BDL3023

SISTOM TUNI

KALAJA SOMPOPORI

UHU :

POMONSOI PONORIUKAN KOKOMOI DO SISTEM TUNI BOROS

KADAZANDUSUN.

NGARAN: CHARLES VYNER MANDULIS

NO MATRIK: D20162076033

AT41 : IZAJAH SARJANA MUDA

PENDIDIKAN MORAL
SEM1, SESI 2018/2019

PENSYARAH: DR. ROSLIAH KITING,

FAKULTI BAHASA DAN KOMUNIKASI
UNIVERSITI PENDIDIKAN SULTAN IDRIS
1. KOINTUTUNAN

Boros nopo nga bakalang pogibabarasaan id kibontuk sistom lambang tuni id nokouni
mantad kabang tulun. Boros nga iso kasagaan do tulun mantad kinosusuon poh, Kamus Dewan
edisi ketiga (1996:87) pinoposurat boros nopo nga lambang tuni rolou id maan gunoon do tulun
sabagi bakalang do suang pogun do mogiboros. Kamus besar Bahasa indonesia Edisi kedua
cetakan kesepuluh (1999:77) kagu manahak rati boros nopo sabagi do sistom lambang tuni id
arbitari, id maan gunoon do koinsanai tulun moi do mogiboboros, mogiuhup om ogumu po.
Tumanud di Mc. Carthy, boros nopo nga iso-iso praktik i bobos otopot montok do popoimogot
do kasaapan momusorou. Boros poingonop nga kakamot do piromutan nung haro guno-guno
om mogisuaian wokon.

Tuni nopo nga kibontuk do lakun id merambat miagal poginsamakan om peregangan

mantad lakun mekanik om ponong do perambatan dau nga miagal nopo dot ponong getaran
dau (lakun longitudinal). Tuni milo gunoon moi do popolumis toi’ko poposonong do kawo his,
kagu kiharo do guno id lobi toponsol, miagal do poposoliwan do kowowoyo’on id ohiok,
osonong om ogumu poh. Tuni nopo nga bagas i nokorongou di tolingo nung na’antakan soira
do sarup mantad do topos om sumoliwan tuminalib i pita suara, rongga tatalanan om
nokolombus tuminalib do rongga kabang toi’ko rongga todung. Maso do sarup sumoliwan
tuminalib i rongga tekak om rongga kabang toi’ko rongga todung, sarup oduya monimbaba
kakasahan toi’ko panalaban toi’ko oduya amu. Nung sumoliwan do sarup id bontuk lakun om
noko’ontok di boogian do gogondong tolingo om naasil no di i tuni.

Tumanud di Abdullah Hassan (1993), Fonetik nopo nga monoriuk do tuni boros mantad
sogi popolombuso’, mokirongou toi’ko miagal iri kowowoyo disido. Fonetik poingonop nga
do ponoriukan do unsur-unsur suang do bontuk tuni. Tuni-tuni boros nung haro sistom toi’ko
kooturan nopo nga monoriuk suang do bidang fonologi. Tumanud di Abdullah Hassan (1993),
fonologi nopo nga ponoriukan do tuni-tuni i gunoon suang do boros ino sondi.

Haro tolu gana’ ponoriukan di wonsoyon mantad do toilaan fonetik, i fonetik artikulasi,
fonetik akustik om fonetik auditori. i fonetik artikulasi i toilaan di monoriuk kokomoi
poingkuro tuni di polombuson do tulun miampai momoguno kakamot artikulasi. Fonetik
akustik nopo nga toilaan di monoriuk gogor do tulinggou maya tongus di osilon mantad gogor
kakamot artikulasi tulun kumaa karangahan di mokinongou. Fonetik auditori nopo nga toilaan
di monoriuk poingkuro kopolombusan do tulinggou id tolingo om pootodon doid tutok do
mangan polombuso’, dumadi tuni di orotian.
2. HONTOLON

Mantad di insuang do papanau diti ponoriukan om haro pipiro hontolon di khusus montok diti
ponoriukan iri no tu’:

i. Mogintutun do pimato vokal om konsonan id boros Kadazandusun

i. Mingsingilo do sistom tuni id korotian om kopomogunaan konsonan b om d.

ii. Mingsingilo do sistom tuni id korotian kopomogunaan do sigot /’/.

iv. Mongintutun do sistom tuni id korotian om kopomogunaan tuni songui /m/,

/n/ om /ng/.

v. Mingsingilo do sistom tuni id korotian om kopomogunaan harmoni vokal.

vi. Mingsingilo do sistom tuni id korotian om kopomogunaan tuni diftong.

