LAWRKHAWM

Sermon
Vol No. XIII | Issue No. 652 | Pathianni Kar tin chhuak | Date : 28
th
September, 2014
Kum 2014 Branch Thupui : I Puan In zauh rawh Isaia 54 : 2
Pathian ram
Vawiin ni 28.9.2014 hi
Pathian ram chiar hun alo
ni leh ta a, Kohhran
mipuite Pathian ram ip
thehlut theuh turin kan
inhriattir a ni e.
Naupang Inkhawmpui
21.9.2014 khan Chhinga
Veng Pastor Bial Senior
Department Inkhawmpui
chu Chhinga Vengthlang
Kohhran Biak Inah neih
a ni a, he hunah hian hla
leh Quiz hmanga
intihsiakna neih a ni a, kan
Kohhran Senior
Department te chu
Tuithiang Kohhran nen a
pumpuiah pakhatna an ni.
Beihrual
Vawiin chawhnu leh zan hi
Kristian Chhungkaw
Campaign in Nu leh Pa ni
leh Kristian chhungkaw
ni a hman tur a ni a,
Speaker atan Rev.
J onathan Pachuau a ni
ang. Chawhnu inkhawmhi
Kristian chhungkaw ni a ni
angin chhungkua a thut
theuh tur a ni a, Kohhran
mipui ten i ngaipawimawh
ang u.
Faith Promise
28.9.2014 KTP Tawngtai
I nkhawm hian Faith
Promise hlan tur a ni a, a
khawntu te leh member te
thilpek lamah tan i la thar
leh ang u.
Trinity thurin hi kristiante thurin laipui a ni. Karl Barth-a chuan, Trinity thurin hi kristian
thurin tobul leh innghahna a ni a, chuta tang chuan thurin dang hi siam chhuahin a awm
a ti. Chutih lai mek chuan thurin harsa leh hriatthiamharsa ber a ni thung si. Wilber Smith-a chuan,
Trinity hi hriatthiam I tum chuan I rilru I hloh anga, I hnawl chuan I thlarau I hloh ang
a ti tawp mai a ni. Pathian nihna ril sawifiahna a nih a, mihring tawng famkimlo tak hmanga a
sawifiah a ngaih bawk si a vangin inhnialna tawp thei lo a ni kan ti thei awme. Pathian hi mihring
finna leh thiamna hmanga chhuichhuah rual a ni lo, mahse chu chuan engtikahmah Pathian hi
hriatthiamtheih a ni lo tihna chu a ni lo. A inpuanna atang chauhin mihringten Pathian kan hre thei
a, mahse mihring famkimlo tak hian a inhriattirna thuk tak chu a pawh pha zo tak tak lo a ni.
TRINITY
Enge a awmzia? Trinity (Pathian pakhat a
minung pathum) tih hi Latin tawng Trinitas
tih atanga lak chhuah niin Tertuliana
chherchhuah a ni. Pathian pathuma awmtihna
ni lovin, Pathian sawina vek pathuma awm
tihna a ni. A tirah chuan miten hriatthiamharsa
an ti a, mahseBiblea Pathian in puan chhuahna
kan hmuh dan a ni miau si. Pathian pakhat a
minung pathum: Pa leh Fapa leh Thlarau
Thianghlimte hi hnathawh hrang nei mahse
pumkhat ni si an ni. Pa chu Fapa hringtu leh
chhandamna hna thawk tura tirtu a ni a, Fapa
chu chhamdamna hna thawktu ani, Thlarau
ThianghlimPa leh Fapa ata lo chhuak chu
chhandamna hna thawk chhunzawmzel tura
Pa leh Fapa in an tirh a ni.
Engtin nge Bible-in a sawi? Trinity thumal
hi Bibleah kan hmulo, mahse Bible hian chiang
ememin a tarlang thung si a ni. Thuthlung Hlui
lamah a zia rang tamtak kan hmu a, Pentecost
ni a Thlarau Thianghlimlo thleng khan chiang
leh zualin tarlan a lo ni ta a ni.
