BIBB3103 11/2/2019

TOPIK 4: TEKNIK NUSUN DIKSIONARI

- Langgur
- Tempa data korpus
- Tisih enggau nerurun urup data
- Ngutun data
- Meri reti enggau penerangka reti

1. LANGGUR
- Org ti nusun diksionari meseti nentuka tuju pengawa nusun diksionari nya ngambika terang
org ti deka ngena diksionari nya
- Org ti nusun diksionari meseti milih langkah rapat kereja ti besenutuk enggau tuju diksionari
diasilka
- Udah tembu, org ti nusun diksionari meseti betalat sereta berandauka semantik dlm
diksionari ekajaku jaku
- Udah pekara nya terang, org ti nusun diksionari tau berengkah ngumpul kereban ti diguna
baka raban nusun, modal, computer enggau kereban ti bukai. Nyediaka entri, reti, data
korpus ti bisi ayat chunto enggau ti bukai.

2. TEMPA DATA KORPUS

- Dikena nempa data korpus, semina jaku ti kala dikena org ti bejaku dlm sesebengkah raban
bansa aja ti patut dipasukka dalam pangkalan data.
- Data korpus tau ngembuan sumber tulis tauka jaku. Kereban tulis iya nya ari bup, monograf,
dokumen, keretas kereja, surat, jurnal enggau ti bukai. Tiap bansa wachana digerempung
dalam subkorpus tu kediri.
- Raban nusun diksionari deka macha sumber tulis ke deka dipasukka dalam diksionari. Leka
jaku disimpan dalam kad. Seleka jaku siti kad. Kad-kad tadi ditusun nitihka rurun urup.
- Pengawa tu diatu ibantu ngena kereban computer.

3. TISIH ENGGAU NERURUN URUP DATA

- Tembu ngempuruka data, org ti nusun diksionari meseti ngaga tisih enggau nerurun urup
data. Dlm tikas tu, tiap jaku ti dirikod deka ditusun nitihka urup. Pengawa tu tau digaga
sechara manual tauka ngena computer. Data tu deka disimpan dalam bank ngambika dikena
nyadi kereban sanding dudi hari ila

4. NGUTUN DATA
- Udah tembu nerurun tisih entri, org ti nusun diksionari deka ngalih ngagai tikas ti nangkanka
nya iya nya nyerenih data. Dlm tikas tu, org ti nusun diksionari meri klasifiksyen data ti
ditemu ngagai jaku baru, jaku belebih, jaku ti jarang dikena (neologisme) enggau jaku ti bisi
diubah reti. Jaku belebih deka dibuai ngena langkah rapat semantic enggau pragmatic, meri
dokumentasyen jaku neologisme lalu ngambi leka jaku ti baru enggau leka jaku ti diubah reti
ba tikas meri reti.
- Nangkanka nya, org ti nusun deka muai leka jaku ti belebih (lewah), meri dokumentasyen
neologisme enggau ngambi leka jaku baru. Meri reti tu siti proses ti nerangka reti sesebengkah
leka jaku. Org ti nusun diksionari tau ngena mayuh bengkah kereban sanding ti udah bisi baka
daftar terminologi enggau ti bukai dikena ngiga reti sesebengkah leka jaku.

5. MERI RETI ENGGAU PENERANGKA RETI

- Tikas meri reti enggau definisyen dikumbai tikas ti nentuka pengulih pemanah diksionari ti
diasilka. Beberapa iti informasyen ti meseti bisi dalam definisyen iya nya:
1. Banding entara entri ti diberi takat enggau pejurai reti. Chunto baka entri ti diberi kelas
jaku nama meseti dipejuraika reti iya dalam jaku nama
2. Pejuai reti ti diberi dlm sesebengkah entri ulih diterangka enggau chunto chara ngena ayat
ti betatika reti entri nya tadi.
3. Meri reti disukung informasyen enggau informasyen penerang definisyen
4. Semua bansa reti meseti dipasukka enti sema dikena org ti beguna jaku sekalika kereban
sanding, denotasyen, konotasyen, nahu enggau ti bukai (Arbak: 36)
5. Penyelai rei meseti dibidaka ari penyelai guna. Leka jaku deka bebida reti maya diarika
dua daftar ti bebida (Arbak: 37)
6. Kaul reti mega ulih dipejuraika nengah guna sinonim enggau antonym ti ulih ngembuan
fungsyen nyadi elemen bantu ngagai org ti beguna jaku ti enda ulih meretika reti lek ajkau
nengah pemerian.