Professional Documents
Culture Documents
aniṣṭakaraṇājjātamiṣṭasya ca vighātanāt|
daurmanasyāśanaṃ prāpya dveṣo dṛpto nihanti mām||7||
duḥkhaṃ nyakkārapāruṣyamayaśaścetyanīpsitam|
priyāṇāmātmano vāpi śatroścaitadviparyayāt||11||
durgāputrakakarṇāṭā dāhacchedādivedanām|
vṛthā sahante muktyarthamahaṃ kasmāttu kātaraḥ||13||
uddaṃśadaṃśamaśakakṣutpipāsādivedanām|
mahatkaṇḍvādiduḥkhaṃ ca kimanarthaṃ na paśyasi||15||
śītoṣṇavṛṣṭivātādhvavyādhibandhanatāḍanaiḥ|
saukumāryaṃ na kartavyamanyathā vardhate vyathā||16||
aniṣyamāṇamapyetacchūlamutpadyate yathā|
aniṣyamāṇo'pi balātkrodha utpadyate tathā||23||
udbandhanaprapātaiśca viṣāpathyādibhakṣaṇaiḥ|
nighnanti kecidātmānapuṇyācaraṇena ca||36||
kleśonmattīkṛteṣveṣu pravṛtteṣvātmaghātane|
na kevalaṃ dayā nāsti krodha utpadyate katham||38||
parāyattāprasādatvādaprasādiṣu te kṣamā|
kleśātpādaparāyatte kṣamā nāvarṇavādini||63||
pratimāstūpasaddharmanāśakākrośakeṣu ca|
na yujyate mama dveṣo buddhādīnāṃ na hi vyathā||64||
muktyarthinaścāyuktaṃ me lābhasatkārabandhanam|
ye mocayanti māṃ bandhāddveṣasteṣu kathaṃ mama||100||
aśramopārjitastasmādgṛhe nidhirivotthitaḥ|
bodhicaryāsahāyatvāt spṛhaṇīyo ripurmama||107||
kiṃ ca niśchadmabandhūnāmaprameyopakāriṇām|
sattvārādhanamutsṛjya niṣkṛtiḥ kā parā bhavet||119||
tasmānmayā yajjanaduḥkhadena
duḥkhaṃ kṛtaṃ sarvamahākṛpāṇām|
tadadya pāpaṃ pratideśayāmi
yatkheditāstanmunayaḥ kṣamantām||124||
ārādhanāyādya tathāgatānāṃ
sarvātmanā dāsyamupaimi loke|
kurvantu me mūrghni padaṃ janaughā
vighnantu vā tuṣyatu lokanāthaḥ||125||
tathāgatārādhanametadeva
svārthasya saṃsādhanametadeva|
lokasya duḥkhāpahametadeva
tasmānmamāstu vratametadeva||127||
Technical Details
Text Version: Romanized
Input Personnel: DSBC Staff
Input Date: 2005
Proof Reader: Miroj Shakya
Supplier: Nagarjuna Institute of Exact Methods
Sponsor: University of the West