Tuitu

KUMPUAN

(Kr tin Chhuak)

(An Ofcial Organ of Electric Vng Branch Y.M.A)

Khawtlang Nun Siam |hat

Editor Tuitu : 9862374155 VDP Ofce : 2317065 www.eyma.info
: etis b eW

Estd.

1994

Postal Regn No. NE - 1085

YMA chu \anpui ngaite \anpuitu a ni

Vol. 18 No. 16 TUITU : ELECTRIC

VNG : AIZAWL : 22 TOMIR THLA 2011 (PATHIANNI)

V>ng chh<ng
Pu H. Chhawntluanga, SecIV (B-3) chu khawvel pum huap lemchang pawl Assitej International khawmpui Copenhagen (Denmark) leh Malmo (Sweden) a palai turin ni 19.5.11 (Ningani) khan a kal. Nl. Maria Lalhlupuii D/o Lalrintluangi, Sec-II (B-IV) Mangalore (Karnataka) a Sister Training mek chu chawlh hmangin an in lamah a awm mek. Pu Basil Zoramzuana Sec-I (B-9) Pu R. Thansanga te in luah chu Ni 20.5.11 (Zirtawpni) chhun dar 1 vel khan an in rawk a ni a, DVD player ruk sak a ni. Pu S Rotluanga, Sec-II (B-IV) chu hun rei tak New Life Damdawiin a enkawl a nih hnu-ah Ni 16.5.11 (Thawh\an) khan inlama enkawl turin a rawn chhuak. Pi Lalkungi m/o Pi Kamliani Sec-I (B-8) chu Ni 6.5.11 khan a ril zai a ni a, Civil Hospital ah enkawl mek a ni. Pu F. Rozika, Sec-II (B-7) Elim chu \hat lam a pan theih meuh loh avangin in lamah enkawl mek a ni. Pu Hrangluaia Pachuau, SecII (B-6) chu taksa chak lohna avangin Ni 18.5.11 (Nilaini) zan khan Grace Nursing Home-ah dah a ni a, thisen unit 6 pek a ni tawh. Pi Vanramngaii m/o Vanlalfela Hrahsel, Sec-IV (B-3) chu lung \halo leh zunthlum avangin Presbyterian Hospital, Durtlangah enkawl mek a ni.

YMA DAY PUALA SECTION INTIHSIAKNA NEIH A NI DAWN

Branch Executive committee in a rel angin kumin YMA Day pual hian Section hrang hrangte intihsiakna buatsaih a ni dawn a. Sub- Committee hrang hrang - Sports Sub-Committee, Literature SubCommittee leh Culture & Music Sub-Committee ten anmahni chan \ heuh a\anga intihsiakna item tur hrang hrang an chhawp chhuah chu Branch OB leh Section OB ten thlimin intihsiakna tur hi an thlang a ni. Intihsiakna hi ni 24.5.11 (Thawhleh) zan dar 7:00 ah E.YMA Hall kawtah hawn a ni dawn a, Branch YMA Senior Advisor Pu Lianzualan a hawng ang. Hemi zan hian ropui takin Marathon Race-a inelna neih a ni dawn a; mipate chu Ramhlun South Biak In kawtah kual tur a ni a, hmeichhiate chu Zirtiri Residential Science College kawtah kual tur a ni. Marathon-ah hian mipa leh hmeichhe lawmman siam a nih dawn bakah Section tlan tam ber lawmman a awm bawk ang. Intihsiakna tur item hrang hrangte leh a neih dan tur chu heti ang hi a ni:-

PAGE 5 ah

YMA Day (Ni 15.6.11) hian Hall-ah nilengin hun hman a ni dawn a, a kal zawng zawngte chu Mizo thuama inchei vek tur a ni. Mizo thuam la nei lo te chuan mahni hak tur lo ngaihtuah lawk \heuh nise, kumin YMA Day hi hlimawm dangdai taka hmang turin i inbuatsaih ang u. YMA Day hian Mizo incheina hmangin Branch, Sub- Committee leh Section Ofce Bearers-te an inel dawn a, inchei thiam ber OB ten lawmman \ha tak an dawng ang. Section intihsiakna \an zan, Marathon Race-ah hian YMA member zawng zawng tel vek turin kan insawm a. Tin, Section intihsiakna hrang hrang kan neih hunah pawh Section aiawhte \awiawm hi member-ten kan mawhphurhna a ni tih i hre thar leh ang u.

