Editor : 9862148235

Website: www.electricveng.com
KUMPUAN
Ram leh Hnam
Humhalh
Vol. 21 No. 23 TUITU : ELECTRIC VNG : AIZAWL : NI 6 VAWKHNIAKZAWN THLA 2014 (PATHIANNI)
1994 Estd.
(Kr tin Chhuak)
(An Official Organ of Electric Vng Branch Y.M.A)

Vengchhung
\ \
YMA MOTTO
1. Hun wl hman \hat
2. Zofate hmasawnna ngaihtuah
3. Kristian nun dan \ha ngaihsan
(
- Nl. K.Zosangliani d/o
K.Lianzuala, Sec- II(B-7) chuan B.A.
Hons Psychology Lady Shri Ram Col-
lege, New Delhi a\angin 70.30%hmu in
a pass.
- Ni 30.6.14(Thawh\anni) khan Pu
Zaithanmawia, Sec-V(B-1) chu
Champhai-ah ni 10 awh tur EDP train-
ing pe tur in a kal.
- Ni 4.7.2014(Zirtawpni) khan
Vanlalngheti d/o Lalhmingliana, Sec-I
(B-9) chu Khawsik avangin Presbyte-
rian Hospital, Durtlang-ah dah luh a ni.
- Ni 4.7.2014(Zirtawpni) khan Pu
Laldenga, Sec-III(B-5) chu Nazareth Hos-
pital-ah enkawl mek a ni.
- Pu H.T.Nghinglova, Sec-IV(B-2)
chu chuap cancer vangin in lamah enkawl
mek a ni.
- Kum 2014-2015 Electric Veng
Mahila Congress Unit-I hruaitu thlan thar
an ni a, chungte chu -
President : Pi Lalthannguri
Vice President : Pi Rokhumi
Treasurer : Pi Lalnunpuii
Fin. Secretary : Pi Lalramliani
Gen. Secretary : Pi F.Lalremruati
Jt. Secretary : Pi Ngurhlunpuii
Jt. Secretary : Pi Lalrindiki
KUM 2014 E-YMA BRANCH EXECUTIVE COMMITTEE
HUKHAWM
Ni 4.7.2014 (Zirtawpni) zan dar 7-ah a thlatina tih \hin angin Branch
YMA Executive Committee chu hmalakna leh hmalak zel dan tur ngaihtuahin
a E-YMA Hall Stage-ah Branch President, Pu Vanlalauva khaihruaiin an
\hukhawm a ni.
Thurel tlangpui:
1. Branch Committee \hutkhawm inkara Branch hmalakna \henkhatte -
a) YMA Day pualin hengah te hian tanpuina pek a ni -
i) Mizo Welfare, Delhi/Kolkota/Guwahati/Silchar ah Puan 20 \heuh
ii) Protective Home Puan 35 leh Rs 2000/-
iii) Tawngtai Bethel Camping Center, Chawnpui-ah Rs. 15,000/-
man hu buhfai, alu leh thildangte
b) Ni 7.6.2014 (Inrinni) Zan Inkhawm banah CYMA hmalaknaa
Vengchhunga hnamdang (vai) permit neilo leh dan lova sumdawngte
dapchhuah beihpui thlakah Permit neilo mi 5 manchhuah niin Police kutah
hlan a ni.
c) Kan Veng Thlanmual Thar YMA hminga Provisional Land Lease
lakchhuah a ni.
h) Power House bula YMA Dawr chu Pass dil mek a ni.
2. Sum dinhmun hetiang hi a ni -
General Fund : Rs 78,541/-
Thlanmual Fund : Rs 58,810/-
Charity Fund : Rs 5,913/-
3. YMA Day hman dan sawiho a thlirlet a ni a, programme \ha taka kal pui
a nih laiin member te in enfiahna tur leh hmasawnna tur kawng tam tak a
lang a ni.
4. YMA General Conference 2014, Ratu a hman turah Zai hruai (Musician
zawng zawng nen) tura CYMA Programme Committee in min ruatna pawm a
ni.
