Professional Documents
Culture Documents
ThalaiTe Inleng AUGUST
ThalaiTe Inleng AUGUST
BIAL THUTHAR BIAL THUTHAR BIAL THUTHAR BIAL THUTHAR BIAL THUTHAR
Kristian |halai Pawl, Kulikawn Pastor Bial Phek 2 na August (Thlazing Thla) 2013
Editor : C. Lalmuansanga
9862656693
Joint Editor : H. Lalhumhima
9862376560
Cr. Manager : Lalawmpuia Sailo
9862823414
Member-te : Grace Lallawmzuali
9862310865
Zonunsanga
9862326412
K. Lal\anpuii
9436361082
Editorial Board
Email : thalaite.inleng@rediffmail.com
Nun
HRUAITU
b
Heng mite hnenah hian bial KTP - chuan Inneih
lawmpuina a hlan:
(1)Zarzoliana, Kullikawn Branch - 19
th
July
(2) Babie Zothansiami, Kulikawn Branch - 19
th
July
CKTP Budget - ` 15,000/- leh Youth Recreation
Budget ` 16,655/- chu pek tlak a ni.
Finance report:
Opening balance - ` 2,07,533/-
Income for the month - ` 6,177/-
Total income - ` 2,13,710/-
Total expenditure - ` 136,625/-
Closing balance - ` 1,77,085/-
Bial Ramthar zin: KTP Kulikawn Pastor Bial
chuan a hnuaia tarlan ang hian Ramthar zin
programme a siam:-
Tlawh tur - Tuipuibari II
Kal turte - (i) Branch tin atangin member sawm (10)
(ii) Bial Zaipawl
A hun - October 19 - 21, 2013
Programme kimchang chu issue leh ah tarlan ani ang.
KTP General Conference 2014 February ni 27
a\anga
March ni 2
Khawzawl-a neih turah kan Bial Zaipawl chu
zai tura thlan an ni a, a lawmawm hle a ni. An zai hun tur
hi March ni 1 (Inrinni) zan 2014 ah a ni.
Tin Bial Zaipawlte hi Aizawl Chhim Presbytery
Inkhawmpuiah an zai dawn bawk a, an zai hun tur chu Octo-
ber ni 13 (Pathianni) Chawhnu Inkhawmah a ni
Zawlnei Jeremia chuan, I thu ka zawm a, i thute
chu ka tan hlimna, ka thinlung tilawmtu a ni. Aw
Lalpa, i hming chu ka lam \hin ang, tiin a sawi a.
Keinin engtin nge kan sawi ve le? Pathian thu hi kan
zawm em? Pathian thu hi kan hlimna leh thinlung
tilawmtu a ni em? Pathian hming kan lam \hin em?
Heng zawhnate hi mahni inzawt ila, kan chhanna
eng nge ni ang le?
Pathian thu hi zawm har kan ti fo \hin. Keimahni
thu zawmin kan duhzawng leh chakzawng kan ti fo
\hin. Pathian thu hi kan hlimna leh kan thinlung
tilawmtu ber a ni lo fo awm e. Jeremia sawi ang hi
zawm thei ila, kan nun a hlimin kan lawm ngei ang.
Pathian thu zawm hi kan duh ber ni se, Pathian
duhzawng tih hi kan duhzawng ber ni se. A thu hriat
leh a aw hriat hi kan hlimna leh lawmna ber ni se. A
hnenah \awng\aiin a hming lam fo ila. Chutiang kan
tih chuan kan nun hi a hlimin, a lawm ngei ang.
|um khat chu pa pakhat kum 80-a upa leh a fapa kum
45 mi, mi thiam tak hi an sitting room-ah an \hu dun a;
chutih lai chuan an tukverhah hian choak pakhat hi
a rawn fu a.A pa chuan thil hriat chhuah nei niawm tak
hmel hi a pu ta a. A fapa chu a han en a, .Hei hi eng nge ni?.
tiin a zawt a. A fapa chuan, Choak a nih hi. tiin a lo chhang
a. Rei lo te hnuah pa chuan, .Hei hi eng nge ni?. tiin a fapa
chu a zawt leh a. A fapa chuan, Ka pa, ka hrilh tawh che
kha, choak a nih hi. ti bawkin a lo chhang leh a. Rei vak lo
hnuah chuan a pa bawk chuan, .Hei hi eng nge ni?. tiin a
vawi thumna atan a fapa chu a zawt leh a.
