.

bumaihun d hiia rbia miTab kuTa lTabh umanda d hiia luataihun d bnia lama hazin hu raza sidra uaprata uuta haita qadmaita d huat mn laqadmia kd haib hiia qadmaiia uqiriuia lmanda d hiia umanda d hiia qiria lhibil ziua hua alip alip nia qudamh d mara d rabuta u`tiksia binataihun uhibil `utra `titlh lmizal `l krun Tura rba d bisra u`l tlata almia d huka d qaiia d hirba laaqilun unura laklalun ubTupania mia laTabin d hu krun Tura rba d bisra utlatma uitin uita daiuia d minh dairia minaihun mn hanatun daiuia d hu `ur marh d huka umh d abuia gap umh uum hata napa mn bra bukra d hu `ur napqia hama unapqia uba unapqia trisar d hinun srin uarba daiuia umn pita udurdia d azil luat `mh hua karkum kd hauia btibil almia udaria br spag qarilh uanin bhailan dilan udhiia ud`utria ubhailh d malka d nhura hadinin b`ruta b`ruta niha bukra mqaima d anin haibnin `lh uqrainh bziua dilan d anin malbinalh ubnhura d anin mkasinalh ubhaila urara d anin iahbinalh umadrinalh `l biia kulhun d lau lbi mithabia u`l `ur marh d huka d `lauaian mitraurab hazin `utra d lagiTlh ukabilh uragilh uasarlh umasarlh larqa titaita d nhaa umahdarlh uba uria d parzla ualma d atia ptahil umasia arqa iaunaiit unagid rqiha ubania baita umbaTil biia kulhun d mithabia lbi haizak `sura d asrh hibil ziua l`ur umistar haizak masgia `l kulhun almia d huka hibil ziua uazil `l krun Tura rba d bisra ukul d bi abidbh ukrun Tura rba d basra hauqa udahalta uziuihta mahuilh lhibil ziua hibil ziua minh ladahil hu minh mitikbi haizak amarlh zihrun `utra d hu iusmir kana umh liadatan gabra d hazin parigna amar d mn hiSrh d mara d rabuta npaq bumh d hanath `utra mitiqrin trin `utria hurinia adatan uiadatan d biuma d iardna Sabilh lhibil ziua uhinun mitiqrin adiaurh tum mitqrin ita hurinia itil uanu uilmai unidbai uadakas mana uraza rba d hu iupin `utra umh uazal minh ziua rba qadmaia d mn lbuia d mara d rabuta hua ukulhun almia d nhura ualmia d huka miSra mauilun uahidlun lbabia usaliq `l gauria uprudqa uraza rba d mn dilan ldilh maluilh ukul daiua qarabtana d hazilh lhanath prudqa hatim `lh uaina mauia bkulhun almia d nhura d miSra usaka litlaihun kd halin kulhin kasiata ugaliata ana mitaiina uamarna lmara d rabuta sagidna umabana umrauribna kd mn hukumta usibruta umn ma d hiia amarlia hanatin alip nin huit qudamh d mara d rabuta `l anpai huit rmina hu mara d rabuta qran uligTan bpras iaminai uaqman mn duktai uhaizak mara d rabuta mn ziuh pras `lai umn nhurh `hablia utraSlia briai klil zakuata d luath nahra u`tinSiblun ziuh unhurh l`utria kulhun u`tinSiblun lbua l`utria kulhun u`tinSiblh lbua lmara d rabuta uhaizak qam mara d rabuta qra liaminh arbaima uarbin uarbia kinata uqra lsmalh tlatma uitin uit kinata uhaizak qra mn kul kinta kinta alip utmanima alpia ruban `utria d iaqirin uanin uanai ziuaihun ubaiar umanhar nhuraihun d bziuaihun iaqria umanihria pasimkia d manihria lqudamaihun uhaizak kul kinta kinta pauba trin naTria d napa utrin pasimkia d manihrin qudama ri naTria d arbaima uarbin uarbia kinata manu umh udtlatma uitin uit kinata manu umh ri arbaima uarbin uarbia kinata barbag `utra umh d hu azaz`il uma udtlatma uitin uit kinata anan nSab qarilh d hu taur`il `utra umh bumh d taur`il `utra qra lnapih bri qrita qadmaita haizak qra kulhun `utria uqam hu manda d hiia umara d rabuta unhit liardna uqra maSbuta kd d ba miSibh l`utra zriza `utra sagia umzarza malil iardna rba mn mara d rabuta mitaiia uamarlh hazin man hu `utra d bgauai dilia Sabatlh d anat dmutak `STbatbh uhaizak mia hiia d hiziuia lziuh ulnhurh d hibil ziua ulziuh ulnhurh ul`qarh d manda d hiia umargna d mia hiia d mn iukaar kana `tinSib miTalalia ulakainia sahqia umitapkia kd aglauata bgauh d sindiriauis iardna rba d hiia haizak mara d rabuta liardna rba d nimarlh anat iardna rba d hiia nha ukun `l duktak d hibil ziua bgauak niSTba uhaizak iardna rba d hiia mn malalh d mara d rabuta lapak ulaania mn mimrh kan iardna d mia hiia uhibil ziua bgauh `STba `STba hibil ziua u`STba minh ahh trin u`STba arba hurinia d hinun rbia mitqrin Sbinun ltlata `utria d hinun ahh

hinun adiaurh kd Sbinun lhalin kulhun d minh `l d qaiim biardna hu unaSbh mara d rabuta malil udra `l iardna uamar bri mia nipqit ubri mambuhia d hiia asgit lka iknit tlat kinata ualTit `lauaihun naTria naTria d alTit `lauaihun d anin brikia umqaimia haizak qaima manda d hiia lmaSubuth usliq mn iardna ukuTa mn rbia paT hu mara d rabuta kd sliq manda d hiia mn iardna htaminun lahh d hinun bnh uhu mara d rabuta `niana rmalh lmanda d hiia uamarlh ziuak taqun unhurak nahur tarmidia bziuak nahria unahra dmutun mn almia lhibil qralh uamarlh qal hibil ziua amana d malil udari batar nhur qal uth d basima `tiaiarlia libai btubihta mla `tiaiarlia libai hdat nimat uhadia urauz ruianai usahiq `uSrai mn ri bri sqirna hadina b`bidata d abad hibil ziua utiqnat b`dh mn ri bri naTrh uqaimh uzarzih ubirkh umn Tabuth ra `lh lhibil `hablh ziua ulitil qirih uqaimh uamarlh haslak haslak itil `utra d tihuia utak mn sahria utak utan dilan titlip blaupan ulatipsiq litil `hablh nhura ulanu qirih uqaimh uamarlh birkuk arba `utria d bSauat hdadia iatbia uSibuk bmaSbutun umn lbuaihun albuk lanu `hablh tuqna uaTpilh bziuh kd ahh trin malil pasimka rba d manhar bkulhun almia malil d nimarlh lmara d rabuta umh d hanath pasimka iatir iatrun umh uumhata tlatma uitin `tlh uamarlh hazin ziua d manu uhazin nhura d manu uhazin tuqna d manu amarlh hazin ziua d hibil uhazin nhura d itil uhazin tuqna d anu `utra d npi usaka litlh htaminun malka d nhura hatminun mn ri bri uqrinun lilmai unidbai umn iaminh asam `lauaihun ubrakinun mn birkth uamarlh anin hadinin bhaza dmuta d `tniSbat qiriuia lrham raza uladakas mana uadiaurh nSablun anana kasita d lanihzuna `utria ldmutun uamarlun `utria dra b`qarun uanatun rbia b`rutkun hdun hadia urauza anana d nhura kd ata gabra `l kimSa `tib hatminun malka d nhura ladiaurh ahh d hinun bnh hitmh lsindiriauis iardna rba d hiia d `ni bgauh lika d miSTba amarlun abadna lTabut rbia usadirna lrahmutkun qrainh liardna rba d hiia utlatma uitin iardnia d hu hibil ziua bgauaihun `STba uhaizak amarlun manda d hiia lrbia d niSbuia hazin bra bukra d ana qrit hab lalma d biia niadrh amralh dmuth lasaipit d qariatlh brai amarlh `u ana laqarinh brai man qarilh brh uamarlh lhibil ziua ria d kula urbta kd anin ldilak qrainak anat l`utria ahak qria d bginza d hiia nizdahrun kd masgit lhuka haila d iauna qalilth nsub haizak hibil asgia azal uhaibinun laudia ababbun bduria rurbia mindam d `lauaihun snia hizia lruha d quda kd baTnabh bbura napla baTnabh bmlik huka d amria nihuia maraihun d kulhun almia `laiia umiSaiia utitaiia hzaith lmlik huka kd abahatai amarlia lruha lhiuat nuqubta `mh d bura napla kbath lmlik huka d amra `mh nihuia maraihun d kulhun almia `lh msaith lmisia rba umarzbana tirSit `lh d bh traSibh alma laTta lhiuat nuqubta `mh d bura napla amarnala luTtik ubirktik nihuilik ldilik bmnatik bnik uptahil `utra nisadruia lhazin alma `lau haabta d iuamin d asgit luataikun atit asgit `tit luataikun umindam d snia bhuka `bdit aminTul d ana lahasrit ulabiSrit mindam d abahatai amarlia aminTul d bra d abahath laama haka luataikun dilkun mitkatar aminTul d ana imit uqablit ulakadbit mindam d abahata amarlia aminTul d mata lutaihun uqabilta uazlit traSta bginzaihun d `utria naTrh d ginza simakh d kulh hikla kuTa nisbit biaminai uasgit lalma d huka `ka d qam bhaimanuta u`ka d napia katar bdur hakia halin d qam bhaimanuta salqia hazilh latar nhur halin d laqam bhaimanuta misap saipia liuma d sup malil uamar manda d hiia hazin qraba d hua aminTul iuamin hua aminTul kul `ni d bania baita umauia qamh bit masgda kul man d nib`ia lhazin sidra ulanatnh blibh blibh kiTa ub`spia mhaimanata nipsiq mn `uhra d aqamh kul man d natnh bliba kiTa ub`spia mhaimanata abiq haTaiia uhaubia nihuilh maba manda d hiia uadiaurh hibil uitil uanu uilmai unidbai uhiia zakin lalam almia sa bumaihun d hiia rbia nukraiia mn almia d nhura iatiria d `lauia ukulhun `ubadia asuta uzakuta uhaila urara u`mra uima uabiq haTaiia nihuilia ldilia

. ulab . u`l `m . u`l `m hurintia . u`l zauai . u`l ahai . u`l ahai hurinia . u`l itlai . u`l abahatai . unitriS umaihun bit hiia . bumaihun d hiia nukraiia mn almia d nhura iatiria d `lauia ukulhun `ubadia # . hazin hu raza usidra ubuta kasita d hiia kisiuia lmalala d manda d hiia kd galil galalta qudam mana hu udmuth uqudam hiia d had daiua tar mn siniauis arqa titaita d huka kd haza amar manda d hiia amrilh hiia umana udmuth mahu iatbit ganzibra ubra rba dilan qum hut `zil umahu d baiit `bid kd haza uma minaihun dilhun manda d hiia sgid umitaTia qudamaihun uamarlun manda d hiia `qum qrilh lganzibra braikun dilkun hahu naSba d anatun nSabtun udmuta d anatun auitun mn kisiaikun umn hilbunkun umn hak iardna d anatun ngadtun huaitun umn tana uiriana d atraikun kd haza amar manda d hiia qalh `tma bkulhun almia uqam Sibh uatia lhahu brh udmuth dilh uamarlh ab lia azilnin uamarlh qum ata `hauiak dmuta d mana umana udmuth rabtia kasita d ks`ia mn kulhun `utria btlatma uitin uhama almia uhilbunia kasiia rurbia d nhura uamarlh brh d hu ahuia lmanda d hiia kd haiiqna d `hizia lhaza h` dmuta qadmaita ulhanath dmuta d mana umana udmuth kasita d ksu`ia mn kulhun almia amarlh abuia d hu ahuia ana bqalil sigia adrun u`tit `lak hata mahu d iatbit bra rhima abad ukar ar ziua d hiia asiqlh uma hata qum nizal unihuzih lparSupaihun d hinun mania iaqria kd haza amar abuia hnatalh lhahu bra niha umqaima ligTh biaminh labuia uazal minh alma d maTia kisiaihun uhilbunaihun d rurbia `qara kd maTia amrilh hiia qadmaiia umana d dmuth mahu abdit iauar kbar brh d manda d hiia d mgadilan qarnaian briaian uamarlun ha baiitun uakatun tum baiitun umakitun ana `zlit uaitith lhahu braikun dilkun uamarlh qum ailh atih unihzih uhu nihzinan uqam azal ailh atia lqudaimaihun d hinun mania iaqria kd aluataihun hu hibil mana `tith haq minaihun aminTul ziuaihun d hua anai unuhraihun d hua taqun ulika d mSia lmihizia lhanath dmutaihun aminTul ziuaihun d npi unhuraihun d kabir kd hzun mania iaqria trin udmuth qadmaita qudamaihun qaimun uniqun uhananun uana qudamaihun `taTit usigdit uabit lhak dmuta alip nia haizak alma d hu mana ligTan biaminh uaqman mn atrai uamar qum mana hibil ziua d anin qrainh latihuq udmuth d mana rba `da d masima `lai dilia hibil ziua uhaizak pta pumaihun uamria mahu iatbit qum niSibak btlatma uitin alpia iardnia unalbak tlatma uitin lbuia uksuiia kasiuia d had had ania mn habrh uqam Sibuia btlatma uitin alpia iardnia uadkar `lh umia kasiia d had had anai mn habrh uniTrun alip ruban nia d saka litlun uluataihun huit bhanath hilbuna kasia alma d rbit huit kd dilhun uhaizak ab `dh masim `lai dilia hibil iauar d hu asiqlh bumh iauar unSablia alma had d npi usaka litlh bgu hanath alma nSablia ruban alpia almia d nhura unSablia tlatma uitin iardnia rurbia gauaiia unSablia bkul alma alma tlatma uitin alpia `utria bkul kinta kinta nSablia tlatma uitin alpia kinata kul alma alma anin uanai ziuaihun u`rutun utubihtun uab ldilia lbuia dilh d hu bgauh `STarar u`STba bgauh d hanath lbua uraza kasia `hablh d hu mnaTarlun lrurbia uamria `zil `zil bran udmutan d Sauth ania mn kulhun `utria aminTul d atra d anat azlatlh `ka napa hauilak balmia hinun d huka udaria hauit ldaria alma d anin

minilak udmutak haka hauia ualma d masiqta rarinalak kd haza uma minaihun d abahath sgid umitaTia qudamaihun uamarlun ha bhailakun dilkun abahatai uraza rba d mnaTarlkun ubhailh d ab manda d hia ha `iasgia `zal ldukta d madritulia amar hibil mana iauar abuia minh masgia uatia uahh trin minh masgin udraia ubauata usidria qrun usahiq libaihun qudamh d abuhun uhu abuhun sahiq `uSrh uamar kd dilia laiit d halin nigbia kasiia qrulia uaulia abahatai mania rurbia masgia uazil abuhun minaihun alma d maTia bit miSria trin d binia nhura lhuka uamarlh abuia `zil br hibal uahak trin d minak nitun ubTabuta d abuia mauilh uamarlh hibil labuia mana dakia man d abuia mzarizlh umhatimlh uSabalh umqaiimlh mn biia ladahil uabuia bgauh lamitkarak ulanaiqlh uamarlh labuia `u bgauai mitkarkit `ka napa hauilia kd haza uma abuia minh d hibil sgid umqaiimlh uabuia l`uhrh sar uazal luat mana udmuth uana iauar hibil `mrit ha bhailaikun dilkun abahatai ubhailh d raza rba uadiauria d minai `hut lhuka ukd bit d `hut u`iahit ligrai bmia siauia u`l uria d bit huka lnhura hSab mn qudamai alip parsia umaTit alma qadmaia d huka d ruha huat bgauh bhanath alma darit alip ruban nia ulika d `da `da `lai d ana haka aitan balma hazin mn ainaihun hua ksina uhaizak raza rba d minai maluai amar nizal ltit uhaizak nihtit mn atutia alma hazin umaTit alma hazin d zartai zirtanai rba d dmuth lmahu damia laiadana uamarnalun hazitun `utria ahai lmahu damia dmuth d hazin zartai zartanai uamarnalh `sira ukbia hazin dmutak dilak zartai zartanai udzauak amamit nia huit `l nia udaria huit `l daria uhinun `lai dilia laiadia d haka balmun daiarna ualmia d nhura minai aitinun udarinin bsidria ubauata umasqata ulibaian sahiq b`rutun utubihtun ium bium salqa luat hiia umana udmuth rabtia qadmaita d hiia qrunun uana amarna d luataiun d hiia abahatai iatibna ulahaiiqna mn halin dmauata uhaizak baqta lzartai ulzartanai uasgit `zlit lalmia hurinia d hag umag trin mania d huka d haraiun napia mn kulhun almia d huka umn alma d zartai zartanai ualma lalma d hag umag alip parsia d laminiana uamarna lhaka man atian uligrai lhaka man asginkin uazlit uakatinun lhalin trin mania rurbia d huka hag gabra umag `nta bgu alma hanath huit nia itin alpia ruban nia bhanath alma hzaitinun u`dit blibaihun mahu d aka ubaqtinun uazlit umaTit alma hurina d gap ugapan gabaria rurbia d huka d hun mn aina d mia `kumia Sanpia Sardia d rahtia kd dudia ubalia unabTia usalqia mn alma hanath d hag umag ualma lalma d gap ugapan ma alpia ruban parsia hauin d laminiana ulahubana kd hzaith lgap ugapan dmutaihun dmauata `pikata udamin akuat taninia u`naihun damian akuat Sruriata uamarnalun `siritun urgilitun anatun gabaria d huka urgila qumtaikun brgala rba d raglia qaina lburia `siria haraikun ukadbaikun d anatun abditun `sira `naikun liliata Sruriata dmauata `pikata d sn`ia u`pika ublima d `ni `l dmutaihun u`l riTnaihun lika d qaiim `lauaihun uamarnalun l`utria ahai hzaitun mahu damin halin gabaria naplia uamria ahai `utria kma hauin sakun d halin almia d huka ukma napia gabaria halin uana hua ksina mn ainaihun alip alip ruban nia d lasaka ulaminiana haizak amarlh raza rba d minai maluai mahu iatbinin bhazin atra qum nisaq unihzia mahu d baiinin mibad uqaiminin mn d gap ugapan masginin uazlinin lalma d anatan qarabtana d huka uzauh qin malakta marth d huka d h` `tqiriat `mh d huka d nigbak mn mia `kumia nsisia Sardia uhambalia aklia hdadia d h` qraitinun `l kulhun almia d huka umn iuma d asginin lalma d huka d anatan gabara qarabtana d h` qrath alip alip parsia hauin `uhra d napa usaka litlh uamarnalh lraza rba d minai maluai mlia ainak bqin uanatan gabaria d huka `l mahu damin u`tibnin luataiun nia udaria d laminiana ulahubana ualmia kulhun d minai maluan u`utria ukinata bdraia usidria ubauata umasqata ulibaihun hadilun usahiq bhaduta uana hadina bhaduta ubidiauria d abahatai nSablia ualun mn qudamaihun uana haizin amarna d luat mana udmuth iatibna libaian sahiq umitparpa hanath `rutai