5. Lehkha Dawnte -
a) Pu John K. Gangte, Secretary, Guwahati Mizo Welfare leh Pi R.
Lalnunmawii, Superintendent, Protective Home hnen atangin YMA Day 2014
puala thilpek kan pek avanga lawmthu sawina dawn a ni.
b) Pu Lalrammuana, President, Dawrpui YMA/ Chairman, Dawrpui
Khawtlang Joint Committee 2014 hnen atangin kan veng pa Pu R.Thansanga,
Section-I (B-9) a cheng chu Dawrpui-a a dawrah zu thahnem tak an mansak
avanga a dawr an kharsak a nih thu dawn a ni.
HRIATTIRNA
EYMA buangrua hmang
tur reng reng chuan Section
hruaitute emaw, Branch
Hruaitute emaw hriattir hmasak
\hin tur a ni.
Editor : Malsawmtluangi
Jt.Editors : R. Zaimawia, Francis Lalnunmawia,
Jonathan Ramropuia.
News Editors : Lalrammawia Sailo, Lalpanmawia Sailo
Treasurer : Zohmangaihi Tuallawt
Correspondents:
Lalthangkima, PC Lalhruaitluangi, Vanlalhruaia, Jesse Lalngura,
Laldinmawia, Eddie Lalmuanpuia, R.K.Lalhmachhuana, Zothanmawii,
K.Lalrinsangi, Ophel Lalthlamuani, PC Lalsangzeli, Eric Lalremruata,
Lalramchhana, Lalhruaizeli, Vanlalrelkimi.
O.B. IN CHARGE : K.Lalthanmawia (Vice President)
BRANCH HUANG
Branch Executive Member damlohna in a tlakbuak
mek, heng mi Pu K. Lalthanmawia, Pu Malsawmthanga, Pu
Lalthankima leh Nl. R.L Rinfeli te chu Branch hminga kan
an ni.
Ni 1.7.2014(Thawhlehni) khan Local Council
kaihhruaihin Branch Office Bearer-te chu Vengchhung
Kawngpuia Motor Parking leh Sakawrpuluia Taxi din dan
chungchang chu an \hukhkawm a, hmalak dan tur riruang
sawiin remchang hmasa berah All NGO Meeting neih thuai
tur a rel a ni.
Ruihhlo kaihhnawih avanga In kalhsak Pu
Tluanglinga, Sec-I (B-9) chu koh niin tun Thlachhung
ngeia a In tiral turin Kumpuan Sub-Committee kaltlanga
hriattir a ni.
Tin, Lal\hakimi, Chhinga Veng, Ruihhlo mansak
avanga ama duhthlanna ngeia Chawnpui Bethel Camping
Center a dah chuan Court kaltlanga dawt hmanga EYMA
Kumpuan Sub Committee hek avangin Magistrate Pu Tho-
mas-a hnenah thu sawifiah a ni.
SECTION HUANG
SECTION - I
* Ni 30.6.2014(Thawh\anni) khan Kudam sak hnatlang
an nei a, member thawk chhuak an \ha hle.
SECTION - II
* Hun remchang hmasa ber ah Executive Meeting neih
an tum.
* Section inhlawhna atana Electric Bill pek tir \hin
tute zawng zawng chungah lawmthu an sawi a, pektir
chhunzawm zel turin kan in ngen bawk e.
SECTION - V
SAWMNA
Ni 11.7.2014(Zirtawpni) zan dar 7 ah Malsawmkima
street-ah Section V chuan YMA Day Section Champion a
lawm dawna a, Branch Office Bearer te, Section tin Office
Bearer leh Committee member-te kan sawm a che u. Mem-
ber kal zawng zawngte a hmanlai thei ang bera inchei tur a
ni e.
* Tui bill pek a hun leh ta a, chhungtinte tui bill pek tir
\heuh turin kan inngen e.
INRENCHEM
Upate hlutna tizualtu chuan inrenchemna hi a ni.
Mi tam zawk chuan kan nuihzatin fiamthu thawh nan kan
hmang mai \hin pawh a, nuihzatthlak a awm meuh lo.
