Special Bulletin of Synod Inkhawmpui 2013

Dated : Ramhlun North, The 5th. December, 2013

Rev. Vanlalzuata biang biakna Page 2

Inkhawmpui rorel Synod GK Page 3

Puipate chanchin Thlengtu bial lam Page 4

SYNOD INKHAWMPUI VAWI 90-NA HMANG MEK

Kum 2013 Synod Inkhawmpui chu December 3, 2013 (Thawhlehni) zan khan \an a ni ta a, bulletin buatsaih laia palai hming ziak lut tawh zawng zawng hi mi 1784 an ni. Inkhawmpui \an zanah hian zaipawl pahnih - Leitan Bial Zaipawl leh Mizoram Synod Choir-te an zai a, Rev. Lalramliana Pachuau, Moderator kal chhuak turin inkhawm a kaihruai a, palaite lawmna thu sawiin, report tawi a pe bawk a ni. Synod vawi 90-na rorel inkhawm hi December 4, 2013 (Nilaini) chawhma dar 9:30-ah \an a ni a. Moderator thar, Rev. K. Lalhmuchhuaka kaihhruainain rorel ni khatna chu tluang taka neih a ni a. Zanah Rev. Laldailovan Pathian thuchah a sawi. Tun \um Synod-ah hian thlarau lam thupui chu Synod Inkhawmpui vawi 91-na programme Pathian nena len dun (Mika 6:8) a ni a. He thupui hi Rev. tlangpui leh puipa turte chu :Dr. Roger Gaikwad, Gen. Secy, NCCI chuan Inrinni zan A hmun : Mission Vengthlang Biak In Pathian biak inkhawmah a sawi dawn a ni. December 8 A hun : December 9-14, 2014 (Pathianni) chawhma inkhawmah hian Pastor atan mi Moderator : Rev. Lalrinmawia 17 nemngheh (ordain) an ni ang a, Pro. Pastor atana lak Secretary (Sr) : Upa H. Zoliana thar 19 dah ngheh (install) an ni bawk ang. Pathianni Secretary (Jr) : Rev. B. Sangthanga chawhnu inkhawmah Rev. K. Lalhmuchhuaka, ModFin. Officers : 1) Rev. Lalramliana Pachuau erator-in Lalpa Zanriah Sakramen a buatsaih ang a, 2013 2) Rev. Dr. R. Lalbiakmawia chhunga Minister thite sunna hun hman a ni bawk ang. Zan Pathian biak inkhawmah Rev. Lalramliana Statistician : Upa Vanengliana Pachuau, Moderator kal chhuak hnen a\angin ValedicExe. Secretaries: 1) Rev. Lalzuithanga tory Sermon ngaihthlak a ni ang. 2) Rev. P .C. Pachhunga PALAITE KAN LAWM A CHE U
- Upa Vanlalfaka, Secretary Synod Inkhawmpui Organising Committee

PALAI THLENG HMA Inkhawmpui palai, Ramhlun North rawn thleng hmasa ber chu Upa Ramchhanliana, Chhippui, Pastoral Committee-a tel a ni a, Nov. 28 (Ningani)-ah a lo thleng a, hming erawh a ziak lut nghal lo. Registration ti hmasa ber chu Upa Rualkhuma, Mawiong a ni. Thlen ina palai thleng hmasa berte chu Rev. Luntinlien, Tanggam leh Pu Phunopara, Manikbond-te an ni thung a, Pu Rosiama inah anni hi an thleng a ni.

Synod Inkhawmpui vawi 90-na palai zawng zawngte kan Lalpa Isua Krista hmingin Ramhlun North Bial-in chibai kan buk a che u. Ramhlun North Bial-in Synod Inkhawmpui kan thleng dawn tih kan hriat tirh a\angin Kohhranhote kan thiam leh theih ang tawkin kan inbuatsaih a. Palaiten thlarau leh taksa lamah pawh in hlawkpui loh kan hlau hle a ni. Thlen in chungchang leh ei leh in thu-ah te, tumah inthlahrung lovin, neitu chan chang zawk turin kan beisei che u a. Ni ruk chhung na na na hi chuan kan theih ang tawka duat che u kan tum a ni. Palai zawng zawng, riak lut leh langa lo kalte pawh mahni thlen in \heuha in-report hram tur leh chaw pawh ei ngei turin kan ngen bawk che u a ni. Inkhawmpui nuam, hlimawm leh hlawk hmang vek turin palaite zawng zawngte duhsakna kan hlan a che u.