utubihtai salqa ium bium uaiia baiia qudam mana kasia udmuth uqudam niTupta rabtia kasita qadmaita d huat mn qudam almia d nhura kd halin almia sarit ubihit bgauaihun amarna `it iuma nihuia d `saq `zal luat ab u`tib u`taiia minh ana u`utria ahai d minai `tun u`tapra biadita umadita ub`rutai utubihtai d abahatai bun `tapra b`uSraihun kd haza `mrit ahai uraza rba d minai maluai amar hata salqinin mahu iatbinin batra hazin d laiadinin haka kma nia d laminiana iatbinin qur nipta baba d tlata malkia d nura laklalun dukta d aitinun lmia apria hinun dukta d aitinun lhanatun mia d `STun ziua dukta d lim dara d huka u`ni atuth l`ka uanin kd `tapranin u`danin `l dh udh uptahnun lbabia uptanh lbaba qadmaia uadiqnin uhzainh ldum rba br brh d huka hazinalh d ladamia dmuth lhanik daiuia gabaria d huka u`damit ana hibil bdmuth hda d napa uapira uiatbit lqudamh uamarna ha bumak raza rba uumaihun d hiia kasiia qadmaiia d ks`ia batra kasia uumh d mana udmuth uumh d ab manda d hiia u`ruta haza d `utria d minai aitinun biluaitai bdiauria hinun d hauilia Sauta bhalin almia d huka d abahatai lhaka adrun ha `malil mn dum qarabtana malka d huka ana bhaduta d hadina malalit uamarnalh lama `lak dum qaraptana malka d alma hu lahizian kd lama alimth hdar uhizian uadim ainh udalia gilia parSupia uamar lama `lak gabra d dmuth apira uana amarilh d mamla hda baiina mitaiuia minak uamar malil gabra apira d apira dmuth unahirta uhaizak amarilh d bra d minaikun napiq d mn Tuhma uira dilkun ubaiia mikaduia umargu balma dilkun baiia mibad mahu amritun `lh uhaizak malil uamar hu dum ana laiadana hut latutai dilia d `ka d minai qai uhaizak mn iuma hanath d luath mTit ualma d nihtit luath d giu rba ma alpia nia hua uhaizak auit napai gabra hda d apir mn dilun uqudamh d giu iatbit ulaiada `lai d ana aluath qirbit haizak lama alimth hu amar lama `lak gabra d apira mahu d baiit minai uamarnalh bra d napiq qinaikun umn Tuhma uira dilkun ubaiia mikaduia mn almia d nhura mahu amrit `lh uamar hut `zil latutai dilia d ana laiadana uhaizak mn iuma d baqth u`zlit ualma liuma d maTit karkum Tura rba d bisra itin alpia ruban nia huit b`uhra hanath d kma napa usaka litlh hazinalh lhanath krun Tura rba d bisra d hu girmia litbh dmuth d apra umia d `ka atuth apra hinun udamin lrpilia uhaizak `zlit luath hzaith umn ainh hua ksina kma nia uamarna mahu `bid umahu `taiuiia minh d gabra gabara hazin krun Tura rba d bisra haizak malalit u`taiit uamarnalh lama `lak bukra malka d huka krun Tura rba d bisra uanph ladalia uamar man hazin gabra d gla umai uqam `l ruumai uamarnalh ana hibil d hiia adrun uatit luatak alip alip nia udaria d lasaka ulaminiana unia `l nia luatak atina uamar hu bnapih hiia hinun d labaTlia ziua unhura d lamipsiq uamar mahu paqduk uamarnalh paqdun hiia uamrilia `zil uamarlh bra d napiq minaikun umn ira uTuhma uniaka dilkun ubaiia mirmia margu balmia d nhura minaian dilan mahu amrit `lh uhaizak hu bnapih amar `zil d labalanak kd haizin amarlia ana hibil ziua iatbit bgluSTma d hirbia sipia u`uSTmumia uskinia ugarTupiata uamarnalh bulan uamar hata balanak ubilan alma lpalgia ugsan udan ugsa rirh mn pumh u`psiq m`h kabdh ukuliath uamar mahu `bad mn gabra d ata `lai adruia haizak malil uamarlia anatun gabaria uanin mkikia anatun alahia uanin anaia anatun rurbia uanin dirdqia uana amarilh qur hbalia prudqa uhaizak qam u`milia biuma d `tinSib minh ana lamkadbanalak hin`la `iul lbit ginzai u`iaitilak prudqa mn bit ginzai uqam uaitilia prudqa uatia l`zqta d hua ks`ia bit ginzia d hua kdib uSir `la um huka rba d hua ks`ia d lahua hzilh mn iuma d `tinSib uamar ha `tilak d kulhun almia d hazilak kd mhauiatlun hazin prudqa hatmia `lh uhaizauk kd `hablia nsabth uksaith buba lbuia usilqit uatit luat ahuia giu rba hauith uhtam `lh kd hizia lhanath prudqa hatma d ahuia aar `lh unsabth usilqit luat adum rba gabara d rmia urapi bgu almh iatib `l kangnia d nura unura mamalh uhauith uamarnalh hzia prudqa d mn abahatak aitilak uapiqth hauith htam `lh uamarnalh hzia mahu d abahatak adarlak uamar brik iuma d anat `tit ubaqth usilqit `lauaihun d hanik almia `laiia uhitmit baba banph d dum

uiatbit bhanath alma nia alip uhaizak qirbit lalma d anatan uqin uana huit hatam nia `l nia huit balma hanath uamarna mahu `bid uqirbit luata d qin u`damila bzaua d napa anatan uamarnalh qum hauian mn mahu huainin umn mahu `tigbilnin huainin uqamat hauitan aina rabtia d mina ngib hun hinun ana kd hzaita lhanath aina d mia `kumia hua bgauaihun mrara ugimra d rmia urapi bgu hanath aina uhaizak hu raza rba d mina maluai amar hazin mrara ugimra rara d almia d huka hu kd haizin amarlia ana auartinin laina uTaritinin l`udna umn aina `tksit unsabth lgimra umrara ulahzatan d ana nsabth urm`ia ubaha `lai uamralia lia azla azalt qarialia uamralia ata `marlak uana u`tit uhtamth lbaba d hanath alma usilqit `lauaihun d gauria uqlidia d hua anin mn qlidia kulhun haizak ana ualmia udaria d minai hadinin udarinin usahqinin usahiq libaian b`ruta utubihta bma d aitinin mn qin d mitqiria sumqaq rabtia d huat mn ira d qin `mh d `mh d `ur mn qudam kulhun almia d huka kd ahadtinun lbabia uanitinun lsukria adkrit `lh d hanath baba tlata umia kasiia d lika d nianinun um ham ziua unhura ziua ulupapan nhura rba halin umia kasiia unTiria d luatai d lamitrin babia halin ulika man d niptinun usilqit lhak alma d `lauia almia d sumqaq marganita rabtia mn iuma d silqit luat gap ugapan rba abuhun d kulhun almia d huka d hatam iatbia luat hdadia gahkia umiTalalia luat hdadia uqin `maihun luataihun iatba uamralun qum nihzia upran urgagan unihzia d lahazilan kd haza amralun hinun ahrin udauin abihda qaimin uamrila huainan mahu nibad uamrala ruha brata dila atai n`tnik lgap ahuk kd haza amrala ldila uldilh hnatalun ltartinun qam luat hdadia azlia ligTa qudamaihun unsabinun lptula unaqinun uamarla kd dilak laiit ruha ahat dilia mn hanath iuma d biTnat bgauh d `ur maraihun ugabarun haizak lhdadia amria qum niqrila lqin `maian ulgap abuhan d luat hdadia azlinin kd haizin amarla qamat azlat minh uamrala lqin ulgap hzun mahu d abadnin uamralun Tubaikun d haza abadtun akuat d anin abadnin uana iauar mn ainaihun hua ksina ulahazilia d luataihun iatibna uana uraza rba kasia d minaihun ksia u`damit bdmuth d hda manaihun uapirna mn kulhun uhdirna mn kulhun uazlit uqamit luath d qin uamarnala lama `lik `ma rabtia `maihun d kulhun almia h` mihidra hazialia ldilia urhamta unura bliba asrikila uamra lama `lak utapan rba uiaqira uana b`da lgaTta uamarnala kma bnata `tlik d tiauian hatnik ubalma hazin `huia luatik kd haza amarila hadia uliba hadila d hatna hauina lagTalia b`da d iamina uluat gap azla uamarnalh lama `lak Tura ugabara d kulan malka d hazin alma hu la`da mahu d amarilh h` amralh lama `hablak gabra d apir mn kulan hu `npiS mn kursia ubgauai mitkarak uamarlh brik matianak malka maran mahu d baiit uana minh lamitaina uh` amralh `nta baiia minak qur nitilh uamarla man nitilh uamralh nitilh zahr`il rabtia d apira mn dilh kd haza amar tartinun ana ilpit `siqta uhaziala lhah` `siqta d diba uahra abihdia `sqta d diba uamra man `ka d kd dilh damia d gabra d arsan `sqta d dabia balman dilan kd hazin `sqta laiit `lai bkulh ginzan laiit uhaizak `ma amrala `tkalal minh alma d hadritun ugap amarla qum abid d abdia gubria unihadra lzahr`il mn gabra apira d hu apir mn kulan uamrala Tubak ldilak d hazin gabra `tka luatak dilak haizak qam azal luat hilbuna dukta d hun minh uamralh qum hilula nibudlh unihidrh hu gap puria maiik usikia gnana naqi uh` lalmia kulhun mzamnalun uqarialun lmalakia ugabaria d hanath atra uatin luath bdahba ukaspa umargania uklilia ukasia d zahba matin luataihun uatin uamria nizal unihizah lhanath hatna d mn zahr`il hadar uldilia lbua d araia malbiilia uksuiia d gaunia gaunia mkasilia uldilia uldila daliun uautbun `l puria d zahba ukilta nagdilia `l puria umdalilia umautbilia `l puria uamrilia hdia maran b`ntaian b`nta d `habnalak uhinun habSia hbiSa umaitin qudamai lagTia uamria maran `kul utia hamra uana kd haizin mitaiin minai `lauaihun gahikna uamarna mahu d abdia bnia huka d laglilun ulaprilun d ana `kilta lakilna umitia laatina hinila kul d abdia aminTul galulia razaihun d hinun lamitrauribin `lan dilan amarnalun ha `klit utit uhinun ibqun uazal `tiksun bgu arpilia

rurbata d huka ana mhanina lzahr`il uamarna b`uSrai minik dilik hu d mitgalalia razia d huka h` mitkalala minai uhaizak maTia `dana d mitia luatai h` qin luatai atia uqaima sagda d rba sigudta uamra mahu abadt bran umaran uana amarila mahu `bad uh` azla luata d brata uamrala miligTik uamrala lalgiTana uamrala h` qin `ma `dalma `la d gubria litlh uamrala brata d gubria `tlh uqamat mn qudama d brata uatia luatai dilia uamra mahu lalgaTta l`ntak uana amarna balman dilan alma uaba nia kd hadria `ni l`nth lalagiTla uamralia kul d Sabit `bad uhaizak ana mn raza rba mitaprana uamarnalh halin aba nia d amarila lqin auinin ubin alpia ruban nia uaginin lliba utirata hakinin laina uma d amarila abad uhaizak nia huainin `l nia udaria `l daria uana amarila lqin mn mahu huaitun umn mahu `tqritun uh` amralia huin mn tana uniSubta d huka umn saka kulh d mia siauia uamarnalh qum hauian mn mahu `tigbiltun umhauialia haila urara d huka uraza kasia d mnaTarlun lhinun rurbia buria gabaria d huka umhauialia aina hda d lika d iada minaihun dilhun saka d hanath aina kma hauia lbar mn dilia d glilia uprilia kma hauia aina hanata u`umqa d hanata aina ubgaua d hanata aina `ka naura d hazibh anpaiun uiadin mahu d baiin mabad uana mn aina ksaith umalth unTarth uh` baha ulamakalh uamra mahu `bad d raran uhailan laith uamarnala lqin lmahu bahit h` `stakar tirata umhaabata uminai lamamla uana baqta uatit luath d zahr`il uamralia lia huit marai uana mhanina uamarnala luat abahatik huit uamra apir d luataiun azalt uana luat ruha azlit u`damila bgap ahu uamarila qum nizal luat abahatik uamralia lia aitinun uamarnala lhil balma hak d mn `lauan aith h` biuma hanath d gap azal luata biTnat uamarnala `zal `hizia lzahr`il ahatik d lgabra huat azlit luata d zahr`il hanata u`STararat dmuta binia dilia ldila huat kd dilia uana amarnalh lraza rba d minai kin `ul b`uSar liba d zahr`il Sauta hda buq luata uana labahata aitita umasginin anin umania d manai h` laiada d tlatma uitin ruban alpia almia d nhura minai kinia h` ruha minai masgia uana amarila d bra bukra baTnit uruha hadia bmahu d amarila masginin uazlinin lalma hak `laia `uhra d napa usaka litlh uamra akSalia ldilia uamarnala ligal maTit ukd maTit lalma d zartai zartanai ahadta lbaba d gap ugapan uanitinun lsukria uaqlidia taumiata dibun uadkrit `lauaihun d hanatun babia umia kasiia um hanan`il uhan`il usmir halin umia kasiia d hinun mania kasiia uana amarila asgai ruha umasginin balma hak d zartai zartanai nia d lasaka huainin d mTinin alma dila h` amra mahu abdinin d lamTinin luat abahatan uana amarila hata maTinin bqalil sagia asgainin usliqnin luat alma dila d aith d `lauia zartai zartanai kd npaqnin minh ahadtinun lbabia uanitunun lkulhun sukria uaqlidia uadkrit `lauaihun d hinun babia umia hurinia kasiia um akar uakar uabad ukar iauar ziua halin umia kasiia d luatai aitinun uhaizak amrit brik hak gabra d mn hak atra asqan mn gaua d iriana d huka umn gauaihun d `umqia d huka uap lruha amarnala mahu d baiit uamra mahu d baiana minak abahatai `lia hinun uamarnala hata maulinalik umahuinalik lia aitinun uhaizak ana amarnalh lraza rba d anat aurinin laina uTarinin l`udna uaginin ltirata uma d amarilh abad ulaania gabra d minai kin hu aginin ltirata uaurinin laina uTarinin l`udna huat kd d lahuat uana lalma dila uria hanik hadrila d l`ka `ni d mSia hailh lmianinun mn duktaihun h` bgu alma hanath rm`ia ubaha `l iarqunia mikal d bgauh d `ur qaima uhaizak ana ualmia udaria d minai maluin uamarnalun hdun ubsum u`tqaiam u`dnun labahatkun d abadnin u`stadrat hata qum nisaq nizal luat abhatan unihzia mania iaqria unihzinun lmana udmuth ulniTupta rabtia d anin mina huainin masginin uazlinin udarinin bqala dakia u`ruta udraia usidria kasiia usahiq `uSraian bhaduta rabtia usaliq qalaian luataiun d hiia umana udmuth ukd mTainin alma d bit miSria ptahnun lbabia d nhura uqudam ab sliqnin uhu mana udmuth alanpaian napqin u`uniana ramilia uamrilia hainu atia hibil mana d npi ziuh mn kulhun `utria uab bgauai mitkarak umana rba hu udmuth mhaninlia unaiqlia uamar brik matianak hibil mana dakia ar

ziua abad ukar uab iardna mpara umana udmuth luat niTupta ailun uana d hzaith libai u`uSrai mitgaiia umitparpa uh` niTupta lkisia d napa aiiltan uhauitan d lahzilia h` Sbatan buba iardnia rurbia gauaiia d atutia kursia dila aitinun ul`ka d hazilun lhanatun iardnia uruumia dakiia d adkrat `lai uamra h` niTupta hdia u`tbasam bruumak dikiia ubniTupiata halin d `lauak `dikrit uana hadina qudama umitaTina usagidna uamralia puq luat abuk d bgu iardna qaiim unaTarlak uana nipqit mn luata d niTupta uluat ab asgit unihtit liardna hanath qadmaia d mana udmuth uhu ab Siban uruumia kasiia adkar `lai Siban btlatma uitin alpia ruban iardnia rurbia d mia hiuaria Sbinun lkulhun `utria d minai hun uluatai kinia uasiq aqmunun `l kiph d iardna d mia hiia hu ab maiilia uamarlia mahu hzit br dmutaiun bhinun almia d huit bgauaihun uana amarilh uaprith `lauaihun kd hzit hu libh sahiq u`uSrh mitgaiia bhaduta d amarilh ubTabuta hua hu amar man d mSia bhailh d raza rba d minak kin d hiia abahatak `hablak ana qudam ab sagidna uamarnalh anat ab brikit umabit d haza `ruta `habtlia unihtit lhuka usilqit lalmia d nhura luataikun atit ubSautaikun iatibna urazia d hzit mgalilnalkun `lauaihun umhauianalkun `l kulhun aminTul alma alma d mTit ahadtinun lbabia uaitith lrarun ulhailaiun kd hauith lab manda d hiia mahik `lauaiun uamar mahu damia halin d shiT bgauaihun huka uana amrilh kd halin lika balmia d huka umia siauia uana `qum `zil luat ruha d baqta balma dila u`ni lika d nitaiia mina uakSala lruha bmindim d abadila ahdrila uba uria ur parzla bgu alma d lika d mSia bhailaiun d nianinin mn duktaihun kd haza amarilh lab amar asgia `zil bqalil sagia u`bid mahu d baiit kd haza masgina uazilna maTit bit miSria d huka ligrai ahtit `l miSria u`l uria d huka hSab mn qudamai alpa d parsia `u hua kulh hailai d minai akuat zibna qadmaia d hua minai kulh alma laar qudamai ana `stkit uhzaita lruha d iatba uamra man ibian bibia uatian lhazin alma d abahatai laiadana lia aitinun uana mata umahikna `laua uamarna mahu amra ruha u`damila bgap zuaua d hu ahu uamarila mahu iatbit ruha uh` atia ubgauai mitkarka ualanpai bakia uamra mahu baqtan uazalt d halin nia huit uamarnala ana luat ab u`m huit lama qabil minaihun uamra Tubak d hzilak ab u`m uamarnala hzilh uamra lmahu damin uamarnala iatbia brpilia ubkisia d mn napaihun `tauun uamra qum nizal nihzinun uamarnala ana abahatai apqun uamria hzia lhaka atit qum lalma d napak `zil uh` laiTalun uamra nura tikilinun d minak naSin `la lazlana ulahazianalun kd haza amrat ana mahikna `la uh` bnapa ubliba raza hurina haia ubaha uamra `qum `zal luat abahatai u`iul uhzinun uana bliba iadana d ruha mahu d mhaba ulamarila ubaqta usilqit u`zlit luat abahatai d hiia ihlun huit alpa d nia d nia luataiun uqamit qudamaihun hinun kisiun uqaimun bhilbunaihun bSauta d napaihun alpa d nia uana amarnalhun ha maTia zibna d baiana masguiia lalma hak d anatun iaditun uamria hiia abahatai qum `zil bran bukra d msadarlun lkulhun almia kd nipqit uazlit tum akata lruha d bakia uh` `lai laiada man ana mistkina uhazina uamra `qum `bhu u`da lia aitinun lbabia d huka d `iul luat abahatai qamat `zlat ualat bmia siauia ubihat baba lamaka d luat abahata ti`iul uqamat atat uitbat uamra l`mat iuma nihuia d `dul bra Sauta nihuilia uana ulh `tib uhu nihuia ab uhu nihuia `m uhu nihuia Sautai uzauai uahai usumkanai d samiklia kd hu hauia iadalun uparilun lbabia uiada abahatai lia aitinun uazlinin umsakinin `lauaihun kd haizin `mrat ana aluata huit ulaiada uana amarna `it iuma d anat ruha tidul unihuia brik `ur gabara d huka mn iuma d haza amrat ruha ualma liuma d `damila bgap ahu naida uamra mahu d `bad mn gabra d apqan uibian mn abahatai uapqan mn atrai d minh huit kd haza amrat ruha ana amarila ha kma nia hauia d bgauh d `ur baTnit amra ha trin alpia nia uana amarila `ka aka `lik dilik uamra kma nia hauia d ana `bTun uamarnala ubin alpia ruban nia uhadisar iumia baiit midirh bmarbik utidlh l`ur gabara qarabtana rba kd haziatlh kd mitlid ldilia labaiit mihizian kd haza amarila h` bliba hadia uamra ha kma `dra usbul bkarsai uana amarila kd ana luatik laitan nia