Kan hnawmnawk vanga kan chenna khawvel boruak leh
leilung chhe mek chelh khawtlaitu an ni a, an thawh
hlawk hle a ni.
Computer hmang \hang chuan Recycle Bin kan
hre ngei ang, he bawlhhlawh bawma kan paih hi chu
kan mamawh leh a nih pawhin a ngai angin kan nei let
leh mai thei a, a \angkai hle a, lak let theihloha kan paih,
a hnua kan mamawh leh site hlutna a tizual hle a ni.
Hetiang deuh hian Mihringten kan mamawh reng
mahse kan siam chhuah theihloh thil tam tak hi kan
nunphung hian a tiriralin a tichhe \hin a, a siamtu a
inchana kan mamawhte hlutna hrechianga inren kan zir
thar a hun hle a ni.
Fur a in\an a, a sur laiin kan liam tir bawrh bawrh
a, a han ta maw tih rualin kan tuizem a zo leh nghal duak
\hin. Tui baw hnu a ruh theih tawhloh tih hre chiang tak
si hian khawl aiin leih buak nuam kan ti zawk a ang.
Mawina leh nawmsakna ngaihtuaha kan sum leh
ngaihtuahna kan sen \hin ang hian nunna atana kan
mamawh ber te zinga tui khawl dan leh renchem dan
ngaihtuahin in seng ngam ila a thlawna ruahtui kan dawn
hian tui a kan harsatna nasa takin a chhawk ngei ang.
In hmun remloh avang te chuan a khawlna siam
a remlo pawh a ni thei e, mahse nitin a kan tui leihbuak
\hin hi kan duh hun hunah kan nei kir thei tawh lo a ni tih
hre reng in inrenchem hi zir thar leh ila, a thlawna
malsawmna kan dawn chi hrang hrangte an hlutna chhut
ila, kan siam ve theih loh leh siam ngamloh nitina kan
mamawhte hi a siamtute zah vang tak pawhin ren takin
hman i zir ang u.
MHIP DAY LAWM A NI
Ni 5.07.2014(Inrinni) chawhma dar 11 khan
Electric Veng YMA Hall ah MHIP Day ropui taka lawm
a ni a, Pu Lalthanzara, MLA chu Khuallian niin nileng a
hun hman a ni a, chawhma lamah urhsun deuha hun hman
a niin chawhnu lamah intihhlimna hun hman a ni.
EMHIP President, Pi Kamlianin inkhawm a
kaihruai a, MHIP ni lo, Creche Centre a naupang ten
leh MUP, Electric Veng Unit ten hun an hmang bawk
a, Recitation, Solo, Zaipawl leh Special Item a in
tihhlimna neih a ni a. Hemi ni hian Parlam entir a ni
a, Mizo inchei thiam ber hnenah Lawmman hlan a ni.
DARTHLALANG
Kum li dana thleng Football World Cup
hmuhnawm tak hi i nitin hun hmana harsatna thlen
tur che in a hlu tawk em?
I ngaihtuahna leh i thlarau chaw ei sak
chein nangmah leh i ram tan hmasawnna a
hnutchhiah che em?
Asst. Secretary : Lalchuangliana 9862374155
Treasurer : J Dengdailova 9774396407
Fin. Secretary : Lal\hachianga 9436143393
President : Vanlalauva 9436155098
V. President : K. Lalthanmawia 9862587424
Secretary : C. Lalnunfela 9774002188
(
Branch YMA
Office Bearers
Vol. 21 No. 23 TUITU : ELECTRIC VNG : AIZAWL : NI 6 VAWKHNIAKZAWN THLA 2014 (PATHIANNI)
Thuziak
VAL UPA TITLE
- Lalthankima
Hmanni deuh tawh khan mi pakhat nen kan titi duna,
Kan veng thalaite hian aia upate zahna chang an hre ta lo,
Valupain kan tih chuan.... tiin tlangval \henkhat ka hau
a, tiin min hrilh a. A thusawi zinga ka beng verhtu ber
zawk chu, Valupain kan tih..., a tih lai tak kha a ni a,
amah lah chu ka chhang thumna vel awrha naupang a la ni
zui lehnghal bawk nen.