Page 2
EDITORIAL CREW Editor John Lalhruaitluanga Managing Editors Chris M.S. Dawngkima Biakchungnunga Joseph Lalfelfamkima Zodinsanga Parte Production Manager C. Lalbiaknunga News Editors Dr.C. Lalmuansangkimi R. Lalthanpuii Photographer Lalmuanpuia Office Bearers Upa H. Lalrinawma, Director Upa K. Rorelkima, Asst. Director K. Lalenghluna, Secretary H.L. Chalbuanga, Asst. Secretary

REV. VANLALZUATA KAWMNA

Kan pastor-te zinga hriat hlawh, thuziak leh sawi lamah pawh sulhnu ngah tak, kum 2014-a pension ve tawh mai tur, Synod Sr. Executive Secretary, Rev. Vanlalzuata biangbiakna hun kan nei thei hlauh a, Kohhranhoten kan hlawkpui ngei kan beisei. SYNOD90 : Synod Sr. Executive Secretary i nih chhunga Synod anga hmalaknaa \ha i tih leh chhunzawm zel tlak i tihte min hrilh thei em? Rev. Zuata : Pastoral Ministry hi Kohhran pumpui chet velna niin ka hria a. Synod-in Kohhran indan policy kan neih hi \ha ka ti. Kohhran indan nan pawisa kan hman tam pawhin a let leh hi a tam zawk. Thilpek leh thlarauah pawh hma kan sawn zel zawk niin ka hria. Kohhran a tam chuan bial a tam ang a, chu chu Synod tan pawh a chhenfakawm ang ka ring. He policy hi Synod-in chak zawka a kenkawh \ulin ka hria. SYNOD 90 : Kohhran indan chu eng nge a \hatna? Rev. Zuata : Kohhran indan hi \ha hlang a ni. Indan chuan a hmaa rawngbawlnaa inhmang lote pawh an \angkai. Kan indan reng rengin Biak In dinna veng chu a thianghlim nghal kawk kawk \hin. Thilpek pawh indan hma aiin a let 4-5 ten a pung. Kohhran a pun chuan bial a zim ang a, Pastor leh Upa tan rawngbawl a awlsam sawt zawk ang. Pastor pakhat hian Kohhran pathum aia tam bial lo se. Nakinah chuan Pastor pakhatin Kohhran pakhat te enkawl se, chhungkaw bial zawngin \an la ila. Pastor chu inkhawm apianga thusawi leh chair turin phut lo ila, a hna tak tak zawk chu chhungkaw harsatna sut kianpui ni se. Chhungkaw lam hawi hian Pastor ila, Kohhran pawh a chak zawkin ka ring. SYNOD90 : Thusawi leh ziak lamah kan hre lar viau che a. A eng hi nge i chak zawk? Rev. Zuata : Thusawi hi ka la chak ngai lo! Sawi mi pawh niin ka inhre lo. A ziah lam hi ka thiam tawk lo tih hre mah ila, miten ziak se tih te hi ka nei ve fo a, mahse, mi rilrua a thawh tlat si loh chuan...ram leh Kohhran tana ka ngaih pawimawh zawng hi chu ka la ziak zel ang. Thuziak hi chu ral ve mai lo a nih avangin sawi aiin ka ngai pawimawh zawk. Keyboard zir duh tan (Synod School of Music) Dilna theh luh hun : 17th. Dec 2013 thleng Seat chang tar chhuah : Dec 18, 2013 Morning & Evening Admission (18 yrs below) Adm Fee - Rs. 100/- Monthly Fee Rs.300/Day shift (Adult) Adm Fee - Rs. 100/- Monthly Fee Rs.500/SYNOD90 : Lehkhabu eng zat nge i ziah tawh ang? Rev. Zuata : Ka la ziak tam lo, booklet te nen chuan 10 vel chu a ni ve tawh ang. SYNOD90 : A nih leh article lam hi? Rev. Zuata : Article chu ka chhinchhiah lem lo va, 200-300 vel chu a ni mai thei e. SYNOD90 : A sawi lamah hian speaker-ah \um eng zat nge i \an tawh ang? Rev. Zuata : Speaker badge ka bel hi ka dah khawm zel a, thingrem te khat zet chu a ni. A zat ka chhiar lem lo va. Rawngbawla ka chhuah apianga ka hruai \hin, Hualngohmun-a mi Pu Chawian kan zinna hi a lo chhinchhiah dan chuan thu kan va sawina hi khaw 500 vel a ni tawh awm e. SYNOD90 : Hei, MLA inthlan boruakin min la chiah deuh bawk a, MPF (Mizoram People Forum) kan nei hi \ha i ti em? Rev. Zuata : MPF hi a sawisel duh chu an awm reng a, sawiselna tur pawh a awm ang. Mahse, a policy hi a fuh a, a policy kenkawh danah sawiselna tur chu a awm ang. A policy ziktluak hi kan ram tan a \ha. A sawiseltute chu an awm tho ang a, huat tur a ni lo va. Tin, tute emaw lo che foul deuh avangin MPF hi hnualsuat turah ka ngai lo. SYNOD90 : Kumtharah i pension dawn niin kan hria a, i lung te a leng lawk lo maw? Rev. Zuata : Pension hi keima lamah chuan ka huphurh lo va. Pathianin kei aia \ha hi a nei tamin ka hria. Lunglenna lamin a kal lo, chak lamin a kal mah zawk! SYNOD90 : I pension hunah para church lam te hi i awn ru ve deuh em? Rev. Zuata: Pastor pension khawhar, la chak \ha site inhmanna tur a nih chuan awm lo ka ti lo. Mahse, Synod khuangpui beng pha chin, Synod-a dinhmun pawimawh lo chelh tawh hi chu para church te tak tea va zuan luh ai chuan, rilru zau tak puin, ram pum huap lam ngaihtuah tur niin ka ngai. Kei pawh min rawn sawm te chu an awm nual a, mahse, va inrawlh ka tum hran lo. MR. SYNOD Upa R. S a p ta wn a (k-9 5 ), Sihphir chu kum 1953-2012 chhung khan Synod Inkhawmpuiah a tel kim vek a, a palai loh kum pawhin a chhim hram hram \hin. Palai ni sain \um 30 a palai a ni. Kumin Synod ah erawh kal chhuak hlei thei lo a nih avangin a tel ta lo.

