Lla yesrusa usghun imula,tessufegh yamina Bengigi ca yegan
n ikrusen,ax it ttren a nettaweg xf sen, teâdilt i uraâ,yezri yeffegh ed ungal.S tlaghit tedja i twuri yu mi terzêm i têzri. S wammu, termegh tissal xmi, dekkren ayt tmurt, yezghen idis azêlmad n Ifriqya. Tighuri g umezwaru, yezri s temdjet g udêfar. Tasghunt dad tssiwel, tekked x uzêwa gher ujemmât n ughelluy, yiwdên ad yèhri m userbub, yadjax netcni agheyyul d waxxa nesmun ifadden, a nekka ghers, sar nmezray d uxub. Is ixfawen qqimen xef nex, zuren, ur nezmir i walu. Adûf ara gen iwdan i, yersed am tissam, yuker izêri.Bab n Lmikup, netta ur yeghiy ad yejber ayt ulemsi, yexess ad yeqqim d icc, s wagga nnes (seul) x tkermin. Al Hmd waxxa usin as ed, ayt taddart, yesmunehnid, yedder d azufri, d icc, am umeddakl, yezri g “ugdud n iwdan”. Aseâreq ikku g twala tamezwarut s irgazen,ffir n 1974, tiwêt twala n tesmunt n ayt taddart (groupement, foyer), ku argaz yeqqen ad yawi tilawt nnes, d lwacun kem llan, g tenfust tessnu Yamina g ungal nnes, tedju a nili mnid n idj ulemsi, g mi llant, sin irbayen d ict n terbat, tamettût d temghart, d umalu xmi ara nessiwel, netta yegu tanfust n temghart, yerzmen i izûran, gher tiwan yadênin. Tamghart, zeg ict n temnâtt, tegu wenna yessawadên aggwa i wenna ara ed yeddun, s idj wawal, tegu amezruy, allig ttusu, Tamara n uâraq g ussan n
tiwid akemmus, ahidûr, jeltîtâ, d usekkin n tenbât, as yellan g
iles yeqqejren, ur tssin ghas tirggam, d gar wawal, d ad tettêf tisura ak ad taf a teqqen x skkar g tzenbilt, wenna yekren ad yeâdel lqehwa, yegas lhàl ad tt yegguni. S tghuni xf s, yiwi yas ed ixf nnes, ur yelli ma ra tt yesun, ar tili. Maca mmax, ad yeqqim urumi netta, axi tedlen x ubrid n tlelli, da naf tarumit, teswu lqehwa, tamessast, tamghart allig itt teqqas tenna: “Tega rrehj” maca a midden tamettûyt n tlelli, yedda ad yekk, x umyafa, nghed ixef, ur yezdin agd idj.Anneli n uwtem ur yelli ghas gher urgaz, yella awd gher temttûtîn d temgharin d ay kem nessiwl x tissal n ugerram, bdân asen zeg urgaz am temttût d temghart ur teffigh zeg unneli d tissal, mi nettizîr kkind awtem, allig tetter zeg tislit, as tesludy aman, ad tessired i ukewwez(prière). Amyawâd ur yebdî agd umenzagh, tislit Zwina, tedda ad teccencef tarumit, as yellan g idis, gher uneggar idisan i (voisins), nihni ara ed yasen ad tt shûzren, mac Hmd allig berran, yuca as taghrit. Tamghart zeg temnâtt nnes allig tiwid zwina, afcek yekettûn agêdrur teqdast gher memmis, ha las ttini: “Tamettût ara yerzmen, tawwurt ghas âenq as”. Amazigh netta milmi ara yemmezray netta d mamma ghula, ad tt yezzeâ zeg uqerru nnes. Max timicuha nnex, xat tetten ghas tirbatin, yexess a nsemrar, ayenna netsella,a neg agis icûttâf, djin yekkin, mnid n umsâwâd d umenzagh, da naf amâz maca, g mi yella wubuy aged uggid, lhèss n lghaci ur yelli.Tarumit kem txes ad tessiwl, da tt inim, isîd aya, tihêyt.Maca ad tessiwel d ijeddigen, rsin mnid n tissit, ula imenghan.Da nzêr asenbji teg ed tarezzift inewwar, ur ed am temghart yedjallan g tislit ttawi xf s takna.Tudert n Zwina tega ghas rritulat timêzyanin, d nihni ayt yesker xf s temghart? Terêz as ifectan n uhèlleq day yeregma as: “Yenâel Rebbek”, urgaz. Tamara n uâraq g ussan n
Izlan yesenyudduhen g usghun n imula, anazûr axatar,Idir, izli
yeddad x unyuddu n icirran ed yeberrmen zeg tenmel, nghed s izli: “Assendu, fkax udi amellal”.Allig netgadja xa neggur s wagga nnex, allig tennubja ad tkeccem gher Malika, tadjalt tedju ihenkaren gher imi n tussut, da yeqqim uxub n temttût tgit takna. Tighuni n tuggid gher umezruy, llat yetadja lla yeqqen, ur yufi afriwen s mi ara yafru g ijenna n tlelli. Da yeqqim umenghi n teslit agd tamghart tasurrift tamezwarut, ak ad tezri temttût gher umsasa d ixf nnes? Ayen gher mi ur t yewed Hmd allig yeghli g uxub. Is llat nettafa ak ad yehèwwes agd tmettût nnes, lla yeteffegh agd immas ass n lhèd, mac tamettût ur xa twerzâ, waxxa tuder, waxxa teknu, (s yils aqbayli), tbâd ad temghi, ad tekker. Xas Hmd ad yeffegh d nettat ad tettêf ifassen i lwacun nnes aten tessufegh ad hèwsen cwi. D talaghit inca allah “dimanche”, yegagh lgud ad tengher, inca llah “dimanche” n Zwina. Yegin tghuda ghas g tlaghit , uma g tudert n imeâraqen tegu ghas fenneddu d uxub, fenndduyu ara yaghen Hmd ur yi yetfuka ziks ghas s uluf, agd immas yegin amezruy zeg ict n tmnâtt, ara tt yamzên ur yettakem gher telelli.Urar d imuraren, g xzen ayen as yetemmucen, mezyan,urar imzagalen yusad agd temghart, tawussna nnes ur tt tedji ad teg tawala nnes yemqaddan, ur ssinegh is as ed yusi, ghas g usghun, mad yeffegh as i temsufeght g lgud n tirra n ungal?tificit ur teddi ax tamêz ak ur netssâghef tizêri n usghuna.
S ufus n : Hamm Hammo mmou Bo Bouchkh uchkhar khar Tamara n uâraq g ussan n