Professional Documents
Culture Documents
tûn
Matric result a chhuak a, a ti\ha ber ber chu hmeichhia an ni; HSSLC result a chhuak a,
hmeichhia bawk an chungnung. Bazarah kal ila, hmeichhe eizawnna hmun leh kalkhawmna
hmun ang mai a ni. Biak inah kal ila, kohhran inchhiarnaa a tlem zawk hmeichhia bawk an tam
a, lamtualah pawh mipain an pawlh zeuh zeuh chauh a ni.
Khawdai leh interekna lam han hrût thung ila, mipa zingah hmeichhia an awm ve pheuh pheuh
a, wine shop-ah mipa hlir an intlar \hup a, mitthi hming ziahnaah mipa an lang tuar tuar bawk.
Ruihhlo ngai khalhkhawm an nihin mipa deuh hlir an ni a, jail hmun hrang hranga a tâng tam
zawk fe chu mipa an ni bawk. Hetiang taka mipate an nêp a, a \ha lo lamah hlir tam zawk nih
an hauh tâkah hi chuan kan hmeichhiaten mipa pangngai tak pasal tur an inchan tawh meuh lo
chu a nih hi maw!
Mipa chu sa leh ral laka khua vengtu leh humtu an ni a, sa tla leh râl lan hun apiangah mipa an
hlu zual a, nunauin an thlamuan phah \hin. Ei leh bar zawnna kawngah pawh a hautak leh
hlauhawm ber laiah an \ang a, lo vah leh a hahthlak leh hautak zual an khawih \hin. Mipa fa
chu ina awm no mai mai tura ngaih an ni ngai lo a, ram chhuah leh ram vah te chu an tihtur a
ni. Chhungkaw ei tur ngaihtuahin sapêlin ram hla tak takah an riak a, zan sawm chuang
chuang an chhuak \hin. Hetiang a nih avang hian mipa chu an duat a, lawm an hlawh \hin a, an
hlu a ni.
Ram hmasawn leh changkang zelah mipa mawhphurhna a tlêm tial tial a. Sa leh râl hlauh tur a
awm tawh lo a, eizawnna lah hautak leh hahthlak, tunhmaa 'hlâng chunga chuang ang' hna kha
a awm ta meuh lo. Chuvang chuan mipa fa chuan mawhphurhna a nei ta mang hauh lo a,
mahse Mizote rilruah chuan mipa duatna leh lawmna rilru a la bo thei chuang lo. In chhungah
mawhphurhna an nei tawh lo a, ram lamah mawhphurhna an nei tawh hek lo.
In chhung leh ram lama mawhphurhna nei lo ta na na na chu \hian an kâwm nasa a, an lêng
nasa a, chu chuan sual a hmelhriattir a, ruihhlo tihna hun an nei hnem a, ruihhlo lama tlân an
tam phah a ni. Hmeichhia chu a lo lei kân deuh chuan tun thlengin nute puitu tur, in lama a
theih ang tâwk tâwka che ve tura ngaihna kan la nei a, mipa erawh chuan chutiang
mawhphurhna chu an nei ve tawh lo.
Mawhphurhna awmze hria hmeichhia
Hmeichhia chu an len deuh a\anga mawhphurhna pêk, chhuat nawh, hmunphiah, ei rawng
bawla nute puih leh a dang dang thawk an ni a, mawhphurhna awmzia an hria a. Thil an tih
hnem zawk avangin anmahniah inrintâwkna pawh an nei hma zawk a, an hmaa thil harsa awm
pawh tâwn tlang leh hmachhawn dan an hria.
Mawhphurhna pêk \han loh mipa fa chuan mahni inrintâwkna a nei tlêm a, nu leh pa hmuh
phâkah a pa viau a, hnam dang zingah leh hmun hla zawkah a inringtâwk lo tial tial a.
Mawhphurhna awmzia a man ve tâwk loh avangin tih tur tuk pawhin ningnêl deuhin a tling tla
hram hram chauh fo. In chhunga mawhphurhna a neih tam loh avangin a lêng chhuak a, \hian
a kâwm nasa a, chu chuan lehkha zira in chhunga inkhung cheuh cheuh a tiharsa a, a lêng
dawklak a, a tawpah lehkha zir kawngah pawh hmeichhia a tluk lo ta mai a ni. Lehkha pawh
thiam lo, hnathawh thiam bawk si lo, mi biangbiak thiam chuang si lo mipa hi an \hahnem
tawlh tawlh mai dawn a ang khawp mai.
Hei hi tuna kan ram dinhmun a ni a, mawhphurhna nei ngai lo, nu leh pain an duat mipa fa
chuan zu in te, ruihhlo chi hrang hrang te a chîng zel a. Eizawnna kawng hrang hrangah
hmeichhia a tluk lo tial tial a, chhungte thawh chhuah saa lei bike-ah chuangin chak deuh
deuhin a tlân a, a rui a, chhungte pawisa a dîl ût ringawt tawh mai a ni.
- Rochungnunga