SIMEIKHU KARTIN CHHUAK THINGSULTHLIAH

Dt. 13 July 2013 (INRINNI) PHEK- 2

editorial :

THING PHUN
- Lalromawia, Joint Editor June thla, thing phun nana hun tha chu kan hmang zo a ni ta mai a. La phun mek pawh an la awm bawk a. Thing phun hrim hrim hi eng thing pawh nise phun loh ai chuan a tha zawk hle. Pawl ho ang ten kan phun bawk thin a. Phun hi duh tawk mai lovin, enkawl zui kan ngaihthah a nih si chuan kan phunna atan kan hun leh tha kan hmang thlawn mai mai tihna a lo ni dawn a ni. Thing kan phun hian eng thing pawh a tha han tih rualin, sava ei duh zawng phun uar hi a tha hle. Nungcha humhalh kan inzirtir hian tihnat loh ringawt a tawk lova, an ei duh zawng kan siamsak tel hian nungcha humhalh a ti famkim zual tih hre tel ila. Tin, mimal pawhin thing phun kan uar a a tha hle. A rah sum chang thei, chi hrang hrang kan phun thin a. Sorkar atanga kan dawn a ni emaw ni lo emaw, chhungkaw eizawnna tling khawp, a tam thei ang phun hram tum ila a duhawm hle. Tin, thei lam ni kher lo, hmanrua, thingzai chi phun kan intihhmuh zel bawk a. Hengte hi mihring kan awm chhung chuan, thingzai mamawhna a tawp dawn lo tih hria ila, mitin ten thing phun uar zelin, a enkawl chhunzawm pawh, Phun kan uar ang tho hian kan ngaih pawimawh a ngai a ni. MHIP LAWMTHU Kar kalta Inrinni-a MHIP Day vawi 39-na Thingsulthliah Branch-in an lawmnaah heng a hnuaia tarlan te hian lawmpuina leh tanpuina an pe a, MHIP Branch te an chungah an lawm hle. Chungte chuThingsulthliah Branch YMA pathum, MHIP Hospital Area Branch, MUP Unit I & II Rs. 200/- theuh lawmpuina an pe a, Thingsulthliah Group CongressRs. 500/-, Thingsulthliah Village Council Rs. 1000/- leh Khuallian Pu R. Lalzirliana, Home Minister-in Rs. 5000/- a pe a. Khuallian hian miharsa zual te tan rangva Bundle 16 a pe tel bawk. BUHFAI LEH RANGVA SEM MHIP Day denchhen khan Thingsulthliah Branch MHIP chuan Buhfai an thawh khawm a, hei hi tanpui ngai ni a an hriat chhungkaw 10 hnenah Kg 9 theuh in an sem. Bialtu MLA Pu R. Lalzirliana, Home Minister hnen atanga Rangva Bundle 16 an dawn pawh Bundle 4 theuhin heng a hnuai a mite hnenah hian an hlan. 1. Tv Ngaizuala B/o Rohnuna(L) Diakkawn Area 2. Pi Hmunmawii W/o Lalmawia Camp Area 3. Pi Lalfakzuali D/o R. Bawla(L) Diakkawn Area 4. Pi Biakhliri W/o Lalauva(L) Camp Area CAMP AREA YMA HALL-AH HNATLANG Tunkar thawhtanni khan Camp Area Branch YMA te sawm angin Branch huam chhunga Thing Mistiri bakah Executive Member(an vaiin 22) te an hnatlang a. Kawngkhar pahnih, tukverh 12 leh Ventilation 15 an vuah. Hnatlang-a rawn thawhpuitu Thing Misitiri te chungah Camp Area Branch YMA chuan lawmthu a sawi tak meuh meuh a ni. Edited by H.Malsawmtluanga for & on behalf of Thingsulthliah Students Union, C - 800

THINGSULTHLIAH WELFARE ASSOCIATION DIN TA Ni 8/7/2013 zan khan Thingsulthliah mi leh sa, Aizawl-a awm te huikhawm tura mawhphurhna pek te chu Pu PC Lallianthanga In, New Capital Complex-ah inhmukhawmin Thingsulthliah Welfare Association an din ta a. He pawl din chhan ber chuKawng hrang hranga Thingsulthliah khawtlang hmasawnna tura thawh te, Sorkar atanga hmasawnna awm thei te ngaihven a, a theih anga hmalak te, Thingsulthliah-a kuthnathawktu te hmakhua ngaihtuah te, Khawtlang hmasawnna tura sorkar hmalakna tawiawm te, A tul ang zela khawtlang hruaitute leh NGO te finchhuah te a ni. He Pawl member-ah hian mi tupawh Thingsulthliaha lo khawsa tawh thinte leh In leh lo, lo nei tawh thin te chu member an ni thei vek a ni. Nizan(12/7/2013) khan he Pawl hruaitute bakah sawmbik mi 21 te Dr. Vanlalzara In, Khatla-ah an inhmukhawm leh a, an thurel erawh kan rawn tarlang hman ta lo a ni. SIPAI TLING THAR TE Heng a hnuaia mite hi Assam Regiment-ah an tling thar a, Calling Letter pawh hmu tawhin Training tur hian September ni 30, 2013-ah Shillong-ah an in report ang. Chungte chu:1. PC Zonunmawia S/o PC Zalianlawra, Seling CP Rd 2. C. Lalramenga S/o C. Vanlaltana, Seling CP Rd 3. Lalawmpuia S/o Thangzuali, Seling CP Rd 4. F. Lallianzuala S/o F. Lalduhawma, Seling Azl Rd Rs. 5000/- PE MHIP Day a Khuallian Pi Rualkhumi, Director KVIC chuan Tlangnuam Branch MHIP tan Rs. 5000/- a pe a, a chungah Tlangnuam MHIP te an lawm hle. LAWMTHU SAWINA Kan nau Lalnunthara Lungchuang, Class - IX zirlaiin Ni 29.6.2013(Inrinni)-a min boralsanna hmun Saisih a min tawiawmtu leh min buaipuitu zawng zawngVC te, YMA te, Saisih a chengte leh Thingsulthliah etc. atanga kan chhiatna hria a mahni lirthei ui lova, a tul ang anga min buaipuitu te chungah lawmthu kan sawi tak meuh meuh a. Tin, Damdawiin leh sikul hmuna min tawiawmtute leh Aizawl hmun thlenga ruang zuitute Radiant Hearts School zirtirtute zawng zawng chungah lawmthu kan sawi bawk e. Tin, kuang tha taka min siamsaktu Thingsulthliah Joint YMA chungah lawmthu kan sawi bawk a ni. A vui ni 30.6.2013(Pathianni) hmang tura Aizawl Ramhlun N a kal Thingsulthliah leh Tlangnuam leh Radiant Hearts School Zirtirtu leh zirlai naupangte leh Aizawl hmun hrang hrang atanga min tawiawmtu zawng zawngte chungah lawmthu kan sawi bawk a. Kan lungngaihna min thlamuan a, in lam thlenga min lenpuitute leh min tawngtaipuitu te chungah lawmthu kan sawi bawk a ni. In mi khawngaihna leh lainatna hi a mal malin lawmthu kan sawi seng lova; he chanchinbu kal tlang hian in zavai a chungah lawmthu kan sawi e! Pathianin a let tam takin malsawm che u rawh se! In khawngaihna dawngtu, Vanlalrawna leh Family Radiant Hearts School, Tst