Editor Jt.Editors Asso. Editors News Editor

: : : :

Lalchuangliana Lalkulhpuia, Lalhmangaihzuala, Vanlalhmangaihi (Treasurer) P. Dengthanga, Francis Lalnunmawia, Jonathan Ramropuia John Zoliantluanga, K. Liansanga, C. Lalfamkima

Correspondents Lallianpuii Renthlei, Lalthansangi Selsa, Lalmalsawmi, Lalrindiki Fanai, Zothanmawii, C. Lalchhanhimi, P.C. Lalhruaitluangi, C. Lalnunfela, Lalmalsawma, David Lalremruata, Jessy Lalngura, Lalnunmawia, Lalthangkima, Zothansanga, Lalmuanawma O.B. IN CHARGE : K. Lalthanmawia (Secretary)

Lammualah kan veng chhung mite tan One Day Football Tournament khelh a ni a, \halaite football-a kan tuihalzia a lang a, puitling lam pawhin football an ngaih pawimawhzia an pholang bawk. Tournament a hlawhtling a, a buaipuitute an fakawm. He tournament a\ang hian Electric Veng mipuiten a \ha zawnga ke kan pen hreh lohzia leh naupang zawkte \hatna leh hlimna tur a nih chuan insenso kan hreh loh tih a hmuh theih a ni. Chhungkaw tam takin \halaite tihphurnan an sum sengin Football jersey an lei a, player-te ei leh in tur chenin an ngaihtuahsak a, chu chuan Veng mipuite hi awmze neia chawhphur kan nih chuan kan tlanchhe ngai lova, kan \angrual zawk \hin tih a entir awm e. Kan Veng naupang zingah football-a beiseiawm tak tak an awm. Football hi eizawnna tlak a nih tawh avangin awmze neia enkawl hi nu leh pate mawhphurhna a ni. Heng naupangte tuina hi a reh mai lohnan Veng aiawha an khelh theihna tur hun \ha a tam thei ang ber siamsak ni thei bawk sela. Football hi India ramah hian inamna thil chauh ni tawh lovin ei hmuhna thil a nih tawh avangin kan fate tuina zawng a nih phawt chuan lehkhazir tluk zeta hlu leh pawimawh a ni.

Ni 19.5.11 (Ningani) khan CYMA leh I&PR \angkawpin I&PR Auditorium ah Branch YMA chanchinbu enkawltute tan Media Workshop a buatsaihah Pu Vanlalauva (Literature Sub-Committee Secretary) chuan report a pe a. Branch aiawhin Pu K. Lalthanmawia a tel. Ni 16.5.11 (Thawh\anni) zing karah Hall-a thingzai thiarin hnatlang koh ani a, mi 47 an thawk chhuak. Branch President Pu C. Vanlalchhuana chu chhungkaw thilah Shillong-ah a zin a, dam takin a lo hawng leh ta. Branch Adviser Pu Lianzuala te chhungkua chu Kolkata ah check up in an kal. Tv. Lalnun\awma Fanai Sec-II (B-7) chuan a lehkhabu ziah Thangchhuah Tlang tih bu hnih chu Branch YMA Library-a dah turin a pe a, a chungah hruaituten lawmthu an sawi e.

Section I
Ni 18.5.2011 (Nilaini) zan khan OB te an \ hukhawm a, YMA Day denchhena section inelna tura an section aiawh turte an ruat.

Section II
Ni 24.5.11 (Thawhlehni) hian zan dar 7:00 pm a EYMA Sport neih tum Marathon a tel turin SectionII YMA member zawng zawng ngen leh hriattir an ni. Ni 26 & 27 (Ninga leh Zirtawp) zana Arm Wrestling leh Table Tennis-a intihsiak turah member zawng zawngte kan section aiawh te \awiawm turin EYMA Hall-ah kal vek tur a ni. Ni 28.5.11 (Inrinni) zingkarah section bungrua enfel hnatlang neih tur a ni a. Member zawng zawng te hnatlang turin kan inngen a ni. Kailuiah innghahkhawm tur a ni.

LAWMTHU SAWINA
Pu R.K Romana, Sec-V (B-1) in luah G.C Dey & Grandsons dawr neitu chuan Rs. 1,000/- leh Pu Malsawmthanga, Sec-V (B-1) in luah Eastern Trading Agencies neitu chuan Rs. 2,000/- YMA Day-a chawimawi turte pualin an rawn hlan a, lawmthu kan sawi e. K. Lalthanmawia Secretary, EYMA

Section III

Thlan lai titi

Kan veng chhung kawngpui zingah hian Church Street phei tluka vantlang kawng dip zawnga insakna bungrua leh Motor dah tamna hi a awm kher awm lo ve, kan changkanna leh hmasawnna te hian midangte tan harsatna siam kher lo se ti in Thlanlai ho chuan duhthu an sam nasa hle!! Thlanmual awmna khu lirthei nei ve lo tan chuan a hla tham ta deuh ni in a lang a, Thlan laia thawk chhuak thinte lam tur Motor tirh ni thei ta se chuan ke a haw ngai bik \hinte hi an va lawm dawn em!!