Editorial Letter THLARAU THIANGHLIM NEN Kohhran hmasa hun laia zirtirte leh ringtu hmasate rorelnaa a ngaihnawm lai tak chu, Thlarau Thianghlim leh keinin kan ti tih kha a ni. Thlarau Thianghlim tel lo rorelna hi a awm palh ang tih kan hlau hle tur a ni a, Pathian rawn chung zela kan kal a pawimawh hle mai. Kohhran pawl \henkhatah chuan thu bik an awm \hin a, mihring pakhat thuin pawl a kal fo \hin. Hei hi thil pawi tak a ni a, Thlarau Thianghlim hnathawh a dal fo. Presbyterian Kohhran kan vanneihna chu mimal thuneihnaah k an innghat lo va, Inkhawmpui leh Committee thua kan kal \hin hi a ni. Chutiang taka rorelna him karah pawh chuan thunei bik a la awm theih tho avangin fimkhur taka kan kal zel a ngai awm e.
Certificate in Theology (Hindi Medium) PHBS 2014 atan Hindi Medium Certificate in Theology zir duhte tan plain paper-a ziakin Principal, Presbyterian Bible School, Bawngkawnah dilna theh luh tur a ni. Diltu chuan Kohhran secretary hruiatpuina lehkha a thil tel tur a ni. 53rd Batch atan : Dil theih hun : 14th January 2014 thleng Interview : 15th January 2014 11:00AM Zir hun : 15th Jan - 10th June, 2014 54th Batch atan : Dil theih hun : 15th July 2014 thleng Interview : 16th July 2014 11:00AM Zir hun : 16thJuly - 9th Dec 2014
Published by Information & Publicity Department Synod Inkhawmpui Organising Committee

Page 3

KUM 2014 & 2015-A MINISTER PENSION TURTE Kum 2014-ah Rev. Vanlalzuata a pension ang a, kum 2015-ah Rev. Dr. Vanlalchhuanawma, Rev. K. Lalhmingliana leh Rev. G.B Kaipeng te an pension ang. KUM 2013-A NEMNGHEH TURTE 1. P/P Vanlalruata 2. P/P C. Lalremzuala 3. P/P Ramsangzela 4. P/P T. Lalthafamkima 5. P/P Lalramnghaka 6. P/P Vanlalliana Sonset 7. P/P J.H Lalhruaizela 8. P/P Lalramdinthara 9. P/P Lalramchhuanglura 10. P/P Lalhmunsanga Tlau 11. P/P T. Rosangliana 12. P/P Joseph Lalnunmawia 13. P/P Bhanu Lal Malsom 14. P/P Tanya Pabin 15. P/P Sujindro Chakma 16. P/P Lalpiaklian 17. P/P Summinlian Vaiphei PRO. PASTOR LAK THARTE 1. Hmingthansanga Pachuau 2. B. Lalnunhlua 3. C. Lalremruata 4. Laldintluanga 5. Michael Zorinpuia 6. V. Khairodinga 7. Zonunmawia 8. Lalhriatkima 9. C. Zaihmingthanga 10. Vanlalchhuanga 11. C. Rosangzuala 12. C. Lalngaihawma 13. Malakia Lalnunfela 14. H. Lalbiakthanga 15. Vanlalfaka Hmar 16. P.C. Vanlalchhuanga 17. Laishram Raju Singh 18. Henry Lalbiakkima 19. Khaisonthang