A fapa chuan a pain zawhna ngai hlir vawi thum a
zawt chu a ning ta khawp mai a, vin deuh hian, Choak a
nih hi choak. a ti ta hlur mai a. Tuibur hmuamda emaw
lek hnuah chuan a pa bawk chuan, Hei hi eng nge ni.?
tiin a fapa chu a zawt leh ta a. A fapa ning lutuk chu thinrim
takin a ding uaih a, a kut a phar a, Engah nge chu zawhna
hlir chu min zawh, vawi eng zat tehlul nge choak a nih
thu ka sawi dawn, i hre thei thlawt lo em ni? a ti ta chiam
mai a. Nakinah chuan a pa chu a \ho va, pindan chhungah
a va lut a, a fapa pian a\anga ni tin thil a chhinchhiahna
lehkhabu t, hlui tawh tak hi a rawn hum chhuak a.
Lehkhabu t chu a han keu va, khawimaw lai phek chu a
fapa chu chhiar turin a ngen a. A fapa chuan a pa lehkhabu
t chu a la a, a han chhiar a, hetiang hian a pa chuan a lo
ziak a:
Vawiin hian kan sitting room-ah ka \hu a, ka bulah
chuan ka fapa kum 3 mi pawh hlim takin a \hu ve a. Chutih
lai chuan kan tukverhah choak a rawn fu a. Ka fapa chuan
chu thil chu eng nge a nih tih min zawt a, kei chuan choak
NGAIHTUAH ZUI ATAN
(phek 3 na ah chhunzawm)
Kum 1954 ah khan zaithiam
tam tak hlawhtling tak a
chherchhuaktu, Grand Ole Opry
Manager Jimmy Denny chuan tlangval pakhat Voice
Test chu a ngaithla vang vang a, a eizawnna tur ni
lova a hriat avangin Zai a eizawn i tum a nih chuan
khawimah i thleng lovang, tlangval haw la, i Truck
chu va khalh leh zawk rawh, a ti a. A hnu lawka
khawvelin an in ngaihsan siak tur leh a thih hnu
thleng pawha chuai chuang lo Elvis Presly an
hmachhawn a ni tih reng reng a hre lo.
Mi ngaihdanah i hlawhtlinna a awmlo va,
nangmahah khan hlawhtlinna thuruk chu a inphum
ru reng zawk a ni.Chuvangin engpawh i hma a awm
chu \hahnemngai tak leh huaisen takin hlen chhuak
zel la, hlawhtlinna chu i ta a ni ang
Harsatna paltlang tur awmlo se chuan kan
hringnun mawina leh thiamna hian lawmna leh
hlimna famkim a nei lovang. Thihna lui kawr ruam
zawh tur awm lohnaah chuan, tlangchhip atang pawhin
a mawina a famkim chuanglo
- Henry W. Beecher
Kristian |halai Pawl, Kulikawn Pastor Bial Phek 3 na August (Thlazing Thla) 2013
BIAL ZAIPAWL
KRISTIAN |HALAI PAWL : KULIKAWN PASTOR BIAL
MEET & MUSICAL MEET REPORT TLANGPUI
Kristain |halai Pawl Kulikawn Pastor Bial Meet & Musical Meet chu August ni 9 (Zirtawpni) a\anga August ni
11 (Pathianni) chhung khan Hmunthar Kohhranah neih zawh a ni ta. Meet thupui atan Fakna Thiltihtheihna ( TT
16:25,26) tih hman a ni a. Speaker atan hian Upa Zothanmawia, Khatla hman a ni a, a ni hian thupui hmang hian
thuchah ropui tak tak memberte ringtu nun kawnga min ti hmasawn tur leh thu bengvar thlak tak tak a sawi
a,Sermon hi \um thum a sawi a, memberten kan hlawkpui hle.
Kulikawn Pastor Bial a\anga Tlangnuam Bial a indan hnua a vawikhatna a ni bawk a, kum dang ai chuan kan
phi deuh tih pawh a hriat a, mahse Pathian kaihhruainain tluang tak leh hlimawm tak, khamlo takin kan hmang
zo thei niin a lang a, a lawmawm hle a ni.
Meet \an zan August ni 9 (Zirtawpni), 2013 hi
Fellowship programme a hman a ni a. Musical Meet
a nih ang in Branch hrang hrang ten Live Band ropui
tak tak an nei a, Live Band pariat (8) in hun an nei
thei a, a ngaihnawmin mit leh beng a tlai hle a ni.