YMA Day Puala Section intihsiakna tur atan an inbuatsaih ngawrh hle.

Section IV
Section huam chhunga name plate la neilote tana name plate an siam chu an peih fel \ep tawh a, lo nghak hram hram turin an ngen.

Section V
Ni 20.5.11 (Ninga) zan khan Pu R.D. Sangkhuma in-ah Section Executive committee an \ hukhawm a, YMA Day intihsiakna tura an Section aiawh turte an ruat.

President V. President Secretary

: C.Vanlalchhuana 9436158138 : Vanlalauva 9436155098 : K. Lalthanmawia 9862587424

YMA Branch Ofce Bearers

Asst. Secretary Treasurer Fin. Secretary

: Vanremsanga : R. Lalrammawia : C. Lalrokhuma

9774008274 9774096646 9436140082

Vol. 18 No. 16 TUITU : ELECTRIC VNG : AIZAWL : 22 TOMIR THLA 2011 (PATHIANNI)

Khawtlang nun siamsual

Don YMA meuhin khawtlang nun siam \hat kum a puang leh ta. Siam \hat ngai a nih tawh hi chuan siamsualtu leh tidik lo tu chu an awm ngei ang a, a chhan tam tak awm thei zinga pakhat chauh in chhui zui teh ang. National Policy on Education (NPE) 1986 chuan, Khawtlang hian zirtirtute chim chin bak aia sang a thleng thei lo a ti mauh mai. Tun a\anga kum 15 20 lo awm leh tura India ram awmdan tur chu tunah hian zirtirtuten classroom-ah an buatsaih mek a ni tih ziakte pawh a awm. Zirtirtute mawhphurhna an dah sang ngei mai. Mahse a sawi hi a dik khawp asin. Tuna kan khawtlanga ofcer rawn ni ta tan te, zu ngawl rawn vei tan te, Kohhran Thalai hruaitute, kawngsir a \hu mai mai te, Kohhran hruaitute, ruihhlo ngai te thleng hian NPE an ziak lai vela school naupang ni an ni tlangpui. Hei hian zirtirtute mawhphurhna sanzia a tarlang. Mizoram Youth Commission Chairman chuan, Zirtirtute hian \an in lak nasat hle a ngai, in naupangte hi siam fuh hram hram tum ang che u tiin a biala zirtirtute a chah a ni. Ngun taka ngaihtuah chet chet hian, YMA kumpuan hian zirna lama inhmang leh inhnamhnawih zawng zawngte hi min timualpho a ni tih a lang. Zirna lama inhmang leh inhnamhnawih ve apiang chu min huap tel bawk. Huai taka kan sawi ngam chhan chu khawtlang tana hnawksak te, mi tangkai te, khawtlang nun siam \hat ngai khawpa siamtute zawng zawng hi zirtirtute kutchhuak an ni tlat a ni; nu leh pa mawhphurhna sawi bo chuang hauh lovin. Naupangte hi khawvel changkang takah an awm mek a, thil thar an hre zung zung a, mobile phone leh computer rei lote ah an thiam nghal mai a. Anmahni zirtirtute kan hlui tial tial a, sms pawh en thiam mang lo, min rawn betute number lo dah \hat dan pawh thiam lo kan kat nuk a, kan naute khawvel hman kan umphak lo mek a ni. Naupangte tana siam textbook chu kan hneh a, kan thiam bel a, classroom a ken luh pawh a ngai tawh lo. Mahse hei hi chu naupangte zir tura siam chauh a ni. Zirtirtute zir ve tur, kan text book ve-naupangte erawh chu kan bel tak tak thei ta lo. Kan naupangte mamawh tak tak kan thlenpui theih loh avang hian min ning a, hlui min ti \an a, kan zirtir an ngaithla peih lo \an a ni. Curriculum zau tak hi textbook hmang chauha hriat kim tir kan tum a, an thiam leh thiam loh endikna atan lah exam chiah kan hmang a, hei hian naupang khawvel a thleng phak tawh lo. Zirtirtute hmasawn tumin \ang ila, kan zirtir naupangte tana a \ha ber hlui thei turin puanven sawichhing ila, khawtlang nun i siam \ha ang u.

