2013 HALALANG PAMBARANGAY

Ika-28 ng Oktubre 2013

MENSAHE

ANG BARANGAY ANG PANGUNAHING YUNIT NG PAMAHALAAN KUNG

SAAN: 1.) NAGKAKAROON NG PAGPAPLANO AT PAGSASAGAWA NG
MGA PROGRAMANG PANGKAUNLARAN AT PANGKAPAYAPAAN; 2.)
NAGKAKAROON NG PALITAN NG KURU-KURO AT PAGLILINAW SA MGA
USAPING PANGKOMUNIDAD; AT 3.) NAGSASAAYOS NG MGA GUSOT AT DI
PAGKAKAUNAWAAN SA PAGITAN NG MGA MAGKAKABARANGAY. (Refer to
Briefer on Barangay Good Governance & Section 384 of LGC)

DAHIL SA BARANGAY UNANG LUMALAPIT ANG MGA MAMAMAYAN PARA

SA MGA KAGYA’T NA PANGANGAILANGAN, ANG BARANGAY ANG
NAGSISILBING MUKHA NG ATING PAMAHALAAN.

ANG PAGLILINGKOD NA IBINIBIGAY NG ISANG BARANGAY ANG UNANG

NAG-IIWAN NG IMPRESYON SA URI AT KALIDAD NG SERBISYONG
PAMPUBLIKO.

ANG MGA SERBISYONG INILALAAN NG ISANG BARANGAY AY DAPAT

TUMUTUGON SA MGA PANGUNAHING PANGANGAILANGAN NG BUONG
KOMUNIDAD.

ANG PAGPAPATAYO NG MGA PASILIDAD SA ISANG BARANGAY AY DAPAT

NAAAYON DIN SA PANGANGAILANGAN AT SA KAKAYAHANG
PAMPINANSIYAL NG ISANG BARANGAY. (Refer to Briefer on Barangay Good
Governance & Section 17 (b1) of LGC)

ANG BARANGAY AY MAY DALAWANG PINANGGAGALINGAN NG PONDO:

1. INTERNAL SOURCES (FEES & CHARGES SUCH AS SHARE FROM REAL
PROPERTY TAX ETC.) AT 2.) EXTERNAL SOURCES (INTERNAL REVENUE
ALLLOTMENT O IRA ETC.) (Refer to Briefer on Barangay Good Governance)

ANG IRA NG BARANGAY AY 20% NG KABUOANG IRA. NGAYONG 2013

ANG IRA NG BARANGAY AY P59 BILYON O MAS MATAAS NA P3 BILYON
NOONG 2010 NA P53 BILYON.

43% NG MGA BARANGAY AY MAY IRA NA P I MILYON PABABA; AT 57%

NG MGA BARANGAY AY MAY IRA NA P1 MILYONG PATAAS.

1
SA ATING REHIYON/LGU HALIMBAWA, ANG MGA SUMUSUNOD NA
BARANGAY AY MAY GANITONG INCOME PROFILE: Barangay
_____________; Barangay ____________, Barangay _____________.

ANG PONDO NG BARANGAY AY MAY LIMITASYONG 55%-45%. ANG

55% AY NAPUPUNTA SA PERSONAL SERVICES (PS). NAKAPALOOB
NAMAN SA 45% ANG 20% DEVELOPMENT FUND, 5% DRRM FUND, 10%
SK FUND, 5% GAD FUND, AT 1% PWDs & SENIOR CITIZEN ETC.

ANG BARANGAY AY PINAMUMUNUAN NG ISANG PUNONG BARANGAY.