bqlil napqan uamra qum azil turSa amrit kd luatai laitak libai dilia mistmik uldilak labaianak kd haza amrat ana lqudam abahatai silqit hu ab bgauai mitkarak ulbuia alanpai sahiq umana hu udmuth luataiun tirSun uamria mahu abadt bra rhima d Sauth ania udmuth nahra u`ruth ania d anin ldilh qrainh udmuth `lan triSa hu samik `uSra umadita dilan kd abahatai ldilia haizin amrilia ana sagidna umitaTina qudamaihun b`ruta usibruta utubihta kd d hinun alpun hinun algiTun mn ri bri Sauta dilia udilun udilun dilia uamria bhaiak hibil iauar aganda `taiilan kd d abadt balma hak d huat bgauh d anin `nainak ukul iuma `dkarnak Sarna ldmutak Sautak uparSupak qudamak uabuk kul iuma masiqta qarilak uamar d nisqun unitun hibil uitil uanu ahia tlata d hinun bnai urahmai uana bnihuta minaihun mitaiina uamarnalun lhiia ulmana udmuth man d hailh kabir Sauta dilkun anai ukabira uhaila d anatun `habtulia uadiauria d anatun nSabtulia mn mahu dahilna ukisia d anatun ksaitunan ana lahaiiqna minaihun u`Srai hauqa laiil `lh bruhSana dilkun alma liuma d maTit uiatbit u`taiit minaihun kd hda minaihun ukulhun maran umalkan qrun urazaihun d kulhun lagiTtinun aititinun minaihun uprudqa `hablia `l hahu d anin haabta d minh atalan d kd d hauia margu minak abid anatun b`ruta umadita ugaliuta d gl`ia b`uSraikun qritulia uamartulia uapritun unSabtun lhanath huka uadartun ldilia mn qudam d tihuia `mh uabuia d `ur umn qudam d abahatun nihun ahadtinun lkulhun babia uanitinun lkulhun sukria d luat hdadia lazlia had lalma d habrh lamasgia ubaba lamiptalun hinun hiia abahatai amrilia ia hibil iauar aganda kasia d `dh d abuia `lh `tasimat uanin auinh kd dilan `u haza labadnin uanat lasadarta lahua mSinin bhailaiun d `ur u`mh kd haizin amarlia ana amarnalun `qum `zal luat ruha d maTia d tidlh l`ud amria qum `zil utaqin akuat hak d taqint uasgit uatit uakata lruha d ahra udauia uahriria miTiat umaTia uatia iuma d tidlh l`ur bra uqaima ukinnia kaina utlatma uitin kinnia kaina uamra d kin`nia `kun d hauia iuma d iadlana mn kinta lkinta manianh kd kinnia kaina ana amarila abid mihuia d iahrik maTia h` minai lamitaia uana amarnala `bidatik lau mindam hinun ubaqth u`tit l`uhrai sarit ubit miSria iatbit amarna hata hauia haabta rabtia d iuamin `tiqria uhua ubnia qra uana idqa niTrit ulamalalit uhaizak ruha hlaSala ubat d tidul bgauh d `ur marh d huka kd iadlat bgauh ana hzaith udamia kd gimra zuTa hzaith lalip nia qalth ruha lbra uakith mn kinta qadmaita kul kinta kinta alpa d nia hua umn kinta lkinta manilh haizak alma d maTia `ur lkinta batraita mn malbua d karsa d `mh lanpaq kd npaq mn malbua d karsa d `mh npal bmia siauia urmia urapi uamarna hata `ur hua u`mh hzath unapa hua zuTa undid banpa ubgauh laiada d hauia umitgabar mn gabaria rurbia abahath ana hzaith ubaqth usilqit luria hanik d parzla qamit `lauaihun u`mrit b`rutai utubihtai d hiia abahatai `hablia uraza rba d minai kin qrit uba uria d dahba uahdarth lhanath alma kulh uura ura `dikrit `lauaihun umia kasiia uumhata kasiata um hamam`il uhatm`il unaTr`il uzarzi`il upar`il uhalS`il d lika d mSia bhailh nianinun mn duktaiun kd abdit usadartinun lhanatun uria atit uakath d rmia urapi bmia siauia kd tulita math hauia zirta hda `urkh uzirta hda putia uamarna hata `saq `zal `tib bit miSria alma d rabia uhauia kd d `mar `lh kd hua `mh asqalh gabara rba haila d huka kd d hua unpu u`tgabar urba rbita rabtia ana amarna mahu iatibna `qum u`da upru u`hut u`qria u`msia arqa d nhaa d hauia tmanima utmanan alpia parsia sumka tutia halin mia siauia d `ur mistmik `lh kd haza nipqat mn pumai dilia iauar hibil huat mn napa u`taqnat usilqat uatit `lauaihun d mia siauia uhzaith d napa rba uamarna d `iadilh `dai `l gambh d nitkarkas hailh ulanirbia tum `u rabia alma kulh paqa mn hailh mn rbita d rabia haizak ziua unhura ibqit u`da adilh `l gambh uama bmia siauia alip ruban parsia ualma d azal usmak `l arqa d nhaa mn kudrh unaskh pqa piqa barqa d nhaa d hauia trisar alpia parsia `urkh uputia u`tigna guha bkulhun almia d huka uamria abahata hata napla arqa d nhaa ukabalan batraian hu `ur `Taia bhanath

piqa mn hauqa d haq umn ziuihta d zha uana niTrit alma d nagib mn piqa umia siauia uziuai ksaith mn ainh uhu l`mh amarla mahu d abadtlia d bit mirbia tum aditlia `dik kd laiadana haqit uqamat `mh u`malh babahath d lahua iuma d ana adilak `da `l gambak hu `mrar bmrirth bita uba d nahim unikla l`mh d napia uamarla abahatik lia hauin uamralh qum n`zal luataiun haizak amralh qum `hauiak taga urmia briak umalka tihuia d mn iuma d huit auilak uamarla hauiin d `hizia uamralh ata `hauiak d ksia luat uria rma ainh `l tagh unisbh ltaga urimih briih uh` ruha amralh hdibh btagak d rara dilak hazin taga hu uamarla l`mh `m latimitai muta bia d ana mn riai laaqlanalh umizdahranaba uamarla qum hauiin baba d luat abahatan nizal uamralh mn qudam d anat tihuia ana napai bihit balma ubaba lakit uhaizak ba d nikla l`mh alma mn qudamh rihTat uqihdat uamra uai uai mn bra d `mh maiT hu nahim uhadar balma ubaba lamaka d n`iul l`mh qarila uamarla ladahlit atai hauiin uamralh anat lamhaimnit b`umamata dilia uamarla miaka alma d baba litlh m`iaka d abahath baba banph ahrilh usakrilh umiaka baba d napiq bgauh laiadala umiaka d abahata minaiun pasqilh uamrilh ana tum haza h` ahrana umitapriana `l kulhun uhaizak amarla lika mindam d abdinin haizak amralh iadana haria ramia utaqipia d kd qariana arqa para uamarla qrai harik ualpin minaihun uh` amralh kd qariana anat ialpit uamarla qrai uamralh qum nizal lhanik uria d hua tagak luataiun hu masgia uazil mina uazal umTun uamrat alip alip d lasaka uruban ruban d laminiana uuria lapar uhu amarla l`mh lau amart d haria napia utaqipia iadana uamralh kd laiadana mahu d `lai huat hu amarla qum kd d iadit abid uqamat mn haria uraza qrat daiuia qaraptania kd bainh hzinun `da `la d `mh haria napia utaqipia ugabaria iada hu amarla d halin daiuia nihuilia adiaurh ul`mh mhaninla uamarla kd halin `bidata `dit alma laqrit Sauta lnapik h` amralh br ana amrit d lbar mn dilak labaiana kd haza amralh hu mhaninla unaiqa uana iauar kd aitita mn atra la`dit d halin `bidata hua iada kd haza `bdat ana la`tahzilun ulapirun hin`la qudamaihun qaiimna umn ainaihun ksina uhazianalhun mahu d abdia h` amralh lbra qum `hauiak naura hda d ldilia `tlia uamarla hauiin uamralh ha hzia malkai ugabarai hauith uanph hza bgauh d hanath naura uhzinun lalmia d huka uhzinun lalmia d nhura kd haizin hza `tgabar u`tqis ulapiT uqumth gaba ul`mh d nimarla alma liumai alma la`habtlia hzit anpai bgauh uamrilh ia br hazin naura utaga mn d ana silqit ugabarai asqan lhazin atra tagak unaurak uhazin gimra hda `lai hun d amrana kd hauit dilak nihun uamralh mahu d hzit br hu amarla hzitinun lalmia d abahatai `ni `ni hzaith balmh d napia uhzaitinun lalmia d nhura uana amarna mahu `bad d abahatai hzaitinun unhura d lau dilan baiina hzit h` amralh hauian naura d `hizia bgauh u`habla hzat bgauh akuat d hza bra uamarla hata mahu nibad uqamat uargizth uamralh hata ana laiadana uh` liba npal mn samkh upirat `l kulhun uamralh bar `l atrak u`l abahatak d napak ainak rmia bgauaihun ualmia hanik d nhura anat `lauaihun latitkada kd haizin amralh ligTa bmanzia uqudamh qarba ukiba uh` qihdat tlatma uitin qihdata bihda qadihta uamralh uai uai br kul d abdit abid uamarla ana lnhura mitkadana lau `l huka kd haza amar hu `ur bmia siauia qdabun umia siauia `tkarak bihda krikta qudamh ualma d Trun buria umiSria d binia huka lnhura uTrap `lauaihun d uria urma qala uqda bqadihth alma d nad uria kulhun uhaizak ldilia iauar hiia amrilia hata mahu iatbit iauar hibil ganda qum `zil `l `ur marh d huka rbutana uana iauar laanit mn malalun d abahatai uasgit uatit `l `ur ana u`utria d minai uadiaurai d `nSablia abahatai hu `ur marh d huka kd hizian uhizia ldmutai `qbar bmia siauia uana nsabth ltagh mn riih ububa lbuia ahitth ul`uhrai sarit uhu `ur mn mia siauia ngib uamarla l`mh hazin mahu hua d asgia `lai uamralh hazin d `lauak asgia lmikibak hu d asgia amarla l`mh maka d bdilia mSia lmikiban uhaizak `mh amralh `u hua mS`iit bhazin gabra d hailh ziua tagh `l mahu lamS`iit miiqlh minh kd haizin amralh `mh `dh `l riia adia uamar uai uai `lai u`tigbib ula`piT uamarla l`mh ligTan d humarta

d halSai `tibrat kd haizin l`mh amarla `mh bakia unahma `lh haizak `npiS uqam mn kursia uamarla kul d hauia `lai tihuia uqam uata bhimta urugza hu ualip rubin daiuia d minh ukd haziun mit udak uhinun hun kd zan d lahun uqam bhimta ul`uhrh sar bmia siauia al hu qra daiuia d saka litlun uqra daiua hda d rab kd dilh utum ata alanpai dilia kd hiziun daiuia mit hinun ukulhun d minh ul`uhurh ulaqam hazia uamar mahu `bid uamralh `mh lamS`iit bhailh d hazin nhura uamarla lamSina d hailai npi uamralh `u mS`iit qum nizal luria uandinun mn duktaiun uamarla l`mh qum nizal uazal kd ba d niania luria la`tanilh unapih bihtat mn `mh uamralh lika d iada bhailaiun d halin uria mSia d nianinun mn duktaiun d ana nia napata riTna riTnit d haria uuria lapar hu l`mh amarla mahu `bid uamralh `tlak marganita hda utruS briak d hailak napu kd aitita lmarganita utraSalh briia hu bmia siauia qdabun u`tikrik mia mn qudamh rhiT tum amar `saq lnhura ulaina rabtia d mia uana iauar blbua hak `tahzilh u`STar unpal qudamai unsabta lmarganita hak d `mh `habalh d hu ahibra `sqta baqta u`zlit luat abahatai d minai kinia uamarla l`mh uai uai `m ha `tqil hailaian uraran minan h` amralh br lamS`iit bhailh d hazin gabra h` amralh qum lmia siauia n`iul unihizia lgimra d bnapai aka d npal bmia urahtia mia siauia hazinin mahu d baiinin lmibad h` `mh lmia siauia al uana iauar ziua abatraiun alit h` ruha apiqth lhanath gimra mn napa unpal bmia siauia umia siauia rahtia umitapkia alma d `tahzia hanath piqa d mn kudrh d `ur pqa hu amarla l`mh `m hzai piqa hazin d pqa d niplit kd `da aditlia h` hzath lhanath piqa uahra bgauh uana iauar auarta uagita lruha unsabth mn qudama lhanath gimra ubaha `lh ulamakalh umalia `da `l ria Tarpa uamra uai uai d haran upudran audin u`mran uiman `tqil h` bakia uhu bakia uarqa bihh aqar umn mia siauia saliq uamarla l`mh `qum qraba `bad uhaizak bzibna batraia qra uarim bqalia u`tagar bihia ubmia siauia npal `l uria u`Tarap u`zdamam uria akuat Tatga u`utria mn qalh banania `tib umara d rabuta bkisia d napia `tib uana iauar ziua aganda ana rab agandia kulhun amrit bhailh d raza rba d minai kin ubhailaiun d hiia abahatai ptahta lbaba unsabta lmargna rama uhauith uainh bdimita `STarar u`l napia bka urgalth urmaith lqudamai dilia iauar br iauar uaitit maspuTita d kadra mn kulhun almia dilia ukadra `l had ruban kd dilia urmibh b`ur rab kulh haila d huka ukarkistinun lgirmia uqda uamar uai uai marai u`ma qahda ubakia `l `ur bra uamarnala ia ruha `zil `tib hiia brugza adrun `lh unaTria arba paqdit `lh u`l anph shapth uarba `pia apth uarba riauata auitinun hda lmarba hda lmadna hda lgirbia hda ltimia bmarba paqdit `lh azaz`il uazaziaiil utaqp`il umargazril rba d hu ragiz `lauaihun d habrh umizdahribh bmadna paqdit `lh arba hurinia `urp`il umarp`il utaqp`il uhanan`il d hu hanin ugazim `lauahun bgirbia paqdit `lh kanpan ukapan ugubran uguban d hu gabir hliS `lauaihun umizdahribh btimia paqdit `lh arba hurinia hail`il d hailh npi uqarb`il unuriaiil d nura abiq `lh u`lauaihun d malakia habrh umizdahribh kd paqdit uauilh l`ur d lamSia mibad mindam u`tapriit `l alma hazin d mia siauia d baiia mihuia lmiqith d `ur alma d abatur mitinSib ana lbit hiia silqit uamarnalun labahatai hdun u`tbasam d `ur `tikbi u`tkaba hinun niqun bpumaihun dakia uhananun uniqun ugalilulia uamrilia hibil mana dakia iuamin tlata bnia qra had minaihun naTar qina d abahath had luat abuia daiar had hu abatur lalma haka azil d anat bgauh huit uanph bmia hza udmuth ubra mn mia siauia miSTarlh kd haizin amar hiia abahatai qam hu abatur upihth lbaba uadiq bmia siauia ubar bita `STararat dmuth bmia siauia uptahil `STarar usliq lbit miSria hu abatur madh pra `l ptahil uamarlh abatur lptahil brh ata ata ptahil anat hu d hzit bmia siauia kd hizia bdmuta d napia d hua lbi uba lbuia d zan zan ugaunia gaunia alinun unsabinun minh umn ziuh albiih umn nhurh kasih ulalmia d nhura lasaliq d hua haiiq mn abahath `l miSria autbia uamarlh abatur tib ptahil `l atra hazin d hiia nibun `lak unipiruk kd haza amar abatur ana

iauar hibil mn abatur mitaiina uamarnalh hdia bbra d qrit hu nihuilak Sauta uadiaura nihuilak kd haza amarilh qam qudamai usgidlia umidnalia l` hibil `utra uamar abatur ha bhailak hua ptahil bra u`thib uamarlh hzia mahu d baiit mn alma hazin d haabta haza huat hzia mpaqdatlia lptahil d bsakluta abid mindam d laiada hu ma d amarilh lama uluat abahatai silqit uhu abatur paqdh uamarlh qum ptahil br msia msuta bmia siauia uqam msa ula`tmisiat uqam bhaabta uamarlh labuia ab mn uba lbuia nisbit hanik d `tniSbit bgauaihun uqamit bgu mia ula`tmisiat arqa uamarlia abuia ia sakla hzia mauiatlia kd dilak anat sab mn uba lbuia d ziua unhura u`qara d ana albitak urmia bmia siauia d hata msuta hauia kd haza uma mn abatur abuia qam nsib mn hanatun uba lbuia d ziua unhura u`qara urma `l mia siauia `tmisiat arqa msuta hda trisar alpia parsia ukulh alma qam mia siauia hdar hudrana d alma haizak ana qala rmitibh bptahil haq mn qalai u`tazha mn mimrai u`taTia `l msuta d msa uamar uai `lai d hazin hibil hu rma qala bdilia uana kd hzaith d haizin haq bmaTuta huit `lh uhaninth uamarilh abid utaqin uasiq `bidatak qudam abuk uqudam hiia d minak rahiqia uuria ahdirlh lhaza msuta d `u hazialh lbuai hak gaia rahTa umitikna bmia siauia u`laihun lahauia kd haza amarilh hdarilh uba uria lmsuta d msa uhaizak `thaab uruha nikla naklabh uamralh mn mahu `tqrit umn mahu huit ptahil d haizin dmutak apira hu amarla lruha mn hazin alma `tqrit huit u`tauit kd haza imat ruha mn ptahil mihaial liba uamralh minai anat uqamat ruha uqudamh d bra aila uamralh mahu gn`iit gabarai umahu kibit qum luatai kub nihuilia kd dilak uniiriak mn `surak kd haza uma mn `mh `tnahaz ula`tnahazlh h` hazialh u`lauh bakia aminTul d Tuna `lh kadir h` napa auiat kd kiputa uluath ikbat ubiTnat minh uiadlat uba bnia hazialun uminaihun raiqa uamra d bit ulahzit hata mahu `bad uamra tum `zal luath `kub tum `zlat luath ikbat hualh trsir bnia bkarsa hurintin hazalun u`lauaihun bakia uamralun mahu damitun bnai d litbaikun haila uladamitun akuat abukun hata bnapai iadana d ruhSana balma hazin litlia kd haza uma mina d `maihun `mrar hinun `da d hdadia lagTia u`tibiun bkanpa d rpilia d mn napaiun `taian h` amralun lia azlitun hata atia gabra d labukun `sria uligTia had had minaihun bakia `l napih uamria uai lmahu huainin uana iauar hibil mana dakia luataihun qaiimna ubit miauinun kd d lahun uana `tapriit uamrit mahu `bidlun lhalin matuSia d ladamia lhanik gabaria d hzit balmia titaiia hin`la `biqinun d amardita d alma hazin niqdun usigia d alma hazin hinun nasgun kd haizin amrit hiia mitar tar ulahsar uqrilun uamarilun ulibaiun npal mn samkia uruha `lauaiun bakia uamalun hazin gabra d qralkun gaTlh d abukun hu had had minaihun arqa biha aqar ptahil uai amar d msuta d msit `tiqrat minai mahu `bid uana amarilh lptahil latidhul hata abadnalun lhalin d hazin abdia haizak ana qrilun uamarilun latidihlun ana lagTinalkun umarinalkun d haizin d amarilun mindam labad uamarilun `bidatkun mahu uamria maran kul d baiit `bid `la bmahu tihuia `lan gabra nukraia uana lami bumh qrilh ulsin ulkiuan ulbil udlibat ul`nbu unirig lhad had minahun `habilh uamarnalun `tilkun markabata u`tibiun u`ialbiinkun lbua d anai uziua `tilkun d minhiritun bhazin alma kulhun ligTuia lami ahuhun qaia uamrilh anat tihuia malkan udlibat tihuia malakta balma uanin kulan nihuia atutaikun ana kd haza imit minaihun aitilun plugta uqraitilia lsar usaruan uamarnalun nTir plugta hulh adiaura lami ri planga qaia ahia umn ma d amarilun laanun `utria trin uautibtinun bgauh d markibta uanhruia lalma tlatma uitin alpia `nia bhurba uhaizak `thabit ana iauar amarna `bad adam qralun libiahia uamarnalun aun dmuta d pagria uaun kd d amarilun uana aitita lniimta mn ginzaihun d hiia rurbia d hua d ks`ia bit niTupta d rbat btana urmitibh bgauh d pagra d adam uabadilh haua zauh d nihuia un`tiaiar unitqaiam alma hazin uana `huia tangara d nimata d haka mitiadla ulhil mitqiriia `utria usalqia hazilh laiar baraia ulatra d minh `tinSib ualma d alim k`la d lma hazin usalqia

