3/22/13

ZOGAM.COM - ZRA ka panlai

Lamka Weather Temperature: 13.9 C Dew Point: 12.0 C Humidity: 88% Rainfall (last 1Hr): 0.0 mm Wind: 3.6 km/h - 1 N Recorded @ 05:00 on 23 March 2013

HOME

RETURN HOME

NEWS

ZOKAM AND ENGLISH

ARTICLES
ARTICLES

COLUMNISTS
OUR COLUMNISTS

MEDIA

VIDEO & AUDIO

TWILIGHT ZONE
POEMS, LYRICS ...

DOCUMENTS
VENGSUNG NEWS

FORUM
DISCUSSION

Check our Zogam.com Timeline - Be y o nd We b sit e a nd Fa c e b o o k

A A Login Register

ZRA ka panlai
General Articles | Friday, 23 March 2012 11:48 | Suan Chin Lal | Hits: 3440 Lung Chin khua gei ah ki trening hi, haksa sa mahmah mai ing. Gilvah in ann ong pelo maimah uh a hun om ciang Lung Chin khua ah annkhing lunggulh in va ciah suk e. Gilkial mahmah ahih teh zum leh zah zong kingaihsun zolo a aphal na uh maw; phallo cih ngaihsun manlo manlang in annbeel sawksuk pah ziauziau. Ka ngaihsunna khat ah, Inn a kanu huansa ann lum lungulh zen sing maw ka ci hi. Zatep na tawm atep khalo ahi lawi leh gual te in zong taamnem ci bang dan in ong tep lawh uh hi. Bawlkhelh neileng singkhuah toh ong kisat a nuam veva khalo hi. Nitak ciang Singkhuah mah toh ong duty sak uh hi, a vangnei pawl khat in Kobza Thau tang kha- ki eng thei mahmah lai. Khua leh Tui, Inn leh Lo bekthamlo Nu leh Pa nusia in Gam leh Nam zuun dinga kithawi ihih teh nungkaih, maikaih kivei pian a Lung a leng daidai hun tam mahmah hi. Hong nem thei bel Rediu kipakta mahmah a, laa ong kikhah ciang lungdam thei mahmah hi. Zingkal leh Sun teh Aizawl leh Lunglei Prokgram ngai kheh khial kei ung. Falam Prokgram zong ka ngaikheh zel uh a- hun khatkhat ah Lengtong Pauno, Vum Nang, TS Khai, Thawm Kham leh adg adg late ong pai a ki angtang sak mahmah mai ing. Nitaklam nai li leh cih pawl in S.Chingnu ong khuang ngelhgelh luangzia ka bilkha ah theng theikei. Peng pelep, Gam Khuva bang a leng thei hileng, Ngilhloh Zogam cih late hoih kasa tek uh a, kei bang in a lotngah(byheart) kha liang hi ing. Atua laate hang hiam aw akei mahmah in zong ka Pianna vangkhua Tedim leh ka khankhaitna, ka sangkahna zong ahi Tahan khawpi ngai ngeungau mahmah mawk ing. Sep ding ka neihloh uh teh Burma pan ka lut pih ahi ka lawipa Mungtawng Githa siam pian in a atum saksak lel uh hi. Ko batch ah Thahdo te khat zong om a, shi shi aw mai fren cih laa sasak ua siam sa mahmah leuleu ing, aihang ken bel a laa thu kitel melkeng. India Zomi te ih lasiam ahi Muana Ngaihte kithanlai zong hi a, Tape nota(walkman) hoihlo khat ka neih uh toh ka ngai gusim hamtang uh hi. I lungzuan hang zong hiam aw 'Sawlkha tang aw solkha tang len mualkhumta in' a cih vangvang hoih kisa phadiak hi. Ka ngaih heina Guite kual, lungtup simthu khau bang sut in nuih ciam lel leng ngaih aw cih late ngaih sa mahmah ing. 