KATUWANG NIYA ANG PITONG BARANGAY KAGAWAD AT SK CHAIRMAN
NA SIYA RING BUMUBUO NG SANGGUNIANG BARANGAY. KASAMA DIN
NILA ANG KALIHIM AT INGAT YAMAN NG BARANGAY.(Refer to KAPehan Sa
Karangay Flyer & Sections 387 & 390 of LGC)

ANG PUNONG BARANGAY ANG 1.) PUNONG EHEKUTIBO, TULAD NG

PANGULO NG PILIPINAS; 2.) PRESIDING OFFICER NG SANGGUNIANG
BARANGAY; AT 3.) CHAIRMAN NG LUPONG TAGAPAMAYAPA. (Refer to Briefer
on Barangay Good Governance)

PANGUNAHING TUNGKULIN NG SANGGUNIANG BARANGAY ANG

MAGPASA NG MGA RESOLUSYON AT ORDINANSANG NARARAPAT PARA
SA KAUNLARAN AT KAPAYAPAAN NG KANILANG KOMUNIDAD. (Refer to 391
of LGC)

SA PAGPAPATUPAD NAMAN NG PROYEKTONG PANGKAUNLARAN O

DEVELOPMENT PROJECTS, MAHALAGANG ISAALANG-ALANG ANG
PAGIGING HAYAG O TRANSPARENT TULAD NG PAGLALAGAY NG
BILLBOARD SA BAWA’T PROYEKTO. ITO RIN AY INIUULAT SA
PAGDARAOS NG BARANGAY ASSEMBLY DAY BILANG PAGTALIMA NA RIN
SA ADBOKASIYA NG DILG PARA SA FULL DISCLOSURE POLICY. (Refer to
MC 2010-122 re: Guideposts In Promoting And Sustaining Barangay Good Governance &
Briefer on Barangay Good Governance)

NARARAPAT DIN ANG PAGKAKAROON NG ACCOUNTABILITY O MATAAS

NA PAGPAPAHALAGA SA PANANAGUTAN. DAPAT DUMADAAN SA TAMANG
BIDDING ANG MGA PROYEKTONG IPINAPATUPAD. MALIBAN DITO DAPAT
MAY MAHUSAY NA IMBENTARYO NG MGA PASILIDAD AT KAGAMITAN
ANG ISANG BARANGAY. (Refer to MC 2010-122 re: Guideposts In Promoting And
Sustaining Barangay Good Governance & Briefer on Barangay Good Governance)

ANG MGA NANUNUNGKULAN SA BARANGAY AY WALANG SWELDO

KUNDI HONORARIUM LAMANG NA MAY MINIMUM NA P1,000.OO SA
PUNONG BARANGAY AT P600.00 SA MGA KAGAWAD/KALIHIM/INGAT
YAMAN. (Section 393, LGC)

2
ANG HONORARIUM AY KATUMBAS NG SALARY GRADES NG MGA
EMPLEYADO NG KANILANG BAYAN O LUNGSOD PARA SA PUNONG
BARANGAY (SG 14) AT KAGAWAD/KALIHIM/INGAT-YAMAN (SG 10).
ANG MAXIMUM HONORARIUM SA FIRST CLASS CITY AY P23,044.00 SA
PB AT P17,255.00 SA MGA KAGAWAD. SA FIRST CLASS MUNICIPALITY AY
P20,740.00 SA PB AT P15,530.00 SA MGA KAGAWAD.(Local Budget Circular No.
63).

SILA DIN AY MAAARING MAKATANGGAP NG MGA SUMUSUNOD NA

BENEPISYO HABANG SILA AY NANUNUNGKULAN TULAD NG: 1.)
CHRISTMAS BONUS; 2.) INSURANCE COVERAGE; 3. MEDICAL CARE; 4.
EDUCATIONAL BENEFIT MAGING SA KANILANG LEHITIMONG MGA ANAK;
5.) DEATH BENEFIT; AT 6.) CIVIL SERVICE ELIGIBILITY.

BAKIT MARAMING TUMATAKBO TUWING HALALANG BARANGAY? ITO

AY DAHIL SA MGA SUMUSUNOD: 1.) BUNGSOD NG PAGMAMALASAKIT
SA BAYAN; 2.) ISANG KARANGALAN O “PRESTIGE” ANG MAGSILBI SA
BAYAN; AT 3.) ITINUTURING DIN ITONG ISANG BOKASYON O “CALLING”.

SA DARATING NA OKTUBRE 28, 2013, MAGKAKAROON MULI TAYO NG

HALALANG PAMBARANGAY NA MAGSISIMULA SA GANAP NA IKA-7 NG
UMAGA HANGGANG IKA-3 NA HAPON. (COMELEC RESOLUTION 9715; Section
190, OEC).