Thuchah tawi Pu Lalmuanpuia Hrahsel, Comt
Member, CK|P hnen a\angin ngaihthlak a ni bawk.
Inrinni zan August ni 10 ah Pathian Biak
Inkhawm a a bul \an in. Speaker Upa Zothanmawia
hnen a\angin thuchah ropui leh zirtir nei tak mai
ngaihthlak a ni a, a hlawkthlak hle ani. Inkhawm
ah hian Bial chhung Kohhran Pathumte a\angin
zaipawl mawi tak tak neih a ni. Inkhawm banah
Fellowship programme hman chhunzawm a ni a,
hetah hian Bial chhunga branch hrang hrang te
a\angin item ngaihnawm leh hmuhnawm tak tak
an nei a, a lawmawm hle a ni.
Pathianni Chawhnuah Meet hi chhunzawm a ni
a, Inkhawmah Upa Zothanmawia, Speaker in
thuchah ropui tak Memberte ten a \angkai leh zirtur
\ha tak a sawi a, Member ten kan hlawkpui hle.
Zaipawl pathum Bial Zaipawl, Kulikawn leh Kulikawn
Vengthlang Kohhran Zaipawl te an zai a ni. Inkhawm ban
fellowship hi talk show a hun hman a ni a. He talk show hi
Music lam hawia neih a ni a, Kohhran Zaipawl chungchang
te leh music lam chungchang hrang hrang te sawi hona neih
a ni a, a khamawm lohin a hlawkthlak hle a ni.
Meet tawp zan Pathianni zan ah Upa Zothanmawia,
Speaker hnen a\angin thuchah ropui leh memberte tana
ringtu nun kawnga min ti hmasawn tur leh thu bengvar
thlak tak takn gaihthlak a ni a, member ten kan hlawkpui
hle. Hemi zan hian Tlangnuam Pastor Bial Zaipawl ten hun
an rawn nei thei a, an ni bak ah hian Kulikawn Pastor Bial
Zaipawl leh Hmunthar Kohhran Zaipawl te an zai bawk a
ni. Inkhawm banah Fellowship a hun hman leh a ni a, hetah
hian Branch hrang hrang ten an item neih te \ha takin an
rawn hlen chhuak thei a, mit leh beng a tlai hle a ni.
Meet thlengtu Hmunthar Kohhran an fakawm hle a,
kawng engkimah hneh tak leh phur takin Palaite min lo
lawm a, an inpekna Pathianin mal a sawm zel ang tih kan
beisei.Tichuan, kham lo tak chungin Bial Meet & Musical
Meet chu a lo \iak leh ta a ni.
a ni tih ka lo hrilh a. Ka fapa chuan a zawhna
pangngai hlir chu vawi 23 min zawt a. Kei chuan
choak a nih thu ka fapa chu vawi 23 hrilhin ka fapa
ka chhan apiangin ka fapa chu duat takin ka kuah
ziah a, ka fapain zawhna ngai hlir vawi 23 min zawh
chu nin ahnkin ka fapa rilru thianghlimzia ka
hmuh chuan ka lawm em em a ni. tiin.
Lehkhabu ta a pa thuziak a chhiar zawh chuan
a fapa chu ngawi rengin a ding a, a pa chu a kuah a,
a pa hnenah chuan ngaihdam a dil a. A pa chuan a
fapa chu duat takin, kum 3 mi lek a nih laia tukverha
choak fu, eng nge a nih a zawha vawi 23 choak a
nih thu a hrilh \uma duat taka a kuah ang khan a lo
kuah leh ta a.
Pathian hnenah, Lalpa, nu leh pa min pek
avangin lawmthu ka hrilh a che. Ka nu leh pate hi
eng ang mi pawh ni se, ka nu leh pa an nih avangin
ka theih ang tawka duatin in ka enkawl ang,. tiin
kan \awng\ai tur ani dawn lawm ni?
(ngaihtuah zui atan chhunzawmna) FAKNA; KAN FAK ZEL DAWN
Mizote hi zai hnam kan ni. Kan hlimin kan zai a, kan
lungngaihin kan zai a; kan khawhar lunglen changin kan zai
thin. Kan zia kan zai a ni ber e! Kohhranna hlimna a lo thlen
pawhin hlim takin kan zai a, kan zai tawp theilo a ni ber a,
chuvangin, Mizote miin min sawina pakhat chu Singing
Community tih a ni, zai hnam kan ni.