Thuthlung Hlui-ah Pathian chu Pakhat
a nih thu kan hmu (Duet. 6:4), Pathian dang
reng reng an awmlo (Duet. 5:7). Helai a Pakhat
tih hian chhiarkawp dana pakhat tih aiin Amah
ang thil dang an awmlo a, awmze danglambik
a nei tihna a kawk a ni. Trinity zia rang Thuthlung
Hlui-a kan hmuh hi tarlan vek sen a ni lo a,
tlema zawng lo tarlang ila: Hebrai tawnga
Pathian sawina ELOHIM hi pakhat ai a tam
(plural) a ni. Gen. 1:26 ah Pathian sawi nan
Kan hman a ni a, Gen. 1:2-ah pawh Pathian
ti mai lovin Pathian Thlarau tih kher a ni. Gen.
18-ah Abrahama tlawhtu Pathian sawi nan
LALPA (Yehwah) hman a ni a, mahse
Abrahama hmaah mi Pathuman lo dinga, a tu
ber nge tawng sawi lovin LALPA (Yahweh)
zel a sawitu sawi nan hman a ni. Isaia 6:3-a
thianghlim vawi thumhman nawn hian Trinity
kawkin Pathian thu thiamte chuan an sawi.
Thuthlung Thar-ah pawh Pathian chu
Pakhat chauh a awmthu sawi a ni (Gal. 3:20,
Rom. 3:30 etc.), mahseThuthlung Thar ziaktute
hian Pathian chungchang an sawiin Pa Pathian,
Fapa Isua Krista leh Thlarau Thianghlimin
pumkhatna laman awn vek a ni. Trinity thurin
tarlanna kan hmuhna hi sawi sen a ni lovang,
tlema zawng tarlang ila: Isua baptisma chan laiin
(Mt. 3:16). Paulan malsawmna a sawiah (II
Kor. 13:14). Isua thupek ropui kan hmuhah
(28:19). Tirhkoh Thoma chuan Ka Lalpa leh
ka Pathian I ni tiin Lal Isua Pathianna puang
chhuak. Thlarau Thianghlimhi Pathianna
chungchangah Paula chuan Lalpa chu Thlarau
a nih thu a puang chhuak a (II Kor. 3:17), Amah
meuh sawisel phei chu ngaihdamtheih an nih
loh tur thu kan hmu (Mt. 12:31). Fapa Isua
Krista leh Thlarau Thianghlimte hi Pathian,
minung an nih thu Biblein min zirtir avangin trinity
hi hnawl theih a ni lo, Bible vekin Pathian pakhat
a awmthu min zirtir bawk si avangin Pathian
pakhatah minung pathuma awma ni tih hi pawm
loh theih a ni lo. Mihringte chhandamna hna
thawh a nih chungchangah pawh hian Pathian
pakhat a minung pathumte hi pawl khat angin
an thawk tlang vek a, an inkalh ngailo a, pumkhat
ni siin mize hrang an nei vek a, anmahni theuhah
nunna leh thiltihtheihna an nei vek bawk a ni.
Pathian pakhat a awmtih hi Muslim-te leh
Judate pawhin an pawma, mahse kan pawm
dan chungnung bikna chu Pathian chu pakhat
chauh ni mahse minung hrang pawl theih tur
chatuan mi Amahah hian hian an awma ni.
Trinity sawifiah tumtu thenkhat: Sabellian
Modalism an tihah chuan Pathianah chuan
minung pakhat a awma in lantirna kawng thum
a nei mai a ni an ti a, Thuthlung Hlui-ah Pa angin
Pro. Pastor P. Laltlanhlua
Lalpa Isua Krista khawngaihna te, Pathian hmangaihna te,
Thlarau Thianghlim awmpuina chu in zaa hnenah awm rawhse II Kor. 13:14
(phek 4-naah chhunzawm a ni)

PUAL

N
A
U
P
A

N G
Page 2
Lalrinkima
Lalnghilhlova
R. Zomuansanga
H. Lalengmawii
Agents Agents
EDITORIALBOARD
Editor : Lalnunzira - 8732078931
J oint Editor : Lalhmangaiha - 9856954021
Lalbiakzuala Sailo - 9774378954
News Editor : R.Lalhmunsanga - 9774395131
Contributing Editors : Lalramhluni - 9856149280
B. Lalthanzami - 9862360331
H. Lalhmachhuani - 9774367236
Lalmuanpuii - 8575158771
R. Zohmingliana - 8974589814
H.Lalremruata - 9615715528
Circulation Manager : Lallawmsanga - 9862800141
Vanlalzawni
Lalrinchhani
Debbie Lalmuanawmi
C. Lalthlamuani
VAWI I N SUNDAY SCHOOL ZI RLAI
Beginner : Mi hausa leh Lazara
Primary : Isaia
Junior : Europe ramah Chanchin Tha
Intermediate : Kohhran chhunga awmpawimawhna
Sacrament : Zirtirna dik leh diklo
Senior : Ringtu mawhphurhna- rethei tanpui
kawngah
Puitling : Thuruk puanna
Kohhrana kan rawngbawlna chi hrang hranga
kan chet velna ah hian sum leh pai kan mamawh a.
