Batay sa pangagailangan ng sambayanan, ano ang kahalagahan ng
wikang Filipino bilang wikang pambansa wika ng bayan at wikang ng pananaliksik? Ang paggamit ng Wikang Filipino bilang pambansang wika ay isang mabisang pagkakakilanlan mula sa ibang lahi sa Asya, lalo na ngayon na maaari ng magpalit ng kulay ng balat at ng hitsura. Mapagtatanto na ang Wikang Filipino ang natitirang ugnayan sa diwang Filipino at kakayahan nito tungo sa walang hanggang pagkakakilanlang pang-nasyunal. Ang Wikang Filipino ay hindi lamang simbulo ng isang bansa. Ang Wikang Filipino na itinuturo sa mga unibersidad ay nagpapakita ng kakayahan sa ating buhay bilang isang bansa na nakaugnay sa paggamit sa sariling wika upang mahubog ang kaisipan ng mga kabataan, ganoon din naman ng mga nakatatanda upang magabayan ang sistema ng edukasyon. Sa maikling salita, ang wika ay hindi lamang para sa pakikipagtalastasan, ngunit isa ring kuwento ng pagbabahagi ng kultura at pagkaunawa sa iba. Ang wika ay nagbubuklod, hindinaghihiwalay, sa mga tao. Ang wika ay nagsisilbing mensahe ng ating mga puso para sa bawat isa at sa isa’t isa.