3. METODOLOGI

Mantad diti ponoriukan momoguno i ponoriuk do kaedah do monomubual i au mogintong turos

kumaa pipiro tulun toi ko tangaanak sikul id Universiti Pendidikan Sultan Idris (UPSI, Kaedah
momudalin. Suai ko iri, Ponoriuk kagu momoguno do pipiro kowonuon pustaka miagal buuk
om nogi sumber intonet miagal Jurnal, researchgate om suai poh ko iri.

3.1 Monomubual
Kaedah temu bual nopo iso ralan i adalaan suma’ap sabap temu bual i pinowonsoi nga
id koiyonon om maso di susuai, om nokito mantad sogi do komitmen ponoriuk toi’ko
responden amu nopiagal. Uhuton i ponoriuk kumaa di responden kokomoi do latar
belakang responden id suang boros Kadazandun. Ponoriuk manahak di responden
nokuro om nunu hontolon ponoriukan diti. Temu bual nopo auh kopio alaid montok do
ponoriuk koilo tuni do roroiton boros Kadazandusun.

3.2 Tiknik Momudalin

Ponoriukan diti ponoriuk mogihum kowonuon mantad do buuk boros Melayu om
puralan boros Kadazandusun id sikul. Mantad di buuk bahasa Melayu om puralan boros
Kadazandusun id sikul, ponoriuk mogihum do rati, poomitanan om ogumu po suang i
 buuk. Tiknik momudalin mositi haro sabap teks di nabasa do boros Melayu mositi maan
podolinon do boros Kadazandusun.

3.3 Perpustakaan/Laman Sesawang

Id oponsol kopio sokiro momonsoi ponoriukan mositi haro do kakamot kowonuon
miagal do buuk. Nga kakamot miagal buuk do boros Kadazandusun osusa do mogihum
sabap auh kopio ogumu buuk id nowonsoi om ingga i buuk hilo id perpustakaan. Suai
ko iri kagu nga, komilaan id intonet auh kopio osonong om otopot sabap auh ogumu i
pinosuratom ponulisan dau auh ogumu kokomoi do sistom tuni.

4.0 ASIL PONORIUKAN

Poingimpou do asil ponoriukan di naanu mantad do monoriuk kokomoi sistom tuni boros
Kadazandusun, haro piipiro do boogian suang do sistom tuni Boros Kadazandusun irad do
sistom ijann boros Kadazandusun ii pimato vokal om pimato konsonan, sistom tuni ii koroitan
konsonan b om d, sigot /’/, tuni songui/ng [ŋ], panatakan h, i, om u. Asil ponoriukan diti nopo
nga mooi minaan potolinahaso o korotian miampai pinowoyo piipiro poomitanan.

4.1 Kopointutunan Fonetik Om Fonologi

4.1.1 Fonetik

Owonsoi o boros mantad tuni di polombuson do tulun. Fonetik nopo nga ponoriukan kokomoi
tuni boros do tulun. Tudu nopo do ilmu fonetik diti nga monguyad tuni boros i kiwaa doid
boros ngawi id pomogunan. Koubasanan nopo do soriukon id tuni boros nga karaaralano’
pongosilan om koliuk-liuko do bogian atrikulasi.

Carta 1 : Simbol-simbol/fonetik bahasa Melayu (Konsonan)

Abaagi o ilmu fonetik diti doid tolu gana: fonetik artikulasi; fonetik akustik om fonetik auditori.

a) Fonetik Artikulasi

Fonetik artikulasi nopo nga ilmu di monoriuk kokomoi poingkuro tuni di polombuson do tulun
do tulun miampai momoguno kakamot atrikulasi.

b) Fonetik Akustik

Fonetik artikulasi nopo nga ilmu monoriuk gogor do tulinggou maya tongus di osilon mantad
gogor kakamot artikulasi tulun karangahan di mokinongou.

b) Fonetik Auditori

Fonetik auditori nopo nga ilmu di monoriuk poingkuro kopolombusan do tulinggou id tolingo
om pootodon doid tutok do mangan polombuso’, dumadi tuni di kirati’.

4.1.2 Fonologi

Fonologi nopo nga ponoriukon sistom tuni isoiso boros. Tudu nopo do fonologi nga papatantu
kopiagalan tuni di miagal toi’ko fonemik.