Kohhran memberten kan sum thawh khawm bak lo hi
chu Kohhran hian sum hnar dang a nei chuang lova,
kan sum leh pai thawhkhawm hi Pathian ram zau nan
leh Kohhran alo than a, alo ngialngheh zel nan tangkai
takin hman thin a ni.
Mi thenkhat chuan sawma pakhat hi Kohhran
a chhun luh vek lova, thildang tangkai a kan ngaih
rethei tanpui te,damlo kan nan te leh fahrah te hnena
pek te hi kan sawi mawi zawk thin a. Amaherawhchu,
Bible chuan, Ka inah eitur a awm theihnan sawma
pakhat zawng zawng chu tahwhlawm inah rawn la
rawh u, (Mal.3:10) a ti a. chuvangchuan, sawma
pakhat hi chu Pathian hnenah a ram alo zauh zel nan
kan chhung lut ngei ngei tur a ni. Kan Lal Isua pawn
pe turin min phut tlat a ni.
Biak In kan sa mek a, sum tam tak hman ral a
nih mai bakah loan rulh tur sum tam tak thlatin hmanral
a ngai thin. Heng ah te hian Kohhran in a kan
thawhkhawm bak sum hman tur a awm chuanglo tih
hria ila, sawma pakhat kan pek bakah hian kan
rawngbawlna peng hrang hrangah hian hmasawn i tum
ang u. Pe rawh u, tichuan pekin in awm ang min titu
kan Lal Isua chuan ama tana kan inphalnna leh kan
inpekna te hi a hai dawn lova, a let tam takin rulh min
tiam zawk a ni.
Kan theih ang tawk kan thawhkhawm theuh
hian a nei deuh leh neilo deuh kan inpeizawn tlanga
chu chu Kohhran ropuina, ngialnghehna leh alo
nawmna tak pawh a ni.
1925 atangin a nih hmel e. (Presby. Oct. 1920 No.25,
Oct. 1921 No.33, Assembly 1925 Jan No. 18)
THU ZIR : Standing Com. rel angin kum1937 atangin ram
pum huap thu zir bik siamtan niin a lang, Kan Kohhran
kum tin Beihrual hi fel zawka kan tih theih nan Beihrual
programme rampumtan siamila, kan subject chu Insumna
thu lam nise (SC dt.28.6.1937 No.7). Mizoram buai
avangin rampumhuap zir tur siamloh tuma awma, hengah
hian mahni Kohhran remchan anga buatsaih leh hman a ni.
Hapta hmasa ber Ramthar hapta hi 1981 atanga hman tan
a ni a, Hapta lina Kristian Chhungkaw hapta hi 1983 atanga
hman tan a ni.
BEIHRUAL THLA HMAN DAN TIHDANGLAM
RAWTNA:
Aizawl West Presbytery-in Beihrual thla hman dan
tihdanglam a rawtna chu 2001 Synod chuan tha tiin SEC
bawhzui turin a dah a ( 2001 Synod Gen.5) Questionaire-
te siama ngaihdan hrang hrangte lakkhawm anih hnuah
tihdanglamdan tur hetiang hian rel a ni :
1) Beihrual hi September thlaah hmang zel ila.
2) Tualchhung Kohhranin remchang leh tha atih angin
Biak in leh in lamah hman pawlh thin a ni ang.
3) Thupui hi rampum huapin Synod-in ala siam zel
ang a, amaherawhchu a thupui leh Bible chang tarlan bakah
a kaihhruaina thuziak hi chu tuna kan hman lai aia tawi fel
zawka siamtur a ni ang.
4) Mahni Kohhran tan tangkai leh sawt zawka hmang
duhte tan zau zawka zalenna pek a ni ang.
