti hian E/Roll-a hming thunluh emaw insawn emaw siamthat duh etc te tan November ni 20, 2012 thleng hun hawn belh leh tihna a ni.