'Ngaih aw sing gamlei ah siam bang sin ding tuang nung kong siah sang zong, lailung muang in ngaih aw nang di'n kuam bang ka kip gige' a cih lian pen kei phuah tektek ahi ci nuam phial ing. Adang tampi tak hoih sak omlai hi, a Khui Vol. teng ngai khin vek lel ung. Ka sinial te uh vanzat ahi fong set(wireless) bethiu apaih te uh gawlong toh zom nena in laa ngaihna ding in ka zang uh hi. Tening zoh ciang bel ki gawng mahmah a i naakguh leh maiguh zong hiam mahmah ta hi. Thau toh Uniform ong kipiak takteh kiphatsakna khat ong piang mawk hi. Khua tuamtuam ah ki-om koikawi ahihteh Nungak zong ki-uk veve a kiheel ut hamtang hi. Ahizong in i deihsim khat in pen leengla a hauh pian leh a leengla te kivua gop nuam hi. Bawlung suih teh izoh kei pian leh vuak ut maw, ong tum ngop ing kai maw kici fefa hi. Volley Ball kibet ciang zong zoh limlim som, zohkei pian leh a khuam doktol ziau. Trening sung gilvah phamelloh hang hiam aw alim nono kiduh a Hausapa kiang nisim in Sa ong huan un kici a kinawk pian hi. Ong huan sakloh ciang kithangpai sakin khawlai ka pawt uh a Aak leh Gan tate muhpeuh kaplum ziauziau. Khua mite in bang a genloh uh hang ong iplah pha mahmah uh um ing. Amau ih tha leh zung toh sepsuah ki-ne hi a, nongkaina lam vive ding bawl kha ka hih man un, tua hunlai ka ngaihsun kik teh kisungsiat(kisuanglah) huai sa peuh mah ing. Lamka khawpi gengen uh a zin lungulhna ka nei hi. Ka sepkhawm pihte in Lamka pen India gam sunga Zomi te ih khawpi lian bebel ahi acih uh teh thangah kisa zin ut semsem. Vei khat ko cadal Capten pa khiang Salpa aw Lamka pha ut ing ka cih leh Ni thum suti ong pia. Nuamlua kisa kithoi vatvat in Suangdoh pan Lalminlian Bus ah tuangto lian. Muallum Check Post ah Galkap Bupa in ka sammet dan ong ummoh lian hi. Tulai koi mun posting na? koi khua pan? cin ong dong a- Na gen telkei sing Sia pa aw! kei singtang lokho pa khat hilel ing ka cih leh utdeksuai lo, bangmah ong lohkei ning kigen vaw Z te hi ngeel cia ong ci tawntung hi. Ka baan ong khoih sak a, golsa pian ahi maitam, lokhohna bek in hici hoih nang thu theikei ong ci lailai. Hikei veh e Salpa aw! Ko singtang dawn a akhawsa, inkhuam ding peuh Sing leh Mau puapua ka hihman un atua ci hi bek e, ka ci kik leuleu hi. Umdek kei ei, a lu pei keei. Tualai Galkap te toh ei pawl te na kitelsiam limlim na hihmeel hi. Aihang, zuau gen khin ka hih teh "na upmoh pawl te himah ing ei" cih kik ding utnawnlo e- "A lungzai Siapi pa aw! ong telkhial hikha ding hiteh, singtang lokho a anungta mah hi ing Lamka apha pak ding, van kiphamoh nono lei ding in ong zinto kahi hi" ka cih kik leuleu leh lokhoh dan ong piah(mimic) in ci. Kadei aw! check ding a mi kigual neinai te mai ah lokho lem kong kineih zah dong a ka maizum thei naikeng, ka nuai vang zong lut nuam ing.
Like 80 Send
1
2

C OMMENT (27) PHA TA..