Hmanlai hunah chuan Val upa chuan khawtlangah
chanvo pawimawh tak an nei a, mi zah pawh an phur hle
\hin. Kawng tinrengah Lal leh upa te pawhin an thu an
ngaichang hial a. Val upa dinhmun chu sa/ral hmaah hma
an tawng \hin a, ramkang thelh, kangmei leh rikrum thilah
te hmahruaitu an ni \hin. An zai ngaiin nula tlangvalin ke
an pen \hin a, tunlai dinhmun nena khaikhin chuan sipai
General ang hial an ni ta ve ang. Val upa dinhmun hi mahni
lo inchhal ngawt chi a ni lo va, kan Mizo khawtlang nunah
an zahawm a, chuvangin mahnia lo inphuah leh awm lo
intih ve ngawt chi pawh a ni lo. Kum 40 liam taah khan
Shillong-a zirlaiho chuan Val Upa i thlang ang u, tiin an
kalkhawm a, mahse ngun taka an ngaihtuah hnuin Val Upa
hi thlan chi a ni lo e, tiin thutluakna an siam ta, thlang ta lo
chuan an tin darh ta a ni. He thil hi ril tak a ni.
EYMA BRANCH COMMITTEE-TE
EYMA Branch hian committee peng hrang hrang
10 a nei a, chungte chu -
1. HALL COMMITTEE:
Hall Committee ah hian Office Bearer bakah mem-
ber 26 an awm a, hall building, building sak thar leh a
hmun te an buaipui a ni. Tunah hall hmun laih min
chungchang pawh an hmalaknain ngaihtuah a bawhzui mek
a ni.
2. LITERATURE SUB-COMMITTEE:
An hming ang hian thu leh hla lama kan ro enkawl
tute leh hmasawnna ngaihtuahtute an ni a, an mawhphurhna
langsar tak chu pakhat Library enkawl a ni a, member tam
zawk ten kan hman \angkai nan hma lak reng a ni.
Literature Sub-Committee ah hian Office Bearer-
te bakah member 14 an awm a ni.
3. THLANMUAL SUB-COMMITTEE:
Thlanmual Sub-Committee-ah hian Office Bearer-
te bakah member 21 an awm a, anni hian tlangval thlan
lai kan pun theih nan te, thlanmual mawi tak kan neih nan
te leh thlanmual a kan mamawh te an ngaihtuahin chak
takin hma an la a ni.
4. CULTURE & MUSIC SUB-COMMITTEE:
Hnam lam leh zai te, hnam hla leh thuam te
chhawm nung a nih zel theih nan Culture & Music Sub-
Committee chuan a theih dan kawng kawngin hma a la ve
zel a, naupang \hahnem takin an hlut hle a ni. Tunah hian
Zaipawl music video buaipuiin \hahnem ngai takin hma
an la mek a ni. Office Bearer-ten member 21 ho in Cul-
ture & Music Sub-Committee hi an enkawl mek a ni.
5. SPORTS SUB-COMMITTEE:
Infiamna lama memberte hmasawnna ngaihtuahtu
Sports Sub-Committee-ah hian Office Bearer-te nen mem-
ber 40 an awm a, infiamna lama member mibikte tel
theihna tur a ngaihtuah reng a ni.
6. KUMPUAN SUB-COMMITTEE:
YMA kumpuan Ram Leh Hnam Humhalh a
bawhzuiin an theih ang tawkin hma an la a, ruihhlo zuar
leh a ngawlvei tam tak pawh an zilhin an man nual tawh a
ni. Office Bearer-te leh member 12 te thawhhona a \ha in
an \ang tlang hle a, Kumpuan bawhzui \ha zingah sawi tel
ve kan nih phah fo a ni.
7. PROPERTY SUB-COMMITTEE:
Office Bearer-te nen member 13 an awm a, YMA
bungraw hrang hrang, siam \hat ngai leh mamawh te endik
a enfeltu an ni a. YMA bungrua hi vantlang bungrua anga
ngai mi tam zawk kan nih avangin an hna hi a awl ai lo hle
a. A hmangtu awmchhun ni si loin a chhiat leh a bo thuah
mawhchhiat tawngtu ber an ni thung.
