Ang pagiging angkop sa lahat ng bagay ay napakabuti sa
tao. Ito ay nagbubunga ng kaayusan sa sarili, sa kapuwa at sa
kapaligiran. Magiging makatarungan ang ating paggawa kung laging sa angkop tayo lulugar. Ang angkop ay maaring wasto o matuwid. Ito ay isang uri ng positibong gawain na makakatulong upang tayo ay magkaroon ng maunlad at mapayapang pamumuhay. Hindi lahat ng angkop ay mabuti dahil maaaring ang ginagawa natin ay hindi nakakabuti sa iba at sa atin.
Angkop ang magmadali, hindi angkop ang mataranta. Ang
pagmamadali sa ating mga ginagawa ay lubos na mapaminsala dahil hindi naibibigay ng isang tao ang lahat ng kanyang kakayahan o isipan sa gawaing iyon. Ginagawa niyang mabilis ang mga pangyayari para makaabot sa takdang oras. Kung ipapasok natin ito sa paksang tungkol sa pag-ibig, Kapag ang dalawang magkarelasyon ay naisipang magmadali sa dapat ay hindi nila ginagawa ay maari itong magresulta ng maling kahihinatnan. Dahil sa pagmamadali, nasira ang kinabukasan at pag-asa ng dalawang tao. Pero may mga pagkakataon pa rin na angkop ang magmadali, ito ay sa mga pangyayaring tayo ay malapit nang mataranta. Mas angkop ang magmadali dahil hindi tayo aabot sa puntong nalilito na tayo kung ano sa mga bagay na iyon ang mas uunahin. Natataranta tayo tayo dahil nagiging patung-patong na ang mga bagay na dapat nating unahin at bigyang halaga. Dahil ditto, lubos na angkop ang magmadali dahil nabibigyan pa natin ng oras ang mga bagay- bagay kahit sa kakaunting panahon. Angkop ang mag-ingat, hindi angkop ang maduwag. Ang pagiging maingat sa mga bagay-bagay ay napakahalagang karakter na dapat taglay ng bawat mamamayan. Kung ipapasok natin ito pagdedesisyon natin sa buhay ay lubos na napakahalaga. Sa isang tao, madami ang sumasagi sa kanyang isipan kung ano ba ang dapat na desisyon na kanyang dapat piliin. Mas angkop ang pagkakaroon ng maingat na pagpapasya dahil magiging malinaw ang detalye ng iyong pagpapasiya kung magiging maingat ka sa bagay na iyong pagpapasyahan. Ang sobrang bagal na pagpapasya ay maaaring humantong sa pagkawala ng opurtunidad o hangarin ng isang tao o kaya’y pagkaramdam ng karuwagan sa oras ng pagpapasya.
Angkop ang maging matapang, hindi angkop ang maging
mapangahas. Ang mapangahas ay pagsasagawa ng isang bagay na ang isa’y walang karapatan, pahintulot, o awtoridad na gawin; kawalang-pakundangan sa paggawi o pag-iisip; paglampas sa mga takdang hangganan; padalus-dalos na pagsuway. Ipasok natin ito sa mga hamon ng buhay. Ang pagkakaroon ng katapangan sa sarili ay isa sa aspetong dapat ay hawak ng isang tao kung mabigat ang hamong kanyang lalakbayin. Ang katapangan ay magiging haligi niya sa pagsasakatuparan ng kanyang nais abutin. Kung tayo naman ay lulugar sa pagiging mapanghas, malayong makakamit o malalampasan natin ang mga hamon ng buhay. Nagiging lampas na tayo sa hangganan na dapat ay doon lang tayo. Hindi masasabing angkop sa lahat ng pagkakataon ang pagiging mapangahas dahil ito ay pagmamataas, pagmamapuri, at kagaspangan sa sarili.