#27 Lian Suantak 2012-03-27 22:27

Gelh nalh lua. I Tangvalte kipiakna thupi tak zaw ahi maw...Gilkial-dangtak, vuahtui leh haksatna tawpkhawk pal a luang phal a thauvui-thautang mai ah ana paizeel ua... A thupi un kisak theihpih huai lua uh. Kia thamlou in nidang a nu-le-pa te'n le kahkhum ngoihngoih uh hi phial din ka gingta.... "Bawi aw, maisan tui hawp ding in ka hong phallou. Hizong, Zogam in hong sam hi...." Hiai la bang in nek ding taksapna mun ah hi'n maisan kia toh khosa ding a hihtak uh lehle khakhe ngaungau mai uh ahihdan hon hilhchian mahmah. PuLal, na thugelhte nalh in hoih theilua. Hon gelh zel in aw.
#26 kgualnam 2012-03-27 20:35

Hehpihhuai petmah uh e maw, aw Zogam/Zomi

#25

dozz 2012-03-27 20:27

haksa lou thil bgmah omlah hilou a chih mai d hilou d ya....

#24

hem ham 2012-03-26 10:38

nalhlua.... nalh lua!!!!!!!!

www.zogam.com/articles/general-articles/166-zra-ka-panlai.html

1/3

3/22/13
#23 thangtawm 2012-03-26 08:57

ZOGAM.COM - ZRA ka panlai

#22

zoujam 2012-03-26 06:45

.......abaan abang ci....palikten ongman kha mo???Lamka natungsuak takpi hia??????. .....hong gelh lai ouuu..

#21

thanglian 2012-03-25 19:19

A pang sa te a tawp chiangua, vuaklup khawnga omsek uh kasa a, nang non-violent deuha ana tawpthei mo?

#20

biakliannaulak 2012-03-25 12:37

tun khol kik cih dan deuh hia le.a ban hn sun zom lai un.a om di dan ngaih tuah kom a i sim leh cim phong mah2 ei hahaha

#19

Ngambawm Eimee 2012-03-24 20:42

sim nop mah2 lel ei pu duallo..

#18

Esel_vualnam 2012-03-24 18:44

Quoting thangzamuanguite: ana pang na set maw! tua bang chia pang nonlou.hai huai sa maw or lauh huai? gam leh nam it zou non lou maw? or knock out a om?

hahahahaaa
#17 thangzamuanguite 2012-03-24 17:06

ana pang na set maw! tua bang chia pang nonlou.hai huai sa maw or lauh huai? gam leh nam it zou non lou maw? or knock out a om?

#16

blisteringbarnacles 2012-03-24 13:56

a bang cih leh tawp na hia le? a hong taidok na maw leh?? part 2 um kiiit diei??
#15 ericguite11 2012-03-24 11:04

Sim nop mahmah a hih teh.....2/3 vei bang kisimsuak hitaei.....

#14

Kumthei 2012-03-24 09:27

Pu/Sir.Founders Zogam.com 2nd person dan a, agelh ahi. Banah, kou (Hongkici tuam le'ng)Border naih lam ate' bel Tedim(chin) pau le siamthou, ei paite pau zong siam. He2 All round sim.
#13 Ginza 2012-03-24 03:52

Gelh siam mahmah chia. A taktak a hu chi dan a pau mah na hia or 2nd person dan a na gelh hia?
R EFR ESH R SS YO U NEED TO LO GIN TO C O MMENT | C O MMENT NA PIAK NO P LEH NA LO GIN NGAI DING
J C omments

KUATENG ONLINE We have 379 guests and no members online

ZOGAM SHOUTBOX ZOGAM Shoutbox is currently down for maintenance. While we work on improving the service please join ZOGAM.COM on facebook for updates.

Copyright 2013. ZOGAM.COM.

Latest FB

About Us

Searc h

Arc hive

Contribute

Announc ements

Admins

Zogam Mail Disc laimer

Contac t Us

Home

www.zogam.com/articles/general-articles/166-zra-ka-panlai.html

2/3

3/22/13

ZOGAM.COM - ZRA ka panlai

www.zogam.com/articles/general-articles/166-zra-ka-panlai.html

3/3