5) Kan Kohhran hmalakna pawimawh - Kristian
Chhungkua, Ramthar leh vantlang nun siamthatna ( Social
concern) lamthilte hi hlamchhiah loh tur a ni ang.
( SEC 185: 7; SEC 186:7; SEC 187:29)
(Article chhunzawmna)
ZAN KHAT IN A TLAI
Nula pakhat hi Revival Meeting-ah a kal a, a sualna
chu sim turin an nawr a, a sual zia pawh Thlarau in a hriattir
avangin pawi a ti hle a, sim pawh tulin a hria a. Naktuk
zanah Lalpa chu ka zawng leh ang a, chumi hunah chuan
simin ka piangthar ve ang , a ti a. A tukah khan lamnaa kal
a tum tih a nun a hria a, a remti lo hle a. A ni lah chuan, Thih
leh thih, ka kal reng reng dawn, a ti tlat mai si a.
Pindan chhawng chungnungah inchei turin a chho ta
a. Chumi hnu deuhah chuan Tlangval pakhat, lamnaa nula
hruaitu tur chu alo thleng ta a. A nu a ko vak vak, chhangtu a
awmlova, a nu chu pindahah chuan a han chhova, alo thireng
tawh mai a ni tih a han hmu ta a. Darthlalang bulah a lo thu a,
ribbon a lo suih tawh a. Mahse, nunna a nei tawh lova,
mitthi ruang mai alo ni ta a. Zan khatin a tlai a, a thlarau
pawh a boral ta a ni.
(Jacoba 4:13-15, I Petera 1:24,25)
Zaninah i nunna chun thihna ko tlangah,
A tawlh liam mai thei a sin!!

Page 3
Isua Krista rinna leh Amah anna kawnga thalaite hruai Kohhran Kutke ni tura thalaite buatsaih
Kohhran hnathawh tihpuitlin Krista Chanchintha puandarh
K.T.P THIL TUMTE
THUHMA : Kum 1894-ah Chanchintha kan dawng a, kum1906-ah Harhna tumkhatna a lo chhuak a, a tumhnihna
pawh kum 1913 ah a lo chhuak leh a, ringtu an pung hle. Mahse hun engemaw chen hnuah harhna chu a lo reh a,
Kohhran a lo nguiin a lo chaklo leh ta, rinna kawnga an la ngheh tawk loh avangin han ban leh puk puk te a awm a,
khawvel miten nuihzatin Pathian thu awih leh aichhia chuan thal an hua a nia an ti thin. Mahse, mi engemawzat rinnaa
mi nghet leh rinawman awm a, phurna hloh mahse thahnemngaihna hloh lovin an thawk zel a. He Harhna hnua Kohhran
han ngui leh chuan mi tamtak hnungtawlhna leh zuaina a siam mai bakah, thawhlawm pawhin a tuar nghal a, 1917-a
Tirhkoh tirh chhuah 7 chu thawhlawmin a daih loh avangin an hlawh bi cheng 10 chu cheng 8/- a tihhniama ni a. Tichuan
ringtute intihchak tawnna leh ringlote beihna chu hnapuia neih an duh ta a ni. ( Mizo Kohhran Chanchin Rev. Saiaithanga
phek 54-56, 58)
ARTICLE
BEIHRUAL NEIH A NI TA : Hetih lai hian Mizoram
Hmar chan pum pui hi Khasi Synod hnuaiah Presbytery
pakhat kan ni a, kum khatah vawi hnih ( March & Oct )
Inkhawmpui an nei thin a, March 15 - 18, 1918 Presbytery
Inkhawmpui Aijal-a neih chuan hetiangin a rel a
Kristian Beihrual-na hi June, 1918 a hian lo awm
tan turin kan ruat a. Thla chawhma lamchu mahni Kohhran
ho tan a, in tih chak na tur leh in tih thianghlimna leh in tih
ngah lawk na atan kan hmang theuh ang a, tin, thla chawhnu
lamchu ringlo te tan a hman tur ani ang, mi hruai hram turin.
Tin, Kohhran tin in an thawh-zia dan theuh tur an ngaihtuah
ang.