hazilh labuhun qadmaia hiia lagTia Tabuta d manda d hiia udhibil brh d hu msadarlun sidraihun lhiia rurbia `qara hiia liadin hiia lsabran hiia lgubria masbiranan uqaiamin hiia bkinatun uhiia zakin lkulhun `ubadia uzka uzakia iauar ziua uadiauria utarmidia sa hazin sidra d supat hu sa bumaihun d hiia rbia qadmaiia dna ziua unhur hiia u`tiglia manda d hiia lbahtinun lkulhun almia uqarqla lkula alahuta d baita upalginun lkulhun marauath d alma hazin hiziuia lziuh unhurh d manda d hiia d `tlababh bhiria zidqa karsauata d alahun `tirkin latutaihun usidraihun hua lmipak `l anpaihun uqam bbahtuta ukulhun almia d hiziuia `stahap `l anpaihun npal ulapahtia ainaihun ulamakin d nahzun ata udmuta d hiia rbia bhiria zidqa d hiziuia `triS u`tmlun bhiia uhiia `l `uSraihun `triS unpal tihua `l marh d baita uamarilh lalahun anat dmu dilan uanin dmutak dilak hin `tbak haila ania dmutak uanin nizal unatauzap `l nhura d hiia uamarlun ana dmutai h` ulalam almia laania uamria uai `lan d `ubadia `dan hun bzakaiia uanin hauinin bhaiabia alma bakitun amamia udaria libaikun `l mindam d lau dilkun hu umitipka uapka malkutkun utuqpa d giutaikun npal `lauaikun umitmirdia `l alahun ulaTuTia mlaTiTilh uamrilh liTit alaha uruha d `l ruha ria asgia hailahun d bkinatun bhit iqra ukadba hua btiria hiklaihun dna huka b`ubadia `daihun habara Sadia brqihaihun `tirsin alahaihun bbahtuta l`uhraihun unpi qlalun `tib `l zipa hukumta uabdin hadia uramin `l anpa d arqa nhit alaha mn mruma unsib dmuta d malakia umalakia `tlaba bsahria ukul ium kul iuma apkia libaihun d bnia anaa uaria `l Sauar kumria zabia uadidia mikal mn bisraihun lsiba umitia mn zmaiun lriuia malil bhukmta uzipa umanin `dania `tiglun hiia ltibil dna ziua unhur hiia iama d hiziuia apak uiardna `hdar l`uhrh Turia raqdia kd ailia uailata bdbar mahTa `ulaihun uaramata mamlla kd bnat anania b`qara Turia pahtia pumaihun uiahbia tubihta uarzia blilban mitabria arqa d hzatan zahat u`tazihat umlik iama d hizian apak iama lman hzit uapakt uiardna lman hzit u`hdart l`uhrak Turia lman hzaitun uraqditun kd ailia uailata bdbar lman mahTitin `ulaikin uaramata kd bnat anania lman mamlilitun b`qara Turia lman pahtitun pumaikun btubihta arzia blilban lman `tbartun arqa lman hzat u`tazihat mlik iama lman hzit uapakt uangauia iama lman `tagatun unsisia iama lman `tahzaitun mn qudam ziua unhura d manda d hiia uziua utuqna d albitinun lbhiria zidqa pak hiia `l mia uangauia iama pta pumaihun u`hab tubihta lhiia rurbia nukraiia uamria umaikun hiia ladkarnin udahaltaikun dilkun la`danin hazin hu nhura d hiia d `tiglia uabuia bhiria zidqa uamarlhun manda d hiia `tit lmikan luataikun uiaqminkun bnhura d hiia uapritinkun mn amamia udaria u`iaqminkun brahmut kuTa utihun kiTia qudamai bnhura d hiia utab hiia lanihuia lmarh d baita `taga ugarglia markabatun npu qala bmruma kd qal himun gabra almia npu qala bmruma `il idai bgabaruath arqa `qar bit zida u`bidath braba bit gabra mirma rmia tuqpaihun ada minaihun ulTanun aTar malkutun mn riaihun `tib `l karsauatun ubtihma uamria `uai uai d npal tihma bkulhun almia uqrib `danun umaTia lmilam lkimSat almia nihuia hiia rbia bmruma utiria ibiahia niiplun l`umqia d arqa udaria d hdirlh l`iul titaita ada ulTanun mn mruma `dgar mhaabatun biata briaihun qal hiia mn piria uqal zadiqia mn nhura qalaihun d bhiria zidqa mn kinata titaiata d buma d hiia mabin uamria anin muta `danin btibil mn iuma d hiia rhimnin umuta snainin `lauaikun dilkun hiia `tirhiSnin u`l umaikun hiia btibil `tradapnin dhul uaba bhiria zidqa lhiia uhiia `lauaikun kinia uanatun bhiria zidqa nihuia `triSitun b`triSuta qum qudamai nhar uanhar nhurai dilia `lauaikun nidna k`in nihun bhiria zidqa anpaihun nahrin umanhirin mn bnia d sam pira hiuara unahra dmutaihun d bhiria zidqa kd hiia d laiit `urbana bgauaihun ia d hakimia bnapaihun qudam anpaihun qaima askia luatan ia d amria lhiia anin hiia luataikun hinun uhiia luataiun laiit ulibaihun baq gzar hTap ia d apkia halia

mn marira umarira `l halia ia d `l Taba amria bia hu ulbi mauilh Taba ia d apkia huka lnhura unhura lhuka ia d mqadmin atin hamra hadta bramia atin hatiqia umitbin bzmara ukinara uambuba ia d madin miania Tabia umarhin rihania basimia umpanqa napaihun bgauta ubuma d hiia rbia umanda d hiia d hua luataiun lashid ulaSat ulaamun udhiia lbalun latraS pur bgiutaihun npalun uapak anpaihun liama rba d sup sgid uaba bhiria zidqa d anai d hazia ainaihun nukraiia mn almia d nhura d Silmia uSaurata litlia liad mabrin `bidata d zipa lanpal uumh udmth lbnat anaia ladkar haza hu nhura d hiia d rmia qam tuqpaihun agar malalun bpumaihun d bnat anaia ia biia d bdur ligia mamlilia hazin hu ziua atiqa unhura mn laqadmia hua nhar uanhar banhurh mn almia d zakauata ldmuth uluath ulSauth ulqalh ul`ruth ulgabaruath d manda d hiia `tahzia bkulhun almia ukulhun alahia `tarhizia `l hdadia miTipia uamria kma niauibh lmanda d hiia d npa ziuh mn abuhia uiatir nhurh mn raurubh u`tqaiam nhurh qarmaia uiaiin uzakia pugdamia d kuTa uakin ziuh brahmh ulmanda d hiia d hauilkun ruhSana kd raia Taba d raialun ukalia umrahiq minaikun ukul ruh siTia kd raia Taba `l aqnia d ldibnaihun dabarlun umautiblkun unaSablkun lqudamia hdun uaba bhiria zidqa anha libaikun umakik `uSraikun hun siTar mn biia ia kuTa ukiTa napaihun qala hua bkul arqa d rab ziuh d kulh mdina umanda d hiia `tiglia biahud ugupna `tahzia b`uralam d qudamh aulh laiit `iut malkuta lahuat briia lahuabh dmuta balahuta hiia hinun d hun mn laqadamia kuTa d hua mn qudam bria pta `uSraikun uaba bkuTa d alma inta tirihmun mn kilia titakilun akuat kilia qadmaiia d `takal ulapaT `daihun lqudamai d kuTa Tubaikun bhiria zidqa d mitgadalkun qarnaikun briaikun aniia hanatun zakuatkun mn almia uanpaikun nahria bhaduta ia labia murTia umurTaTia umiradpia uibqia btibil `lkun dilkun malbinalkun ziua ularadupaikun malbanalun qulalia ubahtuta anin lhiia `tarhiSnin ulhiia hualan ruhSana ukuTa hualan biluatan u`trauribin brabut mandak uqam hiia lrahmaikun ubrahmuta d kuTa uzidqa kd iriana rba d arqa d aiar albitinkun ukasitinkun bhiria zirqa brahmuta d rhimtun lmanda d hiia triS briaikun zakuata qum asgun uumai btibil utubihtai bkulhun almia haizak hu nhura d hiia d `tiglia minh agria uzidqia kin nimatkun bhiria zidqa ubanhura d hiia uninihrun trin trin bSiuat hdadia d napaihun nihuia umaikun nihuia anai ziuaikun mn ziuia unihuia anai nhuraikun mn nhuria `ni `ni kd zan `ubadia uagra uumai bpumaikun nihuia bruk uaba lmizlaikun u`l mitiaikun ulmitbaikun ulmiklaikun ulmitiaikun ulmilaikun ulmiikbaikun uhlarsaikun um hiia d dakritun labuhia uliaquria lrarubia lbarukia lqaiumia tum asgun umai btibil utubihtai bkulhun `ubadia hua qal bkul arqa rab ziua bkul mdinta u`tiglia manda d hiia lkulhun bnat anaa umparqilun mn huka lnhura umn habara lnhur hiia puq minh mn dbar Sadia uaTar uadun napaikun mn zipa hrara d hazin alma latihiTpun bhaubaikun biia umn hiia latitakilun akuat kilia qadmaiia d `takal ulapiT `daihun lqudamaihun qum rurbia bhiria zidqa aTar uadun napaikun mn dibia haTipia umn ariauata mhambilania makilania d minaikun dilkun mitakilia ia d azlia buqia tibil ukipa ugahna qumtaiun ulibaiun baq agzar hTip latirbun bbnia aula d `daihun bzma mlaua ukul ium ukul iuma iatbia lkarsauata d mirda uluma d hiia mradpia tinpa `ata mn anpaihun utiralhun lbit kadpaihun utibidlhun kd zan rbutun bmhita d napaihun nitimhun umhitai dilia latihuia `lauaihun uhiia zakin uzakia manda d hiia uadiauria sa hazin qarqalta d kula alahuta d baita h` sa . bumaihun d hiia rbia . kilai balma ilman uhubanai bdaria `tbadar nipqit mn alma d huka umn mariba d muta `zlit umaTit maTarta d kalbia ihania umagrania d maura ainaihun ulahazin umTaria `udnaihun ulaamin uum hiia adkirilun lum hiia laqam um

muta adkirilun `l um muta laqam bhanath maTarta haqit zahit u`tazihit unadalia kula qumtai balbuai qarilh gabra mn duk Tiph d alma uamar ia gabra d lhiia qaria niniuk ulhiia bnpi nihuilak ruhSana akuat damit lgabra d qaiim bma usrin nia gabra d huTra ukarkuta b`dh lgiT uabatar hiuaniata azil mn ilia nilgiTunh uzihua nalbiunh uzihua nikasunh utaga nisrulh ulsusia nautibunh umalka bmdiniata niaunh uakuat damit lgabra d qaiim bma uitin parsia bdita bit Sihiun l`huia umia nihuia briha d hiia narha utihuia niimta kd zan `ni Tabia bgiuth adith lhanath maTarta amarna hauqa udahalta uziuihta qudamai laiit u`zlit umaTit maTarta hurintia d ptula pt abuia d itin uaba bnata qudama iatbia d hadiaiin mgalalin lqalala usiTraiin primlin liTuata nasbia libaihun d alahia utihaiun d bnia anaia uamarilh ia gabra ahbalan umak uruumak d nsabt mn gilia mia umn `uSria d ziua umn maSbuta rabtia d nhura umai uruumai adkirilh haq zha u`tazhat uqam qudamai uamarlia iagabra bdirkak `ni lanitia upasihiatak `ni lanisgia uamarnalun bdirkai nitun bhirai upasihiatai nitun mhaimnai lika ruha nitiblak abunia bainak unihuklik ainik briik unisqun anaia naSuraiia nihzuna latra rba d nhura uldaura taqna uadith lhanath maTarta tum amarna hauqa udahalta uziuihta quramai laiit `zlit umaTit maTarta hurintia zan haza zban zriz hliS mlik rugza utaqipa uhbala maiilna uamarna haza maTarta d man h` ulman naTra uman mabaTba ailit uamrilh mabaTba bhaza maTarta halin d adia dma umhamblia Silmia d akuatun maiilna uamarna hanik nimata lmahu damia b`ubadia sainia d abdia balma ailit uamrilia hanik nimata damia lmania d pahara d `kuma nasib ulmania d nhaa d Tupa uuta masiq ramilun bmana sada hlaSa umSara kabin `lauaiun kadilun ulahalin umnangirilun ulamitapkia ailia hanik nimata lmuta tiniana latia lruhaiin amrilh zan haza zban ia gabra umak uruumak hbalan d nsabt mn gilia mia umn `uSria d ziua umn maSbuta rabtia d nhura umai uruumai adkirilia sgidlia zan haza zaban d rba sigudta adita lhanath maTarta tum amarna hauqa udahalta uziuihta qudamai laiit `zlit umaTit maTarta d iur iahur urhum maiilna uamarna haza maTarta d man h` ulman naTra uman mabaTba bhaza maTarta ailit uamarilh mabaTba bhaza maTarta kul man d gar ugnab uaumia ukadib maiilna uamarna hanik nimata lmahu damia b`ubadia sainia d abdia balma ailit uamrilia damia hanik nimata d gaTna mn huTra uakma mn zimta d ria uramilun bmana sada hlaSa umSara ungada kabia `lauaiun kadilun ulahalin umnangirilun ulamitapia ailia hanik nimata muta tiniana umuta tiniana `lauaihun latin uamrilia iur iahur uarhum ia gabra umak uruumak hbalan d nsibt mn gilia mia umn `uSria d ziua umn maSbuta rabta d nhura umai uruumai adkirilh sgidlh iur iahur urhum d rba sigudta adith lhanath maTarta tum amarna hauqa udahalta uziuihta qudamai laiit u`zlit umaTit maTarta hurintia d pilpin pipin d alpat ruha d quda brpilia d huka umaiilna uamarna haza maTarta d man h` ulman naTra umn mabaTba ailit uamrilh mabaTba bhaza maTarta d singiania udaiania ualiTania d apkia miSria umania kudkia d halin `nia d mzabnia halbaiin ugaTla bnaiin umhaiia bnia d habratin uhadra l`umSa amana lkasia d mhalin salqa bkita `lita uakita d bnaiin qudam hiia rbia qadmaiia halin d mzabnia halbaiin bhadiaiin talilin alma lium dina ualma lita aiia d purqana aminTul d mgaTla bnaiin umrabia bnia d habratin maiilna uamarna hanik nimata lmahu daria b`ubadia sainia d abdia balma ailit uamrilh damia hanik nimata lgadiia amina d mn ilia haTpilun lgumria ramilun bmana sada hlaSa umSara ungada ukbaa `lauaihun kadilun ulahalin umnangirilun ulamitapkia ailia hanik nimata haiabata muta tiniana ualmia d huka umuta tiniana `lauaihun latia amrilia pilpin pipin ia gabra umak uruumak ahbalan d nsibt mn gilia mia umn `uSria d ziua umn maSbuta rabtia d nhura umai uruumai adkirilh sgidlia pilpin d rba sigudta adita lhanath maTarta amarna tum hauqa udahalta uziuihta qudamai laiit u`zlit umaTit maTarta d `u miha baTla maiilna uamarna haza maTarta d man h` uman mabaTba ailit uamrilia mabaTba bhaza