Carta 2: Simbol-simbol fonetik Antarabangsa

4.2 Sistom ijaan Boros Kadazandusun

1. Pimato Vokal
Kiwaa limo pimato id boros Kadazandusun, ii nopo nga ‘a’, ‘i’, ‘o’, ‘u’ om ‘e’.
Pimato vokal ‘e’ nopo nga’ oguno montok boros di noolos mantad boros suai.
Fonem vokal nopo id Boros Kadazandusun nga okito id siriba diti tumanud
ponoriukan fonetik artikulasi:

Jadual 1: Koponontuan Vokal Boros Kadazandusun

a) Vokal Gulu

Tumanud jadual koponontuan vokal BKD. Kiwaa o duo vokal gulu id boros Kadazandusun, [i]
om [a]. Kakamot artikulasi nopo di kohompit soira do polombus do tuni vokal gulu nga dila,
saiz liwang munung om bontuk munung. Titik artikulasi nopo di kohompit nga kahad tokodou.

Kopolombusan nopo tuni do [i] nga aasil soira pompod dila poinsawaton kumaa id boogian
dumbangan do kabang. Kahad tolomok nopo nga poinsawaton kumaa dohuri tatalanan om
monompon do liwang todung. Tongus nopo nga lumabus maya liwang todung miampai
papatarok do kaban otus.

Poomitanan:

Vokal Gulu Tanga Dohuri

[i] ikoyu hinava Hiti

Vokal [a] nopo nga aasil soira poinsiriba’on o gulu dila di bobos tosiriba id liwang kabang.
Tanak tontorogukan om kahad tolomok nopo nga poinsawaton mooi monompon liwang todung
mantad kalabus i tongus maya do liwang todung. Tongus nopo nga lumabus maya liwang
munung miampai potorokon o kaban otus.
Poomitanan:

Vokal Gulu Tanga Dohuri

[a] abaal bangkai Gaa

Suai ko mantad ilo, kiwaa nogi o vokal gulu noolos. Vokal nopo dilo nga [e]. kowoowoyoon
nopo do munung nga poinlabi. Poinsawaton o dohuri dila do nintanga akawas id kahad tolomok
nga amu kopitopis di kahad tolomok.

Poomitanan:

Vokal Gulu Tanga Dohuri

[e] e-learning elektif -

b) Vokal dohuri

Vokal dohuri nopo nga popohompit kakamot artikulasi dila om kahad tolomok. Titik
artikulasi nopo di kohompit nga kahad tokodou. Vokal dohuri nopo nga kiwaa o duo: [o] om
[u].

Vokal [o] nopo nga aasil miampai poinsawaton o dohuri dila id titik di bobos akawas
kumaa id kahad tolomok nga amu gisom do kotopis. Tanak tontorogukan om kahad tolomok
nopo nga poinsawaton montok monompon do liwang todung mooi do amu kalabus i tongus
maya do liwang todung. Tongus lumabus mantad topos om lumabus maya liwang kabang
miampai papatarok do kaban otus. Munung nopo nga maan pobuluguo’.

Vokal [u] nopo nga aasil miampai poinsawaton o dohuri dila id titik di saparu akawas
kumaa id kahad tolomok nga amu gisom do kotopis. Tanak tontorogukan om kahad tolomok
nopo nga poinsawaton montok monompon do liwang todung mooi do amu kalabus i tongus
maya do liwang todung. Tongus lumabus mantad topos om lumabus maya liwang kabang
miampai papatarok do kaban otus. Munung nopo nga maan pobuluguo’.
Poomitanan:

Vokal Gulu Tanga Dohuri

[O] Oyopos Odoman Okito
[U] Ukab Dumarun Uhu

Folio 1: Ponimung poomintanan tuni Boros montok do pimato vokal, vokal tanaru, om
kopihuyudan vokal di misuai.

Vokal Vokal tanaru Kopihuyudan Vokal

a,e,i,o,u aa, ee, ii, oo, uu ai, ao, au, uo
Ahal Kaabalan Yahai
Montok Buuk Misuai
Isio Tuuhan Sopiduo
Oonsom Kouuli Mamanau
Osodu Koodop Landoi

2. Pimato Konsonan

Tumanud do Kementerian Pelajaran Malaysia (2008), kiwaa duo nohopod om apat

pimato konsonan id boros Kadazandusun. Hopod om onom nopo nga pimato konsonan
poinsandad om limo nopo nga pimato konsonan di noolos.

Gambal 1: Pimato Konsonan

a) Pimato konsonan poinsandad nopo nga :

b d g h k l m n p r s t v w y z B d ‘

b) Pimato konsonan di noolos nopo nga :

c f q x j

4.3 Sistom tuni

i) Kiwaa duo koroiton tuni pimato konsonan b i misuai kopolombuson.

a. b polombuson miampai au poloputon.

Poomitanan: bangkai, bobos

b. b polombuson miampai poloputon.