Kan Kristian Hla Bu thuhmahruaiah chuan India ram
Kohhran hruaitu pakhat tawngkam, Mizo Kohhran a din chhung
chu zai hi a reh tawh lo vang a; Mizo Kristiante an zai chhung
chuan Kohhran hi a nung reng dawn a ni, ti a a sawi chu tarlan a
ni. Kan zai kan zai mai mai tur a ni. Mizo Kristian kan ni tlat.
Nimahsela; kan khawvel a inthlak danglam zel a. A huhovin
kan zai tlem tawlh tawlh mai ang tih a hlauhawm. Mizoram
rawn tlawh tawh thin Sap pakhat chuan tun hnai khan a rawn
tlawh leh a, a hnenah chuan, Mizoram a danglam tawh a tih leh
tih loh an zawt a. A ngawi deuh vung vung phawt a, chumi
hnuah, Tun hma ai kha chuan zai in uar lo deuh sawtin ka hria,
a ti! Mi mal zaithiam an pung a, a lawmawm hle. A huho zai,
lengkhawm leh zaipawl thawm a reh loh nan tan lak deuh deuh
a tul hle.
Kristian |halai Pawl, Kulikawn Pastor Bial Phek 4 na August (Thlazing Thla) 2013
Published & Edited by
the Kristian|halai Pwl, Kulikawn Pastor Bial.
BIAL CHHUNG BRANCH HRANG HRANGTE HUANG
HMUNTHAR BRANCH
KULIKAWN VENGTHLANG BRANCH
July ni 29 (Thawh\an) 2013 zanah Hmunthar Branch an
tlawh a, hun \ha leh hlimawm tak an hmang ho thei a ni.
August ni 9-11, KLK pastor bial meet Hmunthar
Kohhran a neih zawh takah kohhran zaipawl leh an Branch
a\anga chanvo nei tura ruat zawng zawng ten an chanvo
te \ha taka an tihhlawhtlin theih avangin lawmawm an ti
hle.
August ni 12 (Thawh\an) 2013 zan khan Upa Thanhawla
Kulikawn chu an an Inkhawmah thu a sawi a, thuchah ropui
tak an ngaithla a, hlawkthlak an ti hle.
July ni 17, 2013 zan inkhawm banah kohhran com-
mittee room ah an branch a\anga bial zaipawl member
te leh branch ob ten inkawmkhawmna an nei a, infuih
thar na leh rawngbawlna kawnga hmasawnna tur te
sawi hovin, \awng\airualna an nei a. an branch a\anga
bial zaipawl member ten hla zir ngai pawimawh a,a
tam zawk an la kal kim avangin lawmawm an ti hle
bawk.
July ni 30 zan inkhawm banah kohhran sunday
school hall sak mek atana hman tur balu thiarin an
hnatlang a. member thahnem tawk tak an thawk
chhuak thei a, lawmawm an ti hle
August ni 19 zan hian T/Upa Zohmangaiha, Fin Secy,
CK|P chuan K|P inkhawmah thu a sawi dawn
a,lawmawm an ti hle.
August ni 9-11, KLK pastor bial meet ah kohhran
zaipawl leh chanvo nei tura ruat zawng zawng ten an
chanvo te tha taka an tihhlawhtlin theih avangin
lawmawm an ti hle.Bial Meet thlengtu puihna ` 1000/
an pe bawk.
Diamond Jubillee Project- KTP in , Ngaizel ami sak
that hna pawh tluang takin an la chhunzawm zel thei a.
Tunah hian kawngpui an hnuai lam pawh luah thei tura
cheibawl mek a ni a, member te pawhin vawi
engngemaw zah hnatlang an nei tawh a, tluang taka
zak a nih zel theih nan bial chhung member te
tawngtaipuina an ngen bawk a ni.
KULIKAWN BRANCH
Branch leh Group hruaituten hun remchang hmasa
berah District Jail-a rawngbawlna neih an tum a, tunah
hian inbuatsaihna kal chhohpui mek a ni.