maTarta kulman d bhiia kapir ubmiha audia maiilna uamarna hanik nimata bmahu damia b`ubadia sainia d abdia balma ailit uamrilia damia hanik nimata laqna amina d napa usagia qudam miha d hu miha lia nasginun uliama naqmunun umia niailunh ulihuia gadadh d iama mdalia umia d iama amuqia ubaiian mia lmitia ulitlin amrilh namata lmiha miha maran kd huainin bhanath alma lbuia albiinin uksuiia kasinin upruqia paraqnin uzidqa uTabuta iahbinin hata alma d baiinin mia lmitia ulitlan amarlin miha lnimata lbuia d albitinin uksuiia d kasitinin upruqia d pariqtinin uzidqa uTabuta d `habtinin `l um man amrilia nimata lmiha lum `iit `laita uuma d `iit titaita ulum `u miha ulum ruuma ruha d quda ulum alaha d naSuraiia ulum ptula pt abu amarlin miha lnimata `iit `laita umia h` u`iit titaita arqa h` `u miha ana hu ruha d quda haka h` ada `lh gabra bhir zidqa uadh lkulh kana d nimata d minh uamarlh miha lgabra bhir zidqa gabra umak uruumak ahbalan d nsabt mn gilia mia umn `uSria d ziua umn maSbuta rabtia d nhura umai uruumai adkirilh sgidlia miha arba zibnia d rba sigudta uamrilh nimata lmiha miha maran kd huainin bhak alma lau anat amartlan d rab minai laiit ana hu alaha alihun maria mariuan ana hu malka d kulhun almia ana hu gabra d ada `lak usgidtlia arba zibnia d rba sgudta man hu amarlin miha lnimata hazin hu gabra d ada `lai sgidilh arba zibna d rba sigudta um `iit `laita ladkar uum `iit titaita ladkar uum d ruha d quda ladkar uum miha ladkar uum alaha d naSuraiia ladkar uum ptula pt abu ladkar amrilh nimata lmiha miha maran akmar rminan bpagraian iumia tlata nizabunia kul d `tlan uninhit liardna uniSTba lum hazin gabra d ada `lak amarlin miha lnimata iakilia d `takal kd huainin bhanath alma mihzaitun ianqa d npaq mn kras `mh u`hdar b`mh ailuia d ana `hdar bpagraikun rminun iumia tlata tizabnun kul d `tlaikun utinihtun liardna utiSTbun lumh d hazin gabra d ada `lai amarlin miha lnimata `dalma laiaditun kilia d `takil ana hu miha baTla hrig laqu uhakim lbi mania babia d inta uapik `ubadia d ruha umabi gubria zadiqia uramilun brpilia rurbata d huka ukui sikia uqlidia ahuilkun uabuia abitinkun ragugia ragigitinkun dahba `hablkun aminTul d tihuilia Sauta bhuka bhanath atra d qaiaminabh adith lhanath maTarta uamarna tum hauqa udahalta uziuihta qudamai laiit uazlit umaTit maTarta hurintia d iurba maiilna uamirna bhaza maTarta d man h` uman mabaTba ailit uamrilia mabaTba bhaza maTarta rurbia urbutania kulhun uhalin d nasbia bardbia rurbia uiahbia bardbia dirdqia uhalin d nasbia hbulia uhbul hbulia ubak ubakan ula hazilh lakia kd aniuta ulmalka kd malkuta udahilh lhania umaskinia mn babaiun uzidqa laiahbia maiilna uamarna halin nimata lmahu damia b`ubadia sainia d abdia balma ailit uamrilia damian hanik nimata lgadiia aminia d mn ilia mn `maihun haTpilun ulgumria amina ulgumria mTabilun ukd abad abdilh ukd akal aklilun ulhad uba mauzipilun u`lauaihun rugza hauia ailia hanik nimata haiabata muta tiniana balma d huka ulatia `lauaihun amarilh iurba ia gabra umak uruumak hbalun d nsabt mn gilia mia umn `uSria d ziua umn maSbuta rabtia d nhura umai urumai adkirilh sgidlh iurba arba zibnia d rba sigudta d adita lhanath maTarta amarna tum hauqa udahalta uziuihta qudamai laiit uazlit umaTit maTarta hurintin d ruha d quda d lpumia d karipiun sarupa iatba kinar iha lkadpa matnala umalia bitma uitin parSindia gitna matnala umamla bpanduria uqarialun ltrisar gubria tangaria d abu d audubia uamrila martan mahu qrinalak umahu ihnalik uamralun qritulia uihitulia kd zan napTa uqira lpumh d karapiun sarupa ukarkuta lgiTa b`da ulpumh d karapiun sarupa iatba mkarkialun uramialun ltrisar babia d haimanubh uamralun `zil `zil bnai bhud baba u`tia batraikun hadria bgurgmia d karapiun ulamitaka kaa umaa mizal umistimik `lh ada `lh gabra bhir zidqa uadia lkulh kana d nimata minh haizak `tar karapiun sarupa lruha d quda d nimarla anat haka huit gabra d ada `lai alma la`habtulia amralh hanath `dana hanath ita `damh pumak kd lbizuna d umana kd ziqa hua u`uSa unpalbh

u`stakar sliq gabra bhir zidqa uhizih laiar baraia uldaura taqna hiia amria lgabra bhir zidqa lmahu damia alma d atit minh uruha umiha uibiahia bmaTaratun d atit lmahu damian uamarlun gabra bhir zidqa ruha umiha libiahia damin ldidbia lpumh d dudia iatbia umn habla d maTilun miTarpia ganpaihun d bgauh d dudia naplia hiia hdun ualbuia ziua lgabra bhir zidqa uaituia nhura kasiuia aqmuia batra d rara atra d baiin minh umakia uailia minh umithiblun uhiia zakin lkulhun `ubadia zkit kana d naSuraiia lumh d iauar aar uzakia manda d hiia urahmh umh sa . bumaihun d hiia rbia halin hinun pugdamia d iuhana maSbana kd iardna d mia hiia lgaT umaSbuta haita maSba uuma d hiia madkar uasgia manda d hiia luath d iuhana maSbana uamarlh qum iuhana Suban bmaSbutak d maSbit uadkar `lai mn uma d madkirit uamarlia iuhana lmanda d hiia karsai kpina lmikal ugiutai Sh`ia lmitia uiarqunai mlagTilh uidqa nTirna lmiria baiina nimata kbar `lai hata nihuia Sipra ata `Sibak kd qaiim manda d hiia qal ainh latra d kulh ziua latra d kulh nhura ubaiia buta napa rba ulazuTa uamar minaikun dilkun baiina mn hiia qadmaiia umn hiia tiniania umn hiia tlitaiia umn iupin uiupapin umn sam mana smira umn gupna d kulh hiia u`lana rba d kulh asauata umn `uSar hai upta hai pahtia pihta d hiia unaSbia niSubta d nhura baiina minaikun buta d napna rba ulazuTa lhaza ita d qaiminabh baiina `l asar utartin aiia d `umama u`l asar utartin aiia d lilia u`l srin uarba aiia nihun kd zan ita hda `upania d `umama utitia inta uaharta lainh d iuhana nihar unikub utihuia niimth kd `ni Taba bgiuth `l atar `ailh uamarlh `l maSbuta d maSba bhaza ita d qaiminaba masgia uatia manda d hiia mn atra d kulh ziua umn atra d kulh nhura umn atra d `hablh lasar utartin aiia d `umama ulasar utartin aiia d lilia hauia kd zan ita hda `tiqil `upania d lilia nihun `umama u`tqil `upania d `umama nihun lilia hua `umama hua paina hua Sipra hua lilia uhua `umama atat inta uaharta lainh d iuhana uhar ukib u`tar u`tmaqaq u`dh d iamina lainh rma uinta mparaT mn ainh uamar manda d hiia lama `lak rab iuhana aba saba rba d `qara uamarlh iuhana lmanda d hiia ata blam ialda zuTa d mn `tmal liardna zamintak iumai la`kadbak uamarlh manda d hiia liuhana qum para iardna upras draiak uqablan Suban bmaSbutak haita d maSbit uadkir `lai mn umh d madkirit uamarlh iuhana lmanda d hiia arbin utartin nia iardna ligTit uanaia bmia Sabana `ni liardna laqran hata minak dilak Talia zuTa br nia tlat iuma hda baiina `sgia liardna uamarlh manda d hiia liuhana maSbuta hazin d maSbit uamarlh iuhana lmanda d hiia raminalun lanaia biardna kd aqna lqudam gabra raia umia bhuTrai mazilna `lauaiun uumh d hiia madkarna `lauaiun uamarlh manda d hiia liuhana maSbana maSbuta d maSbit uma d manu madkirit `lauaihun pta pumaihun tarmidia kulhun kd hda liuhana amrilh arbin utartin nia maSbuta maSbit `ni liardna laqrak lbr mn hazin ialda zuTa latibsibun lmamlalh d malil tarmidia kbar liuhana qam iuhana asgia lgauh d iardna upara iardna upras draiia uqablh lmanda d hiia uamarlh ata ata ialda zuTa br nia tlat iuma hda zuTa ahh uqai abahath d hu zuT upugdamia mraurbia uasgia manda d hiia luath d iuhana liardna uiardna d hizih lmanda d hiia auar ushaq alanpia ushaq lriqath uqam `lauia pumh qadmaia bmia uatutia pumh batraia bit mai lmai qapia iuhana ulitlh haila lmiqam hizih manda d hiia liuhana u`harap `lh kbar ziuh d manra d hiia liardna uiardna d hizih lziuh d manda d hiia atar l`uhrh qam iuhana bmiabata uasgia manda d hiia luath uamarlh manda d hiia liuhana Suban bmaSbutak dakita uadkar `lai mn umai d madkirit uamarlh iuhana lmanda d hiia alip alip anaia ahitit biardna uruban ruban nimata Sibit bmia gabra d lak dilak damia `l `dai ladan hata huat miabata bmahu `Sibak uamarlh manda d hiia liuhana kma d mia azlin `zil anat uana minak masgina Suban bmaSbutak dakita d maSbit uadkar `lai mn uma d madkirit kma d iardna haSib umia iabia azil iuhana umanda d hiia minh masgia umasgia manda d hiia lzuh ra liardna ulkiph pta pumaihun nunia mn iama uSipria mn trin kiph d rbita ulmanda d hiia mabilh

uamrilh brikit anat manda d hiia ubrik atra d `tit minh umaba umqaiam atra rba d azlatlh qal nunia mn iama uqal Sipria mn trin kiph d rbita anpal b`udnh d iuhana pra iuhana d manda d hiia anat hu d azal minh uamarlh iuhana lmanda d hiia anat hu gabra d `l umak aSbit maSbuta haita uamarlh lum man maSbit uamarlh iuhana lmanda d hiia lum d `tiglilia ulum `tita d `tit lmitia umana smira l`tagluiia anat asim `lai `dak d kuTa uiaminak rabtia d asauata uadkar `lai itlak d talt bumak dilak radmaiia ubatraiia nitqaimun uamarlh manda d hiia liuhana hin `dai masimna `lak mn pagrak napqit uamarlh iuhana lmanda d hiia analak hzaitak haka labaiina lmihuia hzaitak ugaiadtak kuTa ha baiina minak ulatagzaran manak mn atra d atit minh ulatra rba d azlatlh zarzan upaqdan uhananan ugalilia lrazia d malkia ulpira rba d nhura ulsadania upiria d arqa lhil lmahu kbiia usadania d mia d minaihun d `ata haita shiTa hiia bmahu kinia uman mn man qadmaia umraurab kd hazin uma iuhana `l riqath d krak nSab ihlh lilbuih bgu iardna alia lbuia d bisra uzma ulbuih `uSTla d ziua ukasiia TarTabuna Taba dakia d nhura amar mizal manda d hiia latra d kulh ziua ulatra d kulh nhura uazil iuhana minh uknap nunia mn iama uSipria mn trin kipia d rbita lpagrh d iuhana umsatrilh hiziia ihuana lpagrh `tinTiT `lh uamarlh manda d hiia liuhana lmahu `tinTiTt lbisra uzma d alaitak minh hin baiit `kamrak u`iailak bgauia amarlia iuhana lmanda d hiia brik umaba gabra d `uSTla d bisra uzma alan upaqdin uapqan minh maba umraurab umqaiam umiaqar gabra bhiria d `uSTla d ziua albian uTarTabuna Taba dakia d nhura kasian d huat bgauh hinila `tnaTaTit lbnai d ihia d ibqit d laiit `ni d masbarlun uamarlh manda d hiia man b`uSrak ublibak dilak ra b`uSraiun ublibaiun d bnak nirilun br ana iadana lmahu `tinTiTit uamarlh iuhana lmanda d hiia ap anat hu d iadit blilbia uparit b`uSria ulilbia ukabdia ukuliata kd ama Tiha lqudamak anat Sarit zimta uhazit mahu d bh uparit mahu d hauia bnhura umahu d hauia bhuka haizak malil pumh b`qara mn haupia mia umn `upania d mia nsib hala mn iama umn trin kiph d rbita uqam rma lpagrh d iuhana mn hak iuma d huat kasita lpagrh uamar mizal manda d hiia latra d kulh ziua ulatra d kulh nhura uazil minh iuhana azil umaTia maTarta d ptahil qadia ziu hsir unhar psiq d psaq hiia ubiq minaihun umn binataihun asTruia bSadia balhudh autbuia uptahil d hiziia lmanda d hiia `tirkin kursih latutia uqam minh umabilh umbariklh lmanda d hiia uamarlh mabit manda d hiia brik atra d `tit minh umaba umraurab umqaiam atra rba d azlatlh tihuia bmaTuta `lai qudam hiia rurbia bmruma d masihpa qubla shap `lai ulaabqilia d `saq `hiziia hiia b`umruma uamarlh manda d hiia liuhana `taiia mn hazin riaia d `tiabuta d hiia huat `lh ap anaa anat kd hda mn malkia auitak akuat `utria rurbania d bit `qara `zil pugdama ahbalh uamarlh iuhana lptahil anat `tiabuta d hiia huat `lak ulabuk `utra gabra d zarzak upaqdak ulhaka adrak amar mizal manda d hiia latra d kulh ziua ulatra d kulh nhura azil umaTia maTarta d abatur rama alip alip miqal ainia uruban ruban qaimia lqudamia uramilh kursia uamarlh manda d hiia labatur tib tib abatur lkursiak d ram ugaiia umnaTar d `hablak hiia rurbia bmruma uamarlh abatur lmanda d hiia kd azlit qudam hia adkar `lai uamarlh manda d hiia `l abatur hin azilna uamarna umitaiina nitun unidalunh lkursiak binia gubria bnia lama hin azilna uamarna unpi umitamana nitun trin malakia mn mruma naqmunh shupta d rama mn ria d kintak umn hiia rurbia uniamunak unimarulak unamun lhiia rurbia unimrun d azil manda d hiia upaTlh labatur amar mizal manda d hiia latra d kulh ziua ulatra d kulh nhura uazal iuhana minh uazal umTun arba gubria bnia lama `in hai uum hai uziu hai unhur hai ligTh gabra bhir zidqa uaqmh batra d rara ligTh b`dh liuhana aqmh batra d rara npaS `lh sidria ubauata umasqata udraia uamria `utria `tun nizal nihizia gabra d ata mn mibil bhir zidqa d kiT umhaiman mn binataihun d mhaabata biata umn atutia kursia d abatur atiqa `ni `ni mn ziuh malbilh u`ni `ni mn nhurh mkasilh npaS albuia `ata haita d litlh saka ulitlh miniana uqam iuhana batra d kulh ziua

ubatra d kulh nhura uqam bhaimanuta d napa rba ulazuTa uamar iuhana minaikun dilkun baiina mn hiia qadmaiia umn hiia tiniania umn hiia tlataiia umn iupin uiupapin umn sam mana smira umn gupna d kulh hiia umn `lana rba d kulh asauata umn `uSar hai upta hai pahtia pihta d hiia unaSbia niSubta d nhra uaknia dmuta qadmaita bit hiia baiina buta napa rba ulazuTa bhaza ita d qaiminaba bhaza masiqta d ana sliqiba nisquba kulhun anaia kiTia umhaimnia d bruuma d hiia rimia ubmaSbuta dakita maSbia uuma d hiia rurbia qadmaiia madkar `lauaihun umabin hiia uhiia zakin uzakia gabra d asgia lka sa . bumaihun d hiia rbia ruaz mara d rabuta unharbun b`utria bnia .. hazin hu raza usidra d ilmai marh d baita lum d ata ulum d atia u`l d mihuia mibilh uluta d hahu gabra nukraia d abar almia uata ubza rqiha u`tiglia utaqninin uata lkinata d ibiahia kulhun utraS kursia u`tib `lh Taba ha upra u`tapra `l d huat u`l d hauia u`l d mihuia mibilh ulhahu Tura Tur karimla uata uakinun luba utrisar gubria haila uuiia iuma d pisnia iqra b`daihun lgiTia uiatbia liahria unia uuia iumia uripsia u`dania uatat `uat ruha kadabta gabra gabra bumh qarialia ugabra gabra b`bidath mpaqdalh uqarialun umpaqdalun umadralun lalma hazin uqarialh lilmai marh d baita uamralh ilmai marh d baita qadim qum b`uspar mahgia uasgia lkiph d iardna ulkana Taba d asauata ma `dak bkuTa uhalil Sbatak btaqnia rurbia d iardna usliq `zal qudam abuk d hazilak mpaqad iahiblak malkuta uTabuta uzakuta d alma hazin akuat d amarlh `uat ruha kadabta lilmai marh d baita akuat d abad qadim qam b`spar mahgia uasgia lkiph d iardna ulkana rba Taba d asauata ma `dh bkuTa uhalil Sbath btaqnia rurbia d iardna usliq qudam abuia iatrun gabra almana kba qumth usgidlh `l abuia uabuia mihiziia d hizih ham Taba lahimlia urgaz Taba d largazlh uba `l mibTubia barqa d tibil umihamblia unitlibun bspiria rurbia d rara umashipinun `l anpaiun `l anpia d arqa uqudamh tlatma uitin utrin tarmidia uamrilh labuhun gabra almana mimar `marlak iatrun bmimrak uqaiumia mqaiamlak bmaSbutak lbaba d bit hiia hauma urugza laiit hin baiit minh d ilmai marh d baita lsidria sakia umalalia `umqia d naSuruta u`l apriata d alma hazin hin iahiblak paqid traSlia kursia binia gubria d abahath hin baiit minh ulaiahiblak nitkamar unizal lhak alma d minh ata nha Taba uamarlh lilmai marh d baita malala atalia mn bit hiia lsidria sakia umalalia ul`umqia d naSiruta ulapriata d alma hazin `l arqa hazin mna huat usadana lmahu triS ulhu rabtia lmahu `hiba uamarlh ab arqa hazin mihal hila usadana smik lmia siauia uhu rabtia lgabra kadaba `hiba uamarlh apir mindam d amartlia uapiria malalia kasiia d napqia umn pumak `zil `tib lkursiak rba d `qara d traSlak binia gubria abahatak kd ba d niazal unitib rba ltarmidia qarilh umaiilh uamarlh ilmai marh d baita malala atalh mn bit hiia lsidria sakia umalalia l`umqia d naSiruta ulapraata d alma hazin lrqihia halin mna hun ubmahu ngidia ubmahu tl`iia ubmahu manihria uamarlh ab rqihia halin aba rpilia hinin iaqrata d mia d ngadinin uaqminin ptahil bhailh d abatur abuia `hablh binia hda lhda tl`iia ambibia d ziua umanihria bhailaihun d malakia uamarlh apir mindam d amartlia uapiria malalia kasiia d napqia mn pumak `zal `tab lkursiak rba d `qara d traSlak binia gubria abahatak kd ba d nizal unitib rba ltarmidia qarilh ilmai marh d baita malala atalh mn bit ab lsidria sakia umalalia l`umqia d naSiruta ulapriata d alma hazin lami mna ulkinianh mna ulhaumh mna ulbardh mna ulziuh mna uamarlh ab ami mn arqa hua ukinianh mn kiniana d uba haumh ubardia mn hauma ubarda d ptahil uziuh mn ziua d hiia rurbia nukraiia iatiria d `lauia ukulhun `ubadia uamarlh apir mindam d amartlia uapiria malalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitib rba ltarmidia qarilh uamarlh ilmai marh d baita malala atalh mn bit hiia lsidria sakia umalalia ul`umqia d naSiruta ulapraata d alma hazin lsira mna hua ulkinianh mna hua ultuqnh mna hua ulbusmh mna hua uamarlh ab sira mn arqahua ukinianh mn kinianun d ibiahia utuqnh