8. FUND RAISING SUB-COMMITTEE:
Hmalakna atana kan mamawh chu sum leh pai a ni
a, YMA in hmalak theihnan a sum pei pun dan ngaihtuahtu
ber a ni a, Office Bearer-te leh member 15 ten an enkawl
a ni.
9. DECORATION SUB-COMMITTEE:
Decoration Sub-Committee ah hian Office Bearer-
te nen member 23 an awm a, hun bik leh hun pui hman ni
khua a hmun remchang leh mawi tak kan neih theih nana
ngaihtuahtute an ni a.
10. TUITU CHANCHINBU:
Tuitu Editorial Board-ah hian mi 7 awmin corre-
spondents mi 14 an awm a, Tuitu kaltlangin vengchhung
chanchin leh thu pawimawhte inhriattir \hin ni mah se
YMA chanchinbu a nih angin YMA memberte chanchin,
YMA hnathawh leh kaihhnawh thu leh hla a ngai
pawimawh ber a ni.
Heng committee hrang hrang bakah hian Central
YMA Chanchinbu ngaihtuahtu an awm a. Chief Agent Tv.
R.Lalbiaksanga niin Section Assistant Secretary \heuhten
an buaipui a, la thar duh hriat duh neih chuan anmahni
hriattir zel tur a ni.
(Chhunzawmna phek lehlamah)
Pu b l i s h ed an d Ed i t ed b y Mal sawmt l uangi o n b eh al f o f EYMA, Ai zawl
Pr i nt ed at t he Gi lzom Offset, El ect r i c Veng, : Copy 1130.
Vol. 21 No. 23 TUITU : ELECTRIC VNG : AIZAWL : NI 6 VAWKHNIAKZAWN THLA 2014 (PATHIANNI)
Advertisement Fakna
DARTHLALANG DAWR THAR
Darthlalang chi hrang hrang (2.5mm to12mm)
Frosted, Tinted, Reflective (Colour chi hrang hrang), Looking
mirror leh a kaihhnawih thil chi hrang hrang, kan zuara, tin,
Mizorama a vawikhatna atan
khawl changkang tak
hmangin Darthlalang tlang
polishing leh design
(Bevelling, Double/ Tripple
O.G)mawi takin kan ti thei e.
GlassStop
Darthlalang dawr
Khatla, Peter Street
Ph. 0389-2333039
SAM TLA NASA/ LUKH>NG TAN
Tui let hma leh a hnu pawha la awm ngailo,
sam tla nasa, sam tlak nasat avanga sam tlem leh sam
tla khawlh/ lukh>ng damdawi TRIOFERkan nei ta e,
a \hat leh \hat loh chu hmang la i hre mai ang.
Homoepathy damdawi a ni a, side effect a awm lo.
Ma- Hlui Beauty Parlour
EYMA Bui ldi ng
BO & CHHAR:
YMA Hall-ah nihliap chhar a ni a, a ti bo
chuan Tuitu office emaw Hall Chokidar hnen ah
lam tur a ni e.
CEMENT MISTIRI TRAINING
Ram leh Hnam Humhalh bawhzuina kawng khat
atana Central YMA chuan Mistiri Training a buatsaih leh
dawn a, a duh apiang tel tura sawm leh hriattir kan ni e.
A hun : Ni 8.7.2014(Thawhlehni) dar 11
A hmun : Central YMA Hall, Tuikhuahtlang
Hre chiang duh chuan phone no 0389 2322869/
94361521661/ 9862368015 ah zawhfiah theih a ni e.
Training tur chuan Voters ID, Ration card, Age
Proof Certificate(Xerox) leh passport size thlalak copy 2 ken
\heuh tur a ni.
Secretary, EYMA
EFC HRIATTIRNA
Aizawl District Football Association (ADFA)
2014 -15 Season chhung atan Electric Veng Football Club
3rd Division players tur zawn mek a ni a. Heta khel duh,
veng chhung player chu YMA Hall-ah ni
6.7.2014(Pathianni) chawhnu dar thum-ah kal khawm tur
a ni e.