August ni 9 11, 2013 chhunga Kulikawn Pastor Bial
Meet & Musical Meet an kohhranin an thlenah phur
takin member ten an chanvo theuhte an hlenchhuah
theih avangin lawmawm an ti hle. Chutih rual chuan
an inbuatsaihna hrang hranga Bial chhung member te
mit tlun tawk lohna awm zawng zawngah hriatthiamna
an ngen a ni.
Tin, he Meet \anpui nan hian Bial KTP-in `. 2,000/- a pek
bakah Kulikawn Branch leh Kulikawn Vengthlang
Branch te chuan `. 1,000/- ve ve an pe bawk a, heng
zawng zawngah hian lawmthu an sawi a ni.
Group Intihsiak an neih mek chu August ni 5, 2013
zan khan an chhunzawm leh a, hetah hian Quiz leh
Bible-a ramsa hming inhriatsiak in Group te an
intihsiaka a ni.
Tin, September ni 25, 2013 (Inrinni)hian PUC Field-ah
he Group Intihsiak hi an chhunzawm leh dawn a,
member te an phur tlang hle a ni.
August ni 19, 2013 (Thawh\an) zan K|P Inkhawmah
hian Missionary Challenge an nei dawn a, hetah hian
thusawi turin Rev. Lalrintluanga, MTC an sawm a ni.
HRIATVE A TAN
MIZORAM CHHIARPUI HMASA BER 1901 A
KRISTIAN DINHMUN : Hemi Kum 1901 hian Mizoram
chhungah mihring 82,434 an awm a, chung zingah chuan
Kristian 45 an awm. Kristian awm zinga panga chauh chu
Mizo an la ni a, Midang 40 chu Zosap te, Khasi te, Bawrhsap
lam leh Sawrkar hnathawk zinga Kristiante an ni.
KTP GENERAL CONFERENCE HLABU : Kum 1973 a
Thingsulthliaha Khawmpuilian-ah khan Khawmpui
hlabu buatsaih tan a ni a. Chutah chuan thalai sak chi hla
thar tha tak tak a chuang a. A tirah chuan Herchhuah
(Cyclostyled) a ni thin a, uluk taka chhuchhuakin Copy
dang chu an herchhuak ta thin a ni. Khawmpui hlabu
buatsaih kawnga sulsutu pawimawh tak chu
Pu Vanmawia (L) (Hla phuah thiam) kha a ni. Kum eng
emaw zat chu amah ngawt hian bul a tum nghe nghe a,
hla phuahtu leh hla chhut thiam bik a ni a, a tui bawka hla
lam a rawngbawlnah chuan a thawh hlawk hle a ni. Kum
1980 chho atang khan Press hmanga siam a lo ni ta a ni.
KRISMAS : Krismas tih hi, Krista Ruai, tihna a ni a, Isua
Krista pian champha lawmna atan hman a ni. Kum tin
Dec. 25 hi khawvel pumah Isua pian champhaphak anga
hman a ni a. Mizoramah chuan Zosapten a hmingin Kum
1903 an lawm tan ve chauh va. Sikul naupang thenkhat
leh thenawm khawvenga naupangte nen hlim takin an
hmang a ni.
LALPA TAN I HUN I HMANG THIN EM?
Zir mite zir dan i han thlir teh ang. Kum 70-a upa hian mut
nan Kum 24 a hmang tawh a, hna thawh nan Kum 14 a seng
tawh a, intihhlim nan Kum 8 a hmang tawh a, chaw ei nan
Kum 6, vah vel nan Kum 5, thian kawm nan Kum 4, lehkha zir
nan Kum 3, inzir nan leh lehkha chhiar nan Kum 2 a hmang
tawh an ti.
A zavaia belhkhawm hi Kum 66 a ni a, a bang kum li hi eng
atan nge a hman? Heng kum li hi thil hrang hrang tih nan a
hmang a ni. He kum li chhunga Minute 45 hi Pathiannia
inkhawm nan a hmang a, Minute 5 ni tina Pathian pawl nan a
hmang a ni.
Chuti a nih chuan mihring dam hun chhunga Pathian tana
hun kan pek hi a va tlem em? Kum 70 chhung hian thla nga
awrh Pathian tan kan pe a nih chu! Chu mah mah, Pathianni
apianga inkhawm zat zat anga chhut a la ni mah mah.
Nangmah ngei kha han inngaihtuah ve teh. I dawhkan
hmaah ngei han thu la, han chhut melh melh teh mah. Pathian
tan ni lova hun kan khawhral nasatzia hi aw!