ubusmh mn tuqna ubusma d sam ziua rba habiba qadmaia gabra d aria kinta lri ma uitin uuba almia rurbia `laiia d nhura kul alma balhudh alip alip parsia uruban ruban kinata ribh kul kinta balhudh alip alip `utria rbh kul `utra balhudh kinta arialh uamarlh apir mindam d amartlia uapiria umalalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba nizal unitab rba ltarmidia qarilh umaiilh uamarlh ilmai marh d baita malalia atalia mn bit ab lsidria sakia umalalia ul`umqia d naSiruta ulapriata d alma hazin lmia mna ulkinianun mna ulbusmaiun mna ulhailaiun mna hua amarlh ab mia mn arqa hun ukinianun mn kiniana d uba uhailaiun mn haila d huka ubusmaiun mn busma d mia hiia uamarlh apir mindam d amartlia uapiria malalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitab rba ltarmidia qarilh umaiilh uamarlh ilmai marh d baita malalia atalia mn bit ab lsidria sakia umalalia l`umqia d naSiruta ulapriata d alma hazin lnura mna ulkinianh mna u`l dmuth mna ulguTrh mna uamarlh ab nura mn arqa huat ukinianh mn kiniana d uba uhailh mn haila d huka umn bit smiaiil saTana uamarlh apir mindam d amartlia uapiria malalia kasiia d napqia mn pumak `zil `tib lkursiak rba d `qara d traSlak bina gubria abahatak kd ba d nizal unitib rba ltarmidia qarilh umaiilh uamarlh ilmai marh d baita malalia atalh mn bit hiia lsidria sakia umalalia l`umqia d naSiruta ulapraata d alma hazin lziqa mna ulkiniania mna ulhailia mna ulbusmia mna uamarlh ab ziqa mn arqa hua ukiniania mn kiniana d uba uhailh mn haila d huka ubusmh mn busma d aiar uamarlh apir mindam d amrtlia uapiria malalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitab rba ltarmidia qarilh umaiilh uamarlh ilmai marh d baita malala atalh mn bit hiia lsidria sakia umalalia ul`umqia d naSiruta ulapriata d alma hazin uamarlh `laia man utitaia man uamarlh `laia rqiha utitaia arqa uamarlh rqiha baTina mn qudam arqa `u arqa baTna mn qudam rqiha uamarlh ab rqiha maitia miTma uTala uarqa pihta puma umqablalia umapqa aTia ubazrunia upiria d aklibun uatibun d bnia d adam uTabuta d maraihun lamqablia uamarlh apir mindam d amartulh uapiria mamlalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitab rba ltarmidia qarilh umaiilh uamarlh ilmai marh d baita malalia atalh mn bit hiia lsidria sakia umalalia l`umqia d naSiruta ulapraata d alma hazin uamarlh baraia man hu ugauaia man hu uamarlh baraia gabra ugauaia `nta uamarlh gabra baTin mn qudam `nta `u `nta baTna mn qudam gabra uamarlh gabra mizdara zida bgiumia arbin utirtan iumia haizak latuat iahiblh bazira uTuhma uira uniaka ugaTar minh muqra ugirmia ugiadia uamarlh atuat lialda mahu iahbalia amarlh iahbalia zma umika Silmia umanzia uamarlh ialda b`mh bmahu hauia ubmahu mitrabia uamarlia ialda buba razia d abuia u`mh mitrabia uamarlh malkuta lialda mn gauh d `mh hauialh uamarlh kd kilh lialda alimlia ubaiia d l`mia nihuia hazin l`mia hauilh uamarlh ab kd kilia lialda alimlia ramilh rumaiia l`mh bmatna gauaiia umahilia lialda bqurqsia rurbia d mhh umitapik riia ltitai ukraiia lilai haizak l`mh hauilh uamar apir mindam d amartlia uapiria malalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitab rba ltarmidia qarilh umaiilh uamarlh ilmai maria d baita malala atalia mn bit hiia lsidrh sakia umalalia l`umqia d naSiruta ulapriata d alma hazin uamarlh kd kilh lalma alimlh lkulhun pugdamia d ba abuia minh hualh b`uSrh d nitilh hazin pugdama lahualh b`uSrh d nitilh utpil u`tib atutia tlatma uitin utrin tarmidia uasgia uata `uSar nhura niaha usimaka rba d hiia uaka uamarlh mahu iatbit ilmai marh d baita amarlh pugdama ba ab minai d lahualia b`uSrai d `titlh uamarlh pugdama d ba abuk minak ana mn `uSrai iadana kd baiilak abuk qudamh uarlak hazin pugdama b`uSrak hualak ula`habtlia `u had mn `utria bnia nhura d asbarlak `lh amarlh

b`uSrai hua ula`habilak aminTul d ligrai laar ulaqam `l `stuarai qudamak uamarlh kd kilh lalma alimlia arqa napla bhumbaria uumia mitkarka kd buria ami ahlh ziuh usira ahlh tuqnh kukbia umanzalata natria kd ahpia d tina nura lkinta azla umia azlia lkinianun arba ziqia d baita lagTia ganpaihun ulanamia uamarlh ruha umiha uibiahia unimata d biia d audibun lia azlia ulia atin umdurta lia hauialun uamarlh ruha umiha uibiahia unimata d biia d audibun lhdadia qarin ulagTia biad hdadia umitkarputia `tkarputia kd rumana d abara uazlin unaplilh l`ur maria d huka bgiuth rabtia d napia ugaTar umitnihpa nura uaklalia l`ur maria d huka ul`uat ruha kadabta ulibiahia ulnimata d biia d audibun uhaizak qam ilmai marh d baita uazal qudamia d iatrun gabra almana amarlh ab pugudama d bit minai `marlak kd kilia alimlh lalma arqa napla bhumbaria uumia mitkarka kd buria ami ahla ziuh usira ahla tuqnh kukbia umanzalata natria kd ahpia d tinia nura lkinta azla umia azlia lkinianun arba ziqia d baita lagTia ganpaihun ulanamia ruha umiha uibiahia unimata d biia d audibun lhdadia qarin uluat hdadia azlin ubiad hdadia lagTia umitkarputia `karputia kd rumana d abara uazlia unaplilh l`ur maria d huka bgiuth rabtia d napia naplilh gaTar guTra bguaria umitnihpa nura uaklalh l`ur marh d huka ul`uat ruha kadabta ulibiahia ulnimata d biia d audibun uamarlh abuia lilmai marh d baita hazin pugdama b`uSrak hualak ula`habtlia `u had mn `utria bnia nhura d amarlak uamarlh hazin pugdama hibil ziua amarlh uamarlh `zil `zil ziu hsir unhur psiq d psaq hiia mn qudamaihun ubaq `utria mn abatraihun uhiia zakin lkulhun `ubadia uzakia iauar ziua uadiaurh sa . hazin sidra d ilmai marh d baita hu sa bumaihun d hiia rbia laupa uruaha d hiia uabiq haTaiia nihuilia ldilia . ulab . u`l `m . u`l `m hurintia . u`l zauai . u`l ahai . u`l ahai hurinia . u`l itlai . u`l abahatai # . unitriS umai uumaihun d halin nimata bit hiia . binia mai lmai iatibna ana hu danukt sipra hakima d aspar diuta d alahia `utana giutana rbutana d `tlh lmarh d baita bbaith ulqaia bbiniana bhikla `laiia ubbath titaiia halin siprai l`dai rmilh uaspar dukranai ltrin draiia ana bspirai hadtia hagina ubhatiqia haia uparana umitaprina ldhuat uldhauia uldmihuia baiia uatia diSai zuTa lqudamai npalia ptahtia uhaginabia hu zuT upugdamia rurbia umalalia mzarpilh ubahi b`ubdanh `laiia uamar `ka hiia d hun mn laqadmia u`ka kuTa d hua mn qudam bria `ka ziua u`ka nhura `ka muta u`ka hiia `ka huka u`ka nhura `ka T`ia u`ka rara `ka hbila u`ka biniana `ka mhita u`ka asuta `ka gabra iatira d qai mn qudam d bania `umia uarqa hu uamar dinanukt mn diSai zuTa mitap rana uamarna alia hinun hiia d hun d mn laqadmia `lia hu kuTa d hua mn qudam bria `lia hu ziua lia hu nhura lia hu T`ia lia hu rara lia hu hbila lia hu biniana `lia h` mhita `lia h` asuta lia hu hazin gabra iatira d qai mn qudam d bania `umia uarqa hua unsabtia ldiSai zuTa ubnura qlaith binh mai lmai iatibna ana hu dinanukt sipra hakima d aspar diuta d alahia `utana giutana rbutana d `tlh lmarh d baita bbaith ulqai bbiniana bhikla `laiia ubbaith titaiia halin siprai l`dai rmilh uaspar dukranai ltrin draiia bsiprai hadtia hagina ubhatiqia mitaprina haiina uparina umitaprana ldhuat uladhauia uldmihuia baiia uata diSai

zuTa qudamai npalia ptahth uhaginabia hu zuT upugdamia rurbia umalalh mzarzapilh ubahi b`ubdunh `laiia uamar `ka hiia d hun mn laqadmia u`ka kuTa d hua mn qudam bria `ka ziua `ka nhura `ka muta `ka hiia `ka huka `ka nhura `ka T`ia `ka rara `ka hbila `ka biniana `ka mhita `ka asuta u`ka gabra iatira d qaa mn qudam d bania `umia uarqa hua uamar dinanukt mn diSai zuTa mitaprina uamarna lia hinun hiia d hun mn laqadmia `lia hu kuTa d hua mn qudam bria `lia hu ziua `lia hu nhura `lia hu muta `lia hu hiia `lia hu huka lia hu nhura `lia hu T`ia `lia hu rara `lia hu hbila lia hu biniana `lia h` mhita `lia h` asuta `lia hu hazin gabra iatira d qai mn qudam d bania `umia uarqa hua unsabth ldiSai zuTa ubmia Tmath ubinia mai lmai iatibna ana hu dinanukt sipria hakima d aspar diuta d alahia `utana giutana rbutana d `tlh lmarh d baita bbaith ulqaia bbiniana bhikla `laiia ubbaith titaiia halin siprai l`dai rmilh uaspar dukranai ltrin draiia bsiprai hadtia haginabh ubhatiqia mitaprina d haiana uparana umitaprana ldhuat uldhauia uldmihuia baiia uata diSai zuTa lqudamai npalia ptahth uhaginabh hu zuT upugdamia rurbia umalalh mzarpilh ubahi b`ubdunia `laiia uamar `ka hiia d hun mn laqadmia `ka kuTa d hua mn qudam bria `ka ziua `ka nhura `ka muta `ka hiia `ka huka `ka nhura `ka T`ia `ka rara `ka hbila `ka biniana `ka mhita `ka asuta `ka gabra iatira d qai mn qudam d bania `umia uarqa hua uamar dinanukt mn diSai zuTa mitaprina uamarna `lia hinun hiia d hun mn laqadmia lia hu kuTa d hua mn rudam bria lia hu ziua lia hu nhura lia hu muta `lia hu hiia lia hu huka `lia hu nhura `lia hu T`ia lia hu rara lia hu hbila lia hu biniana lia h` mhita `lia h` asuta `lia hu gabra iatira d qai mn qudam d bania `umia uarqa hua unsabth ldiSai zuTa qudamai atnaith mn Tulalia Sipra ualma `l puraria rurbia d paina uatat `uat ruha d quda bkintai qaimalh uamralh mahu akbit dinanukt umahu inta hnatalak anahu hiia d hun mn laqadmia ana hu kuTa d hua mn qudam bria ana hu ziua ana hu nhura ana hu muta ana hu hiia ana hu huka ana hu nhura ana T`ia ana hu rara ana hu hbila ana hu biniana ana h` mhita ana h` asuta ana hu gabra iatira d qai mn qudam d bania `umia uarqa hua habrai bmalkia laiit taga bmalkutai ulaiit kul `ni br anaia d paragna nitilh brpilh d huka uata din mlik `utra uripsia rmilh ldinanukt bpagria umn pagrh mapaqlh ziqia ziqia nasbilh ldinanukt `udamia mdabrilh siblia siblia sablilh uldirgia masqilh asiq aqmuia lmaTarta d nbaz haila d marh d huka sadana rba d arqa kursia lhalta d tibil rmilh uligria matnalh l`ubdunia titaiia ulkulhun iamamia apulh mgarglh alip alip uruban ruban Taiuta mamilh uamar ana hu d hzaith `mrit d ghun u`sgudlh u`mta qumtai u`aba ulaabiqlh din mlik `utra d minai aluia uamarlh lman sagdit dinanukt ulman mahtit qumtak umabit kd hiia rbia qadmaiia ubit abu rba qadmaia qudamak hu ziqia ziqia nasiblh ldinanukt `damia `dania mdabrilh siblia siblia sablilh uldirgia masqilh asiq aqmuia lmaTarta d zan haza zban zraz hliS mlik rugza taqipa hbila kursia lbab umia rmilh `l ganaba amarlh gnub ulmarh d baita amarlh aar uqum lganaba ldbar gaTla ulmarh d baita ldbar husrana alip alip qaimia lqudamia uruban ruban Taiuta mamalh ana d hzaitia `mrit d guhun usgidulh u`mta qumtai u`abh ulaabiqlia din mlik `utra d minai aluia uamarlh lman sagdit dinanukt ulman mahtit qumtak umabit kd hiia rbia qadmaiia ubit abu rba qadmaia qudamak hu ziqia ziqia nasbilh ldinanukt `udamia `udamia mdabrilh siblia siblia sablilh uldirgia masqilh asiq aqmuia lmaTarta d `uat ruha `maihun d ptulia qananit `maihun d qadiia d murat d arqba gauaita d huka qaima aba harata d lah` harata uaba ptulata d la`tiqria ptulata kd hadiaian mgalilin usiTraiin primlin klil pirSa uzaniuta briaihun matnalin nasbh libaihun d alahia unasbia tihaiun d bnia anaa nasbia gubria brimat d ainh u`nia bliba pahza alip alip qaimia lqudamia uruban ruban Taiuta mamalh uamar ana d hzaith `mrit d ghun usigdulh u`mta qumtai u`aba ulaabiqlia din mlik `utra d minai aluia uamar lman sagdit dinanukt ulman mahtit qumtak umabit kd hiia rbia qadmaiia ubit abu rba

qadmaia qudamak hu ziqia ziqia nasbilh ldinanukt `udamia `udamia mdabrilh siblia siblia sablilh uldargia masqilh asiq aqmuia lmaTarta d himun gabra alip alip qaimia qudamia uruban ruban Taiuta mamilh ana d hzaith amrit d ghun usgudlh u`mta qumtai u`aba ulaabiqlh din mlik `utra d minai aluia uamar lman sagdit dinanukt ulman mahtit qumtak umabit kd hiia rbia qadmaiia ubit abu rba qadmaia qudamak hu ziqia ziqia nasbilh ldinanukt `udamia `udamia mdabrilh siblia siblia sablilh uldirgia masqilh asiq aqmuia lmaTarta d ptahil ziu hsir unhur psiq d psaq hiia mn abatraiun d hiuar riia mn haupia mia ziqnh mn Supia d aqamra hiuara uamar bhailai bnaitia lbaitia ubgabaruatai taqantia taqantia lhikla `hbit sira lhuban almia uiahbit lami lamia `l bnat anaa rbutana d labad b`dia ubpumia mitabh ziqia ziqia nasbilh ldinanukt `damia `damia mdabrilh siblia siblia sablilia uldirgia masqilh asiq aqmuia lmaTarta d abatur atiqa rama kasia unTira mistakina hazina alip alip miqam qaimia unTira uruban ruban d mitab iatbia kulhun lbiia d ziua unhura mkasin klil zakuata briaihun traSlun iatbia `l karsauata d niaha umitaiin bsidria umasqata ubauata kasiata mistakina hazina alip alip karsauata d triSia `pikia umahtia `lauaihun `uSTlia d ziua uTarTabunia Tabia dakiia d nhura uamar dinanukt bhanath maTarta haqit uzahat u`tazihit uamarlia din mlik `utra ldinanukt ia dinanukt laba maTarta d muta aditak ltmania d hbila lahaqat ulazhat ula`tazhat haka mahu d hzit uamarlh dinanukt ldin mlik `utra hzit alip alip miqam qaimia uruban ruban mitab iatbia kulhun lbiia d ziua umkasin nhura klilia d zakuata briaihun traSlun iatbia lkarsauata d niaha umitaiin bsidria umsaqata ubauata kasiata hzit alip alip karsauata `pikia umahtia `lauaihun `uSTlh d ziua uTarTabunia Tabia dakiia rurbia d nhura uamar hzit hiia d hun mn laqadmia hzit kuTa d hua mn qudam bria uamarlh hzit muta hzit hiia hzit huka hzit nhura hzit T`ia hzit rara hzit hbila hzit biniana hzit mhita hzit asuta hzit hazin gabra iatira d qaa mn qudam d bania `umia uarqa hua uamarlh din mlik `utra ldinanukt halin karsauata qinaTria lnimata d `maihun uabuhun lahua lalip nia naplia burba d aba u`ma haizak napqa lalma labia bsar kd alam kilaiun mn alma atin ulabia `uSTlia d ziua umkasin TarTabunia Tabia dakiia rurbia d nhura iatbia iatbia lkarsauatun d niaha umitaiin bsidria umasqata ubauata kasiata uamarlh dinanukt ldin mlik `utra kursia dilia himnu hu amarlia din mlik `utra ldinanukt lbuak `uSTlia d ziua uTarTabunak rba d nhura uklilak mn ruaz gupna d laahia ulapaiia uaTirpa minh lanatar uamarlh din mlik `utra `l dinanukt amarlh `zil lalma d biia ulatra d kulh malkauata `zil siprak qlinun bnura uaspar dinanukt bmia Tmu upuq lalma qria qala d hiia utarmid tarmidia itin nia uitin iahria kd alamlak kilak atit ulabit `uSTla d ziua umkasit TarTabunak rba d nhura utaurSinalak d ziua klilak rauzia iatbit lkursiak d niaha umitaiin bsidria umasqata ubauata kasiata binia `utria ahak bnia nhura uamarlh dinanukt ldin mlik `utra lsqupta d bit hiia aqapra `kul ula`tkamar ula`zal lalma d biia ulatra rba d kulh malkauata uamarlh din mlik `utra ldinanukt sakla d lahua hakima hasira d lahua iatira lsqupta d bit hiia aqapra laklia hinila Tab aklia uruaha ailia `tkamar `zil lalma d biia ulatra d kulh malkauata lsiprak qlia bnura uaspar dukranak bmia Tmu puq lalma uqria qala d hiia utarmid tarmidia itin nia uitin iahria kd alimlak kilak ath lbu `uSTlak d ziua u`tkasia TarTabunak rba d nhura uatna briak klilak rauzia uamar dinanukt pahtit ainai urimit gbinai mistakina hazina alip alip haria d qaimia bama u`lai bakin uruban ruban harata d qaimia bSita d iuma `lai mnambian ubakin uamarnalun `zil haria d `lai mnambian ubakin `zil lnapaikun bkun harata d `lai mnambian ubakian `zil lnapaikun bkun nambia ubkun lahazitun d hzat ainai ulamaitun d `udnai amat uqam dinanukt uqralh lzauh nuraita uamarla aitilia halin siprai qlia bnura uaspar dukrana Tmu bmia uzauh nuraita aliat bqala uqihdat uamra dananukt sTa udinanukt saTia ubr malkia hazin lau bhauna qimitaiia uqam dinanukt halin sipria qla bnura uaspar dukrania

bmia Tmu unpaq lalma hazin qra qala d hiia utarmid tarmidia itin nia uitin iahria uitin iumia kd alamlia kilh ldinanukt mn pagrh npaq asqh lbaba d bit hiia uamar dinanukt ptulia baba d bit hiia haizak putulh baba d bit hiia udalulh br guda rba d rara npaS albuia `uSTla d ziua ukasiuia TarTabuna rba d nhura uaitulh klila mn rua gupna utraSlia briih uqam dananukt batra d hiia ubatra d kulh ziua ubatra d kulh nhura uqam bsigia uhaila uaba lhiia rurbia u`l iaqir utriS kiniania d zakuata uamar dinanukt bhaza masiqta d ana sliquba nisqun unitun bgauh kulhun naSuraiia kiTia umhaimnia ubasimia unitarSun uniqaimun bapta nhura rba qadmaia uqaiamin hiia banhura utriS manda d hiia bzakuata uhiia zakin lkulhun `ubadia sa hazin hu raza usidra d dananukt hu sa # bumaihun d hiia rbia ninharlun `uSraiun umadun umadihtun ldilia . ulab . u`l `m . u`l `m hurintia . u`l zauai . u`l ahai . u`l ahai hurinia . u`l itlai . u`l abahatai