Rajya Sabha-ah hausa tam

India ram rorelna sang Rajya Sabha-ah khuan mi hausa tawntaw (crorepati) 43 lai an awm. An sum neih zawng zawng chawhrual chu Rs. 25.24 crore a ni. An zinga hausa ber chu Vijay Mallya a ni a, Rs. 615 crore a nei.

Hel beihna tam

Chhattisgarh state chuan Maoist helte beihna an tuar nasa hle a, July 2007 leh July 2010 inkar khan Maoist beihna hi \um 1,948 ngawt an tawng. Heng inbeihnaah hian tualchhung mi 1448 leh police 435 ten nunna an chan a ni. Inbeihna tam zawk hi chu Baster Division a thleng a ni.

Neih inang innei hmasa ber

India rama vantlang hriata neih inang innei hmasa ber chu Sandeep Soibam (25) leh Nikhil Sharma (28) te an ni a, April 2010 khan Manipur-ah an innei a ni. Mipa ve ve an ni a, an inneihna hian a daih rei lo hle a, ni 2 hnuah an in\hen lehnghal.

EVM hmasa ber

India rama Electronic Voting Machine (EVM) hman hmasak ber chu April, 1982 a Kerela Assembly by-election-ah a ni. He EVM hi Electronics Corporation of India siam a ni.

ISD hmasa ber

Telephone hmanga ram dang biakna International Subscriber Dialling (ISD) hi kum 1976 a hman \an a ni a, call hmasa ber chu Bombay leh London inkarah hman a ni.

Rs. 525 in chi lei

Mahatma Gandhi leh a hnungzuitute kha April ni 6, 1930 khan tuinriatah an inbual a, an inbual zawh chuan tuinriat tui chu tlem an dah \ha a. An tui dah \hat chu an chhuang so a, chi gram 5 lai a lo chhuak a. He chi hi meeting an neih \umin an lilam a, Ahmedabad-a sumdawng pakhat chuan Rs. 525 in a lei a ni.

State thar
Kum 1963 khan Nagaland chu State puitling ni turin Assam a\angin a inla hrang a. Kum 1972 ah Assam a\ang bawkin Meghalaya chu State hran ni turin a indang leh a, hemi rual hian Mizoram pawh Union Terrirory-ah puan a ni ve nghal a. Kum 1987 khan Mizoram chu State puitlinga dah a ni veleh a ni.

Mawi leh Thianghlim Khawhar In-a thingpui sem nula ten, thingpui sem laia an sam mawi tak thlah hnuang lova, an \ awn fel thlap hi a fel fai a, a mawiin a thianghlim hle a ni

Item 1 2 3 4 5 6 Marathon Table Tennis Arm Wrestling Football Inkawibah Beat Group Lengkhawm Zai Quiz

Date 24.5.2011 (Zan) 26-27.5.2011 (Zan) 26-27.5.2011 (Zan) 4.6.2011 (Nileng) 10.6.2011 (Zan) 15.6.2011 (Chhun)

A Hmun E.YMA Hall kawt E.YMA Hall E.YMA Hall A.R. Ground E.YMA Hall E.YMA Hall

15.6.2011 (Chhun)

E.YMA Hall

15.6.2011 (Chhun) 5.6.2011 hma-a thehluh tur 5.6.2011 hma-a thehluh tur

E.YMA Hall

Essay

10

Poetry

Vol. 18 No. 16 TUITU : ELECTRIC

VNG : AIZAWL : 22 TOMIR THLA 2011 (PATHIANNI)