Poomitanan: bas, bambarayon

ii) Kiwaa duo koroiton tuni pimato konsonan d i misuai kopolombuson.

a) d polombuson miampai au poloputon.

Poomitanan: dahai, dadahon

b) d polombuson miampai poloputon.

Poomitanan: darab, dundurok

4.4 Sigot /’/

Tumanud di Kementerian Pelajaran Malaysia (2008) om nogi Rita & Emilda (2010),
sigot /’/ nopo nga pimato konsonan poinsandad. Sumusuhut, tumanud nopo di Henry (2001) id
Kementerian Pelajaran Malaysia (2008), sigot /’/ nopo di gunoon id boros Kadazandusun nga
glotal stop (hentian glotis). Kiwaa piro-piro kopomogunaan nopo do sigot /’/ miagal ko:

1. Kopisuayan rati nopo doid guas boros

Poomitanan:
  Tudu’ (tumudu taakanon): Ongoi po tudu’ dilo pinarasakan sada nung au ko no kosiwat
do makan.
 Tudu (tayam): Outong kopio tontut dilo tudu.
 Tudu (angkab): Tudu nopo palajaran dati baino nga hiis
koubasanan tinaru Kadazandusun.

2. Kopointarangan kokomoi timpu.

Poomitanan :

• ko’u’uuli: Ko’u’uuli di Mac.

• ka’a’aakan: Ka’a’aakan oku noh.

• ko’o’oodop: Ko’o’oodop di adi ku.

3. Montok boros di nosugkuan –o’ id dohuri.

Poomitanan:

• haba : haba + o’ : habao’

• hombo : hombo + o’ : homboo’

4. Oguno nogi o sigot (’) montok isoiso guas boros i kisigot o kolimpupuson.

Poomitanan:

• bai’ : pi + bai’ + an : piboi’an

• pua’ : pua’ + on : pua’on

• ia’ : ia’ + on : ia’on

Gambal 2: Kopomogunaan do sigot (’)

4.5 Tuni Songui /ng/ [ŋ]

Konsonan [ŋ] nopo id boros Kadazandusun nga kolombus soira kopitoning n om g.

Konsonan [ŋ] aasil soira dohuri do dila’ pitopison do kahad tolomok mooi kapaantob do tongus.
Kahad tolomok o tanak tontorogukan poinsiriba’on mooi do tongus nopo ii lumabus mantad
topos nga sumuang id liwang todung. Kaban otus nopo nga pitopison om potorokon. Tongus
nopo ii lumabus mantad topos nga maya do liwang kabang. Polobuson o tongus di aantaban do
dohuri dila om kahad tolomok miampai do orulan.

Poomitanan:

Konsonan Gulu Tanga Dohuri

[ŋ] ngawi kangkab manahang

4.6 Harmoni Vokal

Harmoni vokal nopo nga tuni vokal id isoiso putul boros di kosuai toi koolon o fitur
sabap arahung di vokal mantad putul boros di suai. Harmoni vokal nopo nga iso proses do
mongolon do iso vokal mooi do adadi miagal (toi osomok do miagal) do vokal di poinsomok
dau. Harmoni vokal nopo id boros Kadazandusun nga okito maya proses ponugkuan boros guas
(ponugkuan id gulu, dohuri, om ansipan).

1. Posugkuon Gulu goN-

Proses harmoni vokal nga okito nogi id piipiro posugkuon gulu miagal ko’ noko- adadi do
naka-, ko- adadi do ka-, om goN- adadi do gaN-, soira do kopitoning di boros guas di kiwaa o
vokal /a/.

Poomitanan:

noko + yamut : nakayamut

ko- + tabung : katabung

goN- + tahak :gantahak

2. Posugkuon Dohuri -on

Koolon o vokal /a/ id boros guas do vokal /o/ soira onuan do ponugku dohuri on om –o.
Poomitanan:

Babo + -on : Boboon

amus + -o : omuso’

3. Posogkuon Ansipan no-…-an

No- + yamut + -an : noyomutan

No- + rikot + -an : norikatan

4.7 Tuni Diftong

Diftong nopo nga piamungan do duo tuni vokal di polombuson id insan koobuson do
pinuhobo om asil o tuni diftong soira osikap o tiso tuni vokal do tumilombus do munsud kumaa
vokal do suai. Tumanud di Minah Sintian (2014), roitan nogi o diftong sabaagi do vokal
munsud sabap soira papaasil do tuni diftong miagal do /ai/, dila nopo nga miagal di popouni
vokal /a/, nga daamot dii, osikap tomod do munsud i dila do popouni vokal /i/ om ingkaa nogi
soira popouni diftong do suai. Haro 12 o tuni diftong id boros Kadazandusun miagal ko:

Diftong Poomitanan
ao Basao
ai Sakai, kadai, aiso, kusai,wasai, sangai, barait
au Aubas, kilau, osiau, kagangau, langau
ia Ia’on, siat, tian, miagal
io Siopon, isio, tudio, rumbio
iu Titiu, liud, waliu, soriuk
oa -
oi Ongoi, salakoi, wonsoi, loboi, haboi, luhoi
ou Bulou, bosou, sorou, kanou
ua Tua, pua,suang, osuao, guas
ui Kugui, tampui, nondui, susui
uo tuod, tuong, puok
Jadual 2 : Poomitanan do tuni diftong.
5.0 KOLIMPUPUSON

Mantad diti ponoriukon kaanu do ponoriuk kotoilaan wagu kokomoi sistom tuni. Sistom
tuni nopo iso subjek minor id mositi maan onuon do palajal minor dot semester 4. Id suang diti
ponoriukan haro piipiro komilaan kokomoi sistom tuni miagal do pimato vokal, tuni diftong,
sigot om songui id oponsol soira do mimboros boros Kadazandusun. Oponsol do koilaan di
tokou kopomogunaan diti boros om poingkuro tokou do popolombus boros Kadazaandusun
nung kasala tokou do mamarait om misuai o kopomorotian do tulun do nunu i minaan tokou
boroso. Mantad di, oponsol kopio iti ponoriukan do sistom tuni moi do popoingkawas korotian
tokou montok boros Kadazandusun om poingkuro tokou nogi do popolombus di boros-boros.

Agayo kopio alapon do ponoriuk tu nokoumbal monoriuk diti sistom. Sabagi do ponoriuk
aharap da iti ponoriukan adadi do kowonuon kumaa tulun suai sokiro nabasa diti ponoriukan
lobi po kumaa do tulun mamasok om koisanan do tinaru Kadazandusun id Sabah toi’ko tulun
mantad tinaru suai om kumaa tangaanak sikul moi do mingsingilo diti boros Kadazandusun
lobi po kopio do sistom tuni. Suai ko iri alansan nogi diti ponoriukan kaanu papalaab,
popoungkalad om katamapsi diti boros Kadazandusun id pointongkop do pomogunan tu’
oilaan tokou iti nopo boros tokou diti id suang proses do popoturidong id taang takawas moi
do amu atagak iti boros gisom-sogigisom.

Montok diri, ponoriukan id nu maan padalano nopo nga kokomoi do fonetik, fonologi om
sistom tuni id boros Kadazandusun. Oponsol kopio do iti ponoriuk tu kaanu yiolo ogumu
kotoilaan kokomoi diti ponoriuk. Osonong o ginawo i ponoriuk tu kaanu nakalantoi momonsoi
diti ponoriuk om ogumu kounsikahan kumaa mongigia om tambalutku tu minoguhup doho
momonsoi diti ponoriuk. Aharap kopio i ponoriuk kumaa id mambasa diti ponoriukan kaanu
do kotoilaan wagu om adadi diti ponoriukan do kowonuon kumaa diolo id monongkoilo do
poingkuro mimboros boros Kadazandusun.
BIBLIOGRAFI

Abdul Hamid Mahmood (2017). Kursus Fonetik dan Fonologi Bahasa Melayu untuk Pengajian
Jarak Jauh. Persatuan Penulis Budiman Malaysia.Perak Darul Ridzuan:Tanjong Malim.

Bahagian Pembangunan Kurikulum. (2008). Puralan Boros Kadazandusun id Sikul. Kuala

Lumpur: Kementerian Pelajaran Malaysia.

Chin Pooi Kwan. (2011). Tahap penguasaan kemahiran literasi menulis dalam Bahasa
Malaysia bagi kanak-kanak umur enam tahun di Lembah Klang. Tesis Sarjana
Pendidikan. Fakulti Pendidikan, Universiti Malaya.

Jacqueline Jiminit. Fonetik om Fonologi do Boros Kadazandusun. Sabah, Institut Perguruan

Kent Tuaran.

Kurikulum Bersepadu Menengah. (2007). Bahasa Kadazandusun Tingkatan 2. Kuala Lumpur:

Kementerian Pelajaran Malaysia.

Kurikulum Bersepadu Sekolah Menengah. (2006). Bahasa Kadazandusun Tingkatan 1. Kuala

Lumpur: Kementerian Pelajaran Malaysia.

Minah Sintian. (2014). Kogingohon boros kadazandusun tomposio’tokou martabatkan

keindahan bahasa kadazandusun. Perak, Universiti Pedidikan Sultan Idris.