(Presby. 1918 No.10, Kristian Tlangau May
1918 phek 94 )
Rev. Sandia pawhin hetiang hian hriattirna a chhuah a-
Hmar-Chan Presbytery thil-tih chhiar ilang-in, thil
pawimawh ememan ruat a ni. Tun June thla chhung hian
Hmarchan khaw-tin-ah Pathian Ramtizau turin leh Isua mi
zawng zawng tithianghlimturin kan beirual ang. Hetiang-in
tunlai-in India ram pumpui-ah an ti mek a ni. Malsawmna
tamtak an hmu tawh a ni. Tin, unaute u, heng thil hi hriatreng
a tul a ni. Kan beihrualna hi ti tha tur leh Pathian hming ti-
ropui turin, heng thil hi i ti ang u :-
a) Nashatak-in tawngtai-in Pathian malsawmna kan
dil tur a ni, June thla hma pawhin rei fe an.
b) Kan ngaihtuah fo tur a ni.
c) Kan in-en tur a ni. Kan rilru kan buatshaih tur ani.
Sualna zep ilangin malsawmna a dal ang. Isua hnena fel takin
kan inpe tur a ni.
d) Engtinnge beihrualna hi kan tanpui theih ang, kan
ngaihtuah tur ani. Tin, a tumna ber kan hre reng tur a ni.
Hapta hnih hmasa chhungin, kohhranho mi ti-harh leh ti-
thianghlimturin kan beihramang. Tin, chu mi hnuah chuan
awihlote hnena kal-in kan bei-rual ang. Heng thil pahnih hi
kan Pathian duh zawng ani tih kan hria. Taimatakin i ti ang
u. Tin, kan Kohhranho tin in malsawmna ropuitak an hmu
ang tih kan beisei. Beihrual thatna tur chu tawngtaiin i dil fo
ang u. (Kristian Tlangau May 1918 phek 99)
Hemi tuma an hman dan Lalhnawka khua Lungsum
leh Lalzika khua te chuan an report bawk a, a ngaihnawm
hle ( Kristian Tlangau Sept 1918 phek 172, 180) Aizawl
hmuna an hman dan report Sandia Sap leh Liangkhaia te
ziak hetiang ani:
..... June nikhat zan atang khan inkhawm kan lo
tan ta a, Pathian in mal min shawm shak a, keini Kohhran a
mawi lovin kan inkhawmchu kan lo hlim ta hle mai a, zan
khat zan a pang chuan inkhawmkhamlovin kan lo tin ta hial
mai a; chumi Kohhran chhunga inkhawmchhung chuan, mi
in ah emaw, Biakin ah emaw inkhawmmah ila, kan hlimhle
fo thin a, uar hauh lova shawi pawhin hlim reng rengin kan
tumtla, tih theih a ni e.
Tin, thla chanve a lo ral dawn Pathianni vawi thum
zan ah chuan Inpumpekna inkhawm kan nei a Chu mi
inpumpekna ah chuan Inpumpekna lehkha an ti a, Pathian
hnena kan thu tiamzawng zawng kan lo thlah thlamtawh shi
kha chawk harh leh turin In tiamna lekha te tak te mi zawng
zawng hnena an shem a. Tin, mi pakhatin Pathian hnena
inpek tharna lamthu a shawi a; han ngaih thlak meuh chuan
kan Pathian thu awina hi a lo pan deuh tak a lawm maw !
tiin kan in shit theuh mai a Tun hma lamai kha chuan ka va
bei nasha deuh tawh dawn em kan ti rilru theuh a ni. Tin,
thu shawi zawh a chuan In-pum-pek thawh-lawm an ti
a,thawh-lawmkan upa ten an khawn bawk a, chu tah pawh
chuan ni dang ai chuan kan thawh tam zawk theuh a ni awm
a, chu mi tummaiah chuan cheng 14/- lai kan ngah a. Tin,
chu tah chin a chuan Pathian thu awi lo ho kan bei tan ta a.
Mi lian deuh in mi lian deuh an bei a, mi te deuh in mi te deuh
kan bei a, nula in nula, tlangval in tlangval, pitar in pitar,
putar in putar, naupang in naupang, mahni tumtawk theuh
kan bei a. Pathian in chakna min pek avangin tumahin hlau
lo leh zak lo leh ning lovin kan bei theuh va: ruah sur chung
te pawh hian kan bei zel a kan lawmememvek a ni...........
Khaw hrang hrang atanga Beihrual vanga hming pe thar
mi 344 an ni.