. hazin hukumta uapriata d apri ugalil uamar iahia br zakria lnaSuraiia kiTia umhaiminia uamar `u `tbak haila huia bhir zidqa d bhir bkulhun `ubadia akuat malka d taga traSlia briia uabad qraba balma d biia ukadabia huka ukabi uadiauria `u `tbak haila akuat bhiria zidqa huia naSuraia d kuTa badmu `kara msadrana d abid barqa umasiq uarzia bgauh hauilun adiauria lalmania uiahiblun haila lbhiria zidqa umaka mn zakuatun zaina d bhiria zidqa kuTa uhaimanuta utriSuta uiadita uapriata uhukumta usibruta umalpanuta urara ubuta utubihta uagra uzidqa unihuta uTabuta umkikuta ukinuta udrisuta ubusma uzahruta utaqunta udakiuta uzakuta ualmanuta uhiasuta utiabuta uhaabta urnita d hiia urahmuta d kuTa . ri kuTak latihambil miniltak uiqra ukadba latirhum ri haimanutak haiman bmalka d nhura d aitia uqaiim bkulhin zakuata ri triSutak anat dun napak ri iaditak latihuia mziga ri priutak latirmia napak bqulala ri hukumtak latibad apsus ulatighuk lalmania ri sibrutak asbar uapri minilia d marak ri malpanutak puqdania d zakuata mn malpania Tabia latipsiq ri rarak latihalip miniltak blau dilak ri butak utubihtak mainta latirhum ri zidqak uTabutak hab zidqa umia lkapnia uSahia ri nihutak rbuta latisab ulatirgaz ulatihuia mziga ri mkikutak umh d marak mn pumak lanaTar ri kinutak kun napak uqabil minilia d hakimia ri drisutak latimar mindam d laiadatbia ri mbasmanutak lkul `ni titiaqar ri zahrutak `da huhbanak uhaizak malil ri mtaqnutak latigar ulatisab mindam d lau dilak ri dakiutak latirmia napak bTnupia ri zakuatak zakia napak umindam d snia latirhum ri almanutak latisab rbuta `l d rab minak ri haiasutak hus `l nimata d aniia umradpia ri tubihtak aba latra d atit minh ri rnitak iuma d napqit mn pagrak ri rahmutak lguT rahmut kuTa luat ahia Tabia d brahmut marak masgia kuTana damia lmuzania d mtaqin d laiit bgauh hargta triSa damia ldaina d kuTa d laiit kadba bmamlalh mhaimna damia l`kara d zara umasiq piria Tabia uapiria iaduia damia lbanaia sdira d bania umpalig biniana bkul upra priaia damia lSaiara d Saiar dmauata bkul upra hakima damia l`umana sdira d bkul Sbuta iada priaia

msadrana sdira damia lraga nahira d mn smal liamin manhar arira damia lTura rama d lamSia ziqa lmianuiia mn dukta bhira d buta utubihta damia ltangara d apik umapik balpia iutrana Taba d ziqa mauaT damia `l patura sb`ia d lqudam kapnia mitriS niha damia lpira halia ubasima mkika damia lmia d naplia umitbadria bkul dukta d Subianh d marh lamania sdira damia luhba biha d abid umkalal umsadar basima damia lTura d piqunia u`lania urihania basimia zhira damia lmaTaraia d kuTa d bkul raiuta lamitaria mtaqnana damia lmalkuta mtaqanta d mtaqan Tama bkul pira dakia damia laina taqunta dakita d kul `urbana lamqabla zakaia damia lnaura sqila d kul parSupia bgauh mitapriia haiasa d haiis damia lama d lTabia ulbiia minihra taiaba damia lziqa basima d bkul babia ukauia naim mhabana d rania umhaib laqama damia lparaa d `sir bit zainh d rania umhaib l`mat mn `usurai mitarina kul man d malia brahmut kuTa damia laba Taba d lbnh uitlh mitauzap bhiria ualmania `zdahar urahiq napaikun mn nikla uaula uiqra ukadba uzipa udagluta uharguta ubiuta u`pikuta uT`ia uiga umhakanuta ukapruta uqaiuta usakluta uzmara uqlala uzaniuta ubliluta uTizanuta urabuta ruha uramat ainia uruita urquda uibia uihia uagra d mitabibia bnat anaa uhisma uqina uaqta usiniuta uhuspa urugza umrara umriduta uzaniuta uhaTiputa d haTpia uTulmania d Talmia uhatpia ugazlia biia uTnupia umlauuta d pagria u`usrana u`usiana ubusiana d asin ubasin biia lalmania usbar pugdania d maraikun nkila damia lmahuna d mTalal bnikla aulana damia lrumana d mn lbr anpia rauzia umn gauh qumana mlia zipana damia `l Sipra Sipar haiuta d mardia habra uramia bqulalia kulhun rahmia bmuth kadaba damia lsana d midamia brahmh d kul dina iadilia uminiklh lqalh dagala damia liama haTipa d mhaTip spinata d bh bia damia l`lana marira d mapiq piria sama d muta d piria Tabia litbh haTia damia lbira d mambuga mia sariia umabga zhira umrara agia damia llibta d siana d rmia bmia d kma d bahatba iga napu qaia damia lhaSaSa d bkulhun ruTbia laraTib sakla damia lglala `u atutak napla `u `lauak napla haTiabak rbutana damia ldulba ibiha d ahba baupia upiria lmarh lamapiq ulaiahib mrida damia lduga gira d hausia uriuia litbh marira damia l`luaia d napil bdupa umaslilh zidana damia lnura d iaqda d ziqa daribia hakima d lamsadar aiak baita d laTlala hakima d laTaksa aiak harta d lalbua hakima d lamakik aiak naura d lasqil hakima d lasbar aiak susia d lasarga hakima d labasim aiak makulta d laTama hakima d laadiq aiak gunda d lamalka hakima d lamalam aiak patura d lamSapat hakima d latriSa malalh aiak baita d ladia hakima d lataqip aiak nahra d lapuma hakima d lahaiiq aiak arqa d lamalma hakima d lazhir aiak spinta d lamalaha hakima kd iatira qalh makik uminilh pSiha usigiia nhia ulamh qrim sakla kd iatir qalh rurbia uminilh gi ukd masgia mriduta masgia ulama bria d Sbata malim hakima kd iatir malalh mtaqin udiauria hauia bkulhun apirata sakla kd iatir malalh mkidib udiauria hauia bkulhun biauata hakima kd malim uta triSa bkulhun paiqania d abad u`siqta kiha hakima dauria triS upaturia mauaT lkulhun ulmania sakla kd iatir bpumh haib hubana d aula b`dia mqarib danqia usianqia hakima kd `tlak dina minh dina iahib mn napia u`bidatak bnihuta ulama masgilun sakla kd `tlak dina minh uta dakia uqalh mqaia Sauria lsipia mamTia hakima d lahadia aminTul d dilh ulau dilh rania sakla sgara bSaurh uraqid `u mamlilit mn hakima Taba zadibak `ubadia Tabia zakuata `u bahatba bsakla mitqaat mn glala minilh d hakima lsakla aiak glala d bmia laraTba minilh d hakima lsakla aiak naura l`uira minilh d hakima lsakla aiak miTra barqa bita minilh d hakima lsakla aiak mana hiuara lazgauaia minilh d hakima lsakla aiak mia d purusma lSaiada minilh d hakima lsakla aiak bastarqa ldabaga minilh d hakima lsakla aiak ptula lgauaia minilh d hakima lsakla aiak gumria d nura bgu mia minilh d hakima lsakla aiak makluzana lharaia uduga kpinta lsakla qilalak bkulhun iTuata sauata lsakla qul uqabil minh riTna d aula d hakima d amar ana mn qudam sakla lamrahaq hu ria d kulhun saklh umindam lahakim sakla d diq bhakima mihab man d lau rahmak latibdia

b`bdatak d libia lanhia ulamakik latihibia br haria `ni d laTalam anaia luat dina lanizal d qaria ulabid damia lzarnuqa udaula hamilh umaqia mia lhabria d qaria ulabid damia lgabra d snia bdmutia uSaiar Silmia hu banaia lamSia d niSapir d qaria ulabid damia lkaSara d hauria llbuia d malka uiqluia minh d qaria ulaabid damia lTura lTrua d kul zmaria uanamia laama d qaria ulaabid damia lbanaia d banta lnapia labna d qaria ulabid damia lakaba d akib bhilmia gaTil bildbabia kd `tar mn intia mindam uabid d qaria ulabid damia lpardispan d klila lnapia lagdal d qaria ulabid damia ldaian d dina lhurina uailinun lhalin d qarin ulaabdin d nut amrin unut abdin mn lbar mhauian nianqia d haimanuta umn gauaiin hbila hblun aminTul d abdia ulaiadia d Subianh d marh labid qarib muta mn hiia almania hanik hinun d qrun uumaiun uabid uma d mamlala pumaiun lamkadbia hazin hu malala d hakimia d apri ugalil iahia br zakria b`uralam mdinta d iahuTaiia uzakilh iauar ziua hu ukulhun adiauria uhiia zakin lkulhun `ubadia sa . hazin raza usidra uapraata d iahia br zakria hu sa # bumaihun d hiia rbia nukraiia laupa uruahua d hiia uabiq haTaiia nihuilia `l . ulab . u`l `m . u`l `m hurintia . u`l zauai . u`l ahai . u`l ahai hurinia . u`l itlai . u`l abahatai

. bumaihun d hiia rbia nukraiia . `unian ab `unian udalian rba br rurbia abun br hiia . hazin hu raza usidra uapriata d apri manda d hiia lgubria bhiria zidqa ukulhun urbata d adam kd hua adam uhaua zauh nihtat ruha d quda laruqa d saupat titaita u`l `bdunia titaiia d huka uatiat ruha Tnupia udatania mn zamur daiua uasarala lhaua bhalSa uamra nihuia iumia uiahria uaiia uripsia u`dania d bhiria zidqa bgauh nitgaTlun unistakrun uhda minaihun lnhura lanisaq `lh d saliq hibil ziua maituiia `ruta utubihta mn nhura hazin raza d qrat uhabat ruha uata hibil ziua dal mha bmarginh hiuara lmia uamar zibna upusqana nihuia lmindam d qrat uhabat ruha lasra iumia ulhamisar iumia ulsrin iumia uliahra ulpalgu d iahra d bhiria zidqa bgauh lanitgaTlun ulanistakrun uhaizak amarla iurba lruha kul mahu d anat abadt manda d hiia pusqana mauilh haizak amralh ruha liurba `it mindam d ana abdana d almia kulhun bgauh mitbin utarmidia bgauh saTin uazlat ruha uauiat Tabla uzmara uphuria usiTia uazlat uzmara usiTia uauiat qarnia ubiluria d alma kulhun bgauh mitbin uazlat uqaimalh qudamia d manda d hiia uamralh ana aklana aba mnauata uanat aklit mnata hda ubmnata d anat d aklit ldilia mnata bgauh `tlia uamarla manda d hiia ia `uirtia d `uira bliba hasirta d aina nhura lahazia anat hazin aklit aba mnauata uana akalna mnata hda ubmnata d ana akilna ldilak bgauh mahu d `tlik uamralh `tlin halin naSuraiia d rbuta bargba uminuna nasbin halin d atin hamra bzmara ukinar zmara uambuba halin d iatbia puhria uguha gahna lqudamaihun bibia dilia mitbin uumak dilak manda d hiia ladakria uzidqa laihbia uTabuta labdia balma hazin ana makilnalun uraminalun btasniqia d alma hazin amarla manda d hiia hanatun d haizin abdia bkintik dilik nitikinun `u baiina lmiqria `utria qarina mn iardna hiuara rba d hiia qarilun manda d hiia l`utria ultarmidia uamarlun `lkun qarina bnia d ana

rabit `lkun qarina naSbia d ana niSbit mn abinia amamia utaumia uliania bnai `zdaraz bmamlalai dilia d latistakrun bhuka gahia aminTul d mzarzinalkun umaqminalkun balma hazin aminTul d ana b`uSrai iadana d `kma d dara baSra biuta kabra `lauaikun anatun bturSa qum qudamai d mparqinalkun mn ridpa d uba ibiahia uhab zidqa uqrun qala d hiia ualbu lbuia ukasun ksuiia `u `ka gabra naSuraia d lamSia d natnh lkulh zidqa nitun palga d zidqa u`dh bkuTa nipuT lqudamai uana barqa d nhura bmalia `hibia `lh tum maprinalkun bhiria zidqa `lkun d `it luath d iurba ul`utria d minh zhir uzihrun ubhir ubihrun utar utaruan usar usaruan unSab uanan nSab ulrabia Talia d iatib bmarkabth lqudamh ultartin tikia d nhura d traSlh briih hda zihan uma uhda hurintin zha zihan uma uamarlun iurba man d mSia lmizakia lqala d hiia d hua mn laqadmia uamarla iurba lruha akandit qala d hiia btibil aith akandit qala d hiia b`udnai napil kma qala d hiia btibil aith riTna d hibil ziua amana ana amarna akandit hibil ziua mn dara lasliq tum maprinalkun bhiria zidqa kul zban d qraba barqa d nhura uaiar ziqa balma nitiahar anatun b`uSraikun pru aminTul dilkun hu huka unhura mkadia mn hdadia atuata unianqia mhauia bgauh d rqiha uanatun minh latidihlun tum maprinalkun bhiria zidqa zariz napaikun ubnaikun uzauaikun uitlaikun ulhaimanaikun ulhamaikun umaiaikun uminh latidihlun aminTul iakandit d ardna rba d hiia uilmai unidbai haka hinun aminTul d halin naTria haka lahun akuat damia arqa d tibil liurba lmisapa ldila ulrqiha lhdadia kd arba d mia azla hinila tlata zibnia biuma qala qarilh lami mn bit abatur zibna brahmia d miSTipra uzibna brahmia d aba aiia uzibna brahmia d lpaina anatun `tapra uminh latidihlun kd qaimitun mn intaikun ubaiitun mibia rahmia kd mitahzia plugta d ziua tum bun baba aiia tum baiitun mibia rahmia d lpaina d qaimia drabia bun gabra d kasilun ldrabia mqabilun lrahmaikun unaTarlun bit ginzaiun d hiia rurbia hiia liadan hiia lsabran hiia lgubria masbiranan uqaiamin hiia bkinatun uhiia zakin sa . hazin hu raza usidra uapriata d apri ugalil uamar manda d hiia sa # . bumaihun d hiia rbia asuta uzakuta uabiq haTaiia nihuilia ldilia . ulab . u`l `m . u`l `m hurintia . u`l zauai . u`l ahai . u`l ahai hurinia . u`l itlai . u`l abahatai

. hazin hu raza usidra uqarqalta d uba kukbia d galilun uaprilun manda d hiia barqa d tibil u`hablun lhibil uitil uanu uhibil uitil uanu `hablun lrahmia umaihun uglilia lrazaihun uiTuatun d uba ibiahia ulliguTta qadqaita d lgaT kiuan mn qudam kulhun kukbia d rugza mn bnia urba rba d hiia kinta kan uruuma apak uanba nbiha d kadba uSaliba d huka ramilun lkadpaiun d smalun umn bataiun banun u`tahzilun badmu liha uqra lnapia maria mariuan alaha d mhauia gambaruata b`umia uarqa ura lSaiamia uSaiamata mauia gubria `zibia u`nia `zibata uria `lauaihun uakbia luataihun sahria udaiuia liliata mn `nia hauin daiuia zikria uliliata mn `nia hauin daiuia zikria umn gubria hauin liliata nuqbata ulagTia pagria ugaTlia umapqilun lnimata mn pagraihin bla zibnaihun

umalpilun hukumta d kadba ubadmu dmuta d nhura midamin napaihun umn uth d gabra nukraia nasbia draia d karba daria ubit razia abdia ubgauia sagdia uluat hdadia akbia uzira nasbia umia mn iardna brbita haditia hatiqia arbia ulagTia lquramaiun d kulhun bnia anaia ubadmu pihta d gabra nukraia abdia unimatun msakralun ukul minaihun d maiit bdma umTanuta umarganuta d mia siauia umia ramilun bpumh badmu tarmidia masiqta udukrana `l napaihun abdia uqarin lnapaihun nbihia d kadba uiahiblun Sauma rba d arba iumia utmania iumia ud`srin iumia bidqa ubhamin uditin uhda iuma d Sauma iahiblun haslinun lbhiria zirqa d `da d kiuan uruha umiha uuba ibiahia titalaT `lauaihun uap anatun tarmidai lama `l nbihia latitnulin u`da minaihun latipirun latipiTun aminTul d lqudamia bpagraihun nimatun Sauia uziraiun mn bit hiia mipsaq ukul tarmida d lama iahiblun rugza mn hiia mauia `lh ha amarlkun lkiuan ulliguTta d lgaT mn bnia urba rba d hiia d nagdia kupna mn hiuia Sahin mia mn uumana kd maitia ruhaiun daika kd gimra giTma umaita nimatun kd gumria d nura ha amarilkun lkiuan ulliguTta d lgaT hu uligTth d lgaT misip saiip liuma d sup umarlkun `l ami u`l ligTta d lgaT minh dilh hun iazuqaiia ubdmu dilia gabra nukuraia napaihun midamin ubursmaiun kd Salibia lkadpaiun pakrilun uuma d `u dakria bdmu pihta umambuha dilh gabra nukraiia uasrh lagTia badmu masqata `ndruna mauian umia unura napa `qara mauilun udmita aklia uamria d alaha giTlia uluat `maiun ubnatun akbia uidqa lagTia umania d `nia d dataniata nasbia ulabia umikasin uamria lamTanpinin uiTuata d napaiun laiadia kd zauaiun adia `lauaiun mn karsatin uamalilin mn biria aba maqralin utinia d hiuaniata Taribin ubgapa maigilun umn baba d iazuqaiia napiq baba d iahuTaiia lhdadia usalqia hdadia gazria u`daiun banpaiun aipia udma d gzurta umia nasbia ubanpaiun Taria u`bidata d minh aklia umn hanatun zma ramibh uqarin lnapaihun iahuTaiia d hTun umaskilania d askil mn mata ruhaiun bnura d iaqda qarilun mn iahuTaiia gziraiia baTlia kulhun amamia ubabia d huka minaihun miTanpia umakairia d abad `bidatun lbit hiia lamitakar d akil mn `kiltun ainaihun nhura lahazia d abidlh lrahmutun muta tiniana maiit ana `lkun amarna tarmidai umaprinalkun lkul Sbu maiit ana `lkun amarna lkul mindam d maititun mn uqia ubiriata halil bmia uakul aminTil d lamhalil uakil lmana d barda mitnangar ha aprinalkun lbaba d iahuTaiia `marlkun lbaba d libat kukbia d anai mn kulhun kukbia d mina dila npaq gaura pirSa uzaniuta umina npaq tlatma uitin zmaria uqalalia uhauian ruhia biata umauia puhria uzmaria uramin ibia bkul dukta umauin Tablia ukinar uiha uibia uzmara iahbia lgibia d ruha d hinun talin Tablia bkadpaiun uzmara uambubia bpumaiun urugza rba mamlilibun u`nia ugubria ururbia udirduqia bgauh mitahnia umitagria umipaTria uiha labilun ubhinga naplia humria d nirag bdmu quph lkadpaiun iatbilun ubhinga marilun ubsadqia d nura adilun uharia uiha malbinalun ubrazia ruita mitbin ulaiadia mahu d abdia tum npaq baba hurina d mnunaiia mitqrin uardia labia uardia mksia uklilia d pirSa uzaniauta briaihun matnalun hadiaiun mgalilin liTuata usiTraiin primlin lqlala uabilun lbnia anaia umakilun umitqarian sada d gubria gabaria ukita maga alma bgauaihun dilun mitgaTlia umistakria uabdilh haria lkulh kana d nimata ulgubria abilun mn baitaiun umn zauaiun umapqilun bharia `ubadia sainia ubtasniqa rba adilun umitaqrin gibia d ruha umiha uabin ibia ugarbin girbia uumh d mita dakria umaulia uzabna uargba uminSa napa mauin kd maita ruhaiun mn qulalia upirSa uulata lanapqa umaitia muta tiniana uramin iha uzmara d kadba ualmia udaria luataihun mitabin hinun lpumh d `uana aplia ha amarilkun lbaba d libat ul`bidata d abrat balma u`l quda uluba qudia qadmaiia amarnalun br iahuTaiia gaTlia umn zma nasbia ublhama apin ubikilta iahbilun udatana uzaniuta d zaniuta d ptulata bhamra Tarqin bkasa maqilun uainaiun d bnia anaia lanaplia `lauaihun ulaabqilun d hazilun uapkilin l`bidata d gabra nukraia utigra barqa