RAM CHHUNG BIAL THAR Kum 2014-a Mizoram chhunga Bial thar hawn turte :1. Chanmari Bial a\angin Chanmari West Bial hawn a ni ang a, Aizawl Bethel Presbytery-ah a awm ang. He bial chhungah hian Chanmari West leh Edenthar bakah Kohhran indang tur pahnihte an awm ang. Chanmari Bial-ah Chanmari, Laipuitlang leh Himali (Nepali) Kohhran te an awm ang. 2. Kawnpui Bial atangin Kawnpui Chhim Veng Bial hawn a ni ang a, Kawnpui Chhim Veng Kohhran, Kawnpui Dinthar, Kawnpui Kanan leh Mualvum Kohhrante an awm ang. Kawnpui Bialah Kawnpui Venglai, Kawnpui Hmar Veng leh Bualpui N-te an awm ang. BIAL SIAM REM A NI Venghlui Biala College Veng Kohhran chu Republic Bialah a awm ang a, Republic Biala Upper Republic Kohhran chu Venghlui Bialah a awm thung ang. Chaltlang Biala Laipuitlang Kohhran chu Chanmari Bialah a awm ang. Thingdawl Biala Bualpui North Kohhran chu Kawnpui Bialah a awm ang. ZIRNA SANG ZIR PHALSAKTE Pastoral Committee-in M.Th zir a phalsakte :1. Rev. Laltharzuala 2. Rev. R.T Lianthanga 3. Rev. P.C Lalrinchhuanga 4. Rev. R. Vanlalruata 6. Rev. V.L Krosschhuanmawia 7. Rev. Zaithanmawia Pachuau 8. Rev. K. Zonunsanga TEB-in zir leh tura a thlante :D.Th zir tur :1. Rev. Ramdinthara 2. Pev. P.C Vanlalhruaia 3. Rev. Lalvensanga 4. Rev. Lalramchhana M.Th zir tur :1. Rev. Lalchhandama 2. Rev. Andrew H. Laltlanliana

SYNOD GK
PASTOR HMASA 50-TE
1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. 31. 32. 33. 34. 35. 36. 37. 38. 39. 40. 41. 42. 43. 44. 45. 46. 47. 48. 49. 50. Chhuahkhama Vanchhunga Thangkhuma Phawka Hauchhunga Liangkhaia Hranga Buanga Bana Kaplunga Saiaithanga Selkhuma Fehtea Thanga Kama Zahlira Nikhama P.D Sena Chhawna Siamhnuna Hranghnuna Langlura Chhawngvunga Pasena =hianga Lalhlura Sanga Lalthanga Zoramthanga Chuaukunga Dawnkima Chalzawna Khuanga Lalbuaia Saitawna Kawlthawma Zairema Kawlkhuma Biala Thanfianga Challiana Liandova Denga Darliana Par\hiauva Khualhnawka Pabuka Lalbawia Lalnghinglova Lalchama 1913 1914 1914 1914 1914 1921 1924 1924 1924 1924 1924 1926 1926 1926 1930 1930 1932 1934 1934 1934 1936 1938 1938 1939 1940 1941 1941 1941 1942 1944 1944 1944 1944 1944 1944 1944 1945 1946 1946 1946 1947 1947 1947 1948 1948 1948 1948 1948 1956 1956

DAWR DUH TAN Synod palaite tana a awlsam zawk nan Synod Office Department \henkhat bakah Synod Bookroom leh ATC-te chu dawr theih rengin Inkhawmpui neihna hmunah hian an inchhawp a. Synod Office leh Synod Bookroom hi Biak In hnuai Hall leh Sacrament Department Room-ah dawr theih an ni a. ATC hi Biak In kawt hmar lam, Reception Counter-ah dawr theih an ni thung.