( Kristian Tlangau Oct. 1918 phek 194-195)
Hetianga June 1918 ah hlawhtling taka an hman
avangin October, 1918-a Champhai Hmunhmeltha khuaa
Presbytery chuan Beihrualna hi awmleh sela kan ti tlang
a, kum1919 September a ni ang, a tih dan tur chu hmana
mi ang bawk khan a ni ang. tiin a rel leh ta a ni ( Presby.
Oct. 1918 No.11 )
Ringtuten thahnemngai taka an tawngtaina leh an
beihna chu Pathianin mal a sawm a, kum 1919 ah chuan
Harhna tumthumna a lo thleng leh ta nghe nghe a nih kha.
HMAN HUN : Kum 1918 ah June , 1919 leh 1920 ah
September, 1921 ah January ,1922 - 1924 ah April thlaah
te hman thina ni a, mumal taka September thla kan hman hi
BEIHRUAL HMAN TAN DAN - By Laldawnkimi, Archivist, Synod Office
(phek 2-naah chhunzawm a ni)
Published & Typeset by TheKristian Thalai Pawl : Chhinga Veng East Branch. Printed at T.M Offset, Canteen kual, Aizawl. Copies 180
Thiltha ti atan Krista Isuaah chuan siama awmin, Ama kutchhuak kan ni si a,
chu thiltha tih chu kan awmna turin Pathianin a buatsaih lawk a ni. (Ephesi 2:10)

Page 4
I N K H A W M P R O G R A M M E
Chawhma : Sunday School
Zirlai 36-na
Chawhnu
Thusawitu : Rev. Jonathan Pachuau
Zan
Thusawitu : Rev. Jonathan Pachuau
PATHIANNI KTP TAWNGTAI INKHAWM
Hruaitu : Tv. P.C. Lalremruata
Tantu : Nl. Lalngurtluangi
Faith Promise hlantu : Tv. Lalhmangaiha
Changvawn
Tupawh, sakhaw ngaihsak nia inringa a lei
veng tha si lova, mahni thinlung
inbumzawk chu, chumi
sakhaw biak dan chu engmah a ni lo ve.
BEIHRUAL PROGRAMME
29.9.2014 (Thawhtan)
Thupui : Thenawmtha nih
Tantu : Nl. T.C. Lalbiakdiki
Thupui hawngtu : Pu H. Khawlrodinga
30.9.2014 (Thawhleh)
Thupui : Khua leh tui tha nih
Tantu : Pu Lalbiakzuala Sailo
Thupui hawngtu : Pi P.C. Lalrinthangi
a in lantira, Thuthlung Thar-ah fapa angin, tun hunah hian Thlarau
Thianghlimangin. Hetiang anih chuan Isua Baptisma chan laia van
ata aw leh a chunga Thlarau Thuro ang fu kha ngai leh ngai a nih
chuan thil nuihzatthlak tak a tling ang. Aryan-a thung chuan Pathian
a minung pathumawma pawma, an in pumkhatna a pawmlo
thung a, fapa chu thilsiama nih avangin Pa aiin a hnuaihnung zawka,
Thlarau Thianghlimphei chu Fapa aiin a la hnuaihnung leh zawk a
ni a ti. Mercellus-a chuan Pathianah minung pakhat a awmtiin,
tlanna hnathawh avangin pathumah a in siama, khawvel tlanna
famkima thlen hunah pakhatah a lo chang leh ang a ti. Heng
sawifiahna chi hrang hrangte hi hriathiama awl viau a ni thei, mahse
Bible-a Pathian inpuanna kan hmuh dan a ni si lo. Hetiang zirtirna
hrang hrang hian kohhran hmasa kha a tibuai hle mai a, in hnialna
pawh a ti chhuak nasa hle a ni. Kum381 AD-a Constantinople-
ah heng buainate hi ching felin, trinity thurin hi hlawmfel a lo ni ta a
ni.
Enge a hlutna leh a pawimawhna? Trinity thurin hi a
hluin a pawimawh hle. Pathian nihna ze ropui Bible-in min zirtir
dan a ni a, kan Bible hi rinna leh thiltih tehna dik lo thei lo a pawmtu
tan he thurin hi a hnawl theih loh a, a in puanna pawh trinity atang
lo chuan hrilhfiah theih a ni lo. Karl Barth-a phei chuan, Pathian
chu Pa, Fapa leh Thlarau Thianghlim anga kan pawm
chauhin kan hnenah a in hriattir thin a ti. Pathian chibai buk
pawh hi trinity tello chuan a kimlova, chibai bukna tak tak a tling
pha lo a ni.