CENTRAL Y.M.A. HRIATTIRNA

1. Central YMA leh Fire & Emergency Services Department \angkawp buatsaih Article inziahsiak chu May, 2011 chhung thehluh theih a ni e. He article thupui hi Senmei a hrang lua e tih a ni a, word 2000 - 2500 inkar tur a ni. 2. Central YMA Ofce-a thawk turin Computer Operator thiam tak mamawh a ni a, hlawh chu thlakhatah Rs. 5,000/- (Fixed) a ni ang, dil duh chuan Plain Paper-ah ziakin ni 27th May, 2011 hmain Central YMA Ofce-ah thehluh tur a ni. Dilnaah hian Bio-Data ziah lan tur a ni a, Branch YMA Recommendation thil tel tur a ni. Ni 30th May, 2011 dar 1:00 AM-ah Central YMA Ofce-ah interview neih tur a ni. 3. Central YMA Free Computer Centre-ah zir tan Admission a tih theih a, Admission Form hi ni 23.5.2011 thleng lak theih a ni. Ni 30.5.2011-ah thehluh tur a ni. Ni 31.5.2011-ah Interview neih a ni ang. Diltu chu HSLC passed chin an ni tur a ni. Hemi chungchanga hriatchian duh nei chuan Pu Lal Rimawia, Secretary, Documentation & IT Sub-Committee, Central YMA (Phone - 9436140005) emaw Central YMA Ofce-ah emaw zawhchian theih a ni e. 4. Central YMA hnuaia IGNOU Special Study Centre-ah Bachelor Preparatory Programme (BPP), B.A. zirna kailawn leh Certicate in Disaster Management (CDM) te May 30, 2011 thleng admission a la tih theih a, zir duh ten a rang lama ngaihven chi a ni. (a) Bachelor Preparatory Programme (BPP) Duration - 6 Months Fee - Rs. 1,000/(b) Certicate in Disaster Management (CDM) Duration - 6 months Fee - Rs. 1,700/Admission fee hi hmuh ler leh vek theih a ni a, lehkhabu a thlawn a dawn a ni bawk. Hre chiang duh tan Central YMA Ofce-ah emaw, Coordinator Dr. C. Lalthlengliana (Ph:9612163379)-ah zawh ah theih a ni e. Sd/- Lalbiakzuala General Secretary, Central YMA Pem lehkha chungchanga

RETAILER HNA RUAK

Electric Veng Retailer I&II te term a lo tawp dawn tak avangin Retailer hna thawk duh tan Ni 26.5.2011 (Ningani) hmain DCSO (E) hnenah emaw Pu S.T. Manga, Local Council Chairman hnenah emaw dilna thehluh theih a ni e. Sorkar-in Retailer te kaihhruaina, Ration chi hrang hrang sem dan tur ruahmanna a siam zawm thei lo tur tan dil buai a ngai lovang. Sd/- Lalchhuana Renthlei Member Secretary Electric Veng Local Coucil

M.U.P NEWS
Kan Veng MUP hruaitu Hqrs-a chanvo pekte: 1) Pu H. Raltawna: President, Mizoram Civil Pensioners Association. 2) Pu C. Lianzama: MUP Hqrs Executive & SocioCultural sub-committee member 3) Pu Lalchungnunga:Charity Fund Board member. MUP Hqrs. lehkhabu siam ngaihnawm leh \ angkai zel tur mi chi hrang 32-in buai laia an thil tawh ziak khawmna RAM BUAI LAI LEH KEI tih bu lei theih a ni ta. An rawn zuar dawn e. Chan loh hlau chuan Pu Lalchungnunga MUP Secy. hnenah kal vat mai tur.

E.F.C Hriattirna leh Ngenna

E.F.C buatsaih Dosavunga Memorial One Day Football Tournament a team tel zawng zawngte TEAM THLALAK kha E.F.C. sumtuaknana ruahman a nih angin team tinte tlawmngaia khul \heuh turin kan ngen a. Pu Marova Dawr (Mars Photo), E.YMA Building-ah lak theih a ni e. Gen. Secretary, E.F.C.

Advertisement

Fakna

OPEN SCHOOLING (NIOS) ELECTRIC VENG

8th Batch Cl X-XII zir tum tan admission kan hawng leh tawh e. Zing karah chauh class kan kal. Kan study centre hi zirtirtu pahnih khat lekin ni khata period hnih vel an in lak kual chhawk mai mai ang kan ni ve lo a nia. Tuk khatah class tin hi period thuma \henin awmze nei takin zirtirna kan pe. Zirlaibu lei a ngai lo. Kan chah a thlen veleh kan sem mai. Class \an hun - 3rd June, 2011 7:00 AM Admission tih hun - 6:45 am - 8:00 am A hmun - Wimberg English School

HRIATTIRNA

Electric Veng chhunga cheng, pem lehkha neilote chuan June thla ral hmain pem lehkha an nei (3-1) ngei ngei tur a ni. Veng chhunga in luah tur neite chuan, an Zoram Plastics in luah tir an tumte chu Section hruaitute kal tlangin Plastics tuizem chi hrang hrang, Motor bumBranch YMA-ah phalna an la hmasa tur a ni. per, Radiator cover, Diesel Burell leh Plastics lam Pem lehkha neilote chu Electric Veng ch- chi reng reng kan repair thei e. hunga awm kan phal lo a ni. Zo-Plast Secretary 9612378348, 9862376507 E.YMA
Published and Edited by Lalchuangliana on behalf of EYMA, Printed at the Gilzom Press, Electric Veng, : Copy 1100.

Aizawl