(courtesy : Pastor 555)

Page 4

THLENGTU BIAL LAM

RAMHLUN NORTH KOHHRAN Ramhlun North Kohhran hi kum 1972-a din a ni a. Kohhran inchhiarna hetiang a ni :Minister zat - 5 Upa zat - 17 Dan zawh kim zat - 2745 Mipa zat - 1765 Hmeichhe zat - 1871 Member zawng zawng zat - 3635 Chhungkaw zat - 718

Rev. Sanghnuna Huang (A hlimawm lam)

** Pastorin a kam khat : Pastor Liandoan a tia lawm, Ka bialah Sacrament Lalpa Zanriah neihpui ka tum a, no beng nei No. (Number) 12 khatin Uain kan dah a, a bulah chhang. Dar an nawn a, hla kan thlang a, kan han sa chu mi hlim an lam ta a. Mi hlim pakhat lam chak bik leh che nasa bik hi a awm a, kan chhang leh uain khuh chu a vai baw zo ta vek mai a. Chair a\angin ka tlan phei a, a hmai bulah ka kawk a, Nauva, i za lu deuh a ni ka va ti a, sem tur awm ta hek lo kan bang ta a ni, a ti. ** Chawhmeh tlachham lo: Pastor Lianbuanga, Executive Secretary a nih lai khan a pa bial hlui Phuldungsei tlang dungah kan zin a. A pa bial \hin Pukzing khuaa kan thlenna nu chuan, Aw Buanga chu ka lung i va tileng em! I pa kha kan mikhual \hin a ni a, tuk khat chu BUH BAI kan hmehpui a, a chaw ei kham chu khum-ai bula buh zem tlangah a dak vung vung a, E! chawhmeh chu kan tlakchham dawn loh hi a ti e, a ti. Rev. H. Lalrinmawia Secretary (Sr) Rev. H. Lalrinmawia hi a pa chu Chalkhuma a ni a, a nupui Lalnilawmi nen fa 2 an nei. Zirna lamah BD a zawh hnuin Pro. Pastor atan lak a ni a, Khawlailung leh Durtlang Bialah te Pro. Pastor-in a awm. Kum 1986 Synod-ah nemngheh a nih hnuin 1987-1993 chhungin K o l a s i b Venglai Bial a vawng a. Ngopa Bial leh Bungkawn Bialah te a awm leh a, Bungkawn Biala a awm lai hian CK|P Leader a ni nghe nghe. Kum 2008-2010 chhung khan Synod Rescue Home-ah Director-in a awm a. Kum 2011 a\angin Mission Veng Bial a vawng ta a ni.

Ushering Department
Committee members 14 an awm a. Bial chhung a\angin ushers 144 an inruat chhuak a ni. Group 3-ah an in\hen.

Reception Department Committee members 30 an awm a. Palaite thlen ina hruaitu tur Bial chhunga tleirawl volunteers 185 ruat chhuah an ni bawk.

PUIPATE CHANCHIN TAWI

Rev. K. Lalhmuchhuaka Moderator Rev. K.Lalhmuchhuaka, H/o R. Lalramengi hi Upa Zaia (L) fapa a ni a, fa pali a nei. Zirna lamah B.Th a zawh hnuin kum 1980 khan Pro.Pastor atana lak a ni a, Suangpuilawn Bialah dah a ni. Kum 1982 Synod-ah Pastor at an nemngheh a ni a, 1983-86 chhung khan Phuldungsei Bial a vawng a. Kum 1986 & 1987 chhung khan Jabalpur-ah BD a zir. BD a zawh hnu hian Sakawrdai Bial, Kolasib Venglai Bial Zemabawk Bial-te a vawng a. Kum 2007-2009 chhung khan Manipur-ah Administrative Secretary hna a thawh hnuin, kum 2010-2013 chhungin Dawrpui Vengthar Bial a vawng leh a ni. Rev. Lalramliana Pachuau Retiring Moderator Rev. Lalramliana Pachuau hi Vanlaltlana fapa a ni a, a nupui Lalroluahi nen fa pali an nei. Zirna lamah M.Th a zo va. Phuldungsei, Madhya Pradesh leh Serchhipah Pro. Pastor hna a thawk. Kum 1984 Synod-a nemngheh a nih hnuin Vanzau Bialah 1 9 8 4 - 8 7 chhung a awm a. Sateek Bial leh Tlabung Bial-te a vawng leh a. ATC-ah Lay Theological Director leh Lecturer hna te a thawh hnuin Manipur Area Administrative Secretary a ni a. PCI Administrative Secretary hna 2003-2011 chhung a thawh hnuin 2012 khan Ramhlun Bial a vawng a, 2013-14-ah Synod Moderator a ni.