Trinity hi Pathian nihna leh chhandamna hnathawh
sawifiahna a nih avangin a pawimawh hle. Pathian fapa mihring a
channa, a tawrhna, Amah avanga Pathian nena kan in remlehnate,
Thlarau Thianghlimawmpui kan dawn zawng zawngte hi trinity
thurin atang lo chuan sawifiah theih a ni lo.
Trinity thurin hian nunho dan dik min zirtir. Pathian pakhat
a minung pathumte intluk tlang leh nihna thuhmun a inpawl tlanga
an in pumkhat ang hian keini Ama anpui a siammihringte pawh
hian, kohhran-a kan nunhona ah hian inpumkhata, inpawl tawnin
leh tumthuhmun a nung ho dial dial tur kan ni tih min hriattir. Trinity
inpumkhatna bul siamtu chu hmangaihna avanga mahni in pekna a
ni a, mahni intheihnghilha hmangaihna a in pawl ho hi inpumkhat
taka awmho theihna bul a ni. Moltmann-a chuan trinity thurin
pawmna kohhranah leh ramah chuan inrelbawl dan a synod-in a
democracy emema ni a ti. Lal bik leh thunei bik awmlo hi trinity
thurin hrinchhuah a ni an ti hial a ni.
A tawp berah chuan: Trinity thurin hian Pathian thu ril zia leh
Pathian nihna mihringten hriat sen a nih loh zia min hriattir a, chu
chuan mihringte tlawmzia leh famkimloh zia a tarlang chiang hle.
Mihringte hian khawvel thil mai pawh hi sawifiah thiamloh leh
chhutchhuah phak rual loh an nei tamkhawp mai, mahsechu chuan
chung khawvel thilte chu a tak tak a nihna a ti bo chuang lo.
Khawvel thil mai pawh chutiang a nih chuan Pathian ze ropui leh
danglambikna hi tungesawifiahin chhui chhuak vek thei teh lul ang
le! Pathian hi mihring sawifiah vek phak lek nise, biak tlakah kan
ngai a ngem? Kan hriat fai vek nise, kan Pathian atan kan duh
tawk a ngem? Sawi sen loh leh sawifiah phak loh Pathian kan nei
hi kan va vannei em! Pu Chawngkhupa chuan, Mihring mihrinna
hianin, a ngaihtuah chhuak zo lo va che a lo ti chhuak hial a
ni.
(Sermon chhunzawmna)
BIAK IN CHHUNGA INCHEI DAN TUR LEH
AWM DAN MAWI KAIHHRUAINA
(SEC. 235:20)
I. BIAK IN CHHUNGA INCHEINA
A. Mipa tan :
1) Pathian Biak inkhawmah mahni phak tawka incheina
kan neih that-te fel fai taka inbelin inkhawmthin ni se.
2) Rawngbawltute, Pulpit, Maichamleh Lectern vela hun
hmangtu tur chuan a theih hramchuan Kohhran mipui
pawhin Kohhran inkhawmzahawmna kawnga awm
an tihpui theih tur thawmhnaw inbel leh pheikhawk
bun te hi a mawi a, kohhran mipui ten inthlahdah anga
an ngaih theih tur leh awmlo an tih anga thawmhnaw
inbel loh hrama tha.
B. Hmeichhe tan:
1) Pathian Biak inkhawmah thawmhnaw thianghlimleh
zahawm pangngai tak inbel hi a tha-in a mawi a.
Kekawr hak te, kawr pan lutuk taksa lang tlang hak
te, kawr awmzau lutuk leh hnunglaminhawng zau lutuk
hak te, kawr ban bul lutuk leh tawt lutuk hak te hi a
mawi lova, hak loh a tha.
2) Pathian Biak inkhawmah puan bih emaw pawnfen
pangngai fen emaw hi a thain a mawi a, hei hi zawm
tlan ni se.
3) Hmai hnawih (make-up) hman hian hmel a ti mawi a,
a mawi tawk hman thiamerawh a tha.
4) Inneih ni a Mo incheina-ah hian a mawi leh zahawm
tawk ngaihtuaha inthuamni se.