Dokumentaryong Alkansya ni Kara David

Kinilala bilang Outstanding Televised Feature Story ang I-Witness documentary ni Kara
David na Alkansya sa 9th Lasallian Scholarum Awards na ginanap noong August 29 sa Makati
Shangri-La Hotel.
Tampok sa nasabing dokumentaryo ang kuwento ni Anthony, 12 years old na mula sa
Eastern Samar. Sa murang edad ni Anthony, namulat na siya sa hirap ng buhay. Kasalukuyang
nasa ika-anim na baitang, hindi ordinaryong bata si Anthony dahil sa kaniyang murang edad, namaster na niya ang kahulugan ng pagkayod.Sa umaga ay pamimingwit ng isda at pangongolekta
ng sea shells ang kanyang pinagkakaabalahan.
Sa hapon naman ay nagpupunta siya sa kabilang bayan para mag trabaho bilang isang car
wash boy.
Pero ang pinakamahirap na trabaho ni Anthony ay ang trabaho sa gabi. Habang ang ibang
tao ay himbing na natutulog, si Anthony naman ay walang pagod na lumulusong sa ilalim ng
dagat para maghanap ng sea cucumber na ginagamit sa pagluluto at pagtitimpla ng mga
traditional Chinese food at medicines.
Sa kabila ng kanyang paghihirap, barya-barya lang ang kapalit nito na siya namang
itinatabi ni Anthony sa kanyang alkansya. Pangarap kasi ni Anthony na makapag-ipon ng sapat
na pera para balang araw ay makapagtapos ng pag-aaral.
Sabi ni Kara David, malaki ang pasasalamat niya at naging tulay ang dokumentaryo
upang makarating ang tulong sa tulad ni Anthony.
May mga nagbahagi po ng kanilang munting tulong kay Anthony. At ngayon, scholar na
namin sya. Nag-aaral na siya at papasok na sa 2nd year high school. Hindi na rin siya sumisisid
sa dagat para kumuha ng sea cucumber.