qabrin umia mn iardna ganbia ubnura salqilun ubtigra ramilun umahitilun lgubria u`l `nia kd lihia ubmia mamidilhun umn hanatun mia maqilun uuma d muta dakria `lauaiun um aba ubra uruha d quda mamidilhun uumh d miha `lauaiun dakria utm hauia raza hurina d mitaqria quda d atana d arbia ligria dukta d mitadar bainaiun hazilh umitaqria quda msaiba d bgauh mistakar kula kana d nimata uhauin ptulia uqadiia d zira `l aTmaiun rmilun ubnaiun gaTlia bkarsauatun umitiqrin ptulia uqadiia d mabTin uqaimia bmaTarata hauin minaiun `blia u`bilata d hinun Tabia biama rba d sup uqarin lnapaihun Tubania uTubaniata d mTaba nimatun bhabara gahia tum hauia baba hurina d riaihun gaidia ualaha d qurqsa naqia usagdilh uba baitaiun Sairilun uhinun ubnaiun ubnatun sagdilun unaqua naqia u`bidata d haria uhukumta umasiliuta abdia uluat atuat bdatana akbia uqarilh sibra d bit alahuta d `u miha maran uamarlun ruha latikairunh d laiit `sura `la`aikun tum amralun ruha kul d abdia abuia u`mh maitilh ubrh bukra d iaqirlh sumnun bbaitaikun lbr minaikun latipqunh tum amarnalkun raza hurina kul pila supa ukatuliqa umatrapliTa upisquna uqaia uamia d maiit mn binataikun smuia bqlasa usgudaiun uSalun `lauaihun umn bit mazgidaikun latipquna uap d `lak kul d saiura usakla ahira d napiq mn binataikun d `lik ltihrata d miha sumuia bit madbha tum latikairunh `marlkun lbaba hurina `l quda d bit mqadia d iaqid blilbia umhabib bruiania d bnat anaa d uba Tubania kanpia uluat `nta akbia uzira adiba uminaihun baTna uhaizak liahria uba bmhita mahila lihria umapkila unasibila bulith d mh upirSh udatanh umn muqrh mauin mia d birkta hanath raza bmia salqalh umn girba mauin mdudia d quda hanath raza bgramka ubgulazta apin haria uiha adibh umitiqria quda d gumarta d iaqid blilbia uruiania kulman d minh akil anph lbithiia lamazbar umn almia udaria kauia `marlkun lbaba hurina d abdabia bkana d nimata d npaq minaiun `blia u`bilata tum bTura uaramata udatata Taiin udmutaiun ldaiuia damia arTil lihia umanzaihun lbarahia zakria udmutaihun saina mn lilia udahala mn gauh d habara gahia uqarilun nakriTia d raiia d iaruqa aklin umn maukalata uTabauata apirata d auia ptahil bania umia uarqa lamalTia `l mikal uhaduta litlun ulaabqilun ruha umiha d nihrubh balma hazin udaiuia minaihun raTnia uamria d alaha minaian raTin uanin mn alaha lamitkamrinin uqarilun ltarmidia umpaqia malia umzabnia daulia d mia uamralun ltarmidia d rara balma litlaikn tum Sauma ramilun lpumaiun d lanitqil umia d gabra gTila mn binataihun uaqapra d mita nasbia ubkul `bidatun u`kiltun ramin tum amar uapri manda d hiia kul gabra naSraia d nakil `kilta d miha d iuma d lagTia Sauma lmana d nura mitnangar tum kul gabra naSuraia d biuma qadmaia d idta haditia mia mn iardna nasib uminh nitia uanpia nimia nihuia mna ruha umna miha umitakalun luba bmnauatun tum maprinalkun tarmidai d hauia baba hurina d mn miha npaq d mitiqrin zandiqia umardmania d zira bTiia zaria umnata lhabara palgin u`nia ugubria luat hdadia akbia uzira nasbia ubhamra ramin lnimata maqilun uamrin dakia hu uqarilh lziqa unura umia uami usira mabilun ukd maita ruhaiun damia ldidbia d iatbia lduda saliq hablia maTilun uahlia ganpaiun umiTarpia unaplia umitiqrun gbita d mardmania gba kul gabra naSraia d nikul mn `kiltun napil biama rba d sup d amarilkun lruha umiha uuba qudia qruia balma lkatura lakan d nimata `marlkun `l baba hurina d qra bil nasbia taga umdabria malkuta d minh npaq sipra d ruha ukul tibil umaita umitgTlia ldahba ukaspa gaTlia gaTla udia dma utarmidia bgauh mitgaTlia unaSuraiia bgauh mitabin uialpilia lsipra d ruha uatilun lmia tahmia brabuta mitbin uSilmia uSibunia rahmin urahmilh lragagta d tibil uamria minh lanapqinin utibil labaTlia kul gabra bhira ualmana d makisilun ridpa hambaga hauilh ana maprinalkun tarmidai kul gabra naSuraia d agra uzirqa d iauar lSabunia nitin ututbia hiuara niSba udmutaiun niania uziuh nalbi unaqma qudamia nitamhia mhita bgu mhita lika d litlh saka

umn nhura iaqra nitagzar unapil bmaTarta d uba ibiahia ulbit abatur laniqrub tum kulman d nitib lSibunia `u riia natna `lauaihun dina d ladina nidanunh uap anatun tarmidai lSilmia ulSibunia d hazin alma latihuilkun ragagta umn iauar kasia latitpisqun aminTul kul d atuat d biardna Sb`ia ubruuma d hiia rima umania d Siba labia lmania d nura mitnangra gaTna nimata kd zimta bria uaialta uargazta hauiala bmia siauia umaita tum asuta litlh amarnalkun lqala d qra bil d kulhun rurbia urbutania bgauh mitgaTlia ulaTia b`daihun d nitparqun minaiun ubakin ualin umitaidin ukul ium abdia qraba uzma adia uhauilh ridpa lkulh kana d nimata ulurba rba d hiia zban zban kabria `lauaihun uamria nasqinun mn alma hazin ulhama bsipa aklia kma d dara baSara biuta kabra `lauaihun ukulhun amamia utaumia uliania ldilun sagdia uap napa nimata d mn urba rba d hiia d azlin ldilun hauin umn umh d hiia kapria uldilia sagdia ubmanda d hiia saipiba uap babdala arbaia ubruha d quda sahdia d glalun raza d muta uazlin uluma d hiia laiTilh ukul mTanputa umkairuta minaiun napqia uluma d hiia mkairilh kulman d mn urbata rba d hiia hu ulabadla sagid ruaha lamaka aminTul d ruuma apik uania lmana d barda migTil ap kul humria d npaq minh uTa uulTana `l abdia u`l amata d abdala arin uqala ramibh uSaluta d zipa mSalin ulrqiha masqin uhdadia mdabria uluma d ibiahia mganilun unirig amarlun d laiit alaha d minai dilia iaqir ugabir hu kul zban zban hirba usipa bqraba ugiTla ukupna uSurpana uqraba uridpa lahh ramilun utibil kulh barbia zauiata hu margu kul ium ramia binataihun ukulhun nimata d abdala kadilun bhirba unura u`ata kul ium kul iuma ruha lbra napqa uminh d nirig qraba abdia uamralh ana `habilak ktaba umimra uraza d muta galilak u`hauilak uTa uulTana u`mra uima uamarilak kulh nhura ldilak nidnia uamratlun lsagadak ha lginat `dania masqinalkun latra d ainaikun msakialh umasqatlun l`ul titaita buTa uulTana ubdahba ukaspa mabatlun u`lul titaita msaratlun ukabit `lauaihun mana sada hlaSa umSara upkara ungada uamarilak lau amart d alaha gabara ana hu nhura mhauinalkun uap kulman mn bnia urba rba d hiia hu d alip mn ialpanun umn siprun hu msaralh lhaka atra rba d huka tum d naira abdia ubisra d naira abdia gaTlia aklia nimatun bhirba usipa mitnasbia kul `nia d imTia upatakata d dahba ukaspa mitbin atutia dudia maitia muta tiniana ulbit hiia lasalqia ha aprinalkun lbaba d bil ul`bidata d abid balma tum maprinalkun lsin ulqala d qra d minh hauin iahuTaiia iahTia unapSia hauia girbania ugarbaniata hu abadbia biuta btibil kulh bgu mura d hu Tapia hu baSir hu marim hu mapil hu mdalh hu msaria hu pasiq kilh hu mahrib nia uabid biuta biuma uiahria unia hu masTilia lkulh kana d nimata unapqa humria qadiata uzaprata uaria l`nia ulgubria umitaqrin baiuazag usaiin mia hda kumra briaihun maqmia uluata akbia uziria adibh hanath raza nasbilh ubkaka apilh ubmiSra naplia nasbia lhdadia iaman ulhdadia lamgalalin uap iahTia unapSia mkainalun kd zan d abdia abdilun ulgubria u`nia mn haka raza aklia tum ruaha uasuta litlun uainaihun nhura lahazia ha amarilkun lbaba d qra sin ul`bidata d abid balma uliTuata d aTia lkana d nimata d aiTuia upalguia bmna mna hazin hu baba d auditinkun tarmidia uliTuata d abid balma `marlkun lbaba d qra nirig d mitaqria abdala arbaia d minh dilia aba dmauata d rugza d kana d nimata bgauh mitgaTlia utibil kulh atutia kursia mitpla d minh dilia npaq auTa uulTana d aklia umalkuta mdabria hirba usipa amTia udma d bnia d adam adia ugarbin girbia uabin ibia d lazban bdahbaiun ula`tangar bkaspaiun ulaqunun bqinianun ugazlun `bra mn `mia ugabra mn `nta ulaba mn bnia unasbia hailaiun hiltaiun ulamaTia b`daiun d aitpaSun minaiun bakia alia umitadia kuliuma qraba abdia uzma adia hauia ridpa lkulh kana d nimata ulurba rba d hiia zban zban kabria `lauaihun uamria d nasrinun mn alma hazin ulhama bsipia aklia kma d dara baSra ubiuta kabra `lauaihun ukuhun amamia utaumia uliania ldilun sagdia uap nimata mn urba rba d hiia ldilun hiia hauia umn uma d hiia kapria uldilun sagdia bmanda d hiia saipibh uap babdala arbaia ubruha d quda

sahdibh d glilun razia d muta uazlin `l uma d hiia laiTilia ukul mkairuta minh umiTanputa minaihun npaq uluma d hiia mkairulh kulman mn urba rba d hiia hu azil larbaia sagid ruaha lamaka aminTul d ruuma apik lmana d barda mitgaTlia ap kul humria d npaq minh uTa uulTana labdia uamata d abdala arin uqala ramibh Sluta d zipa mSalin ulrqiha masqin uluat hdadia mdabria uluba ibiahia mganilun unirig amarlun d laiit alaha d minh dilia iaqir ukabir hu kul zban hirba usipa uqraba ugaTla ukupna Surpana uqraba uridpa lahia ramilun ulh` tibil kulh margu kulium ramia binataiun ukulhin nimata d abdala arbaia `lh azlia ukadilun bhirba unura u`ata kulium ukul iuma h` ruha lqraba napqia uminh d nirig ramin uamrilh ana `hablak kdaba umimra uraza d muta uglalak uTa uulTana u`mra uima d amarlak d kulh nhura ldilak nidna uamratlun lsagadak hu lginat `dania masqinalkun latra d ainaikun msakialh umsaratlh `l iul titaita bauTa uulTana udahba ukaspa mabatlun ul`ul titaita ngada uamralak lau amart d alaha gabra ana hu nhura mahuinalkun umia udupa maukilnalkun ulbuia rgigia malbinalkun ukul busma iahbinalkun uTabuta makitun ulaiit alaha d minh gabir u`nia d rgigia iahbitilkun hata alma abit `lauaian mn sada hlaSa umSara upkara ungada udina ladina dainatlun uabdia d gabra nukraia d anin sipa alapnin `lauaihun hata slaqnin lalma `laia d nhura uanin haka psiqnin bhuka umia siauia uruaha uTabuta lamakinin uamarlun abdulia arbaia labdia ulbabia kulhun d haimanubh kd ana abitinkun bibia rba utibil kulh ldilkun auith uTa uulTana `hablkun ukulh alahuta atutaikun tpil ukulhun amamia utumia uliania bgirba graubtinun ana uruha `m luat hdadia bitinkun `mrit tihuilia `kilta liuma batraia l` ldilia ulqadu rba d ab d minh huit ulab liuiatin ha hzun d kulhun ibiahia haila kd dilkun lahbalkun uabdaikun d ibiahia ahai bhailakun dilkun lamSun uulTana kd dilkun lahualun hata liuma rba d dina paragna luatai litlaikun aminTul d alita udupa uakiltkinkun uklila busma ubrihania ubusmania `tpanaqtun ubalbuia iaquria asgitinkun dirkia d piTma auitinkun hata `ni mn `dai lampalaTlkun ulampariqlkun ulnhura lamasqilkun lbaba d kulhun ibiahia uliTuata kulhin apritinkun uap mn `kaltaikun latiklun u`daikun bzma lanilua upuma d laSbia latiniqun umabin hiia uhiia zakin lkulhun `ubadia uzakia ama d naSuraiia uhiia zak`in sa hazin raza usidra uqarqalta d uba kukbia hu sa buma d hiia rbia `unian ab `unian udalian rba br rurbia abun br hiia . hazin hu raza usidra d ziua d iaqid bgu mana d minh hun ambibia d ziua umn hun iardna gauaiia minaihun umn hanatun iardna hua iardna rab kulhun iardnia mn hanath iardna pirat unipqat niTupta rabtia kasita qadmaita d minh mara d rabuta rab kulhun `utria abuhun d kulhun sabria d minh hua lhudaia rba zadiqa d minh hun bnia priaiia d hiia qadmaiia d qaimia btubihta sagdia umabia lhak mana rba kabira uamarlun qum puq lpiriauis iardna ulgilia mia haib uqrun bra hda d lasaipa dmuth ulitbh haabta hinila nhur Srik udiq ubasim udamia l`utria bnia nhura uma d amarln mimra qam btubihta usgid uabuia uiatbuia uqaimuia uamrilh ma d amart mqaima uqam unpaq `l piriauis iardna ulgilia mia haib uqidiuia lhda bra d lasaipa dmutia ulitbh haabta lihdaia rba zadiqa d mn lihdaia rba zadiqa hua hiia qiriuia bmamlalun u`tqaiam haabta lmahu qrun uqam hiia qadmaiia sgid uabuia lhak mana rba kabira uamarlun haibnin uqranin hda bra lihdaia rba zadiqa d mn lihdaia rba zadiqa hua uamarlun `zil albiuia `uSTlia d ziua ukasuia TarTabunia Tabia dakiia d nhura uatun albiuia `uSTlia d ziua ukasiuia TarTabunia Tabia dakiia d nhura uamarlun qum hzia abuk d iatib batria uamarlun `ka d rab minaikun unapalh almia d nhura liaminh ulsmalh qum hzia kinta bgu kinta uamarlun haza kinta d anatun amartulia `lh haizak npaq uata paruanqa d hu adakas malala umia mn qudamia d mana rba kabira uamarlh manu umak idqa nTir trin zibnia maiilh uamarlh manu umak idqa nTir tlata

zibnia maiilh uamarlh manu umak amarlh ana hu rabia Talia lhudaia rba zadiqa ligTia uhananh uailia uhauiia kinta bgu kinta uhauiuia tilbunia rurbia d kasia hzia Sauta d anai ziuh uiaqir nhurh ubaiar umitraurab dmuth kd hzia haq zha u`tazha unpal `l anph usgid uaba haizak amarlh paruanqa d hu adkas ziua umia kulman d haza dmuta lbnia anaia nigalil d laihia ulaka ulika d saka litlh lnhura lanihizia d nikisia uninaTra lhaza dmuta ium bium nasqa unihizih latar nhur umn Sautai dilia tiria `lh uamarlun rab ziua rabia Talia lparuanqa d hu adakas malala umia lziua d `lauia ziuia ulnhura d `lauia nhuria man d qalia bluqia mn ainh uksil bisra mn libia hin amrit lhiia abahatak amarlun d nihdun b`uSraihun napaihun bma d hzit haizak nhat uata uakinun lhiia qadmaiia kd iatbia bkinatun uamarlun hdun unhar b`uSraikun d napaikun bma hzit haizak amrilh hiia qadmaiia `l rabia Talia mahu hzit uamarlun hzit ziua d `lauia ziuia unhura d `lauia nhuria hzit Sauta d anai uiaqir nhura umraurab dmutia unapilh alip alip almia d nhura liaminh uruban ruban almia d nhura lsmalh uqam hiia qadmaiia hinun ukinata d napaihun `hablh buta utubihta usliq qala ukaluza luat mana rba kabira uhu mana rba kabira d umia bhanath d alma d qala ukaluza uqam qra alip alip almia d nhura liaminh uruban ruban almia d nhura lsmalh uamarlh mana rba kabira lhak paruanqa d qaiim lqudamia d rabia Talia lia hu nibunh lqudamia uamarlh hin amrin umqaima unpaq uata mn qudamia d malka d nhura uluat hiia qadmaiia uamarlun rabia Talia lia hu lihdaia rba zadira lia asgia uamrilh hiia qadmaiia asgia lalma d nhura hurinia d qria ulamtaqnia adrunh uligTuia `lauaihun d nitaqninun uamarlun nibunh bsarhabaiit uatiunia uligTuia uauluia rudamia kd sigdit uabith uamarlh brik atra d `tit minh umaba umraurab umqaiam gabra d `lak ihlak uadrak ligTia bpras iaminh uasiq amTuia lqudamia d mana rba kabira kd hiziia hanania uniqia uamarlh `zil uamarlun lnaSuraiia d biqia balmia d huka umia siauia kul gabra naSuraia d kuTa mn napia nipaT akuat mana rba kabira d paT `da mn maSbuta d napia kd Sauta lahuatlh hlaq umnaq bit hiia latihuilh kul gabra naSuraia kd iatib upihta niauia agzarta umhita uiqupta mn bit hiia tihuia `lh hinilh `npi b`npi niqum uniauia uiatir biatir nitab unitanha umabin hiia banhura d saka litlh uhiia zakin uzakia iauar ziua urahmh sa