Secretary
EYMA HALL ALLOTMENT
1. Ni 8.7.2014(Thawhlehni) chawhma dar 10 a\anga
chhun dar 12-ah Oxford Higher Secondary School in a
hmang ang.
2. Ni 14 - 19.7.2014 chhungin Electric Veng Volleyball
Club (EVC)-in a hmang ang.
3. Ni 17.7.2014(Ningani)-ah K| P, Electric Vengthlang
Branch-in a hmang ang.
Val upa title hian zawhte upata upa tih lam a kawk
lo va, Officer nihna te, MLA nihna te, Local Council Mem-
ber nihna te leh lehkhathiam leh challan hian a kawk lo tih
kan hriat a \ul. Hmanlai hun leh tunlai hun a lo danglam ta
zel a, tunlai hunah Val upa kan tihte chuan nula tlangval an
ho khawm a, hnatlan, thlan laih, mitthi lumen tlaivar, ruang
zawn kawngah leh kangmei rikrum thilah te hma an hruai
\hin, chu chu nula/tlangval ho pawhin an thu leh hla zui
tlaka ngaiin an zui a, an thu an zawm \hin. Puipun nikhua
mi \henkhat au lung lung, mi thu ngaichang lem lova thu
vai tlang pawp pawp a, hruaitu \haa inngai an awm leh
zeuh \hin, hei hi thil kawngkal chu a ni lem lo. Mi tam tak
Val upa dinhmun a ding nia inngai hialte an awm thin, a
nihna tak an hriatchian loh vang mai niin a lang.
Kan hnam nihphungte hi hre lem lo va, rindan anga
lo kalpui ve vakte hi thil awm thei a ni a. Val upa dinhmuna
ding tur chuan mite bakah tlawmngai, hmun hrehawm leh
harsa pawh hmatawng zar zar leh hlauh a ngaih hunah pawh
fing leh remhre taka rorel thiam mi nihna thlengin a
fawmkem \hin. Chuvangin, kan pipute thil kalpui dan hi
kan zirchian fo \hin a \ha viau mai.
Thil pakhat dang han zeh ve \ula hriatna ka nei a.
Kum 2012, February thla a Red Ribbon kan vengin an
khelh zawh hnu lawk khan, Bethlehem Vengthlang tlangval
pathumin kan veng tlangval inkhel enlai an tibuai a, AR
Cinema Hall chhak lam kilah namen lovin an phek buai ta
a. Lungin an intawng a, mau bungin kan invaw bawk a,
chhak tlang atangin ka zuk thlir a, ka hmuh tirh chuan an lo
buai hle tawh mai a. Bethlehem Vengthlang khawtlang
hruaitute pawn ban an lo phar a, an zinga pakhat, an Lo-
cal Council Vice President meuh pawh a chalah an lo vawm
pawp hial tawh a, an lo thelh thei lo a chha chu a ni ber
mai. Ka zuk thlen thlak chuan lunga intawng karah ka ding
a, ban ka phar a, A tawk tawh e, tia kan au lauh lauh
hnuah kan veng tlangvalho chu an reh nghal duak ta mai a,
mi pakhat mai thuawiha an tawlhkir chu mak an ti a, tunge
ka nih min zawt chhen lehnghal a, nihna engmah chhuantur
ka neih loh avangin ka ne ne ral ta mai mai a. Khami tuma
kan veng tlangvalho chunga ka lawmzia kha aw! Tlangval
pakhat phei chuan, Rawn inrawlh lo la chu, kan buai nasa
khawp ang, tiin min hrilh a. Hetiang thil hi dai ve mah
ila, Val upa dinhmuna ding chu ka ni teuh bawk si lo.
Kan Mizo khawtlang nuna dinhmun zahawm taka
ngaih \hin hi, Val Upa ka ni e tia lo inchhal ve ziazang a
ni mawlh lo e.
(Thuziak chhunzawmna)