ANG FILING OF CERTIFICATE OF CANDIDACIES AY SA OCTOBER 11,

12, 14, 15, 16, 17, 2013 (8:00 am – 5:00 pm) AT ANG CAMPAIGN
PERIOD AT SA OCT. 18-26, 2013. (COMELEC Resolution Nos. 9761 &
9715)

ANG MGA KWALIPIKASYON NG MGA KANDIDATO AY ANG MGA

SUMUSUNOD : 1. FILIPINO, 18 TAONG GULANG PATAAS SA ARAW NG
HALALAN, MARUNONG BUMASA AT SUMULAT NG FILIPINO O ANUMANG
LOKAL NA WIKA; BOTANTE AT NANINIRAHAN SA BARANGAY NG ISANG
TAON PATAAS SA ARAW HALALAN. (COMELEC Resolution No. 9740)

ANG HALALANG PAMBARANGAY AY NON-PARTISAN. IBIG SABIHIN

WALANG POLITICAL PARTIES ANG MGA KANDIDATO. ITO AY RIN AY
MANUAL. IBIG SABIHIN HINDI GAGAMIT NG PCOS MACHINE.

MAHALAGANG TUMALIMA SA MGA PANUNTUNAN ANG MGA KANDIDATO

TULAD NG PAGGAMIT NG TAMANG SUKAT NG POSTERS, COMMON
POSTER AREAS, AT TAMANG GASTUSIN.

DAPAT TUPARIN ANG BATAS PARA SA MGA PINAGBABAWAL NG MGA

GAWAIN O PROHIBITED ACTS TULAD: PAGDADALA NG BARIL (GUN

3
BAN), PAMIMILI NG BOTO, PAG-IINUMAN NG ALAK SA ITINAKDANG
PANAHON (LIQOUR BAN) ATBP (COMELEC Resolution No. 9715)

ANG MGA TUMATAKBO SA HALALANG ITO AY DI DAPA’T ITURING NA

MAGKAKALABAN. ITO AY UPANG MAIWASAN ANG ANUMANG URI NG
KARAHASAN. SILA AY MAGKAKATUNGGALI LAMANG HINDI
MAGKAKALABAN.

BILANG NA-DEPUTIZED NA AHENSIYA SA BISA NG COMELEC

RESOLUTION No. 9733, KAILANGANG SIGURUHIN NG DILG ANG
PAGTALIMA NG BAWA’T ISA SA MGA KAUTUSANG MAY KINALAMAN SA
NALALAPIT NA HALALAN.

DAPAT NAMANG SUNDIN NG MGA BOTANTE ANG TAMANG BATAYAN SA

PAGPILI NA NARARAPAT NA MGA KANDIDATO. DAPAT ANG PIPILIIN AY
HINDI LAMANG MATALINO, DAPAT SILA AY MAHUSAY NA, MATINO PA.
(Refer to KAPehan Sa Barangay)

ANG HALALANG PAMBARANGAY AY SIMULA LAMANG NG PANIBAGONG

YUGTO NG ATING MGA BARANGAY. PAGKATAPOS NITO, INIHAHANDA
ANG MGA BARANGAY PARA SA MAAYOS NA PAGSASALIN NG
KAPANGYARIHAN O TURNOVER SA NOVEMBER 30, 2013 (12:00 NN)
KUNG SAAN DAPAT MAGKAROON NG TRANSITION TEAM ANG BAWA’T
BARANGAY. BAHAGI NG TURN-OVER ANG PAGKAKAROON NG
CLEARANCE ANG DATING PUNONG BARANGAY AT INGAT-YAMAN.

MATAPOS NG PAGKAKAROON NG ISANG MAAYOS NA PAGLILIPAT NG

KAPANGYARIHAN SA MGA NAHALAL NA MGA PINUNO, NAKAATANG
NAMAN SA DILG ANG PAGPAPALAKAS NG KANILANG KAPASIDAD SA
PAMAMAGITAN NG KAUKULANG PAGSASANAY – ANG BARANGAY NEWLY
ELECTED OFFICIALS’ (BNEO) TRANING PROGRAM.