Aḍris 

:                            Argaz d yifker

        Asmi thedder ddunit, yella yiwen n urgaz d bu-rreya, yettawi awal seg wa ɣer wa,
lehdur-is ala ɣef medden.

        Yiwen n wass, yemlal-d ifker deg ubrid-is, dɣa inṭeq-d ɣur-s, yenna-as-id: win
yettaṭṭafen imi-s, ad yiɣzif leɛmer-is. Argaz yewhem, yexleɛ imi yesla inṭeq-d yifker. Yuzzel
imir imir ɣer sselṭan, yeḥka-as. Yewhem ula d sselṭan, yenna-as: ruḥ, awi-d ifker-agi, lameena
ma yella d lekdeb, ad ak-kkseɣ aqerru.

        Iruḥ urgaz-nni, yuwi-as-id ifker-nni. Rǧan ad d-yehder, ulac, rǧan ad d-yehder, ulac, dɣa
kksen-as aqerru i urgaz-nni. Imir-n yenna-as yifker: yak nniɣ-ak, win yettaṭṭafen imi-s, ad
yiɣzif leɛmer-is.

Musa IMARAZEN. seg Timɛayin n Leqbayel

Isteqsiyen:

1.  Amek tga ṭbiɛa n urgaz-agi?

2.  Acu-tt temsirt i laq ad d-yelmed urgaz seg yimeslayen n yifker?

3.  Ayɣer yessusen yifker sdat n sselṭan?

4.  Amek id-tella taggara n urgaz? Ayɣer?

Azalen yellan deg uḍris-a:

·       Azal n tsusmi; melmi i ilaq umadan ad d- yehder, anda d wamek?

( tasusmi d zzin n yimi / imi izemmen ur t-keccmen ara yizan / leḥya tabuhalt.

·       Acu i d-yettawi usṭṭuqqet n wawal.

Tagnit n useɣred :  semres isalen yellan deg tfelwit-a, taruḍ-d yiwet n tmacahut.

Akud Adeg Iwudam Aferdiw amerway Tifrat

Zik-nni Di taddart Mm-tqelmunt Uccen yebɣa ad yeçç Uccen yenɣa-t
iqerben tiẓgi. tazewwaɣt. taqcict d setti-s. uzeddam, taqcict
tuɣal-d ɣer 
Yemma-s. yemma-s.

Setti-s.

 
Armud: amawal

Azwel: Inammalen n wakud.

Isuɣad: anelmad ad iẓer acu i d anammalen n wakud, anda d wamek araten-yesseres di

tmacahut.

Alaɣmu amezwaru: akez acu i d-skanen wawalen yettuderren di tefyar-a.

·       Asmi thedder ddunit, yella urgaz d bu-rreya.

·       Yiwen n wass, yemlal-d ifker.

Awalen-agi, skanen-d akud (lweqt), neqqar-asen inammalen n wakud.

 Anammal n wakud, d tagruma n wawalen i d-yeskanen akud, nessexdam-iten aṭas mi ara d-

nales kra.

Md: yiwet n tikkelt, cwiṭ kan akka, …..

Alaɣmu wis sin: smed ilem s unammal n wakud ilaqen.

        …………….tella yiwet n teqcict qqaren ass mm-tcacit tazewwaɣt.

………………….tettruḥu ɣer jida-s izedɣen iman-is di teẓgi, tettawi-as tagella.
…………………… iwala-tt wuccen, yebɣa ad tt-ikellex.(…)

Alaɣmu wis kraḍ:  semres  inammalen-agi di tefyar sɣur-k: cwiṭ kan, syin akin, yiwwas.

·       Yiwwas lliɣ  tturareɣ, cwiṭ kan sliɣ i waṭas n teɣratin la d-teffɣent deg uxxam n unarag-
nneɣ, syin akin mi eeddaɣ kecmeɣ, ziɣ d mmi-tsen i d-yuwin akayad n LBAK.